The Latest
وحدت نیوز (کراچی /لاہور/حیدرآباد) متحدہ قومی موومنٹ کے وفود کی کراچی ، لاہور اور حیدر آبادمیں مجلس وحدت مسلمین کے دفاتر آمد، سانحہ شکار پور پر اظہارتعزیت اور فاتحہ خوانی ،ایم کیوایم کے مرکزی رہنما ڈاکٹر فاروق ستار ، سلیم آفریدی اور جاوید احمد نے وحدت ہاوس کراچی میں ایم ڈبلیوایم کے رہنما علامہ باقر عباس زیدی ، علی حسین نقوی ، علامہ علی انور جعفری ،انجینئر رضا نقوی اور میثم عابدی بھی موجود تھے، ایم ڈبلیوایم کے وفد نے سانحہ شکارپور پر ایم ڈبلیوایم کے رہنماوں سے اظہار تعزیت کیا اور شہداءکے ایصال ثواب کے لئے فاتحہ خوانی کی، ایم کیو ایم پنجاب کے وفد کی سانحہ شکار پور کی تعزیت اور اظہار ہمدردی کے لئے مجلس وحدت مسلمین پنجاب کے صوبائی سیکرٹریٹ آمد، وفد میں ایم کیو ایم پنجاب کے سیکرٹری جنرل رانا اشرف ایڈووکیٹ، میاں راشد، سید افضال حسین نقوی، جان محمد رمضان شریک تھے۔ مجلس وحدت مسلمین پنجاب کے ڈپٹی سیکرٹری جنرل علامہ محمد اقبال کامرانی، مرکزی سیاسی کونسل کے رکن سید اسد عباس نقوی، ڈپٹی سیکرٹری جنرل لاہور رانا ماجد علی اور لاہور ڈویژن کے سیکرٹری جنرل شیخ عمران علی سے سانحہ شکار پور پر اظہار تعزیت کے بعد میڈیا سے گفتگو کرتے ہوئے ایم کیو ایم پنجاب کے رہنما رانا اشرف ایڈووکیٹ کا کہنا تھا کہ پاکستان میں دہشت گرد مخالف قوتوں کو حق کی آواز بلند کرنے کی سزا دی جا رہی ہے، سندھ حکومت کی نااہلی سے یہ المناک سانحہ رونما ہوا، جس کی قائد تحریک نے بھی شدید مذمت کی اور مجلس وحدت مسلمین کے یوم سوگ اور سندھ میں پہیہ جام ہڑتال کی ہم نے بھر پور حمایت کی۔ انہوں نے کہا کہ ہم حکومت وقت سے مطالبہ کرتے ہیں کہ دہشت گردوں اور اُن کے سہولت کاروں کو فی الفور انجام تک پہنچائیں اور دہشت گردی سے متاثرہ لوگوں کو بیلنس پالیسی کے تحت ہراساں کرنے کے عمل سے باز رہیں، طالبان اور اس کے حامی پاکستان کے ہمدرد نہیں اور قائداعظم کے بیٹوں کے قتل عام پر حکمرانوں کی خاموشی پاکستان دشمنی کا ثبوت ہے۔
اس موقع پر مجلس وحدت مسلمین کے مرکزی سیاسی کونسل کے رکن سید اسد عباس نقوی نے ایم کیو ایم کے قائد الطاف حسین کا شکریہ ادا کرتے ہوئے کہا کہ دکھ کی اس گھڑی میں اظہار ہمدردی پر ہم ایم کیو ایم اور ان کے قائد الطاف حسین کے شکر گزار ہیں ہم ان تمام جماعتوں کا بھی شکریہ ادا کرتے ہیں جو سانحہ شکار پور کے اس دلخراش واقعہ پر ہمارے غم میں شریک ہوئیں۔ انہوں نے کہا کہ ہم آپریشن ضرب عضب کی مکمل حمایت جو کہ پہلے دن سے کر چکے ہیں آج اس کا دوبارہ اعادہ کرتے ہیں، ہم حکومت پنجاب کے رویے سے سے حیران ہے کہ قتل بھی ہم ہو رہے ہیں اور پنجاب میں ٹارگٹ کر کے گرفتار بھی ہمارے کارکنوں کو کیا جا رہا ہے، ہم اس عمل کی شدید مذمت کرتے ہیں، دہشت گردوں کو ہماری نسل کشی سے روکنے کے بجائے ہمیں پابند سلاسل کیا جا رہا ہے، یہ عمل مکمل شیعہ دشمنی ہے اور اسے ہم برداشت نہیں کریں گے، ہمیں ملک بھر میں وطن دوستی اور دہشت گرد دشمنی کی سزا دی جا رہی ہے لیکن یاد رہے جب نمرود و شداد جیسے ظالم نہیں رہے تو یہ ظالم حکمران اور دہشت گرد بھی نہیں رہنے والے، ان کو ان کے مظالم کی سزا اللہ اس دنیا میں بھی دے گا اور روز محشر بھی عذاب سے نہیں بچ پائیں گے۔
وحدت نیوز(ملتان) مجلس وحدت مسلمین ملتان کے سیکرٹری جنرل علامہ قاضی نادر حسین علوی نے کہا ہے کہ سانحہ شکار پور کی جتنی مذمت کی جائے وہ کم ہے۔ سانحہ شکار پور کو ایک مسلک کا سانحہ قرار نہ دیا جائے کیونکہ دہشت گرد کسی مذہب یا مسلک کے دشمن نہیں بلکہ انسانیت کے دشمن ہیں، اگر اسے مسلکی بنایا گیا تو اس دہشتگردی سے کوئی محفوظ نہیں رہے گا۔ ملتان سے جاری پریس ریلیز کے مطابق ایم ڈبلیو ایم کے رہنما کا کہنا تھا کہ ہماری بدقسمتی ہے کہ پاکستان میں دہشت گردی کی ہونے والی کارروائی کو کسی ایک مذہب کی کارروائی قرار دے کر جان چھڑا لی جاتی ہے۔ سانحہ شکارپور کے دہشتگردوں کے خلاف بھی اسی طرح کارروائی کی جائے جیسے سانحہ پشاور میں کی گئی۔ اس سانحہ کے بعد پاکستانیوں اور بالخصوص اس ظلم کا شکار بننے والوں کی نگاہیں پاک فوج اور انٹیلی جنس اداروں پر ہیں۔ اُنہوں نے سندھ حکومت اور وفاقی حکومت سے مطالبہ کیا کہ اس سانحے میں ملوث دہشتگردوں کو فی الفور گرفتار کر کے پھانسی دی جائے۔ اس موقع پر اُنہوں نے شہدائے سانحہ شکار پور کے لواحقین سے اظہار ہمدردی اور زخمیوں کے لیے صحت یابی کی دعا کی۔
وحدت نیوز(کراچی) مجلس وحدت مسلمین کراچی ڈویژن کے تحت سانحہ شکار پور کے شہداء کے سوئم کی مناسبت سے شہر بھر کی مساجد و امام بارگاہوں میں قر آن خوانی، مجلس عزاء اور تعزیتی جلسہ کا انعقاد کیا گیا جس میں سینکٹروں کی تعداد میں مرد خواتین و بچوں نے شرکت کی اور شہدائے سانحہ شکار پور امام بارگاہ کر بلا معلیٰ کے ایصال ثواب کیلئے دعائیں کی، اس موقع پر دیگر سمیت دیگر سیاسی و مذہبی تنظیموں کے رہنما و کارکنان بی بڑی تعداد میں شرکت کی اور شہدائے ابام بارگاہ کر بلا معلیٰ کے بلندی درجات کیلئے دعا کی۔ مولانا علی رمضانی، مولانا عروج حسین، مولانا صادق جعفری، علامہ مبشر حسن، رضوان علی پنجوانی، علی حسین نقوی، علامہ حسن ہاشمی، انجینئر رضا نقوی، حیدر زیدی و دیگر نے شرکت کی۔ وحدت ہاؤس میں منعقدہ مجلس سے خطاب میں مولانا علی انور کا کہنا تھا کہ سانحہ شکارپور میں ملوث دہشتگرد یزید کے پیروکار ہیں، بے گناہ نمازیوں کا خون بہانے والے انسان کہلانے کے لائق نہیں، ملک میں خائن حکمرانوں کا راج ہے، سانحہ شکار پور دہشتگردی کی تمام تر ذمہ داری حکومت وقت پر عائد ہوتی ہے۔
