The Latest
وحدت نیوز(گلگت) انقلاب مارچ کی اتحادی جماعتوں پاکستان عوامی تحریک، مجلس وحدت مسلمین پاکستان، پاکستان مسلم لیگ ق، سنی اتحاد کونسل گلگت بلتستان کے رہنماؤں کامشترکہ اجلاس ریویریا ہوٹل گلگت میں منعقد ہوا ،اجلاس میں مجلس وحدت مسلمین گلگت بلتستان کے سیکرٹری جنرل علامہ نیئر عباس مصطفوی،محمد الیاس صدیقی، غلام عباس، عارف حسین قنبری پاکستان عوامی تحریک کے اورنگزیب ایڈوکیٹ، پاکستان مسلم لیگ ق کے بشیر احمد،مرزا حسین، آمنہ انصاری ، مسرت ظفراور سنی اتحاد کونسل کے قاری ولایت نے شرکت کی۔
اتحادی جماعتوں کا یہ اجلاس ملک عزیز پاکستان کو موجودہ حکمرانوں کے ظلم وستم سے پاکستانی عوام کو آزادی دلوانے کے خاطر آزادی مارچ اور انقلاب مارچ کے نتیجے میں پیدا شدہ مخدوش حالات کے تناظر میں طلب کیا گیا ۔اجلاس میں ملک میں پیدا شدہ بحرانی کیفیت سے نکلنے کیلئے ڈاکٹر طاہر القادری سربراہ پاکستان عوامی تحریک کے پیش کردہ دس نکاتی ایجنڈے،جس میں گلگت بلتستان کے حقوق سرفہرست ہیں پر مکمل اتفاق کیا گیا۔
ان رہنماؤں نے اجلاس کے دوران کہا کہ 67 سالوں سے آمروں اور جمہوریت کے علمبرداروں نے پاکستانی عوام کا استحصال کیا ہے اور حقیقی جمہوریت کے ثمرات سے عوام الناس کو دور رکھا ہوا ہے۔ آئین پاکستان کی دھجیاں بکھیر دی گئی ہیں اور آئین اور جمہوریت کے نام پر پاکستانی عوام کا گلہ گھونٹ دیا گیا ہے۔ آج جب نظام بدلنے اور آئین پاکستان کی تمام شقوں پر عمل درآمد کی بات ہورہی ہے تو مفاد پرست ٹولہ کھل کرسامنے آیا ہے ۔ یہ ٹولہ انتخابات میں دھاندلی کرکے جعلی مینڈیٹ کے ذریعے اقتدار پر قابض ہونا چاہتے ہیں اور موجودہ حالات میں پاکستانی عوام نظریاتی طور پر دو واضح طبقات میں منقسم ہوگئے ہیں۔ ایک طبقہ جو انقلاب اور آزادی کا خواہاں ہے جو معاشرے کا مظلوم طبقہ ہے تو دوسرا طبقہ اشراف اور امراء کا طبقہ ہے جس نے غریب عوام کی کمائی پر ہاتھ صاف کئے ہیں اور عوام کی خون پسینے کی کمائی سے بیرون ملک جائیدادیں بنالی ہیں۔
ان حالات میں ایک پاکستانی کی حیثیت سے اپنے فرائض منصبی کی ادائیگی کو اپنا شرعی ذمہ داری سمجھتے ہوئے انقلاب اور تبدیلی کو ناگزیر قرار دیا جاتا ہے۔موجودہ حکمرانوں کی طرز حکمرانی نے اس ملک کو تباہی کے دہانے تک پہنچادیا ہے اور آج اس ملک کے عوام کی تقدیر بدلنے کا وقت آپہنچا ہے ۔ اجلاس میں شریک رہنماؤں کے متفقہ فیصلے کی روشنی میں جاری کردہ اعلامیہ کے اہم نکات ذیل میں درج کئے جاتے ہیں۔
