The Latest
وحدت نیوز(کراچی) حجۃ الاسلام والمسلمین علامہ سید احمد اقبال رضوی حفظہ اللہ کی وادی حسینؑ میں علماء ،شہداء ودیگر مومنین کی قبور پر حاضری اور فاتحہ خوانی،وائس چیئرمین مجلس وحدت مسلمین نے مفسر قرآن علامہ طالب جوہری،مولانا سید محمد عون نقوی،علامہ سید علی کرار نقوی،ڈاکٹر ریحان اعظمی،شہید استاد سبط جعفر،شہید سید سلیمان حیدر رضوی، شہید سید حسیب عباس زیدی، شہید سید علی رضا تقوی، شہید آفتاب حیدر جعفری، سید سلمان حیدر نقوی اور دیگر شہداء و مومنین کو قبور پر فاتحہ خوانی کی۔
وحدت نیوز(پشاور) صوبائی صدر مجلس وحدت مسلمین خیبر پختونخواہ علامہ جہانزیب جعفری نے پشاور بم دھمکے کی شدید مذمت کرتے ہوئے متاثرہ خاندانوں سے دلی ہمدردی اور تعزیت کا اظہار کیا ہے اور کہا ہے کہ دہشت گرد عناصر اپنی بزدلانہ کارروائیوں سے قوم کے حوصلے پست نہیں کر سکتے اور اپنے مذموم مقاصد میں ناکامی انکا مقدر ٹھہرے گی۔
انہوں نے کہا کہ دہشت گردوں کے عزائم کو خاک میں ملانے کے لیے ضروری ہے کہ ہمارے قانون نافذ کرنیوالے ادارے سخت کاروائی کریں اور ان ملک دشمن عناصر کے سروں کو سختی سے کچل دینے میں ہی عافیت ہے۔ گزشتہ کچھ عرصے سے خیبرپختونخواہ دہشت گردوں کے نشانے پر ہے لہذا وقت آن پہنچا ہے کہ ایک منظم حکمت عملی اختیار کرتے ہوئے دہشت گردی کے عفریت کو ختم کر دینا چاہیے۔
وحدت نیوز(لاہور)مجلس وحدت مسلمین پاکستان صوبہ پنجاب کے صوبائی صدر علامہ سید علی اکبر کاظمی کی پشاور میں پولیس لائنز کی مسجد میں دھماکے کی شدید مذمت،انہوں کہا کہ پشاور مسجد میں دھماکے کی پرزور مذمت کرتے ہیں۔متاثرہ خاندانوں کے ساتھ افسوس اور ہمدردی کا اظہار کرتے ہوئے ان کا کہنا تھا کہ دشمن ہمارے امن کو خراب کرنا چاہتا ہے ۔ ہمیں متحد ہونا ہو گا اور ملکر دشمن کا مقابلہ کرنا پڑے گا ۔ داعش کا دھماکے کی ذمہ داری قبول کرنے کا مقصدوطن عزیز پاکستان کے خلاف دوبارہ دہشت گردی مسلط کرنے کا بہانہ ہے ۔ داعش جیسے دہشت گروہ سے مرعوب ہونے کی بجائے اس کے سہولت کاروں کے خلاف کاروائی کرنا ہوگی ۔
انہوں نے کہا کہ جتنی بھی دہشت گرد تنظیمیں ہیں ان کے خلاف متحد ہو کر ایک لائحہ عمل اپنانے کی ضرورت ہے ۔ ان دہشت گردوں کو مزید موقع نہیں دینا چاہیے کہ وہ آسانی سے ہمارے ملک میں اس طرح کی مذموم کاروائیاں کرتے رہیں ۔ ہم سب پاکستانی متحد ہیں ۔ ان شاءاللہ ۔ ڈیرہ اسماعیل خان میں ٹارگٹ کلنگ آسان لیا گیا اگر حکومت ان دہشت گردوں کے خلاف کاروائی کرتی تو اس طرح کے واقعات رونما نہ ہوتے ۔ ابھی بھی حکومت وقت وقت ضائع کیے بغیر ان دہشت گردوں اور ان کے سہولت کاروں کے خلاف کاروئی کرے جنہوں یہ مذموم کاروائی کی ہے ۔ اور بے گناہ مسلمانوں کا خون بہایا ہے ۔ وہ اللہ کے گھر میں ۔ امید ہے حکومت سنجیدگی کے ساتھ متاثرہ خاندانوں کی آواز بن کر دہشت گردوں کے خلاف کاروائی کرے گی ۔
وحدت نیوز(لاہور) ایم ڈبلیو ایم شعبہ خواتین کی مرکزی صدر سیدہ معصومہ نقوی ایران سے واپسی پر لاہور پہنچیں جہاں انہوں نے ایم ڈبلیو ایم شعبہ خواتین لاہور کی تحصیل صدور سے ملاقات کی جس میں انہیں ایام بیض کے اعتکاف کے حوالے سے بریفنگ دی گئی۔