ایم ڈبلیوایم کراچی ڈویژن کے رہنما علامہ نقی ہاشمی ، ایم ڈبلیوایم ضلع ملیر کے سیکریٹری جنرل احسن عباس ،ڈپٹی سیکریٹری جنرل ثمر زیدی اور کوچو نیاز علی نے شہدائے سانحہ شکار پور کے ایصال ثواب کیلئے امام بارگاہ باب الحوائج ؑ میں منعقدہ قرآن خوانی اور مجلس ترحیم کے اجتماع سے خطاب کرتے ہوئے کہا کہ سانحہ پشاور کے بعد حکمرانوں کی ٹال مٹول اور غیر سنجیدگی کے باعث شکار پور میں اتنا بڑا سانحہ رونما ہوا، وفاقی اور سندھ حکومت دہشت گردوں سے ساز بازکی ہوئی ہے، عوام کو تحفظ کی امید فقط پاک فوج سے ہی رہ گئی ہے، نواز شریف اور قائم علی شاہ نے نا اہلی کی ایسی مثالیں قائم کی ہیں جن کی نظیر تاریخ میں نہیں ملتی، رہنماوں نے مزید کہا کہ شکار پور سانحے میں %30سے زائد اموات بہتر طبی سہولیات اور ایمبولینسوں کی عدم فراہمی کے باعث پیش آئیں ، سندھ کے کرپٹ حکمران قومی خزانہ اپنے بیک بیلنس کے بجائے اگر عوامی فلاح پر خرچ کرتے تو بد انتظامی کا ایسا سنگین واقعہ پیش نہ آتا، اعلیٰ عدلیہ سانحہ شکار پور میں ملوث دہشت گردوں کے ساتھ ساتھ غفلت برتنے پر سندھ حکومت کے خلاف بھی تحقیقات کا آغاز کرےاور ایک اعلیٰ سطح کا کمیشن تشکیل دیا جائے۔ایم ڈبلیوایم ضلع ملیر چوکنڈی یونٹ کے زیر اہتمام امام بارگاہ علی ابن ابی طالب ؑمیں بھی مجلس ترحیم کا انعقاد کیا گیا جس سے مولانا منصور روحانی نے خطاب کیا۔
ایم ڈبلیوایم ضلع وسطی کے زیر اہتمام شہدائے شکار پور کے ایصال ثواب کیلئے ضلع بھر کے اکیس مقامات پرمجالس ترحیم اور قرآن خوانی کے اجتماعات منعقد ہوئے، یہ اجتماعات مسجد و امام بارگاہ شہدائے کربلا انچولی،امام بارگاہ در بتول خدا کی بستی، امام بارگاہ امیر المومنین خدا کی بستی ، جامع مسجد جعفریہ گولیمار، مسجدپنجتنی ،مسجد نبوی نارتھ کراچی، مسجد خدیجہ ، مسجد صاحب العصرنصرت بھٹو کالونی، مسجد معصومین ، امام بارگاہ عسکری دستگیرسوسائٹی،امام بارگاہ آل عباءگلبرگ، آئی آر سی امام بارگاہ ،امام بارگاہ ام البنین احسن آباد،مسجد مصطفیٰ گلشن معمار،اما م بارگاہ ابوالفضل ایوب گوٹھ،امام بارگاہ معصومین حسن کالونی اور امام بارگاہ تنظیم المومنین عزیز آباد میں منعقد ہوئیں ،جن میں ضلعی سیکریٹری جنرل زین رضا ، علاہ مبشر حسن ، علامہ علی انوراور دیگر مقررین نے خطاب کیا۔