۱۔ یہ اجلاس انقلاب مارچ کی مکمل تائید کرتا ہے اور ڈاکٹر طاہرالقادری کی جانب سے پیش کردہ مطالبات سے مکمل اتفاق کرتے ہوئے حکومت کو فوری مستعفی ہونے کا مطالبہ کرتا ہے۔
۲۔ یہ اجلاس ڈیڈ لائن کے ختم ہونے تک مطالبات کو تسلیم نہ کیا گیا تو پورے گلگت بلتستان کو جام کرنے کے ساتھ شاہراہ قراقرم کو ہر قسم کی ٹریفک کیلئے بلاک کردیا جائیگا۔
۳۔ کل مورخہ 19 اگست 2014 شام 5 بجے سکوار چونگی پر دھرنہ دیا جائیگا اور شاہراہ قراقرم کو ہر قسم کی ٹریفک کیلئے بند کردیا جائیگا اور ظالم حکمرانوں خاتمے تک دھرنا جاری رہیگا۔
وحدت نیوز(کوئٹہ ) مجلس وحدت مسلمین بلوچستان کے سربراہ علامہ مقصود علی ڈومکی نے آواران میں ذکری فرقے کی عبادت گاہ پر دہشت گردوں کے حملے کے نتیجے میں ۷ معصوم انسانوں کی شھادت کو المناک سانحہ قرار دیتے ہوئے اس سانحے کی شدید الفاظ میں مذمت کی۔ انہوں نے کہا کہ ذکری فرقے کے خلاف ایک عرصے سے ظلم وبربریت کا جو سلسلہ تھااس میں تیزی آنے پر ہمیں شدید تشویش ہے۔
انہوں نے کہا کہ بلوچستان کو فرقہ وارانہ دہشت گردی کی آگ میں جلانے کی مذموم کوشش کی جا رہی ہے۔ ہم نے طویل عرصے سے بلوچستان کی تمام امن پسند قوتوں اور قوم پرست لیڈرشپ کو اس جانب متوجہ کیا کہ وہ فرقہ وارانہ دہشت گردی کی آگ بجھانے کے لئے اپنا کردار ادا کریں۔ انہوں نے بلوچستان کی امن پسند عوام اور سیاسی و مذہبی قیادت سے اپیل کی کہ وہ دہشت گردی کی لہر کو آگے بڑھنے سے روکیں۔جو لوگ مظلوم شیعہ مسلمانوں کے قتل عام پر چپ کا روزہ رکھے ہوئے تھے ہم ان سے بھی اپیل کرتے ہیں کہ وہ اس ظلم و بربریت پر صدا ئے احتجاج بلند کریں۔
درایں اثناء علامہ مقصود علی ڈومکی نے ممتازصحافی ارشاد حسین مستوئی ، عبدالرسول ، اور محمد یونس کے قتل پر افسوس کا اظہار کرتے ہوئے بلوچستان میں صحافیوں کو مکمل تحفظ دینے کے مطالبہ کیا۔ انہوں نے کہا کہ انتہائی مشکل حالات میں صحافی برادری جس جرئت و بہادری کے ساتھ اپنے فرائض انجام دے رہی ہے اس پر ہم انہیں سلام پیش کرتے ہیں۔ حکومت اس سانحے میں ملوث ملزموں کو بے نقاب کرتے ہوئے انہیں عبرت ناک سزا دے۔ انہوں نے کہا کہ صحافت مقدس پیشہ ہے اور صحافی برادری کو حق گوئی کی سزا دی جارہی ہے۔
