وحدت نیوز(کراچی)مجلس وحدت مسلمین کے ترجمان علامہ مختار امامی کا کہنا تھا کہ پر امن پاراچنار احتجاجی دھرنوں پر پولیس گردی کی مذمت کرتے ہیں انہوں نے میئر کراچی مرتضی وہاب کی پریس کانفرنس پر رد عمل کا اظہار کرتے ہوئے کہنا تھا کہ پیپلزپارٹی قیادت مرتضی وہاب کے مسلسل عوام مخالف بیانات کا نوٹس لے۔مرتضی وہاب شہر سے ایک کونسلر کی سیٹ نہیں جیت سکتے۔انہوں نے کہا کہ نمائش دھرنے کے ساتھ ویں روز پیپلزپارٹی کے حکومتی وفد نے ایم ڈبلیو۔ایم رہنماوں سے ملاقات کی اور ہمارے پر امن احتجاجی دھرنوں کو مثالی قرار دیا۔پورے شہر میں دھرنے ایک جانب رہے ٹریفک اور کاروبار سمیت زندگی معمول پر رہی۔

انہوں نے کہا پاراچنار کا مسئلہ پشاور میں تو کشمیر اور غزہ کے مسئلے کہاں حل ہونگے۔پاراچنار دہشتگردی، راستوں کی بندش انسانی المیہ اختیار کرتا جارہا تھا۔وفاقی و صوبائی حکومت اور ریاستی اداروں کی۔جانب سے پاراچنار کے راستوں کی بندش اور دہشتگردوں کے خلاف کاروائی نہ ہونے پر ملک گیر احتجاج کیا ۔احتجاج کرنا ہمارا قونی و آئینی حق ہے ۔انہوں نے کہا کہ آصف علی زرداری بحیثیت صدر ذمہ دارہیں کہ کرم کا مسئلہ میں کردار ادا کرتے ۔پیپلزپارٹی کی یہ سیاست اور زبان نہیں آپ کے منہ میں جس کی زبان ہے قوم کو اچھی طرح پتہ ہے ۔ذوالفقار علی بھٹو اور بینظیر بھٹو شہید کئ جماعت آج اسٹیبلشمنٹ کی زبان بولے لمحہ فکریہ ہے۔ملک گیر دھرنوں میں وزیر اعلیٰ خیبر پختونخواہ علی امین گنڈہ پور کی نا اہلی پر استعفیٰ کا مطالبہ کیا۔مرتضی وہاب لندن، امریکہ، جرمنی کے وزیر خارجہ کو خط لکھیں کے وہاں احتجاج کیوں ہوا؟

 انہوں نے کہاکہ سندھ حکومت کی ایماء پر شرکاء دھرنے پر گولیاں برسائیں گئیں پولیس کی فائرنگ سے ملیر 15 پر ایک نوجوان شبیہ حیدر زیدی شہید ہوگیا اور درجنوں کے قریب زخمی ہوئے ۔جس کی جتنی مذمت کی جائے کم ہے۔ انہوں نے کہا کہ میئر کراچی پولیس کی فائرنگ سے شہید ہونے والے شبیہ حیدر زیدی کے قتل کی مذمت کریں سندھ حکومت کے ایماء پر گولیوں سے درجنوں پر امن شرکاء زخمی ہوئے جس کے مقدمات حکومت سندھ کے خلاف کٹوائے جائیِں گے۔

وحدت نیوز(کراچی) مرکزی جنرل سیکریٹری مجلس وحدت مسلمین پاکستان ناصر عباس شیرازی کی نمائش چورنگی کراچی مرکزی دھرنے میں اہم پریس کانفرنس ، انہوں نے کہا کہ میں پورے پاکستان کے دھرنوں سے رابطے میں ہوں،لیکن پارا چنار والوں کے دلوں کو کراچی والوں نے جیتا ہے،انہیں یقین ہوگیا ہے آپ کی استقامت سے کے وہ تنہا نہیں ہیں،آج پاراچنار کے مظلوموں کی آواز بلند کرنے کیلئے اپنا سکوں آرام قربان کیا گیا،ہماری بیٹیاں بہنیں ہمارا فخر ہیں کہ وہ ڈٹ کر کھڑی رہیں،آپ کو پتہ ہونا چاہئیے کہ آپ صرف دھرنا نہیں دے رہے،آپ صرف سڑکوں پر نہیں بیٹھے،یہ مظلوموں کے حق میں کھڑا ہونا عبادت ہے،ظالم کے مقابلے میں مظلوم کے حق میں آواز بلند کرنا ہی مولا کے چاہنے والوں کا راستہ ہے،آپ جس مقصد کیلئے کھڑے ہیں وہ کسی فرقے کیلئے نہیں ہے،آپ کسی ایک علاقے یا کمیونٹی کیلئے نہیں کھڑے،یہ دھرنے یہ احتجاج ان تمام باتوں سے ماورا ہے،یہ ملک کے استحکام کیلئے ہے،یہ پاکستان کے بارڈرز کا اصل تحفظ کرنے والوں کی بات ہے۔کل جس جوان کی گردن کاٹی گئی،یزیدیت کی رسم پوری کی گئی،وہ لڑکا عیسائی تھا، نا شیعہ نا سنی،یہ فرقے کی نہیں وطن کی بقا کی جنگ ہے،اس میں شامل ہونا ہماری ذمے داری ہے، انسانی تقاضا ہے۔

