وحدت نیوز (مشہد مقدس) مجلس وحدت مسلمین پاکستان شعبہ مشہد مقدس (موٗسسہ شھید عارف الحسینیؒ) کی طرف سے بی بی دو عالم سیدۃ النساء العالمین کی شہادت اور سفیر انقلاب شھید ڈاکٹر سید محمد علی نقوی کی بیسویں برسی کی مناسبت سے ایک فقید المثال پروگرام بعنوان "شھدائے ولایت کانفرنس" کا انعقاد کیا گیا، جس میں مشھد مقدس کے علمائے کرام اور طلاب عظام نے بھرپور شرکت کی۔ اسکے علاوہ پروگرام میں ایم ڈبلیو ایم خیبر پختونخوا کے سیکرٹری جنرل علامہ سید سبطین حسینی نے بھی خطاب کیا۔
پروگرام کے مہمان حجت الاسلام والمسلمین ڈاکٹر سید شفقت حسین شیرازی نے خصوصی خطاب کیا، جس میں انہوں نے شھید ڈاکٹر محمد علی نقوی کی شخصیت پر گفتگو کی اور کہا کہ ڈاکٹر شھید کی زندگی ہمارے لئے ایک عملی نمونہ ہے، انہوں نے حق کی پہچان کے بعد ہاتھ پر ہاتھ رکھ کر بیٹھ جانے کو حق کی توہیں قرار دیا ہے۔ علامہ شفقت شیرازی کا کہنا تھا کہ جب امام خمینی ؒ نے اسلام دشمنوں کی طرف سے شروع کی گئی جنگ پر حکم دیا کہ ہر شخص پر دفاع واجب ہے تو یہ ڈاکٹر شھید محمد علی نقوی تھے کہ جنہوں نے پاکستان کی سرزمین سے لبیک کہا اور اپنے گھر والوں کو بتائے بغیر اور اپنی مصروفیات کو چھوڑ کر اپنے فرض کو نبھانے کے لئے اسلامی جمہوریہ ایران کا رخ کیا، وہ بغیر کسی استراحت کے زخمیوں کے علاج میں لگ گئے۔
ایم ڈبلیو ایم کے مرکزی رہنما کا مزید کہنا تھا کہ ڈاکٹر شھید علماء دوست اور علماء کا بے حد احترام کرنے والی شخصیت تھے، انہوں نے علماء کے زیر سایہ تحریک میں بڑھ چڑھ کر کام شروع کیا، لیکن کبھی بھی انہوں نے تنظیم کو بت نہیں بنایا بلکہ وہ تنظیم کو ملت تشیع اور وطن عزیز کی خدمت اور تقرب الی اللہ کا ذریعہ سمجھتے تھے۔ اسکے علاوہ علامہ سید شفقت شیرازی نے پاکستان کو درپیش اندرونی اور بیرونی خطرات پر اور مجلس وحدت مسلمین پاکستان کی ملک بھر میں جاری فعالیت پر بھی روشنی ڈالی۔
وحدت نیوز (قم المقدسہ) مجلس وحدت مسلمین پاکستان شعبہ قم کی جانب سے سفیر انقلاب شھید ڈاکٹر سید محمد علی نقوی کی بیسویں برسی اور چھلم شھداء شکارپور، شھداء راولپنڈی و شھداء پشاور کی مناسبت سے مدرسہ حجتیہ قم المقدسہ میں ایک فقید المثال پروگرام کا انعقاد کیا گیا، جس میں قم المقدسہ کے علمائے کرام اور طلاب عظام نے بھرپور شرکت کی۔ پروگرام سے حوزہ علمیہ کے نامور بزرگ استاد آیت اللہ غلام عباس رئیسی، حجت الاسلام والمسلمین ڈاکٹر سید شفقت حسین شیرازی اور شہید ڈاکٹر کے فرزند ارجمند سید دانش نقوی نے خصوصی خطاب کیا۔ پروگرام سے خطاب کرتے ہوئے استاد حوزہ آیت اللہ غلام عباس رئیسی نے کہا کہ سعودی عرب کی غیر منطقی پالیسیوں کے باعث پوری دنیا میں اسلام بدنام ہو رہا ہے، آج سعودی عرب کی تمام تر پالیسیز اسلام کے نام پر اسلام کے مخالف ہیں۔ جہاد النکاح نے نام نهاد جهادی گروہوں کے ذریعے پوری دنیا میں اسلام کے رحمانی چهرے کو مسخ کر دیا ہے، لیکن حقیقت یہ ہے کہ جس اسلام کی تبلیغ سعودیہ سے ہو رہی ہے، وہ استکباری اسلام ہے اور حقیقی اسلام سے اس کا کوئی تعلق نہیں۔