وحدت نیوز(اسلام آباد) نواز شریف قاتل تو تھے ہی اب اول درجے کے جھوٹے بھی بن گئی ہیں ، فوج اور قوم کے درمیان غلط فہمی پیداکرنے کے جرم میں نواز شریف کو فوری گرفتار کیا جائے، عوام جھوٹے وزیراعظم کو کسی صورت برداشت نہیں کرتے، نون لیگ اقتدار کی ڈوبتی نیاکو بچانے کے لئے اب فوج پر بھی تہمت لگانے سے باز نہ آئی، آئی ایس پی آر کے بیان نے قوم کو حقیقت بتا کر جھوٹو ں کے چہروں سے نقاب نوچ ڈالا، ان خیالات کا اظہار مجلس وحدت مسلمین پاکستان کے سربراہ علامہ ناصرعباس جعفری نے ڈی جی آئی ایس پی آرجنرل عاصم سلیم باجوہ کے وضاحتی بیان پرمرکزی سیکریٹریٹ سے جاری اپنے ردعمل میں کیا۔
ان کا کہنا تھا کہ نواز شریف قانونی اور آئینی طور پر پہلے ہی ن اہل ثابت ہو چکے ہیں لیکن اب اخلاقی طور پر بھی وہ مسند اقتدار پر بیٹھنے کے لائق نہیں رہے، افسوس کا مقام ہے کہ ملک و قوم اپنی تاریخ کے حساس ترین دور سے گذر رہے ہیں اور نواز شریف اس حساس لمحے میں جھوٹ بول کر ملک و قوم اور پاک فوج کے ساتھ مزاق کر رہے ہیں ، خورشید شاہ زرداری صاحب سے زیادہ نواز شریف سے وفاداری ثابت کر نے کے لئے کوشاں ہیں ، نواز حکومت نے اپنے اتحادیوں کے پریشر سے باہر نکلنے کے لئے فوج کے بارے میں جھوٹا بیان داغا، نہ فقط نواز شریف بلکہ دیگر اراکین کابینہ بھی نواز شریف کے جھوٹ میں برابر کے شریک ہیں ، آج قومی اسمبلی میں جھوٹا بیان دینے والے تمام وزاراءاور وزیر اعظم کے خلاف آئینی و قانونی کاروائی عمل میں لائے جائے ، پاکستان کے محب وطن عوام اب مذید ان قاتل اور جھوٹے حکمرانوں کو بر سراقتدار برداشت نہیں کر سکتے۔
وحدت نیوز(اسلام آباد) سانحہ ماڈل ٹاون کی ایف آئی آر کٹنے کے بعد ملزمان کو جلد گرفتار کیا جائے، نواز شریف اور شہبازشریف سمیت نامزد ملزمان کا بر سر اقتدار رہنا خلاف آئین و قانون ہے، ہم کرپٹ سسٹم کی بہتری کی جنگ لڑرہے ہیں ، خون کے آخری قطرے تک ڈاکٹر طاہر القادری کے انقلابی منشور کی حمایت جاری رکھیں گے، مجلس وحدت مسلمین اہل سنت براداران کے ساتھ استحکام پاکستان کے لئے اسٹریجیٹک پارٹنر شپ برقرار رکھے گی، ہماری جدوجہد کسی صورت آئین ، قانون اور جمہوریت کے منافی نہیں ان خیالا ت کا اظہارمجلس وحدت مسلمین پاکستان کے سربراہ علامہ ناصرعباس جعفری نےپارلیمنٹ ہاوس کے باہر انقلاب مارچ کی لاکھو ں شرکاء سے خطاب کرتے ہوئے کیا۔
اس موقع پر خطاب کرتے ہوئے ان کا کہنا تھا کہ ہم سانحہ ماڈل ٹاون میں 14 افراد کےقتل اور 90 افراد کے اقدام قتل کی ایف آر میں نامزد ملزمان بشمول وزیر اعظم نواز شریف، وزیر اعلیٰ پنجاب شہباز شریف، وزیر دفاع خواجہ آصف، وزیر ریلوے سمیت دیگر حکومتی افراد کے فوری استعفیٰ کا مطالبہ کرتے ہیں اور سمجھتے ہیں انہیں حکومت کرنیکا کوئی حق نہیں اور انہیں فوری گرفتار کیا جائے۔پاکستان میں قانون کی دھجیاں بکھیرنے والے ، قومی وسائل کی لوٹ مار کرنے والے، دہشت گردی کی سرکاری سرپرستی کرنے والےکسی صورت حکمرانی کا حق نہیں رکھتے ، عوام ان کرپٹ اور قابض حکمرانوں سے نجات کے طلبگار ہیں ، اسلام آباد اور ملک بھر میں حکمرانوں کے خلاف بیٹھے عوام نے اس کرپٹ سسٹم کے خاتمے کا ریفرینڈم کردیا ہے۔
