وحدت نیوز(ٹھٹھہ) 27اکتوبر کو کراچی کی سر زمین مادر وطن سے محبت کرنے والوں کے عشق کی گواہی دے گی، سندھ بھر سے قافلے عظمت ولایت کانفرنس میں شرکت کریں گے ہم اپنے بزرگوں کی قربانیوں کے بنتیجے میں حاصل کردہ پاکستان کو دہشت گردوں کے ہاتھوں یرغمال نہیں ہونے دیں گے۔ ان خیالات کا اظہار مجلس وحدت مسلمین پاکستان کے مرکزی ڈپٹی سیکریٹری جنرل علامہ امین شہیدی نے ٹھٹھہ کے دورے اور جشن غدیر کانفرنس کے موقع پر پرہجوم پریس کانفرنس کرتے ہوئے کیا۔ اس موقع پر مجلس وحدت مسلمین صوبہ سندھ کے سیکریٹری جنرل مختار امامی، ضلع ٹھٹھہ کے سیکریٹری جنرل مختیار دایو، ڈپٹی سیکریٹری جنرل سید شاہجہان شاہ، ڈاکٹر عبدالحسین شاہ، خلیل کھتری، عمران علی پٹھان و دیگر موجود تھے۔ پریس کانفرنس کرتے ہوئے مرکزی ڈپٹی سیکریٹری جنرل علامہ امین شہیدی نے کہا کہ کراچی کی سر زمین پر پیرواں ولایت کا عظیم اجتماع عظمت ولایت ایک نئی تاریخ رقم کریگا، یہ اجتماع دہشتگردی، لاقانونیت اور مہنگائی کے خلاف سنگ میل ثابت ہوگا، سندھ بھر سے لاکھوں فرزندان ولایت غدیری و عزم و حوصلے کے ساتھ عظمت ولایت کانفرنس میں شریک ہوں گے۔ انہوں نے کہا کہ حکمران عوامی مسائل کے حل میں بلکل ناکام ہو چکے ہیں، پوری ریاست آہستہ آہستہ دہشتگردوں کے سامنے سرینڈر کرتی چلی جا رہی ہے۔ اسٹیٹ کمزیوری کا مظاہرہ کر رہی ہے اور دہشتگرد ان پر غالب آ رہے ہیں، ہم پاکستان کی پہلی دفاعی لائن ہیں اس وطن کے غیور اور با وفا بیٹے اس ملک کی تباہی اور بربادی پر نظارہ گر نہیں بنیں گے، ہم وطن کی سالمیت کے خلاف اٹھنے والے ہاتھوں کو توڑنا جانتے ہیں۔

 ایم ڈبلیو ایم کے مرکزی ڈپٹی  سیکریٹری جنرل نے پاکستان کی صورتحال کو بیان کرتے ہوئے کہا کہ ہم پاکستان میں عوامی تحریک اور امت کی بیداری کے ذریعے اپنے حقوق کو حاصل کرنے کی جانب بڑھ رہے ہیں۔ پاکستان میں امام خمینی (ر) کے نظام فکر کے تحت ہم بھی سیاسی جدوجہد کے ذریعے ملت کے حقوق کو محفوظ بنا رہے ہیں۔ علامہ امین شہیدی کا کہنا تھا کہ عام و سرکاری شہریوں کی آئے روز خودکش دھماکوں میں شہادتیں اس ملک کو اندرونی طور پر کمزیر کر رہی ہیں، ہمارے حکمران مزاکرات کیلئے سنجیدہ طالبان کی تلاش میں اور وہ انہیں لاشوں پر لاشوں کے تحفے بہیجتے جا رہے ہیں، دہشتگردی کو ڈرون حملوں اور غلط پالیسی کا نتیجہ قرار دینے والے طالبان کے ہمدرد ان سے پوچھیں کہ تم نے کتنے امریکی ڈرون مار گرائے، کتنے نیٹو فوج ہلاک کئے ہیں۔ انہوں نے کہا کہ وفاقی حکومت اورن خیبرپختونخواہ کی صوبائی حکومت و طالبان سے ذاتی ہمدردیوں کو قومی وقار اور ملکی سالمیت پر ترجیحی دیں، ملک بچا تو سیاست بچے گی۔  