ایم ڈبلیوایم ضلع جنوبی کے تحت قرآن خوانی و تعزیتی اجتماع منعقد کیا گیا جس سے خطاب میں علامہ محمد علی رمضانی کا کہنا تھا کہ وزیر اعلیٰ سندھ دہشگردوں کی نشاندہی کیلئے ہیڈ منی رکھنے کے بجائے ان کالعدم دہشتگرد جماعتوں اور مدارس کے خلاف آپریشن کریں جنہیں سندھ حکومت کے زیر سر پرستی صوبہ میں پالا جا رہا ہے، سانحہ شکار پور میں زیادہ تر شہداء کی شہادت طبی سہولیات نہ ملنے کی وجہ سے ہوئی، پیپلز پارٹی کی کرپٹ حکومت سندھ کی عوام پر جمہوریت کے لبادے میں مظالم کے پہاڑ توڑ رہی ہے، صوبہ بھر میں اسپتالوں اور ڈاکٹرز کی عدم موجودگی وڈیرہ شاہی کی علامت ہے، حکمران خوف خدا کریں وزیر اعلیٰ سندھ فوری مستعفی ہو جائیں۔
وحدت نیوز(گلگت ) سانحہ شکار پور وفاقی اور صوبائی حکومت کی ناکامی کا منہ بوتا ثبوت ہے، وزیر اعظم پاکستان کا وزیر اعلیٰ سندھ اور گورنر کے ساتھ گورنر ہاؤس کراچی میں دعوتیں اڑانا ملت جعفریہ کے زخموں پر نمک پاشی کے مترادف ہے،ن لیگ اہل تشیع کو پاکستان میں تیسرے درجے کا شہری بھی تسلیم نہیں کرتی۔ہم آرمی چیف سے مطالبہ کرتے ہیں کہ وہ فوری طور پر ملک کی بھاگ دوڑ سنبھالتے ہوئے دہشت گردوں کے خلاف ایکشن لیں۔
ان خیالات کا اظہار مجلس وحدت مسلمین گلگت بلتستان کے ترجمان محمد الیاس صدیقی نے گلگت ڈویژن کے زیر اہتمام سانحہ شکار پور کے خلاف نکالی جانیوالی ریلی سے خطاب کرتے ہوئے کیا۔ انہوں نے کہا کہ وزیر اعظم سمیت سندھ کے اعلیٰ حکام گورنر ہاؤس میں کھانوں پر تبصرے کرتے رہے لیکن سانحہ شکار پور کے لواحقین کے ساتھ اظہار ہمدردی کے دو لفظ بھی ان کے منہ سے نہ نکل سکے ۔ نیشنل ایکشن پلان کے تحت فوری طور پر ملک میں ایمرجنسی نافذ کرکے دہشت گردوں اور ان کے سرپرستوں کے خلاف فوری کاروائی کرکے ذمہ داروں کو کیفر کردار تک پہنچایا جائے۔انہوں نے کہا کہ نواز حکومت ملک میں انارکی پھیلاکر اپنے مذموم مقاصد حاصل کرنا چاہتی ہے جو کہ ملک عزیز پاکستان کی سا لمیت کیلئے خطرناک ہے۔وفاقی حکومت نے متنازعہ نگران حکومت تشکیل دیکر گلگت بلتستان کے اصلاحاتی پیکیج کو رول بیک کرنے لئے درپردہ کوششیں شروع کی ہیں، جو لوگ ملک کے محافظین کے خلاف ہرزہ سرائی اور گلگت بلتستان اصلاحاتی پیکیج کو قاتل پیکیج قرار دیتے رہے آج انہی لوگوں کو وزارتوں سے نوازا گیا ہے۔ انہوں نے کہا کہ ہم کبھی بھی ملک دشمن قوتوں کے مذموم عزائم کو کامیاب نہیں ہونے دیں گے۔ احتجاجی ریلی سے خطاب کرتے ہوئے شیخ صادق مہدوی نے کہا کہ سانحہ شکار پور میں وفاقی اور صوبائی حکومت برابر کی شریک ہیں اور اس موقع پر اپیل کرتے ہیں کہ پوری قوم متحد ہوکر دہشت گردوں کے خلاف اٹھ کھڑی ہو اور قتل و غارت گری کا بازار گرم کرنے والے دہشت گردوں کے عزائم کو خاک میں ملادیں۔
