وحدت نیوز(اسلام آباد) کشمیری عوام پر توڑے جانے والے بھارتی مظالم انسانی تاریخ کا سیاہ باب ہیں ،برصغیر پاک و ہندکی تقسیم سے آج تک کشمیری عوام کو ان کے جائز حقوق سے محروم رکھا گیا ہے ، پینسٹھ سالہ تاریخِ کشمیر انسانی حقوق کی پامالی سے بھری پڑی ہے، مظلوم کشمیری عوام کی حمایت پاکستانی عوام و حکمرانوں کی آئینی ، اخلاقی اور شرعی ذمہ داری ہے ، حکومتِ پاکستان مسئلہ کشمیر پر اپنے اصولی موقف پر دوگردانی سے باز رہے، کشمیری بھائیوں، بہنوں ، بزرگوں اور جوانوں پر ہونے والے بھارتی مظالم کے خلاف بھر پور آواز بلند کر نا اسی طرح واجب ہے جیسے مظلوم فلسطینی بھائیوں پر اسرائیلی مظالم کے خلاف ،افسوس کے ساتھ کہنا پڑتا ہے کہ انسانی حقوق کے علمبرداروں نے بھی کشمیری عوام کے جائزحقوق کی فراہمی میں کوئی خاطر خواہ کردار ادا نہیں کیا، مجلس وحدت مسلمین پاکستان مظلوم کشمیری عوام کی حمایت جاری رکھے گی، شہدائے کشمیر سے تجدیدعہد کے لئے ملک بھر میں خصوصی دعائیہ تقاریب، فاتحہ خوانی و قرآن خوانی کے اجتماعات منعقد کیئے جائیں گے، ان خیالات کا اظہار مجلس وحدت مسلمین پاکستان کے سربراہ علامہ راجہ ناصر عباس جعفری نے یوم یکجہتی کشمیر کے موقع پر مرکزی سیکریٹریٹ سے جاری اپنے بیان میں کیا ۔
ان کا کہنا تھا کہ کشمیری مظلوم عوام کے ساتھ یکجہتی کا ظہارکر نا تمام ملت پاکستان کا اخلاقی فریضہ ہے، کشمیر پاکستان کی شہ رگ حیات ہے، پاکستانی غیور عوام اپنی شہ رگ پر بھارتی حملے برداشت نہیں کر سکتی ،اقوام متحدہ کی قرار دادوں کی روشنی میں اگر کشمیری عوام کو ان کے جائز حقوق دے دیئے جاتے تو انسانی حقوق کی پامالی کے دل خراش واقعات رونما نہ ہو تے ،کشمیری خواتین کے ساتھ بھارتی افواج نے وہ درندگی کی دردناک مثالیں قائم کی ہیں جنہیں سن کر دل دہل جا تا ہے، بچوں کو بے دردی سے قتل کیا جا تا رہا ، جوانوں کو اغوا کر کے تشدد کا نشانہ بنانا اور انہیں ازیتیں دے کر شہید کر دینا تو بھارتی افواج کے نذدیک کوئی معنی نہیں رکھتا، کشمیر میں بھارتی افواج کے مظالم اور فلسطین میں اسرائیلی افواج کے مظالم میں یکسانیت پائی جاتی ہے۔
انہوں نے کشمیر کاز پر پاکستانی حکومت کی عدم دلچسپی پر تشویش کا اظہار کر تے ہو ئے کہا کہ حکومتِ پاکستان مسئلہ کشمیر پر اپنے اصولی موقف پر دوگردانی سے باز رہے ، کشمیر کاز پر سابقہ حکومتیں نے واضح اور دوٹوک موقف اپنائے رکھالیکن نواز لیگ نے کشمیر کاز پر خارجہ پالیسی میں تبدیلی کی ، نواز حکومت نے بھارتی حکام سے مسلسل ملاقاتوں میں مسئلہ کشمیر پر کوئی ٹھوس موقف اختیار نہیں کیا، اس حکومتی بے حسی پر پاکستان کے غیور عوام کے دل مجروح ہو ئے ۔