وحدت نیوز ( لاہور) مجلس وحدت مسلمین کے زیراہتمام دعائے عرفہ کا مرکزی اجتماع امام بارگاہ گلستان زہرا (س) بھیکے وال وحدت روڈ میں منعقد ہوا۔ جس میں ہزاروں کے تعداد میں فرزندان اسلام شریک ہوئے۔ اجتماع سے خصوصی خطاب کرتے ہوئے ایم ڈبلیو ایم کے مرکزی ڈپٹی سیکرٹری جنرل علامہ امین شہیدی نے کہا کہ روز عرفہ کی خصوصیات میں سے ایک یہ ہے کہ اس کے بعد والے دن عید قربان ہونے کے علاوہ خود یہ ایک بڑی عید ہے، یہ اس وجہ سے کہ خداوند متعال نے عرفہ کی رات اور اس دن میں اپنے بندوں پر ایک خاص توجہ کی ہے اور ان پر رحمت نازل فرمائی ہے، ان لوگوں پرجو دعا اور مناجات میں مشغول ہوتے ہیں، اس رات میں جو مستحبات ذکر ہیں، ان سے معلوم ہوتا ہے ہے کہ یہ رات ایک بڑی رات ہے اور خداوند متعال اس رات میں اپنے بندوں سے دعا و مناجات اور استغفار کو پسند کرتا ہے۔ لہذا ہمیں اس رات اور دن کے اعمال اور مستحبات کے بارے میں توجہ دینے کی ضرورت ہے۔ حتی کہ اس دن کا ایک اہم مستحب روزہ رکھنا ہے، البتہ اگر روزہ رکھنا دعا اور مناجات میں ضعف کا سبب نہ ہو۔

علامہ امین شہیدی نے مزید کہا کہ ہمارے ملک میں ہزاروں شہداء کے سفاک قاتلوں کو انصاف کے کٹہرے میں کھڑا کرنے کی بجائے نااہل حاکم ان سے مذاکرات اور عام معافی کا اعلان کرتے ہیں جو عدل کے تقاضوں کے سراسر منافی ہے۔ حکمران اپنی عیاشیوں کے لئے عوام پر ٹیکسوں اور مہنگائی کا عذاب ڈال دیتے ہیں، کیا اسلامی ریاست کی طرز حکمرانی کا یہی مطلب ہیں؟ ملک کے کونے کونے میں محب وطن شہریوں کا قتل عام خصوصاً کراچی میں آئے دن اہل تشیع افراد کی شہادتیں اور حکمرانوں اور ریاستی اداروں کی مجرمانہ خاموشی ملکی سالمیت کے لئے سنگین خطرے کی نشاندہی ہیں۔ کراچی اس وقت ملت جعفریہ کی قتل گاہ بنا ہوا ہے۔ نام نہاد آپریشن محض تسلی کے لئے ڈرامہ رچایا جا رہا ہے۔ حکمرانوں نے اگر ہوش کے ناخن نہ لیے تو وہ دن دور نہیں کے ان مظلوموں کے ہاتھ ان کے گریبانوں تک پہنچیں گے۔  یاد رکھیں حکومت کفر سے تو قائم رہ سکتی ہیں مگر ظلم سے نہیں۔

وحدت نیوز(لاہور) مجلس وحدت مسلمین نے ملک بھر میں دہشت گردی، فرقہ واریت اور انارکی کے خاتمہ کیلئے یوم حج کے موقع پر ملک بھر میں یوم دعا ئے عرفہ منانے کا اعلان کر دیا۔ لاہور میں دعائے عرفہ کا مرکزی اجتماع امام بارگاہ گلستان زہرا بھیکے وال وحدت روڈ میں ہو گا۔ دعائے عر فہ کے اجتماع سے مرکزی ڈپٹی سیکرٹری جنرل مجلس وحدت مسلمین پاکستان علامہ امین شہیدی خطاب کریں گے مرکزی اجتماع میں ہزاروں فرزندان اسلام شریک ہونگے پنجاب کے تمام اضلاع دعائے عرفہ کا اہتمام کیا گیا ہے۔

