The Latest
وحدت نیوز(کراچی) وحدت یوتھ کراچی ڈویژن کے زیر انتظام تین روزہ آل کراچی یوتھ ڈیفنس ڈے کرکٹ ٹورنامنٹ کا باقائدہ آغا ز نشتر پارک کراچی میں ہو گیا ہے، اس ٹورنامنٹ میں کراچی بھر سے سولہ ٹیمیں حصہ لے رہی ہیں ، اس ڈے نائٹ ٹورنامنٹ کی فاتح ٹیم کو مبلغ پچاس ہزار روپے انعام دیا جائےگا، اختتامی تقریب میں مہمان خصوصی مرکزی سیکریٹری جنرل مجلس وحدت مسلمین پاکستان علامہ راجہ ناصرعباس جعفری ہوں گے، واضح رہے کہ اس ٹورنامنٹ میں شریک ٹیموں کو کلر کٹس بھی فراہم کی گئی ہیں ، کراچی کے جوانوں نے ایم ڈبلیوایم یوتھ کی اس کاوش کو خواب سراہا ہے اور آئندہ بھی اس طرح کے ایونٹس کے انعقاد پر زور دیا ہے ۔
وحدت نیوز(لاہور) پنجاب حکومت کی جانب سے معروف زاکراہل بیت ؑعلامہ گلفام حسین ہاشمی پردو سال سے عائد ضلع ، صوبہ اور زبان بندی کی پابندی ہٹادی گئی ہے، جس کا باقائدہ نوٹیفکیشن مجلس وحدت مسلمین کے مرکزی صوبائی قائدین سے مزاکرات کے بعد صوبائی وزارت داخلہ پنجاب کی جانب سے جاری کردیا گیا، واضح رہے کہ علمائے کرام ، ذاکرین عظام پر پنجاب حکومت کی جانب سے عائد بلاجواز پابندیوں ، عزاداری کے جلوسوں اور بانیان مجالس پر عائد جھوٹے مقدمات کے خلاف مجلس وحدت مسلمین کے سربراہ علامہ راجہ ناصرعباس جعفری نے پونے تین ماہ بھوک کی تھی جس کے دوران انہوں نے دس نکاتی چارٹر آف ڈیمانڈ وفاقی وپنجاب اور خیبر پختونخواکی صوبائی حکومت کے سامنے پیش کیا تھا، جس پر عملدرآمد کا وعدہ حکمرانوں کی جانب سے کیا تھا علامہ گلفام ہاشمی پر دو سال سے عائد پابندی کا خاتمہ بھی بھوک ہڑتا ل کے ثمرات میں سے ایک ہے ،جبکہ خیبر پختونخواحکومت پہلے ہی ایم ڈبلیوایم کے مطالبات کے حل کے لئے صوبائی سطح پر کمیٹیاں تشکیل دے چکی ہے جن پر بتدریج عملدرآمد شروع ہو چکا ہے ۔
وحدت نیوز(قم) مجلس وحدت مسلمین پاکستان شعبہ قم کے زیر اہتمام شہید منیٰ ڈاکٹر غلام محمد فخرالدین کی پہلی برسی کا پروگرام گزشتہ شب مدرسہ حجتیہ قم کی مسجد میں منعقد ہوا۔پروگرام کا آغاز تلاوت قرآن مجید سے کیا گیا اوربعدازاں عالمی اسلامی تحریکوں کے نمائندوں نے بھی خطاب کیا۔شہید کے چاہنے والوں نے بڑی تعداد میں پروگرام میں شرکت کی۔پروگرام سے حزب اللہ لبنان کے نمائندے حجۃ الاسلام شیخ احمد نجدی،حجۃالاسلام عقیل عباس معروفی،بحرین سے آقای شیخ عیسیٰ قاسم کے نمائندے شیخ عبداللہ دقاق اور ایم ڈبلیو ایم کے امور خارجہ کے مسئول حجۃ الاسلام ڈاکٹر شفقت شیرازی نے خطاب کیا۔مقررین نے اپنے خطاب کے دوران سانحہ منیٰ کے پس پردہ محرکات ،آل سعود کے مجرمانہ کردار اور شہید منیٰ حجۃ الاسلام ڈاکٹر غلام محمد فخرالدین کے حلات زندگی پر روشنی ڈالی۔
