The Latest
وحدت نیوز(لاہور) چیئرمین پی ٹی آئی عمران خان پر قاتلانہ حملے کے خلاف مذمتی قرارداد پنجاب اسمبلی میں جمع۔قراردادمجلس وحدت مسلمین کی رکن پنجاب اسمبلی زہرا نقوی نے جمع کروائی۔
قرار داد کےمتن میں کہا گیا ہے کہ پنجاب اسمبلی کا یہ ایوان چیئرمین پاکستان تحریک انصاف عمران خان پر قاتلانہ حملے کی پُرزور مذمت کرتا ہے۔یہ واقعہ ملکی سالمیت پر حملہ ہے جس کی جتنی مذمت کی جائے کم ہے ۔
قرار دادمیں مطالبہ کیا گیا کہ پوری قوم عمران خان کے ساتھ کھڑی ہے۔واقع میں شہید ہونے والے کارکن کی مغفرت اور زخمیوں کی جلد صحت یابی کے لئے دعا گو ہے۔فائرنگ کرنے والوں کو قانون کی گرفت میں لا کر قرارواقعی سزا دی جائے تاکہ آئندہ ایسے واقعات رونما نہ ہوں۔
وحدت نیوز (گلگت) مجلس وحدت مسلمین شعبہ خواتین کی رہنما محترمہ سائرہ ابراہیم نے عمران خان پر حملے کی شدید الفاظ میں مذمت -جاری بیان میں کہا کہ محب وطن لیڈر پر قاتلانہ حملہ ہماری ملکی بقا اور سلامتی پر حملہ ہے ۔انہوں نے کہا کہ عمران خان ایک محب وطن لیڈر ہے جو اصولوں کی جنگ لڑ رہا ہے۔
انہوں نے کہا کے عوام حقیقی آزادی خود مختاری کے لئے پہلے سے ذیادہ عمران خان کا ساتھ دے گی اور دشمن کی تمام سازشیں ناکام ہوں گی۔انہوں نے کہا کہ امریکی غلامی کسی صورت منظور نہیں عمران خان نے ملک کے بچے بچے کو شعور دیا ہے اور اب اس قافلے کو کسی سازش یا بزدلانہ وار سے نہیں روکا جا سکے گا۔
انہوں نے کہاکہ کے اب پاکستانی عوام اندھیروں سے نکل چکی ہے اور وہ اب سمجھ چکی ہے کس طرح پاکستان کی عوام کو چند چوروں نے غلام بنا رکھا تھا انشااللہ بہت جلد وہ چور اپنے انجام کو پہنچ جائیں گے۔ انہوں نے کہا کہ اس طرح کی گھٹیا حرکتوں سے صاف ظاہر ہوتا ہے کے مخالفین کتنے کمزور ہو چکے ہیں اور اس طرح کی حرکتوں سے حقیقی آزادی کے بیانئے کو نہیں بدلا جا سکتا عمران خان اور دیگر تمام زخمی ساتھیوں کی جلد یا بی کے لئے دعا گو ہیں۔
وحدت نیوز(قم) مملکت خدا داد پاکستان کے آئین میں ،ملک کے شہریوں کو حق حاصل ہے کہ وہ اپنے جائز حقوق کے لیے آواز اٹھائیں اور احتجاج کریں۔
مجلس وحدت مسلمین پاکستان خواتین ونگ ، قم المقدس کی مسئول زہراء نقوی نے اپنے ایک بیان میں سابق وزیراعظم عمران خان کے پر امن لانگ مارچ پر حملے کی پرزور مذمت کی ہے۔
ان کا کہنا تھا کہ ملک کے بیرونی اور اندرونی دشمن ،اس قسم کی حرکتوں سے وطن عزیز پاکستان کو کمزور کرنا چاہتے ہیں۔حملہ کے پس پردہ عناصر کے بارے میں ان کا کہنا تھا کہ " جن قوتوں کو ایٹمی اسلامی ملک اور عوامی لیڈرز سے خطرہ ہے، یہ کام انہی کا ہو سکتا ہے۔یاد رکھیں طاقتوں کے غلط استعمال سے ملک نہیں چلا کرتے ۔
مجلس وحدت مسلمین پاکستان خواتین ونگ ،شعبہ قم کی مسئول کا کہنا تھا کہ اس واقعے کی درست اور صحیح تحقیقات ہونا چاہیئں اور مجرموں کو اور ان کے سرپرستوں کو ان کے منطقی انجام تک پہنچانا چاہیئے۔