یوم عرفہ منانے کا اعلان علامہ عبدالخالق اسدی نے ایک اعلیٰ سطحی اجلاس کے بعد کیا۔ اجلاس میں پورے ملک بالخصوص پنجاب کے حالات اور محرم الحرام کے حوالے سے پیش آمدہ مسائل کا جائزہ لیا گیا علامہ اسدی کا کہنا تھا پاکستان کے تمام مسائل کا ذمہ دار عدل، انصاف کے تقاضے پورے نہ کرنا ہے طالبان کیساتھ مذاکرات کر کے حکومت پاکستان نے محب وطن شہدا کے خون سے غداری کی ہے۔ انہوں نے کہا کہ ملک میں قیام امن کے لئے دہشت گردوں کے خلاف آپریشن کیا جائے، مذاکرات سے مسئلہ حل نہیں ہو گا اس کے لئے آپریشن ہی کی جائے۔

وحدت نیوز (لاہور) امامیہ اسٹوڈنٹس آرگنائزیشن پاکستان کی مرکزی مجلس عمومی  کے اراکین نے برادر اطہر عمران طاہر کو آئندہ ایک سال کے لئے مرکزی صدر منتخب کر لیا ہے ، آئی ایس او پاکستان کے بیالیس ویں سالانہ مرکزی امید مستضعفین جہان کنونشن کے اختتامی روز پاکستان کے طول وعرض سے جامعتہ المنتظر لاہور میں جمع ہو نے والے طلبہ امامیہ نے استصواب رائے سے برادر اطہر عمران طاہر کو اپنا میر کاروان منتخب کیا ۔

مجلس وحدت مسلمین پاکستان کے مرکزی سیکریٹری جنرل علامہ راجہ ناصر عباس جعفری ڈپٹی سیکریٹری جنرل علامہ امین شہیدی اور دیگر قائدین نے  برادر اطہر عمران کو ملت جعفریہ کی واحد نمائندہ طلبہ تنظیم آئی ایس او کا دوبارہ میر کاروان منتخب ہو نے پرمبارک باد پیش کی ہے اور انکی کی نیک توفیقات میں اضافے کے ساتھ ساتھ طلباء کی صحیح سمت میں رہنمائی کی بھی دعا کی ہے ۔

وحدت نیوز (لاہور )شام میں امریکی حملے کی کوشش دراصل اسرائیل کی مدد ہے، شام واحد ملک ہے جو اسرائیل کے خلاف مقاومت میں مدد کر رہا ہے، فلسطینیوں کے حقوق کی بات کر رہا ہے، سعودی حکمرانوں کا طرز عمل اسلام مخالف ہے، امریکہ کو اربوں ڈالر دے کر شام کے خلاف لڑنے پر آمادہ کرکے کون سے اسلام کی خدمت ہو رہی ہے، مصر میں جو ظلم ان سعودی حکمرانوں نے امریکہ سے مل کر کروائے اس کی مثال نہیں ملتی، مگر خدا کا نام لے کر اٹھنے والے ہزاروں جنازے اٹھا کر بھی نہیں ہارے۔

ان خیالات کا اظہار مجلس وحدت مسلمین پاکستان کے نائب سربراہ علامہ امین شہیدی نے مجلس وحدت مسلمین لاہور کے زیراہتمام مقامی ہوٹل میں منعقدہ سیمینار بعنوان ''مصر اور شام میں امریکی جارحیت کے پس پردہ حقائق''  سے خطاب کر تے ہوئے کیا ،انہوں نے کہا کہ پاکستان میں دہشت گردوں سے مزاکرات کی بات کرنا ہزاروں شہدا کے خون سے غداری ہے، ایک ملالہ پر واویلا کرنے والے ہزاروں ملالائوں پر ظلم پر خاموش کیوں ہیں، شاہ زیب قتل کیس میں والدین کے معافی دینے پر میڈیا بڑا واویلا کر رہا ہے مگر وہی میڈیا ہزاروں شاہ زیبوں کے قاتلوں سے ہونے والے مزاکرات پر خاموش کیوں ہے۔

