وحدت نیوز(اسلام آباد) مجلس وحدت مسلمین پاکستان کے مرکزی سیکرٹری تنظیم علامہ مقصود علی ڈومکی نے شیعہ علماء کونسل کے مرکزی نائب صدر علامہ سید سبطین سبزواری پر قاتلانہ حملے کی شدید الفاظ میں مذمت کرتے ہوئے حملہ آور مجرموں کی فی الفور گرفتاری کا مطالبہ کیا۔ علامہ سید سبطین سبزواری سے ٹیلی فون پر گفتگو کرتے ہوئے علامہ مقصود علی ڈومکی نے کہا کہ ایک ممتاز عالم دین پر قاتلانہ حملہ انتہائی افسوس ناک ہے پنجاب پولیس کو چاہیے کہ واقعہ میں ملوث مجرموں کو بے نقاب کرتے ہوئے انہیں فی الفور گرفتار کرے۔

 انہوں نے کہا کہ یہ پنجاب پولیس کی صلاحیتوں کا امتحان ہے کہ وہ اس قاتلانہ حملے کے مجرموں کو کیفرکردار تک پہنچانے کے لئے اپنی بھرپور صلاحیت بروئے کار لائے۔انہوں نے کہا کہ مجلس وحدت مسلمین پاکستان اس قاتلانہ حملے کی مذمت کرتے ہوئے آپ کی صحت و سلامتی کے لیے دعا گو ہے۔ انہوں نے کہا کہ ماہ محرم الحرام میں ایک مذہبی رہنما پر قاتلانہ حملہ کرکے امن دشمن عناصر حالات خراب کرنا چاہتے ہیں۔اس موقع پر علامہ سید سبطین سبزواری نے اپنے اوپر قاتلانہ حملے کی تفصیلات سے آگاہ کیا۔

وحدت نیوز(رتوڈیرو)مجلس وحدت مسلمین پاکستان کے مرکزی سیکرٹری تنظیم علامہ مقصود علی ڈومکی نے رتودیرو کے قریب سید مصری شاہ کا تبلیغی دورہ کیا۔اس موقع پر سید مصری شاہ اور نصیب اللہ شاہ کی رہائش گاہ پر گفتگو کرتے ہوئے علامہ مقصود علی ڈومکی نے کہا کہ محرم الحرام تبلیغ دین اور احیائے فکر حسینیت کا مہینہ ہے۔ سادات کرام مکتب اھل بیت علیھم السلام کی ترویج و تبلیغ کو اپنی پہلی ترجیح قرار دیں لوگوں کی سادات کرام سے عقیدت ایک بہترین موقع ہے کہ سادات اس محبت اور عقیدت کو امت کی اصلاح کے لئے بروئے کار لائیں۔ نوجوان نسل کی دینی اور نظریاتی تعلیم و تربیت کے ذریعے اصلاح معاشرہ کا ھدف حاصل کیا جا سکتا ہے۔

انہوں نے کہا کہ دین اسلام اور پیغام اھل بیت کی تبلیغ ہمیں اپنے گفتار اور کردار کو پاکیزہ بنا کر کرنی چاہیے تاکہ ہمارے کردار سے کردار آل محمد علیھم السلام کی خوشبو آئے۔

اس موقع پر مقامی مومنین اور سادات نے ماہ محرم الحرام کے پروگرامز اور گذشتہ سال کی ایف آئی آر کے حوالے سے آگاہ کیا۔اس موقع پر انہوں نے ایک وفد کے ہمراہ گوٹھ جکھرانی پہنچ کر فریقین میں صلح کرائی اور دعائے خیر کی۔ اس موقع پر ایم ڈبلیو ایم لاڑکانہ کے ضلعی صدر برادر عبد الرزاق جلبانی سابق رکن شورائے عالی سید آل محمد جعفری ،سید غلام شبیر نقوی و دیگر ان کے ہمراہ تھے۔

وحدت نیوز(اسلام آباد )مجلس وحدت مسلمین پاکستان کےسنٹرل سیکرٹریٹ میں شوری ٰعالی کا دو روزہ اجلاس سربراہ شوری عالی علامہ شیخ حسن صلاح الدین کی زیرصدارت منعقد ہوا،اجلاس میں موجودہ ملکی صورتحال ،تنظیمی امور سمیت محرم الحرام میں عزاداری کے حوالے سے  درپیش مسائل پر تبادلہ خیال کیا گیا۔اور ان امور کے حوالے سے ضروری فیصلہ جات کئے گئے۔