وحدت نیوز(قاضی احمد) دہشت گردی ، لاقانونیت ، ٹارگٹ کلنگ ، شیعہ نسل کشی اور طالبان سے مذاکرات کے خلاف مجلس وحدت مسلمین پاکستان کے زیر اہتمام عظیم الشان عوامی اجتماع۱۶ مارچ بروز اتوار کو خیر پور میں منعقد ہو گا، اس بات کا فیصلہ مجلس وحدت مسلمین پاکستان صوبہ سندھ کی صوبائی شوریٰ کے دوسرےدو روزہ اجلاس میں کیا گیا ، ایم ڈبلیو ایم کی صوبائی شوریٰ کا اجلاس بعنوان روح انقلاب اسلامی ضلع نواب شاہ کی تحصیل قاضی احمد کی مرکزی امام بارگاہ شاہ نجف میں منعقد ہوا، اجلاس کی صدارت صوبائی سیکریٹری جنرل علامہ مختار امامی نے کی جبکہ ایم ڈبلیو ایم کے مرکزی سیکریٹری اطلاعات سید مہدی شاہ محمان خصوصی تھے ، اجلاس کے پہلے سیشن میں علامہ حیدرعلی جوادی نے خطا ب کیااور دوسرے سیشن میں مولانا نقی ہاشمی نےروح انقلاب اسلامی کے عنوان پر خطاب کیا،اجلاس میں سندھ کے ۳۲اضلاع کے نمائندگان نے شرکت کی ، اجلاس کے اختتامی سیشن میں تمام اضلاع اور صوبائی کابینہ نے اپنی اپنی تنظیمی کارکردگی رپورٹ پیش کی ، اراکین صوبائی شوریٰ نے متفقہ طور پر فیصلہ کیا کہ اگلااجلاس ماہ اگست ۲۰۱۴میں ایم ڈبلیو ایم ضلع سکھر کی میزبانی میں منعقد کیا جائے گا۔
وحدت نیوز(اسلام آباد) پاکستان کی عوام شروع دن سے ہی حکمرانوں کی گڈ گورننس نہ ہونے کی وجہ سے بنیادی ضروریات زندگی سے محروم ہیں اور ان ضروریات کو پورا کرنے کے لیے تمام طبقات، گروہوں، اداروں کو ملکر اپنا کردار ادا کرنا ہوگا۔ پوری دنیا کی توجہ اس وقت پاکستان کے محروم و مظلوم عوام کی طرف ہے اور اس مستضعف ملت کو مسائل سے نکالنے کے لیے ہماری مدد و نصرت کرنا چاہتی ہے، ہمیں ان کا اعتماد کاموں میں عمدگی، شفافیت، پختگی اور بھرپور ہم آہنگی و وحدت کے ساتھ حاصل کرنا ہوگا۔ ملت کا درد رکھنے والے تمام فلاحی اداروں کو ملکر قوم کی حالت بہتر بنانے کے لیے منصوبہ بندی کرنا ہوگی۔ ان خیالات کا اظہار مجلس وحدت مسلمین پاکستان کے شعبہ ویلفیئر خیرالعمل فاﺅنڈیشن پاکستان کے مسئول نثار علی فیضی نے فلاح و بہبود کے ضلعی، ڈویژنل و صوبائی مسئولین کی دو روزہ تربیتی ورکشاپ کے اختتام پر منعقدہ سیمینار بعنوان ملت کی تعمیر اور فلاحی اداروں کا کردار سے خطاب کرتے ہوئے کیا۔
سیمینار سے جابر بن حیان ٹرسٹ کے کرنل (ر) علی نقی نقوی، حسینی فاﺅنڈیشن پاکستان کے بریگیڈئر (ر) زمرد حسین، انجمن وظیفہ سادات کے علامہ ذوالفقار جعفری، جعفریہ ویلفئیر فنڈ کے مولانا فرحت عباس کاظم اور مارفعی فاﺅنڈیشن کے نمائندہ نے بھی خطاب کیا۔ مقررین نے اپنے اداروں کا تعارف کروایا اور خیرالعمل فاﺅنڈیشن پاکستان کے اس اقدام کو خوب سراہا اور مستقبل میں رفاہی کاموں کے سلسلے میں بہتر ہم آہنگی و معاونت کا اعادہ کیا۔ خیر العمل فاﺅنڈیشن پاکستان کے جانب سے اہتمام کردہ اس دو روزہ تربیتی ورکشاپ میں گلگت بلتستان، خیبر پختونخوا، ریاست کشمیر اور پنجاب بھر سے فلاح بہبود کے مسئولین نے شرکت کی۔ پروگرام میں انسانیت کی خدمت اسلام کی نظر میں، اسلامی شخصیات و خدمت خلق، خیرالعمل فاﺅنڈیشن کا تعارف، کیس سٹڈی، بین الاقوامی فلاحی ادارے، لیڈر شپ، موٹیویشن، کمیونیکیشن اینڈ رپورٹ رائٹنگ، اکاونٹنگ اینڈ آڈیٹنگ اور میڈیا کے موضوع پرسربراہ مجلس وحدت مسلمین پاکستان علامہ ناصر عباس جعفری، علامہ حسین عباس گردیزی، علامہ شیخ شفاء نجفی، علامہ سید مظاہر موسوی، علامہ احمد نوری، وقار حیدر خان، زین حسن، ارسلان زیدی، فرخ زیدی اور دیگر نے خطاب کیا۔