وحدت نیوز(اسکردو) مجلس وحدت مسلمین پاکستان بلتستان ڈویژن کے سیکرٹری جنرل علامہ آغا علی رضوی نے اپنے ایک بیان میں کہا ہے کہ جمہوریت دور حکومت میں اپنے مطالبات کی منظوری کے لیے لانگ مارچ، دھرنے اور جلسہ جلوس شہریوں کا آئینی حق ہے اس حق کو کوئی نہیں روک سکتا۔ موجودہ حکومت نشہ اقتدار میں مست ہے، انہیں عوام کی کوئی فکر نہیں یہ حکومت اپنی کرسی بچانے کے لیے غریب عوام کی لاشوں سے بھی گزر سکتی ہے۔ سانحہ ماڈل ٹاون اس کا بین ثبوت ہے کہ غریب عوام کا خون بہانا ان کے لیے کار دشوار نہیں پھر ستم بالائے ستم یہ کہ جن کی لاشیں گرائی گئیں ہیں، ان مظلوموں کے خلاف ہی ایف آر کاٹی گئی۔ نواز حکومت کا اصل چہرہ گلوبٹ اور بلوبٹ ہے۔ انہوں نے نام نہاد جمہوریت کی کھال پہن رکھی ہے۔ نواز حکومت کا چہرہ سانحہ ماڈل ٹاوں کے بےگناہوں کے خون سے رنگین ہے اب ایسا لگتا ہے کہ نواز حکومت پارلیمنٹ ہاوس کے سامنے بھی پرامن لانگ مارچ کے شرکاء کا خون بہانا چاہ رہی ہے۔ اگر کسی قسم کی دہشتگردی اور ناخوشگوار واقعہ پیش آیا تو ذمہ دار نواز حکومت ہوگی۔ اگر نواز حکومت اوچھے ہتھکنڈے سے باز نہیں آتی اور شرکائے لانگ مارچ کا پکڑ دھکڑ اور ناجائز طاقت کا استعمال کرتی ہے تو پورے گلگت بلتستان میں صدائے احتجاج بلند کی جائے گی اور پورے بلتستان کو جام کر دیا جائے گا۔
وحدت نیوز(اسلام آباد) پاکستان عوامی تحریک کے سربراہ ڈاکٹر طاہرالقادری نے مجلس وحدت مسلمین کے سربراہ علامہ ناصرعباس جعفری اور سنی اتحاد کونسل کے سربراہ صاحبزادہ حامد رضا سے ایک اہم ملاقات کی ہے جس میں آرمی چیف کی طرف سے ثالثی کی پیشکش کا معاملہ ڈسکس کیا ہے۔ ملاقات کے دوران علامہ ناصر عباس جعفری کا کہنا تھا کہ آرمی کی فقط ثالثی قبول نہیں کریں گے، بلکہ آرمی کو بطور ضامن بھی بننا ہوگا تب جا کر یہ معاملات کسی کروٹ بیٹھیں گے، اس کے بعد علامہ طاہرالقادری نے آرمی چیف کو اپنا پیغام بھجوایا جس کے بعد آرمی نے ضامن بننے کی بھی حامی بھر لی۔ تینوں جماعتوں کے سربراہوں نے معاملات کی کم از کم سطح طے کی، جس کے بعد ڈاکٹر طاہرالقادری آرمی چیف سے ملاقات کیلئے راونہ ہوگئے۔