سیمینار کے دیگر مقررین میں  مجلس وحدت مسلمین پاکستان کے مرکزی ڈپٹی سیکرٹری جنرل وسیکرٹری امور خارجہ علامہ شفقت شیرازی، رکن بلوچستان اسمبلی سید محمد رضا رضوی ،  ادارہ منہاج القرآن کے ڈاکٹر علی اکبر الازہری، سینئر صحافی مبشر لقمان، علامہ جاوید اکبر ساقی، سابق مشیر وزیراعلی پنجاب الحاج حیدر علی مرزا بھی شامل تھے۔

وحدت نیوز ( لاہور ) مجلس وحدت مسلمین پاکستان کی سینٹرل پولیٹیکل کونسل کا اہم اجلاس صوبائی پولیٹیکل سیکریٹریٹ لاہور میں منعقد ہوا جس کی صدارت مرکزی ڈپٹی سیکریٹری جنرل علامہ امین شہیدی نے کی ،جبکہ چاروں صوبوں ، آزاد جموں کشمیر اور گلگت بلتستان سے بھی کونسل کے اراکین نے شرکت کی ، اجلاس میں طویل بحث و مشاورت کے بعد ایم ڈبلیو ایم کے آئندہ بلدیاتی انتخابات میں حصہ لینے کا حتمی فیصلہ سامنے آیا ، مرکزی وحدت میڈیا سیل کو جاری اپنے بیان میں سیاسی شعبے کے سربراہ ناصر عباس شیرازی ایڈووکیٹ نے کہا کے بلدیاتی انتخابات کے حوالے سے جنرل پالیسی ترتیب دے دی گئی ہے ، ایم ڈبلیو ایم ہم خیال ، معتدل اور وطن دوست جماعتوں کو اکھٹا کر کے بلدیاتی انتخابات میں بھر پور حصہ لے گی تاکہ پورے پاکستان میں بہترین نتائج سامنے آسکیں ، قومی سطح پر انتخابات میں حصہ لینے کے لئے الائنس یا گروپس کی تشکیل کا فیصلہ سینٹرل پولیٹیکل کونسل کے آئندہ اجلاس میں کیا جائے گا ۔

ان کا کہنا تھا کہ مجلس وحدت مسلمین غیر جماعتی بلدیاتی انتخابات کے حکومتی فیصلے کو یکسر مسترد کر تے ہی ، اور اس فیصلے کے خلاف عدالتی دروازے پر جانے کا آئینی اور جمہوری حق بھی محفوظ رکھتی ہے ،انہوں نے وفاقی حکومت کی جانب سے گذشتہ دنوں بلائی گئی کل جماعتی کانفرنس پر شدید تحفظات کا اظہار کر تے ہو ئے کہا کہ اے پی سی ایک قومی سطح کی سازش تھی جس میں مسلم لیگ ن کے ساتھ دیگر جماعتیں بھی شامل ہو ئیں ، طالبان سے مذاکرات اس بات کی دلیل ہیں کہ اے پی سی میں شریک تمام جماعتیں طالبان کو پاکستان کی سیاسی و عسکری قوت تسلیم کر تی ہیں ، طالبان سے مذاکرات چالیس ہزار بیگناہ شہید پاکستانیوں کے خون ناحق سے غداری کے مترادف ہیں ، حکومت اور اے پی سی میں شامل دیگر جماعتوں کو جلد طالبان سے مذاکرات کے سنگین نتائج بھگتا پڑیں گے ، اور اس کے اثرات تمام پاکستانی عوا م پر بھی آئیں گے ۔

اس اجلاس میں مرکزی ڈپٹی سیکریٹری جنرل علامہ محمد امین شہیدی کے علاوہ علامہ شفقت شیرازی ، ناصر شیرازی ایڈووکیٹ ، رکن بلوچستان اسمبلی سید محمد رضا،علامہ ابوزر مہدوی ، علامہ اقبال بہشتی ،علامہ مختار امامی ، علامہ عبد الخالق اسدی علامہ شیخ نیئر عباس مصطفوی ، علامہ تصور جوادی ، مولانا ارشاد حسین ، رائے علی رضا بھٹی ، سجاد حسین میکن ، اخلاق بہشتی ، ظفر چشتی ، اخلاق بخاری ، عبداللہ مطہری ، طارق بدوی ، فدا حسین ایڈووکیٹ ، اسد عباس نقوی اور باقر حسین ایڈووکیٹ شریک تھے ۔