وحدت نیوز(اسلام آباد) مجلس وحدت مسلمین شعبہ خواتین کی مرکزی صدر سیدہ معصومہ نقوی نے چئیرمین پی ٹی آئی عمران خان پر قاتلانہ حملے کی پر زور مذمت کرتے ہوئے کہا کہ کیا وجہ ہے کہ ایک پر امن قافلے اور پر امن لانگ مارچ کو نشانہ بنایا گیا اور بد امنی پیدا کرنے کی کوشش کی گئی ؟ وہ تمام عوامل جو عوام دشمن اور آزادانہ انتخابات کےخلاف ہیں اور اوچھے ہتکھنڈے استعمال کر کے ملک میں افراتفری کی کیفیت پیدا کر رہے ہیں مقتدر اداروں کی ذمہ داری ہے کہ ان حملہ آوروں کو عوام کے سامنے بے نقاب کرے۔
ان کا کہنا تھا کہ ہم چیئرمین تحریک انصاف جناب عمران خان اور ان کی ٹیم کی صحتیابی کے لیے دعاگو ہیں اور امید کرتے ہیں کہ اس پر امن تحریک کے نتیجے میں ملک میں آزادانہ انتخابات کی راہ ہموار ہوگی۔
وحدت نیوز(لاہور)مجلس وحدت مسلمین شعبہ خواتین کی رہنما و رکن پنجاب اسمبلی سیدہ زہرا نقوی نے تحریک انصاف کے چئیرمین عمران خان پر قاتلانہ حملے کی شدید الفاظ میں مذمت کرتے ہوئے کہا کہ عمران خان عوام میں مقبول ترین لیڈر ہیں اس بھیانک قاتلانہ سازش کے نتیجے میں ملک عدم استحکام اور بدامنی کی جانب بڑھے گا ،پاکستان کی عوام عمران خان کے بیانیے پر یقین رکھتی ہے اور حقیقی آزادی کی خواہاں ہے۔
انہوں نے کہا کے وطن عزیز کی سلامتی اور خودمختاری کے تحفظ اور حقیقی آزادی کے حصول کے لیے عوام پہلے سے ذیادہ بڑھ چڑھ کر عمران خان کا ساتھ دے گی اور ان کے مخالفین کی تمام تر سازشیں ناکام ہونگی ،ان کا مزید کہنا تھا کہ یہ واضح ہے عمران خان پر قاتلانہ حملے کے اصل ذمہ دار کون ہیں اور عوام بھی تمام حالات و واقعات سے بخوبی آگاہ ہیں پر امن لانگ مارچ اور احتجاج عوام کا آئینی و جمہوری حق ہے اللہ تعالی سے دعاگو ہیں کہ چئیرمین پی ٹی آئی عمران خان کو صحت و سلامتی عطا فرماے۔ آمین
وحدت نیوز(سہیون شریف) المجلس ویلفیئر آرگنائزیشن شعبہ فلاح وبہبود مجلس وحدت مسلمین ضلع ملیرکراچی سیلاب متاثرین کی خدمت میں مسلسل کوشاں ہے، راشن کی تقسیم، مچھرمار اسپرے مہم کے بعد طبی سہولیات کی فراہمی کو بھی یقینی بنایا جارہا ہے، صدر ایم ڈبلیوایم ضلع ملیر سید احسن عباس رضوی کی زیر نگرانی لعل باغ سہیون شریف میں مقیم بےگھر سیلاب متاثرین کی خیمہ بستی میں ایک روزہ فری میڈیکل کیمپ کا انعقاد کیا گیا، جس میں مختلف امراض کے ماہر خواتین ومرد ڈاکٹرز محمد اعظم (جنرل فزیشن، کارڈیولوجسٹ)لیڈی ڈاکٹر شائستہ عامر(جنرل فزیشن ) نے بمعہ سینئر پیرامیڈیکل اسٹاف سیماغفار اور علی اصغر کےہمراہ ہزاروں مریضوں کا مفت معائنہ کیا انہیں بروقت انجیکشن اور ٹرپس بھی لگائی گئیں جبکہ اودیات بھی فراہم کیں ۔
بعد ازاں لعل باغ میں قائم خیمہ بستی میںمقیم سیلاب متاثرین کی ڈینگی اور ملیریا سے بچاؤ کیلئے مچھر مار اسپرے بھی کیا گیا۔ اس موقع پرایم ڈبلیوایم کے صوبائی رہنما شفقت لانگااور ان کے احباب نے خصوصی تعاون کیا، جھانگارہ کی معروف سیاسی وسماجی شخصیت سید اسدحیدر شاہ نےبھی کیمپ کا دورہ کیا اور ایم ڈبلیوایم کی خدمات کو خراج تحسین پیش کیا۔
اس موقع پر سیداحسن عباس نے کہاکہ الحمد اللہ المجلس ویلفیئرآرگنائزیشن ضلع ملیر روز اول سے سیلاب متاثرہ ہم وطنوں کی بحالی کیلئے سرگرم عمل ہے، سینکڑوں خاندانوں میں راشن کی تقسیم، مختلف سیلاب متاثرہ علاقوں میں مچھر مار اسپرے مہم کے بعدسہیون شریف میں ہزاروں مریضوں کی سہولت کیلئے فری میڈیکل کیمپ کا انعقاد بھی اسی کی کڑی ہے ۔