وحدت نیوز(اسلام آباد) مجلس وحدت مسلمین پاکستان کے مرکزی سیکرٹری جنرل علامہ راجہ ناصرعباس جعفری نے مہمند ایجنسی کی مسجد گل میں نماز جمعہ کے دوران خودکش دھماکے کی شدید مذمت کی ہے۔انہوں نے کہا کہ بیسسے زائد قیمتی انسانی جانوں کا ضیاع ایک ناقابل تلافی نقصان ہے۔ دہشت گردی کے بڑھتے ہوئے واقعات حکمرانوں کے لیے چیلنج بنتے جا رہے ہیں۔ دہشت گرد عناصر کو پوری طاقت سے کچلنے کے لیے ملک کے تمام مقتدر اداروں کو مربوط اور واضح حکمت عملی طے کرنا ہو گی. وطن عزیز کی سلامتی و استحکام ہمیں ہر شے پر مقدم ہے. جسے یقینی بنانے کے لیے کسی مصلحت یا بیرونی دباؤکو خاطر میں نہ لایا جائے. دہشت گردی کے خلاف جاری جنگ میں موثر نتائج حاصل کرنے کے لیے ضروری ہے کہ نیشنل ایکشن پلان کے تمام نکات پر بلاتاخیر عمل کیا جائے۔انہوں نے کہا شکار پور میں ایک بڑی کاروائی کرنے کی کوشش کر نے والے خود کش بمبار کی گرفتاری عوام کی جانب سے ایک جرات مندانہ اقدام ہے۔اس شخص کی نشاندہی پر مدارس اور ان تنظیموں کے خلاف فوری کاروائی کی جائے تاکہ ملک دشمن طاقتوں کو انصاف کے کٹہرے میں لایا جا سکے۔انہوں نے کہا ضرب عضب کی کامیابی نیشنل ایکشن پلان پر عمل سے مشروط ہے۔اس قانون کو سپیکر اور مجالس تک محد ود کرنے کی بجائے دہشت کے خلاف استعمال کیا جائے۔علامہ ناصر عباس نے مہمند ایجنسی سانحہ میں شہید ہونے والےنمازیوں کی بلندی درجات اور پسماندگان کے لیے صبر جمیل کی دعا کی ہے۔
وحدت نیوز(میانوالی) مجلس وحدت مسلمین کی جانب سے میانوالی میں 233 یتیم بچوں میں رقوم تقسیم کی گئیں، اس موقع پر ایم ڈبلیو ایم جنوبی پنجاب کے رہنما سید عدیل عباس زیدی، ضلع میانوالی کے سیکرٹری جنرل الطاف حسین خان اور ضلعی کابینہ کے دیگر اراکین بھی موجود تھے، ایم ڈبلیو ایم کے وفد نے ضلع میانوالی کے مختلف علاقوں کا دورہ کیا اور 233 یتیم بچے، بچیوں میں رقوم تقسیم کیں، مجلس وحدت مسلمین جنوبی پنجاب کے رہنما سید عدیل عباس زیدی نے اس موقع پر کہا کہ مجلس وحدت مسلمین اس وقت پاکستان میں مظلومین اور پسے ہوئے طبقہ کی واحد امید ہے، مستحق اور یتیم تک اس کا حق پہنچانا اور اس کی دادرسی کسی بڑی عبادت سے کم نہیں، مستحق لوگوں کی فلاح و بہبود ایم ڈبلیو ایم کا مشن اور فریضہ ہے، یہ کسی پر احسان نہیں۔
وحدت نیوز(کوئٹہ) مجلس وحدت مسلمین بلوچستان کے صوبائی ڈپٹی آرگنائزرمولاناسہیل اکبر شیرازی نے خان پور تحصیل شکارپورسندھ میں عید کے دن خودکش دھماکہ کی پرزور مذمت کرتے ہوئے کہا کہ ملک میں ہرطرف دہشتگردی کا راج ہے لگتا ہے اس ملک میں کوئی حکمراں نہیں ہے آئے دن ملت تشیع کو نشانہ بنایا جارہا ہے شیعہ قوم دھماکوں سے ڈرنے والی نہیں ہے شہادت ہمارا ورثہ ہےہم حکومت سے مطالبہ کرتے ہیں کہ ملک بھرمیں دہشتگرد جماعتوں کے خلاف بھرپور کاروائی کی جائے او ردہشتگردی ختم کرنے کیلئے موثر اقدامات کریں اورانکے سہولت کاروں کو گرفتار کیا جائے اس واقعہ میں شہیدو زخمی بہادر جرائت مند پولیس اہلکاروں اورنمازیوں کو سلام پیش کرتے ہیں جنکی بروقت کاروائی نے بڑے سانحہ سے بچالیا حکومت انکے علاج معالجہ کا مناسب بندوبست کرے۔