وحدت نیوز (اسکردو) مجلس وحدت مسلمین پاکستان بلتستان ڈویژن کے زیراہتمام سانحہ شکار پور کے خلاف ایک عظیم الشان احتجاجی جلسہ کا انعقاد یادگار شہدا اسکردو پر ہوا جس میں تنظیمی کارکنان کے علاوہ عوام کی بڑی تعداد نے شرکت کی۔مظاہرین نے سندھ حکومت اور نواز حکومت کے خلاف شدید نعرہ بازی کی ۔ اسکردو کی فضا لبیک یاحسین کی صداوں سے گونجتی رہی ۔اس موقع پر احتجاجی جلسے سے سیکرٹری جنرل مجلس وحدت مسلمین علامہ آغا علی رضوی ، ڈپٹی سیکرٹری جنرل شیخ زاہد حسین زاہدی، شیخ شبیر رجائی، فدا حسین ، میثم کاظم ،زاکر حسین اور دیگر نے خطاب کیا۔مقررین نے اپنے خطاب میں کہا کہ شکار پور سانحہ کا اصل ذمہ دار سندھ حکومت ہے کیونکہ شکار پور میں یہ پہلا نہیں بلکہ پانچواں افسوسناک اور بڑا سانحہ ہے تسلسل کیساتھ اس طرح کے واقعات پیش آنا سیکیورٹی اداروں کی ناکامی اور غفلت کا نتیجہ ہے۔ سندھ حکومت اور وفاقی حکومت عوام کو تحفظ فراہم کرنے میں مکمل طور پر ناکام ہوچکی ہے اور دہشتگردوں کے خلاف اب بھی کاروائی نہیں ہو رہی ہے۔اس سے واضح ہوتا ہے کہ سندھ حکومت اور وفاقی حکومت دہشتگردوں کے خلاف سخت کاروائی کرنے میں نہ صرف ناکام اور نامراد ہے بلکہ نہایت غیر سنجیدہ ہے۔دوسری طرف ان دونوں حکومتوں کا کلعدم تنظیموں کے ساتھ پس پردہ رابط ہیں۔ احتجاجی جلسہ سے خطاب کرتے ہوئے آغا علی رضوی نے کہا کہ یہ افسوسناک سانحہ دراصل دہشتگردوں کے خلاف ملک گیر آپریشن نہ کرنے کا نتیجہ ہے۔ اگر دہشتگردوں کے خلاف ملک گیر آپریشن کیا جاتا تو یہ دن دیکھنا نہ ہوتا کہ خانہ خدا نمازیوں کے خون سے رنگین ہوں۔انہوں نے کہا کہ دہشتگرد عناصر کی قلع قمع کے لیے ضروری ہے کہ ملک بھر میں دہشتگردوں کے خلاف فوری اور فوجی آپریشن کیا جائے۔ وفاقی حکومت دہشتگردوں کے خلاف کاروائی کرنے میں سنجیدہ ہی نہیں بلکہ پس پردہ انکے روابط بھی ہیں، نواز حکومت کی موجودگی میں دہشگردوں کے خلاف سخت کاروائی بعید ہے لہذا پاکستان آرمی جو کہ اس وطن پاک کی حفاظتی کے ضامن ہے ملک گیر آپریشن کرنے کی ضرورت ہے۔ انہوں نے کہا کہ سندھ حکومت جو کہ غدار اور ناکام حکومت ہے ان شہیدوں کے لیے معاوضے کا اعلان کرکے بری الذمہ ہونے کی ناکام کوشش کر رہی ہے کہ ان شہدا کے وارثین کو تمہارے صدقات اور خیرات کی ضرورت نہیں یہ خیرات پوری قوم سندھ حکومت اور وفاقی حکومت کے منہ پر مارتے ہیں ہمیں دہشتگردوں کے خلاف ملک گیر آپریشن اور ان قاتلوں کو تختہ دار پر لٹکاکے دیکھنا چاہتے ہیں۔