مجلس وحدت مسلمین پاکستان کے امور خارجہ کے سیکرٹری جنرل حجت الاسلام والمسلمین علامہ ڈاکٹر شفقت حسین شیرازی نے کہا کہ پاکستان سعودیہ کے اشاروں پر ایران سے دشمنی پہ تلا ہوا ہے، پاکستان سعودی عرب کے مفادات کی جنگ میں خود قربان ہوکر ایران سے دشمنی پر تلا ہوا ہے۔ پاکستان اور ایران انتہائی عمیق ثقافتی، علمی، مذہبی اور تاریخی رشتوں سمیت اسلامی جمہوریت کے رشتہ سے جوڑے ہوئے ہیں جبکہ سعودیہ کی پوری تاریخ شہنشاہیت اور آمریت سے عبارت ہے، پاکستان کو چاہیے کہ سعودیہ کی غلامی سے اپنے آپ کو نجات دلا کر اسلامی ممالک سے بهتر تعلقات کی کوشس کرے۔
ڈاکٹر علامہ شفقت شیرازی نے شھید ڈاکٹر محمد علی نقوی کی شخصیت پر گفتگو کرتے ہوئے کہا کہ ڈاکٹر شھید کی زندگی ہمارے لئے ایک عملی نمونہ ہے، انہوں نے حق کی پہچان کے بعد ہاتھ پر ہاتھ رکھ کر بیٹھ جانے کو حق کی توہیں قرار دیا ہے۔ انہوں نے کہا کہ جب امام خمینی ؒ نے اسلام دشمنوں کی طرف سے شروع کی گئی جنگ کے دوران حکم دیا کہ ہر شخص پر دفاع واجب ہے تو یہ ڈاکٹر شھید محمد علی نقوی ہی تھے جنہوں نے پاکستان کی سر زمین سے لبیک کہا اور اپنے گھر والوں کو بتائے بغیر اور اپنی مصروفیات کو چھوڑ کر اپنے فرض کو نبھانے کے لئے اسلامی جمہوریہ ایران پہنچ گئے اور بغیر کسی استراحت کے زخمیوں کے علاج میں لگ گئے۔ اسکے علاوہ علامہ سید شفقت شیرازی نے پاکستان کو در پیش اندرونی اور بیرونی خطرات پر اور مجلس وحدت مسلمین پاکستان کی ملک بھر میں جاری فعالیت پر روشنی ڈالی۔ آخر میں مجلس وحدت مسلمین پاکستان شعبہ قم کے سیکرٹری جنرل علامہ ڈاکٹر غلام محمد فخرالدین نے تمام علماء کرام، طلاب عظام اور شرکاء کا شکریہ ادا کیا اور دعا امام زمانہؑ کے ساتھ پروگرام کا اختتام ہوا۔
وحدت نیوز (کراچی) مجلس وحد ت مسلمین صوبہ سندھ کے سیکرٹری جنرل علامہ مختار امامی نے ملک بھر میں بالخصوص سندھ سے سینیٹ انتخابات میں کامیاب امیدواروں کو مبارکباد دیتے ہوئے اْمید ظاہر کی ہے کہ نومنتخب سینیٹرز غریب عوام کی ترقی و خوشحالی کے لئے بھر پور جدوجہد اور ایوان بالا میں آواز بلند کرینگے۔ عوام کی خوشحالی اور قانون کی سر بلندی کے لئے بھی بھر پور کردار ادا کرینگے۔عوام کے منتخب نمائندوں کی امانت کی بھر پور طریقے سے پاسداری کرینگے۔ ایوان بالا میں جاکر عوام کی ترقی و خوشحالی کے لئے آواز بلند کرنا ان کی اولین ترجیح ہونی چاہیے۔ مجلس وحدت مسلمین تمام نو منتخب سنیٹروں کو مبارکباد دیتے ہوئے یہ امید رکھتی ہے کہ وہ اپنی بہترین صلاحیتوں کو بروئے کار لاتے ہوئے سندھ کی پسماندگی اور عوام کے حقوق کے لئے بھر پور آواز بلند کرینگے۔ان خیالات کا اظہار انہوں نے کراچی کی پولیٹیکل کونسل کے اجلاس سے خطاب کرتے ہوئے کیا۔ علامہ مختار امامی کا کہنا تھا کہ مجلس وحدت مسلمین نے ہمیشہ مظلوموں کے حق کی آواز بلند کرنے کو اپنا فریضہ قرار دیا ہے، ہم نے عہد کیا ہے کہ اس سرزمین میں بسنے والے شیعہ، سنی غرض ہندو اور عیسائی برادری کے بھی حقوق کے ترجمان بنیں گے اور ان کے حقوق کی پامالی کو ہرگز برداشت نہیں گے، لہٰذا نو منتخب سینیٹرز اپنے ملک کی عوام کی خدمت کو اپنا نصب العین قرار دیں، تاکہ برسوں سے ظلم کی چکی میں پسنے والی قوم کو امید کی راہ دکھائی جاسکے ۔ان کا کہنا تھا کہ تیس سال سے جاری شیعہ نسل کشی کے باوجود ملت جعفریہ آج بھی دہشت گردوں کے خلاف جنگ میں اپنی پاک افواج کے شانہ بشانہ ہے، پاکستان کی سرزمین پر شیعہ و سنی کی وحدت کا سفر جاری و ساری رہے گا اور اس سرزمین خداداد کو ہم سب مل کر تکفیریت کے بے قابو لشکر سے نجات عطا ہوگی۔
وحدت نیوز (کوئٹہ) مجلس وحدت مسلمین کے صو با ئی دفتر میں ممبر صو با ئی اسمبلی آغا رضا کے فنڈ سے غریب طلبا ء و طا لبات میں درسی کتا بوں اور کا پیوں کی مفت فراہمی کے مو قع پر ایم ڈبلیو ایم کے مر کزی رہنما سید ہاشم مو سوی نے کہا کہ نئی نس کے روشن مستقبل کو یقینی بنانے کیلئے تعلیم کے شعبے کو اولین تر جیح دینی چا ےئے بلوچستان کی پسماند گی ،غر بت اور افلاس کی بڑی وجہ غیر معیا ری تعلیم ہی ہے معا شرہ تب ہی تر قی کر تا ہے جب معا شرے میں نا خو اندگی نہ ہو کیونکہ تعلیم ہی وہ زیور ہے جس سے معاشرے کی مکمل تکمیل ہوتی ہے طلبا ء کو تعلیم کی طر ف را غب کرنا ہمارا مقصد ہونا چا ےئے طلبا ء کو ہمیشہ اس با ت کی تلقین کرنی چاےئے کہ اُن کی پہلی ذمے داری تعلیم ہونی چاہےئے اس کے بعد طلبا ء اپنی توجہ غیر نصا بی سر گر میوں کی طر ف ر اغب کر سکتے ہیں ۔آج دنیا گلو بل ویلیج بن گئی ہے جس میں بغیر تعلیم کے انسان اندھے اور گونگے کی ما نند ہے اور ہمارے پاس ایک ہی راستہ بچتا ہے کہ ہم اپنے آنے والی نسلوں کو تعلیم کی طر ف ر اغب کریں مفت اور معیا ری تعلیم ہر بچے اور بچی کا بنیا دی حق اور معا شرے کی بنیا دی ضر ورت ہے۔ حکومت تعلیم کے شعبے میں مختص فنڈ میں غیر معمو لی اضا فہ کرنے کے سا تھ تعلیمی اداروں میں نظم و ضبط بہتر بنانے تعلیمی ما حو ل کے ساتھ تد ریس کے عمل کو با معنی اور مثبت بنانے کیلئے ٹھو س اقدا مات کرے ۔محکمہ تعلیم اسکولوں کی حا لت زار کی بہتری اور تعلیمی معیار کو مو ثر بنانے کیلئے ہنگا می بنیا دوں پر کام کرے۔تقریب میں مجلس وحدت مسلمین کوئٹہ ڈویژن کے سیکریٹری جنرل عبا س علی ،ڈپٹی سیکریٹری جنرل علامہ ولا یت حسین جعفر ی ، کونسلر کربلائی رجب علی ، کونسلر عبا س علی، کونسلر سید محمد مہدی ، لیڈی کونسلر معصومہ نے بھی شر کت کی اور بچوں میں کاپیاں تقسیم کیں۔