وحدت نیوز (ہری پور) مجلس وحدت مسلمین صوبہ خیبر پختونخوا کے آرگنائزر علامہ اقبال بہشتی نے ہزارہ ڈویژن کے ضلع ہری پور کا دورہ کیا، اس موقع پر انہوں نے عمائدین، تنظیمی مسئولین اور علمائے کرام سے ملاقاتیں کیں اور ضلع ہری پور میں تنظیمی فعالیت کے حوالے سے تبادلہ خیال ہوا۔ انہوں نے ہری پور کے علاقہ مانکرہ میں عمائدین سے ملاقات کی اور تنظیم سازی کے حوالے سے گفتگو کی۔ علاوہ ازیں انہوں نے علامہ وحید عباس کاظمی ، نیئرحسین جعفری اور دیگر تنظیمی رہنمائوں سے بھی ملاقات کی، اور وزیراعلیٰ خیبر پختونخوا سے ہونے والے مذاکرات کے حوالے سے آگاہ کیا۔
وحدت نیوز(گلگت) مجلس وحدت مسلمین پاکستان کے رکن قانون ساز اسمبلی گلگت بلتستان حاجی رضوان علی نے کہا ہے کہ ممتاز عالم دین آغا سید علی رضوی کو مجلس وحدت مسلمین گلگت بلتستان کے نئے سیکرٹری جنرل بنے پر مبارکباد پیش کرتے ہیں اور امید رکھتے ہیں وہ عوامی مسائل اور علاقائی مسائل کے حل کیلئے اپنے صلاحیتوں کو بروکار لائیں گے۔ ان خیالات کا اظہار انہوں نے میڈیا سے گفتگو کرتے ہوئے کیا۔ انہوں نے کہا کہ نومنتخب سیکرٹری جنرل آغا علی رضوی قیام امن اور اتحاد بین المسلمین کیلئے کام کرنے سمیت آئینی حقوق کے حصول اور عوامی مسائل کے حل کیلئے اپنے صلاحیتوں کو بروکار لائینگے۔ انہوں نے کہا کہ نومنتخب سیکرٹری جنرل کے ساتھ مل کر علاقائی اور عوامی مسائل کے حل کیلئے جدوجہد کرینگے۔
وحدت نیوز(سکردو) آل پارٹیز ایکشن کمیٹی کے اراکین خطے کے مسائل کے حل اور حقوق کے تحفظ کیلئے مشترکہ لائحہ عمل بنانے پر متفق ہوگئے۔ ایکشن کمیٹی کا ہنگامی اجلاس امامیہ ہال اسکردو میں منعقد ہوا، جس میں ایم ڈبلیو ایم کے صوبائی سیکرٹری جنرل سید علی رضوی، انجمن امامیہ کے صدر شیخ محمد علی مظفری، نائب صدر سید باقر الحسینی اہلسنت والجماعت کے نامور عالم دین حافظ بلال زبیری، انجمن صوفیہ نور بخشیہ کے عالم دین محمد صادق صدیقی، انجمن نور بخشیہ امامیہ کے عالم دین مولانا اسحاق ثاقب، اسلامی تحریک کے رہنماء غلام شہزاد آغا، پیپلز پارٹی کے رہنماء محمد بشیر، تحریک انصاف کے رہنماء محمد علی دلشاد، بلتستان یوتھ الائنس کے صدر ساجد شاکری اور دیگر سیاسی، مذہبی جماعتوں کے رہنماوں نے شرکت کی۔ اجلاس میں گلگت بلتستان کی آئینی حیثیت، سی پیک، گلگت اسکردو روڈ، ٹیکسیز، اسکردو کرگل روڈ سمیت دیگر مسائل زیر بحث لائے گئے اور ان مسائل کے حل کے لئے مشترکہ طور پر لائحہ عمل بنانے کا فیصلہ کیا گیا۔ کمیٹی نے متفقہ طور پر غلام شہزاد آغا کو کوارڈینیٹر مقرر کر دیا۔ اجلاس میں آئینی حیثیت کے تعین، گلگت اسکردو روڈ کی تعمیر میں غیر معمولی تاخیر اور سی پیک میں گلگت بلتستان کو حصہ نہ دینے پر شدید احتجاج کیا گیا۔