وحدت نیوز(کوئٹہ) سانحہ شکارپورکی پرزور مذمت کرتے ہیں وفاقی اور سند ھ حکومت کی غفلت اور بے توجہی کی شدید مذمت کرتے ہیں وفا قی اور سندھ حکومت دہشت گر دی کو روکنے میں مکمل طور پر نا کام ہو گئی ہے دہشت گردوں کے ٹھکانے اب سندھ کے چھوٹے شہروں میں بھی پھیل چکی ہیں ،اہل تشیع کےبچے بھی پاک فوج کے بچوں کی طرح پاکستانی شہری ہیں ، قاتلو ں کو سزا دی جائے ، ان خیالات کا اظہار ممبر صوبائی اسمبلی وصو بائی سیکریٹری سیاسیات ایم ڈبلیو ایم بلوچستان،عبا س علی سیکریٹری جنرل ایم ڈبلیو ایم کوئٹہ ڈویژن،کر بلائی رجب علی کونسلر و ڈویژنل سیکریٹری مالیات ،رشید علی سیکریٹری سیاسیات کوئٹہ ڈویژن ،کربلائی عباس علی کونسلر حلقہ نمبر 10اور سید محمد مہدی کونسلر حلقہ نمبر9نے سانحہ شکارپور کے بعد شہداء چوک علمدار روڈ پر مشترکہ پریس کانفرنس کرتے ہوئے کیا۔
رہنماوں نےکہاکہ آپریشن ضرب عضب ملک کے چھوٹے شہروں میں بھی شروع کیا جائے تا کہ دہشت گردوں کو پنا ہ نہ ملے لیکن حکومتی اقدا مات صر ف میڈیا کی حد تک محدود ہیں دہشت گرد آزاد اور دند ناتے پھررہے ہیں ان کے خلاف اقدا ما ت نہ کرنا حکومت کی کمزوری اور بے حسی کو ظا ہر کرتی ہے حکومت پورے ملک میں نیشنل ایکشن پلان پر عمل در آمد کو یقینی بنائے اور دہشت گر دوں اور اُن کے ٹھکانوں کے خلاف کریک ڈاون کرے اُن کو پناہ اور اُن کیلئے نرم گوشہ رکھنے والوں کے خلاف بھی سخت کاروائی کرے ۔
رہنماوں کا مزید کہنا تھا کہ وزیر اعظم کی کر اچی میں مو جودگی میں یہ سا نحہ رونما ہوا لیکن وزیر اعظم اس سا نحے پر ہمدردی کے دو الفا ظ بھی نہ بول سکے پھر ہم حکومت سے کیا اُمید رکھیں۔وزیر اعلی سندھ کی نااہلی کا اندا زہ آپ اس با ت سے لگا سکتے ہیں کہ زخمیوں کو ہسپتا ل لے جانے کیلئے ایمبو لینس تک نہیں تھے لوگ گدھا گا ڑیو ں اور رکشوں میں زخمیوں کو ہسپتال پہنچا تے رہے اور حکومت سندھ کا کوئی اہل کا ر اس سا نحے پر لو گو ں کی دل جوئی کیلئے نہ پہنچ سکے جس کی ہم شدید مذمت کرتے ہیں او ر مطا لبہ کرتے ہیں کہ حکومت سندھ فو ری طور پر مستعفی ہوجا ئے ۔
وحدت نیوز (لاہور) مجلس وحدت مسلمین لاہور کے زیر اہتمام سانحہ شکار پور میں شہید ہونے والے لاہورکے رہائشی سید قمر عباس کاظمی کی نماز جنازہ پریس کلب لاہور کے سامنے ادا کی گئی ، جس میں مجلس وحدت مسلمین پاکستان کے مرکزی سیکرٹری تربیت علامہ احمد اقبال رضوی ،مرکزی رہنماء علامہ ابوزر مہدوی ، صوبائی رہنماء علامہ حسن ہمدانی ، ضلعی سیکرٹری جنرل علامہ امتیاز کاظمی ، مدارس جعفریہ پاکستان کی مجلس نظارت کے رکن علامہ ناظم رضا عترتی ، مرکزی سیکرٹری جنرل مدارس جعفریہ پاکستان مولانا حسنین عارف ، پاکستان تحریک انصاف کے رہنما اعجاز چوہدری صاحب پاکستان عوامی تحریک ساجد بهٹی سول سوسائٹی کے ملک عابد عبداللہ پریس کلب لاہور کے صدر ارشد انصاری شیعہ علما کونسل کے علامہ مظہر علوی نے شرکت کی.