وحدت نیوز(کوئٹہ) مجلس وحدت مسلمین کے رہنماء و رکن بلوچستان اسمبلی سید محمد رضا نے کہا ہے کہ ہزارہ قوم کی ترقی اور بقاء ہماری منزل اور سیاست کا محور ہے۔ ہاؤسنگ اسکیم سمیت جدید طرز کے پارک بنانے کیلئے اقدامات آخری مراحل میں ہیں۔ بہت جلد ان اسکیمات پر کام شروع کیا جائے گا۔ ہزارہ قوم باشعور اور باریک بین قوم ہے، اچھے اور برے میں تمیز کرنا اچھی طرح جانتی ہے۔ زائرین کے آمد و رفت اور انہیں دائمی سطح پر سکیورٹی کی فراہمی یقینی بنانے کیلئے جلد وزیراعلٰی بلوچستان سے ملاقات متوقع ہے۔ ملاقات میں شیعہ ہزارہ قوم کو درپیش تمام مسائل و مشکلات کے امور پر تفصیلی گفتگو ہوگی۔ جس میں شہیدہ سحر بتول کیس کی سماعت فوجی عدالت میں کرانے کی سفارش وزیراعلٰی بلوچستان اور متعلق محکمہ داخلہ سے کی جائے گی۔
وحدت نیوز (اسکردو) مجلس وحدت مسلمین پاکستان بلتستان ڈویژن کے ترجمان فدا حسین نے اپنے ایک بیان میں کہا کہ مجلس وحدت مسلمین میں دیگر پارٹی اور آزاد امیداروں کی شمولیت کا سلسلہ شروع ہوا ہوا ہے اور یہ سیاسی عمل کا حصہ ہے بلتستان کے تمام حلقوں سے شمولیت کے لیے بیسیوں افراد موجود ہیں مجلس وحدت میں شمولیت کا ہرگز عوام یہ مطلب نہ لے کہ ان سب کو ٹکٹ دیا جائے گا بلکہ ٹکٹ جاری کرتے ہوئے معیارات کو ہرگز نظر انداز نہیں کیا جائے گا۔ عوام مطمئن رہیں کہ معیار پر کسی قسم کا سمجھوتہ نہیں ہوگا۔ الیکشن میں اہل ، دیانت دار، بے باک ماضی کے حامل ، دینی غیرت و حمیت رکھنے والے عوامی خدمت کے جذبے سے سرشار عوام کے خادم کو متعارف کیا جائے گا۔انہوں نے کہا کہ ہم ایسے نمائندے کو سامنے لائیں گے جس کا ماضی بھی پاک و صاف ہو اور مجلس وحدت مسلمین کا نظریاتی حامی ہو۔ مجلس وحدت ایک ایسی تنظیم ہے جہاں پر قربانیوں کو ہرگز نظر انداز نہیں کیا جا تا اور ملت کے ہر فرد کو چاہے اس کا تعلق کسی بھی مکتب و مسلک سے ہو مجلس کا حصہ بن سکتا ہے۔ ہم ہر شخص کو گلے سے لگانے کے لیے تیار ہے بہت جلد شیعہ مکتب فکر کے علاوہ دیگر مکاتب فکر کے بھی باقاعدہ ونگ بنایا جائے گا اور عوامی حقوق کی جنگ تمام مسالک کو ساتھ لے کے لڑی جائے گی۔معاشرہ میں موجود ظلم و زیادتی کا مقابلہ کیا جائے گا اور ہر مظلوم کی پکار پر لبیک کہا جائیگا۔انہوں نے کہا کہ اگر کسی کی جانب سے مجلس وحدت مسلمین کی طرف سے ٹکٹ دینے اور الیکشن لڑنے کا عندیہ دیا جا رہا ہے تو یہ انکا ذاتی فعل ہے اور مجلس سے اس عمل کا کوئی تعلق نہیں ۔ بلتستان کے کسی بھی حلقے میں ابھی تک امیدوار کو کوئی فیصلہ نہیں ہوا۔ ٹکٹ دینے کا فیصلہ کو ئی بھی شخصیت کرنے کی پوزیشن میں نہیں بلکہ سیاسی ادارہ یہ حق رکھتا ہے کہ وہ اپنی میکانیزم کو ملحوظ خاطر رکھ کر امیدواروں کو میدان میں لایا جائے گا۔ مجلس وحدت کسی جیتنے والے یا ووٹ بینک رکھنے والے امیدوار کو سامنے لاکر صرف الیکشن جیتنے کے حق میں نہیں بلکہ عوام کو ایک معیار دینا چاہتے ہیں اورمعیار پر سمجھوتہ کیے بغیر اگر شکست بھی ہو جائے تو فتح ہے۔ انہوں نے کہا کہ عوام مطمئن رہیں ٹکٹ کا اجرا معیارات کے مطابق ہوگا۔