ایم ڈبلیو ایم جی بی کے سیکرٹری جنرل و آل پارٹیز ایکشن کمیٹی بلتستان کے سربراہ سید علی رضوی نے کہا کہ حکومت ہمیں دیوار سے لگا رہی ہے اور حکومت ہمارے مسائل کے حل میں لیت و لعل سے کام لے رہی ہے۔ وہ آئینی حقوق کی فراہمی اور اسکردو روڈ کی تعمیر میں ہرگز سنجیدہ نہیں ہے۔ سی پیک میں گلگت بلتستان کیلئے کوئی منصوبہ نہیں ہے لیکن حکومت کے اہلکار دعویٰ کر رہے ہیں کہ سی پیک میں گلگت بلتستان کو اربوں روپے ملیں گے۔ انہوں نے کہا کہ تجارتی اور سیاحتی مقاصد کے لئے جب دیگر سرحدیں کھولی جاسکتی ہیں تو کرگل اسکردو روڈ کیوں نہیں کھولا جا رہا ہے۔ انہوں نے کہا کہ جب تک آئینی حقوق نہیں دیئے جائیں گے تب تک کوئی ٹیکس نہیں دیں گے۔ ہماری کسی جماعت سے کوئی دشمنی نہیں ہے، ہم حقوق غصب کرنے پر حکومت کے خلاف ہیں۔انجمن امامیہ کے صدر شیخ محمد علی مظفری نے کہا کہ مشترکہ مفادات کے تحفظ کے لئے تمام سیاسی مذہبی جماعتوں کو متحد ہو کر کوششیں کرنا ہوں گی۔
حافظ بلال زبیری نے کہا کہ ہم حقوق کی جنگ سے ہرگز پیچھے نہیں ہٹیں گے، جب تک حقوق نہیں ملیں گے گھروں میں واپس نہیں جائیں گے۔ حکومت ہمارے مسائل حل کرنے کی بجائے ان میں اضافہ کر رہی ہے۔ غلام شہزاد آغا نے کہا کہ بلتستان کو حقوق سے محروم رکھنے کے لئے بڑی سطح پر کوششیں ہو رہی ہیں۔ ایک لابی بلتستان دشمنی پر مبنی کام کر رہی ہے اور ہمارے حقوق غصب کر رہی ہے، ہم اس لابی کو ہرگز معاف نہیں کریں گے۔ ہم اپنے حقوق کے تحفظ کے لئے کسی بھی سطح پر جانے کے لئے تیار ہیں۔ مولانا صادق، مولانا اسحاق ثاقب، محمد بشیر، محمد علی دلشاد اور دیگر نے کہا کہ حکومت ہمارے ساتھ سوتیلی ماں جیسا سلوک کر رہی ہے، ہم زیادتیاں اور ناانصافیاں برداشت نہیں کریں گے۔ مسائل کے حل کی حکومت سے کوئی توقع نہیں ہے، ہم بالکل ناامید ہو کر رہ گئے ہیں۔
وحدت نیوز(ملتان) مجلس وحدت مسلمین جنوبی پنجاب کی صوبائی شوری کا پہلا اجلاس 18ستمبر کو جامع مسجد الحسین (ع)نیو ملتان میں منعقد ہوگا، صوبائی شوری کے اجلاس میں تنظیم سازی، محرم الحرام اور شعبہ جاتی پروگرام کے حوالے سے لائحہ عمل ترتیب دیا جائے گا۔ ملتان سے جاری بیان کے مطابق مجلس وحدت مسلمین جنوبی پنجاب کے ترجمان ثقلین نقوی نے اپنے ایک بیان میں کہا ہے کہ اجلاس میں جنوبی پنجاب کے چودہ اضلاع کے سیکرٹری جنرل اور نمائندگان شرکت کریں گے جبکہ مرکزی سیکرٹری جنرل علامہ راجہ ناصر عباس جعفری کی آمد بھی متوقع ہے۔ اجلاس میں سیکرٹری تنظیم سازی مہدی عابدی اور سیکرٹری سیاسیات سید اسد عباس نقوی کو خصوصی دعوت دی گئی ہے۔ واضح رہے کہ مجلس وحدت مسلمین کی شوری عالی نے مئی میں جنوبی پنجاب کو ایک سال کے لیے الگ صوبے کے قیام کی منظوری دی تھی۔