وحدت نیوز(اسلام آباد) مجلس وحدت مسلمین پاکستان کےسربراہ علامہ ناصرعباس جعفری نے کچھ دیر قبل پاکستان عوامی تحریک کے سربراہ علامہ ڈاکٹرطاہرالقادری سے ملاقات کی ، دونوں رہنماوں کے درمیان انقلاب مارچ کی آئندہ کی حکمت عملی اور حکومت کی جانب سے آنے والی مذاکراتی کمیٹی کے ساتھ ہونے والی بات چیت پر بھی تفصیلی گفتگو کی گئی،ڈاکٹر طاہر القادری کے ساتھ ملاقات کے بعد نجی ٹی وی چینل کی میزبان سے گفتگو کرتے ہوئے علامہ ناصر عباس جعفری نے کہا کہ لاہور ہائی کورٹ کے واضح احکامات کے باوجود اب تک سانحہ ماڈل ٹاون کی ایف آئی آر نہ کٹنا قانون کی پامالی نہیں تو کیا ہے، کرپٹ سسٹم قاتلوں کو پروٹیکشن فراہم کر رہا ہے، حکمرانوں نے اب تک مذاکرات کو سنجیدہ نہیں لیا،حکمران قانون کو نہیں مان رہے،نواز شریف کے استعفی کے بغیر انصاف ممکن نہیں،حکومت کا مذاکرات برائے مذاکرات کا ڈھونگ مذید نہیں چل سکتا،ایف آئی آر کے اندراج تک کسی قسم کے مذاکرات بے معنی ہیں ، اتحادی جماعتوں کے قائدین کا اتفاق ہے کہ قاتل اور قانون شکن حکومت کو مذید مہلت نہ دی جائے، مطالبات تسلیم نہ ہونے کی صورت میں اگلے لائحہ عمل کا فوری اعلان کیا جائے، نواز شریف کے استعفی کے بغیر کوئی مذاکرات کامیاب نہیں ہوسکتے۔
وحدت نیوز(اسلام آباد) مجلس وحدت مسلمین پاکستان کے مرکزی قائدین اور کارکنان پر مشتمل سینکڑوں کارکنان کی بڑی ریلی پارلیمنٹ ہاوس کے سامنے انقلاب مارچ میں شامل ہوگئی ہے، مرکزی سیکریٹریٹ سے G - 6/4سے نکالی گئی ریلی میں مجلس وحدت مسلمین پاکستان کے مرکزی ڈپٹی سیکریٹری جنرل علامہ شفقت شیرازی، علامہ احمد اقبال، علامہ اعجاز بہشتی، علامہ عبد الخالق اسدی ، علامہ ضیغم عباس، اقرار ملک، نثار فیضی سمیت دیگر رہنما شامل تھے، بڑی تعداد میں موٹر سائیکلوں ، کاروں اور ویگنوں پر سوار سینکڑوں کارکنا ن پرجوش انداز میں پارلیمنٹ ہاوس پہنچے، جن کے ہاتھوں میں مجلس وحدت کے پرچم موجود تھے، شرکاء گو نواز گو، قاتل حکومت نامنظوراورلبیک یا حسین ع کے فلک شگاف نعرے لگا رہے تھے۔
وحدت نیوز(پشاور) مجلس وحدت مسلمین خیبر پختونخوا کے رہنماء ارشاد حسین بنگش نے جمعیت علمائے اسلام (ف) کے رہنماوں کی جانب سے اسلام آباد میں پاکستان عوامی تحریک اور اس کی اتحادی جماعتوں کی جانب سے دیئے جانے والے دھرنے کو تنقید کا نشانہ بنانے کی شدید الفاظ میں مذمت کرتے ہوئے کہا ہے کہ ملک و قوم کی خاطر گذشتہ دو ہفتے سے بھرپور استقامت اور ہمت کا مظاہرہ کرنے