 اجلاس میں چیئرمین مجلس وحدت مسلمین پاکستان علامہ راجہ ناصر عباس جعفری حفظہ اللہ،وائس چیئرمین علامہ سید احمد اقبال رضوی،جنرل سیکرٹری سید ناصر عباس شیرازی،سیکرٹری سیاسیات سید اسد عباس نقوی،صدر علمائے شیعہ پاکستان علامہ سید حسنین گردیزی،علامہ سید باقر زیدی،علامہ اقبال حسین بہشتی،آغاسید محمد رضا، سید امتیاز رضوی، علامہ خالق اسدی علامہ سید شبیر بخاری اور نثار فیضی نے شرکت کی۔

وحدت نیوز(کوئٹہ) بلوچستان کے سیلاب زدہ لوگ یارو مددگار پاک افواج  حکومتی اراکین و فلاحی اداروں سے مدد کی اپیل مجلس وحدت مسلمین بلوچستان کے صوبائی نائب صدرعلامہ سہیل اکبر شیرازی نے میڈیا سے بات چیت کرتے ہوئے کہا ہے اس وقت پورا بلوچستان شدید بارشوں اونچے درجے کے سیلابوں کی زد میں ہے بلوچستان کے اکثر علاقے زیر آب آ چکے ہیں اور مزید بارشوں اور سیلابوں کا شدید خطرہ ہے اس مصیبت کی گھڑی میں حکومتی اراکین بلدیاتی نمائندگان غائب کرونا سے بلوچستان میں ایک سال میں کچھ ہلاکتیں ہوئیں تھیں تو حکومت نے آسمان سر پر اٹھایا ہوا تھا اور حالیہ طوفانی بارشوں اور سیلابوں سے سینکڑوں افراد لقمہ اجل بن چکے ہیں اور کئی ہزار مویشی و مکانات منہدم ہو چکے ہیں

ان کا کہنا تھا کہ غریب عوام کا کروڑوں روپے کا نقصانات ہونے کے باوجود حکومت کی خاموشی سمجھ سے بالا تر ہے حکومت کی جانب ابھی تک امدادی کارروائیاں نا ہونے کے برابر ہیں اورجو تھوڑا بہت امدادی سامان سیلاب زدہ لوگوں کے لیے آیا ہے وہ بھی صیح طریقہ سے تقسیم نہیں ہورہامن پسند افراد کو دیا جارہا ہے بلوچستان کاملک کے اکثر علاقوں سے زمینی وموصلاتی رابطے منقطع ہوچکا ہے روڈ راستے بند ہیں لوگ بے یارو مددگار پڑے ہوئے ہیں افسوس ہے کہ ہمارے حکمران اس ایمرجنسی حالات میں بھی خواب خرگوش سے بیدار نہیں ہورہے اس بار فلاحی تنظیموں کی جانب سے بھی کوئی خاص امدادی کارروائیاں نظر نہیں آرہی ہیں سیلاب وبارشوں کی وجہ سے بہت زیادہ نقصان ہوا ہے روزگار کے مواقع ختم ہوگئے ہیں ۔

انہوں نے مزید کہا کہ  بلوچستان کے اکثر لوگوں کا ذریعہ معاش زراعت سے  وابستہ ہے اس وقت فصلات مکمل ختم ہوگئے ہیں زرعی زمینیں غیر آباد ہوچکی ہیں لوگ بے روزگار  ہوچکے ہیں لوگ نان نفقہ کے لیے پریشان ہیں  عوام امدادی کارروائیوں کی منتظر ہے لوگ بے گھر ہوچکے ہیں لوگ اپنے خاندانوں سمیت  اس شدید گرمی میں آسمان تلے رہنے پر مجبور ہیں اس وقت سیلاب زدہ علاقوں میں غذائی کمی وقلت کا سامنا ہے لوگوں کو صاف پانی پینے کے لیے میسر نہیں بلوچستان کی عوام وزیراعظم پاک افواج ملکی وغیر ملکی فلاحی اداروں مخیر حضرات   وزیر اعلیٰ بلوچستان و   بلوچستان کے منتخب نمائندوں وزیروں  سے گذارش واپیل کرتے ہیں  کہ سیلاب زدہ علاقوں میں فوری طور پر امدادی کارروائیاں شروع کی جائیں اور مصیبت کی گھڑی میں لوگوں کی امداد کی جائی۔