وحدت نیوز (اسلام آباد) مجلس وحدت مسلمین ضلع اسلام آباد کی جانب سے سانحہ شکار پور کے شہداءکی یاد میں نیشنل پریس کلب اسلام آباد کے سامنے شمعیں روشن کی گئیں اور شہداء کیلئے دعا کی گئی۔ اس موقع پر خطاب کرتے ہوئے ایم ڈبلیو ایم اسلام آباد کے سیکرٹری جنرل ظہیر نقوی اور ایم ڈبلیو ایم پنجاب کے ترجمان علامہ اصغر عسکری کا کہنا تھا کہ سانحہ پشاور کے بعد سانحہ شکار پور حکومتی اور ریاستی ناکامی کا منہ بولتا ثبوت ہیں، مظلوم عوام کو دہشتگردوں کے رحم و کرم پر چھور دیا گیا ہے۔ اکیسویں آئینی ترمیم کی منظوری کو ایک ماہ گزر گیا لیکن قومی ایکشن پلان پر عمل درآمد کی رفتار نہ ہونے کے برابر ہے یہی وجہ بنی ہے کہ کالعدم جماعتیں آج بھی سرگرام عمل ہیں اور یہاں تک کہ شکار پور میں بدترین سانحہ کرکے 65 نمازیوں کو خون میں نہلا دیا گیا۔ علامہ اصغر عسکری کا کہنا تھا کہ حکومت کے کالعدم جماعتوں سے آج بھی مراسم قائم ہیں یہی وجہ ہے کہ کالعدم جماعتیں اپنی سرگرمیاں جاری رکھے ہوئے ہیں، انہیں روکنے ٹوکنے والا کوئی نہیں ہے۔ جبکہ دوسری جانب دہشتگردی مخالف قوتوں کو ہراساں کیا جارہا ہے۔ ایم ڈبلیو ایم کے کئی کارکنوں ضلعی رہنماوں کو بے گناہ گرفتار کرکے پابند سلسل کردیا گیا ہے۔ اس عمل سے ثابت ہوتا ہے کہ حکومت ہمیں پاک فوج کی حمایت کی سزا دے رہی ہے۔ علامہ عسکری نے مطالبہ کیا کہ حکومت فی الفور سانحہ شکارپور میں ملوث افراد اور ان کے سہولت کاروں کو عبرت ناک سزا دے اور انہیں قوم کے سامنے بےنقاب کرے۔ وہ مدارس جو دہشتگردی میں ملوث ہیں انہیں فی الفور بند کیا جائے۔ افسوس کا مقام ہے کہ خود وزیرداخلہ چودھری نثار کہہ چکے ہیں کہ 10 فیصد مدارس دہشتگردی میں ملوث ہیں لیکن تاحال ان مدارس کیخلاف کوئی کارروائی عمل میں نہیں لائی جا رہی۔
وحدت نیوز (راولپنڈی) سانحہ شکار پور میں معصوم انسانی جانوں کا ضیاع حکومتی بے حسی اور نا اہلی کا منہ بولتا ثبوت ہے۔ دہشت گردی کے پہ در پہ واقعات نے یہ ثابت کر دیا ہے کہ ملکی سیکورٹی ادارے اور انتظامیہ مکمل طور پر مفلوج ہو چکی ہے۔ایسی حکومت کو فورا مستعفی ہو جانا چاہیے۔ان خیالات کا اظہار مجلس وحدت مسلمین راولپنڈی کے ضلعی سرپرست نے سانحہ شکار پور کے خلاف پریس کلب راولپنڈی کے سامنے ایک احتجاجی مظاہرے کے دوران کیا۔ انہوں نے کہا کہ اب ہمارے صبر کا پیمانہ لبریز ہو چکا ہے۔