وحدت نیوز(کوئٹہ) گذشتہ روز تحریک منہاج القرآن کے رہنما سید فرحت حسین شاہ، مجلس وحدت مسلمین پاکستان کے مرکزی سیکرٹری سیاسیات ناصر عباس شیرازی، علامہ احمد اقبال رضوی، رکن بلوچستان اسمبلی سید محمد رضا سمیت دیگر رہنماؤں نےکوئٹہ میں بہشت زینب گنج شُہداء پر حاضری دی۔ پیام شُہداء و اتحاد ملت کانفرنس میں شرکت کیلئے آئے ہوئےتحریک منہاج القرآن پاکستان کے سنی علماء کرام کے وفد نے گذشتہ روز ہزارہ قبرستان میں شُہداء کی درجات کی بلندی کیلئے دعا اور فاتحہ خوانی کی، ایم ڈبلیو ایم کے رکن بلوچستان اسمبلی آغا رضا رضوی نے اہل سنت علمائے کرام کو شہداء کے حالات زندگی سے بھی آگاہ کیا۔
وحدت نیوز(گلگت) مجلس وحدت مسلمین پاکستان گلگت ڈویژن کے سیکرٹری جنرل علامہ شیخ محمد بلال سمائری نے کہا ہے کہ ڈاکٹر نجمہ نجم کی قراقرم یونیورسٹی کے وائس چانسلر کی حیثیت میں دوبارہ تعیناتی سے علاقے میں بدامنی پھیلنے کا خدشہ ہے۔ قراقرم یونیورسٹی کے وائس چانسلر کی تعیناتی خالص میرٹ کی بنیاد پر ہونی چاہیئے، سفارش اور میرٹ کی پائمالی سے اداروں میں بڑے پیمانے پر کرپشن ہو رہی ہے جس کی وجہ سے آج پورے ملک میں آگ لگی ہوئی ہے۔ انہوں نے مزید کہا کہ سابقہ وائس چانسلر کے دور میں یونیورسٹی میں مختلف ملازمتوں کے سلسلے میں میرٹ کی دھجیاں اڑائیں گئیں ہیں اور اپنے من پسند امیدواروں کو اہم عہدوں پر تعینات کیا گیا ہے جس کی بابت حکام بالا کو آگاہ کیا جا چکا ہے، نیز یونیورسٹی کے پرامن ماحول کو خراب کرنے میں سابقہ وائس چانسلر کا براہ راست ہاتھ ہے، جس کے نتیجے میں گلگت شہر کئی دفعہ میدان جنگ بنا رہا اور کئی قیمتی انسانی جانیں ضائع ہو گئیں۔ ان کی دوبارہ تعیناتی وفاقی حکومت کی گلگت بلتستان کے عوام کے ساتھ سراسر ناانصافی تصور کی جائے گی۔ صوبائی حکومت اس معاملے میں اپنا بھرپور کردار ادا کرے بصورت دیگر وفاق کی امن دشمن پالیسیوں میں صوبائی حکومت بھی برابر کی شریک تصور کی جائے گی۔
وحدت نیوز(ایبٹ آباد) مجلس وحدت مسلمین پاکستان ضلع ایبٹ آباد کے زیر اہتمام ایم ڈبلیوایم تحصیل حویلیاں یونٹ میں تنظیم سازی کامرحلہ مکمل کر لیا گیا۔تنظیمی اجلاس میں اراکین کیاکثریت نے یم ڈبلیو ایم تحصیل حویلیاں کے لئے رائے شماری کے زریعے نیاسیکرٹری جنر ل سید سبطین حسین شاہ کو منتخب کر لیا۔ اس موقع پر ایم ڈبلیو ایم خیبر پختونخواہ کے سیکرٹری جنرل تنظیم سازی مولانا آغا سید وحید عباس کاظمی ، سیکرٹری جنرل تحفظ عزاداری ایبٹ آباد سید شجر علی کاظمی ، سیکرٹری جنرل فلاح و بہود ضلع ہزارہ سید اظہر حسین شاہ اور سینئر رہنما ڈسٹرکٹ ایبٹ آباد سید محمد نواز شاہ صاحبان موجود تھے۔ جبکہ ان سے حلف سیکرٹری جنرل ضلع ایبٹ آباد سید مدثر علی کاظمی نے لیا۔