محترمہ معصومہ نقوی کو بتایا گیا کہ خواتین کی بھرپور آمادگی کے اظہار پر اس سال لاہور میں تین جگہوں پر اعمال ام داود کا اہتمام کیا جا رہا ہے ان شاء اللہ ان ایام بیض و اعتکاف میں خواتین کی بھرپور شرکت ہوگی۔
وحدت نیوز(لاہور)صوبائی سیکرٹری فلاح وبہبود مجلس وحدت مسلمین پاکستان صوبہ پنجاب جناب برادر شیخ عمران علی کی زیر صدارت صوبہ پنجاب کی فلاح وبہبود کونسل کی میٹنگ منعقد ہوئی ۔ جس میں برادر خاور صاحب ،برادر ضیغم صاحب ،برادر صفدر صاحب ،برادر کاظم نقوی ،برادر شبیر شاہ ،برادر علی رضا کاظمی ودیگران نے شرکت فرمائی ۔ عوامی مشکلات کو مد نظر رکھتے ہوئے میٹنگ میں کئی اہم فیصلے کیے گئے ۔ ماہ رجب المرجب اور شعبان المعظم میں فعالیت پو فوکس کیا گیا تاکہ ماہ رمضان المبارک میں اس فعالیت کے نتائج حاصل کیے جائیں ۔ ان شاءاللہ جلد ہی فلاح وبہبود کونسل کی اگلی میٹنگ بلائی جائے گی جس میں مزید ممبران کا اضافہ کیا جائے گا ۔
وحدت نیوز(پشاور) شبیر حسین ساجدی صوبائی جنرل سیکریٹری مجلس وحدت مسلمین خیبرپختونخواہ نے پشاور خود کش دھماکے پر رد عمل ظاہر کرتے ہوئے کہا کہ اس بزدلانہ حملے کی شدید مذمت کرتے ہیں اور متاثرہ خاندانوں سے دلی افسوس اور ہمدردی کا اظہار کرتے ہوئے کہا کہ ایک عرصے سے عوام چیخ رہی ہے کہ صوبہ خیبر پختونخواہ کو ایک بار پھر سازش کے تحت تختہ مشق بنایا جارہا ہے ۔ ریاستی ادارے ناکام ہوتے جارہے ہیں یا مذموم سازش کا حصہ بنتے جارہے ہیں ۔ خیبر پختون خواہ پولیس کو ناکام بنایا جارہا ہے جس سے عوام کے اندر بے چینی اور عدم تحفظ پیدا ہو رہا ہے۔انہوں نے کہا کہ پشاور مسجد خود کش دھماکہ ظلم کی انتہا ہے ۔ بے گناہ نمازیوں کا خون دہشت گردوں کیلیے نابودی کا باعث بنے گا۔ سیکیورٹی فورسز اور ادارے سنجیدہ ہوتے اور کما حقہ ذمہ داری پوری کرتے تو اج اس صورتحال کا سامنا نہ کرنا پڑتا۔
انہوں نے کہا کہ مقتدرہ حلقے ملک کے اندر بڑھتی ہوئی انتہا پسندی دہشت گردی اور خون خرابے پر قابو پانے کیلیے سنجیدہ اقدامات اٹھائیں۔ عوام کی جان و مال کا تحفظ ریاست کی ذمہ داری ہے ۔ دہشتگرد قاتل پولیس لائینز جیسے حساس مقام پر خودکش دھماکہ کرسکتے ہیں ۔ باقی شاہراہیں سکول کالجز یونیورسٹیز مساجد امام بارگاہیں مسجد مندر اور بازار کیسے محفوظ ہونگے ۔ صوبایی جنرل سیکرٹری نے عوام سے پر زور اپیل کی ہے کہ دہشت گردی کی اس ظالمانہ لہر کا مقابلہ کرنے لیئے متحد ہو جاییں۔ اور سیکورٹی فورسز کے شانہ بشانہ کردار ادا کرتے ہوئے کے پی کے کو دہشت گردی کے چنگل سے ازاد کروائیں۔ ریاست کو چاہیے کہ وہ عوام کے تحفظ کے لیے سنجیدہ اقدامات اٹھائے اور دہشت گردوں کو کیفرِ کردار تک پہنچانے میں کوئی کسر اٹھا نہ رکھی جائے۔
وحدت نیوز(سکردو) رکن جی بی کونسل و پولیٹیکل سیکریٹری مجلس وحدت مسلمین گلگت بلتستان شیخ احمد علی نوری نے پشاور پولیس لائن مسجد میں دھماکے کی شدید مذمت کرتے ہوئے کہا کہ انسانیت سوز اقدام میں ملوث دہشت گرد کسی بھی رعایت کے مستحق نہیں۔دھماکے میں شھید شہداء کی بلندی درجات کیلئے دعا گو ہے اور زخمیوں کی جلد صحت یابی کیلئے دعا گو ہیں۔
انہوں نے کہا کہ ملک میں بڑھتے ہوئے معاشی بحران کے ساتھ دہشتگردی میں بھی خطرناک اضافہ ہو رہا ہے۔ملک میں بد نظمی پھیلانے والے عناصر اپنے ناپاک عزائم میں کامیاب نہیں ہونگے،وفاقی و صوبائی حکومت اور ریاستی ادارے پس پردہ قوتوں کو انصاف کے کٹہرے میں لائیں۔