انہوں نے ان تمام امور خیریہ میں تعاون کرنے والے مخیرین کا تہہ دل سے شکریہ بھی ادا کیا جن کے مدد سے یہ تمام کار خیر پایہ تکمیل کوپہنچے ، انہوں نے امید ظاہر کی تمام مخیر خواتین وحضرات اسی طرح اعتماد کااظہار کرتے ہوئے ہمارے سے مستقبل میں بھی اپنا مالی واخلاقی تعاون جاری رکھیں گے ۔ کیمپ میں ایم ڈبلیوایم ضلع ملیر کے رہنما و سیکریٹری فلاح وبہبود ممتاز مہدی،ثمر سعید رضوی، رضاحیدر، کاظم نقوی، محمد علی زیدی ، کاشف حسن، اسدعلی زیدی،سینیئر اسکاؤٹ لیڈر محمد اسماعیل ،ظفر عباس زیدی(میڈیا)، ذوالفقار رضوی، افتخارجعفری ودیگر نے بھی بھرپور خدمات انجام دیں ۔
وحدت نیوز (لاہور) مجلس وحدت مسلمین شعبہ خواتین کی رہنما اور رکن پنجاب اسمبلی محترمہ سیدہ زہرا نقوی نے پچھلے دنوں لانگ مارچ میں کنٹینر کی ذد میں آکر جاں بحق ہونے والی ایک نجی ٹی وی چینل کی خاتون رپورٹر صدف نعیم کے اہل خانہ سے تعزیتی ملاقات کی اس موقع پر ان کے ساتھ ایم پی اے محترمہ ساجدہ ، ایم پی اے محترمہ شاہدہ ، ایم پی اے محترمہ ڈاکٹر شاہینہ اور ایم پی اے نیلم حیات بھی موجود تھیں وفد نے مرحومہ کے بچوں اور والدہ سے ملاقات کی اور مرحومہ کی بلندی درجات کے لیے دعا کی۔
وحدت نیوز(بڈانی)مجلس وحدت مسلمین شعبہ خواتین کی مرکزی صدر سیدہ معصومہ نقوی نے جیکب آباد سے تین گھنٹے کے فاصلے پر بڈانی کے مقام پر سیلاب ذدہ علاقے کا دورہ کیا ۔
جہاں انہوں نے مقامی مومنات سے ملاقات کی خواتین نے سیلاب کی مشکلات سے مرکزی صدر کو آگاہ کیا علاقے میں ملیریا کی بیماری پھیلنے کی وجہ سے افراد اور تعلیمی نظام بہت متاثر ہیں محترمہ معصومہ نقوی نے مومنات کو صبر و استقامت کی تلقین کی اور جشن میلاد سے خطاب کیا۔
وحدت نیوز(کشمور) محترمہ زینب وزیرانی ایم ڈبلیو ایم وومن ونگ ضلع کشمور کی صدر منتخب۔ مجلس وحدت مسلمین شعبہ خواتین کی مرکزی صدر محترمہ معصومہ نقوی نے ضلع کشمور کا دورہ کیا جہاں انہوں نے خواہران سے ملاقات کے بعد باہمی ہم آہنگی سے محترمہ زینب وزیرانی کو ایم ڈبلیو ایم شعبہ خواتین ضلع کشمور کا صدر منتخب کیا ۔
محترمہ زینب وزیرانی ضلع کشمور کی تین تحصیلوں کشمور تحصیل ، کند ھ کوٹ اور تانگ وانی میں فعال خواتین کو بطور تحصیل صدر منتخب کریں گی اور مرکز سے مشاورت کے بعد کابینہ کی تشکیل کی جائے گی۔
وحدت نیوز(سکھر) مجلس وحدت مسلمین شعبہ خواتین کی مرکزی صدر محترمہ سیدہ معصومہ نقوی نے آج ضلع سکھر کا دورہ کیا جہاں انہوں نے ضلعی کابینہ سے ملاقات کی اس موقع پر نئے تنظیمی آئین سے اراکین کو متعارف کروانے کے بعد ضلع سکھر کو پانچ تحصیلوں میں تقسیم کیا گیا جس میں نیو سکھر ، سکھر سٹی ، صالح پٹ ، پنو عاقل اور روہڑی شامل ہیں کابینہ کو دو مہینے کا وقت دیا گیا ہے کہ جس میں پندرہ سے بیس فعال خواتین کا انتخاب کیا جائے اور مرکزی صدر سے ملاقات اور آمادگی کے بعد پانچوں تحصیلوں کی ذمہ داری سونپی جائے گی ضلعی کابینہ نے اس نئے تنظیمی سسٹم کو قابل تحسین قرار دیتے ہوئے جلد از جلد تحصیل کی مسئولین اور ان کی کابینہ کی تکمیل کے سلسلے میں عملی اقدامات کرنے کا عزم کیا۔