اگر ملت تشیع کے افراد کی لاشیں گرانے کا یہ سلسلہ بند نہ ہوا تو پھر پاکستان کے پانچ کروڑ سے زائد شیعہ سڑکوں پر نکلنے پر مجبور ہو جائیں گے۔ ایم ڈبلیو ایم کے ضلع جنرل سیکریٹری سید ساجد شیرازی نے کہا ہے کہ حکومت کی پشت پناہی میں پلنے والے یہ ملک دشمن عناصر ملکی سلامتی و بقا کے ازلی دشمن ہیں ان کو سرعام چوراہوں پر پھانسی دی جائے۔ انہوں نے کہا کہ مساجد،امام بارگاہوں اور مقدسات کو نشانہ بنانے والے کسی رعایت کے مستحق نہیں۔ ہم حکومت سے نہ صرف مطالبہ کرتے ہیں بلکہ تنبیہ کرتے ہیں کہ قاتلوں کے ساتھ لچک کا رویہ نہ اپنائے۔اگر حکومت ملک میں امن کی حقیقی خیر خواہ ہے تو وطن عزیز سے ان ناپاک عناصر کا فوری اور مکمل صفایا کیا جائے۔احتجاجی مظاہرہ سے ان مقررین کے علاوہ مولانا ظہیر سبزواری، مولانا سلیم حیدراور مولانا شاکر نے بھی خطاب کیا۔مظاہرین نے پریس کلب تا مری روڈ ریلی بھی نکالی ۔مظاہرہ میں سینکڑوں افرادنے شرکت کی اور دہشت گردی اور حکومت کے خلاف نعرے بھی لگائے۔
وحدت نیوز (نجف اشرف) مجلس وحدت مسلمین پاکستان شعبہ نجف اشرف عراق کے جنرل سیکرٹری حجتہ الاسلام و المسلمین الشیخ ناصر عباس النجفی صاحب نے سانحہ شکار پور کی مزمت کی ہے.اور اس کو دہشت گردوں کی بزدلانہ اور انسانیت سوز کاروائی قرار دیا ہے.نمازیوں پر حملہ کرنا اسلام جو کہ امن اور سلامتی کا دین ہے.کے سنہری اصولوں کے قتل کے مترادف ہے.اس سے ظاہر ہوتا ہے کہ ان دہشت گردوں کا اسلام سے کوئی تعلق نہیں ہے.یہ لوگ خارجی ہیں.اور اسلام اور .سلمانوں کے دشمن ہیں.پوری دنیا میں صرف ایک ہی فکر کے لوگ اسلام اور مسلمانوں کے دشمن ہیں.یہ خوارج اور تکفیری اور سلفی یہود و ہنود اور مغربی استعمار کے ساتھ مل کر امت مسلمہ کے خلاف جنگ لر رہا ہے.اب ایک سازش کے تحت پاکستان کو مقتل گاہ بنادیا گیا ہے.تشیع پاکستان کو خون میں نہلادیا گیا ہے.اس سارے کھیل میں وفاقی حکومت اور صوبائی حکومت بھی شامل ہے.صوفیا کی سرزمین پر شیعہ مسلمانوں کا قتل عام ،ٹارگٹ کلنگ.خودکش حملے اور بم دھماکے پی پی پی حکومت کی ناکامی اور شیعہ دشمنی کا ثبوت ہے.
پی پی پی شیعیان پاکستان کی قاتل جماعت بن گئی ہے.لیکن شہادت ہمیں کربلا سے ورثہ میں ملی ہے.اب وقت آ گیا ہے کہ اکابرین ملت مل کر دفاعی پالیسی بنائیں.اب کتنی اور لاشیں اٹھانی ہیں اور کب تک خونی درندے پاکستانی عوام کا قتل عام کرتے رہیں گے