انہوں نے مزید کہا کہ دہشگردوں کے خلاف قوم متحد و یک رائے ہے۔شہداء کے درجات کی بلندی، اہل خانہ کے لئے صبر اور زخمیوں کی جلد صحت یابی کے لیے دعا گو ہیں۔
وحدت نیوز(اسلام آباد)سربراہ مجلس وحدت مسلمین علامہ راجہ ناصر عباس جعفری نے پشاور پولیس لائنز کی مسجد میں دھماکے کی شدید مذمت کی ہے۔ علامہ راجہ ناصر عباس نے کہا ہے کہ بزدل دشمن نے ایک مرتبہ پھر نہتے نمازیوں پر حملہ کر کے اپنی سفاکیت دکھائی ہے ۔ انتہائی سکیورٹی کے انتظامات والے علاقے میں ایسا دھماکہ سکیورٹی اداروں کی کارکردگی پر بھی سوالیہ نشان ہے۔
سربراہ ایم ڈبلیو ایم علامہ راجہ ناصر عباس نے کہا کہ جنہوں نے عوام کو تحفظ دینا ہے وہ سیاست اور حکومت کے کھیل میں مشغول ہیں۔ شہید ہونے والوں کے خاندانوں سے اظہار تعزیت زخمیوں کی جلد شفا یابی کے لئے دعا گو ہوں۔
وحدت نیوز(ہری پور) ماہِ رجب کو پورے ملک میں مجلس وحدت مسلمین کی تنظیم سازی کے طور پر منایا جا رہا ہے اسی سلسلے میں ہریپور میں بھی تنظیم سازی کا عمل شروع کر دیا گیا ہے پہلے مرحلے میں کچھ دن پہلے ہریپور کی تحصیل غازی میں تنظیم سازی کی گئی اب ضلع ہریپور کے لئے دورہ جات شروع کیے گئے ہیں اسی سلسلے میں عزاداری سیل کے صوبائی چیرمین نیر عباس جعفری اور ضلع آبیٹ آباد کے صدر شجر علی کاظمی نے ہریپور کے گاؤں مانکراے کا دورہ کیا ہے اور پہلی دفعہ شعیہ عوام سے براہ راست گفتگو کی اور لوگوں کو مجلس وحدت مسلمین پاکستان کی اہمیت و افادیت پر روشنی ڈالی اور مانکراے میں یونت سازی کے حوالے سے بات کی ہے جو انشاءاللہ جلد ہی مانکراے میں یونٹ بنایا جائے گا عوام کے مشورہ سے محمد اسحاق حیدری کو ضلعی کوآرڈینٹر بنایا گیا ہے سب نے کہا کہ محمد اسحاق حیدری کے پاس لوگوں کے رابطے نمبر موجود ہیں وہ ضلعی تنظیم کے بنانے میں اپ کا مددگار ثابت ہو گا اسی لیے محمد اسحاق حیدری کو ضلعی کوآرڈینٹر مقرر کیا گیا ہے اسی تنظیم سازی کے حوالے سے 29 جنوری کو انشاءاللہ کوہمل سیداں. کریکی. جبری کا دورہ کیا جائے گا اس دفعہ انشاءاللہ کاغذی کاروائی نہیں ہو گی۔
وحدت نیوز(جھل مگسی) ایم ڈبلیو ایم بلوچستان کے رہنماء سہیل اکبر شیرازی نے کہا ہے کہ قائد وحدت علامہ راجہ ناصر عباس کے حکم پر اسٹڈی سرکل کا سلسلہ باقاعدگی سے جاری رکھیں گے۔ ان خیالات کا اظہار ایم ڈبلیو ایم بلوچستان کے صوبائی نائب صدر نے ضلع جھل مگسی میں مسجد اقصیٰ حسینی محلہ گنداواہ میں منعقد ہونے والے اسٹڈی سرکل سے گفتگو کرتے ہوئے کی۔ انہوں نے کہا کہ ضلع جھل مگسی بلوچستان میں انعقاد ہونے والا اسٹڈی سرکل قائد وحدت حجة الاسلام والمسلمین علامہ راجہ ناصر عباس جعفری کے حکم پر ہوا ہے۔
آئندہ بھی باقائدگی سے اسٹڈی سرکل کی نشستوں کا سلسلہ جاری رہے گا۔ اسٹڈی سرکل کی صدارت ایم ڈبلیو ایم بلوچستان کے صوبائی نائب صدر سہیل اکبر شیرازی نے کی، جبکہ ایم ڈبلیو ایم کے صوبائی سیکرٹری روابط سید گلزار شاہ بخاری، حبیب اللہ دھکڑ، یوتھ کے ڈویژنل صدر سید وفا عباس شاہ نقوی، ضلعی کابینہ کے اراکین مولانا گلزار حسین نعیمی، گہنور خان نجف، تحصیل گنداواہ کے صدر سید زاہد حسین شاہ حسینی، غلام محمد شیرازی اور یونٹ حسینی کے کارکنان نے شرکت کی۔