والے عوام کا مذاق اڑانا اور ان کی پاکیزہ اور حق پر مبنی جدوجہد پر اعتراضات اٹھانا انتہائی افسوسناک ہے، وحدت ہاوس سے جاری اپنے ایک بیان میں ان کا کہنا تھا کہ انقلاب مارچ میں شریک مائیں، بہنیں، جوان، بزرگ اور بچے اپنے اقتدار کیلئے نہیں بلکہ 20 کروڑ عوام کے حقوق کے حصول کیلئے گذشتہ دو ہفتوں سے سڑکوں پر ہیں، اور دھرنے میں فحاشی و عریانی کے نازیبا الزامات عائد کرنے والے شائد حقیقت سے واقف نہیں، انہوں نے کہا کہ انقلاب مارچ کے شرکاء ناچ گانوں کی بجائے نماز، دعا و مناجات، درود پاک، تسبیح اور دیگر عبادات الٰہی میں مصروف ہیں، ان مظاہرین نے اپنے نظم و نسق، اور رویئے سے عالمی میڈیا کو بھی اپنی جانب متوجہ کیا، ارشاد حسین بنگش نے کہا کہ دھرنے کے شرکاء درود والے ہیں، بارود والے نہیں، انقلاب مارچ کے شرکاء کو تنقید کا نشانہ بنانے والے پہلے اپنے گریبانوں میں جھانکیں، رسول اکرم (ص) اور نواسہ رسول (ع) کے ان عاشقوں کو کامیابی اللہ تعالیٰ کی مدد و نصرت سے جلد نصیب ہوگی۔
وحدت نیوز(پشاور) مجلس وحدت مسلمین خیبر پختونخوا کے رہنماء ارشاد حسین بنگش نے جمعیت علمائے اسلام (ف) کے رہنماوں کی جانب سے اسلام آباد میں پاکستان عوامی تحریک اور اس کی اتحادی جماعتوں کی جانب سے دیئے جانے والے دھرنے کو تنقید کا نشانہ بنانے کی شدید الفاظ میں مذمت کرتے ہوئے کہا ہے کہ ملک و قوم کی خاطر گذشتہ دو ہفتے سے بھرپور استقامت اور ہمت کا مظاہرہ کرنے والے عوام کا مذاق اڑانا اور ان کی پاکیزہ اور حق پر مبنی جدوجہد پر اعتراضات اٹھانا انتہائی افسوسناک ہے، وحدت ہاوس سے جاری اپنے ایک بیان میں ان کا کہنا تھا کہ انقلاب مارچ میں شریک مائیں، بہنیں، جوان، بزرگ اور بچے اپنے اقتدار کیلئے نہیں بلکہ 20 کروڑ عوام کے حقوق کے حصول کیلئے گذشتہ دو ہفتوں سے سڑکوں پر ہیں، اور دھرنے میں فحاشی و عریانی کے نازیبا الزامات عائد کرنے والے شائد حقیقت سے واقف نہیں، انہوں نے کہا کہ انقلاب مارچ کے شرکاء ناچ گانوں کی بجائے نماز، دعا و مناجات، درود پاک، تسبیح اور دیگر عبادات الٰہی میں مصروف ہیں، ان مظاہرین نے اپنے نظم و نسق، اور رویئے سے عالمی میڈیا کو بھی اپنی جانب متوجہ کیا، ارشاد حسین بنگش نے کہا کہ دھرنے کے شرکاء درود والے ہیں، بارود والے نہیں، انقلاب مارچ کے شرکاء کو تنقید کا نشانہ بنانے والے پہلے اپنے گریبانوں میں جھانکیں، رسول اکرم (ص) اور نواسہ رسول (ع) کے ان عاشقوں کو کامیابی اللہ تعالیٰ کی مدد و نصرت سے جلد نصیب ہوگی۔