انہوں نے کہا کہ پاکستان نے کچھ کنونشن سائن کیئے ہیں،جنگ میں عوام اگر دشمن کی بھی ہو تو اسے سزا نہیں دے سکتے،اگر یہ جنگ تھی تو  اس کلیکٹو پنشمنٹ میں بچوں اور عورتوں کو سزا دی گئی،اس عمل کو جنگی جرم شمار کیا جاتا ہے،پارا چنار میں ساڑھے تین سو میڈیکل اسٹور ہیں،ان تمام پر بخار تک کی دوا دستیاب نہیں،وہاں مریض کو اسپتال پہنچانے کیلئے ایمبولینس کا دیول تک نہیں،ساڑھے چار ہزار لوگ بیرون ملک کام کرنے والے ہیںان کے ویزوں کی مدت ختم ہو گئی ہے،پارا چنار میں طالبعلموں کو حصول تعلیم کا موقع نہیں مل رہا،وہاں گھروں میں روٹی پکانے کیلئے آٹا تک نہیں،آپ کہتے ہیں اسٹیٹ کی رٹ برقرار رکھنی ہے،تو کیا پارا چنار اس اسٹیٹ کا حصہ نہیں،اگر ہے تو پہلے وہاں کے راستے کھولیں،صوبائی حکومت کی ذمے داری ہے کہ راستے کھولے جائیں،اگر وہ یہ نہیں کر سکتے تو ناکام ہیں۔

ناصر شیرازی نے کہا کہ جو ہمیں تحفظ نہیں دے سکتا ہے اورحق نہیں دے سکتا وہ حکومت کے لائق نہیں،وہ کہتے ہیں کہ آج اسلحے کا خاتمہ ہو جائے تو راستے کھلوا دیں گے،مطلب راستے انہوں نے بند کرائے ہوئے ہیںاور اس تمام عمل میں وفاقی حکومت بھی برابر کی ذمے دار ہے،یہ کیسی سیکیورٹی ہے کہ محافظ بچ جائیں اور جن کی حفاظت کی جارہی ہو وہ مارے جائیں،بارڈر سیکیورٹی صوبے کی ذمے داری نہیں ہے،جو یہ سمجھتا ہے کہ وفاق ذمے دار نہیں وہ دھوکے میں ہے۔فیڈریشن بھی صوبائی حکومت کے برابر کی ذمے دار ہے۔

انہوں نے مزید کہا کہ2007 سے 13 تک پاراچنار کا محاصرہ رہا،اس وقت بھی ساڑھے چار سالہ محاصرے میں زرداری صاحب صدر تھے،آج بھی زرداری صاحب ایوان صدارت میں بیٹھے ہیں،صدر تو صوبوں کی اکائی ہوتا ہے،تو پھر سوال تو بنتا ہے کہ ذمے داری  کس کی ہے،یہاں آئین اور قانون کو پامال کیا گیا ہے،ہمیں پتہ ہے یہاں جلاؤ گھیراؤ کس نے کیا،سب سڑکیں کھلی ہیں راستے کھلے ہی ،پر امن احتجاج ہمارا حق ہے اور احتجاج کر رہے ہیں،بی بی کی شہادت پر پورا پاکستان جلا ہے،آپ کرو تو سہی، ہم کریں تو غلط،بی بی کی شہادت کا پہنیں بھی غم ہے،اگر آپ سب کی محنت، تکلیف کا کوئی صلہ نہ بھی ملے تو غم نہیں کرنا،جیسے نبی رحمت کو اللہ نے محفوظ رکھا تھا ویسے ہی پارا چنار کی عوام کو بھی اللہ محفوظ رکھے گا،یہ ساری کاوشیں آپ نے پارا چنار یا کسی اور کیلئے نہیں ہے،یہ اللہ اور رسول کیلئے امام حسین کیلئے مولا علی  کیلئے ہے، آپ کی یہ صدا با صحرا نہیں ہے، اس کا نتیجہ آیا ہے،میری پاراچنار میں علما اور عوام سے بات ہوئی ہے،وہاں سب آپ کے شکر گزار ہیں آپ سے خوش ہیں،بظاہر یہ معاملہ معاہدے کی وجہ سے حل ہوا ہے،لیکن درحقیقت یہ آپ ماؤں بہنوں بیٹوں کی وجہ سے  ہوا ہے،آپ کا یہ پاراچنار کیلئے کھڑے ہونا، پارا چنار کیلئے کھڑے ہونا ملک کیلئے کھڑا ہونا سب سے اہم ہے،ہماری قیادت جو فیصلہ کرے گی ہم سب اس پر لبیک کہیں گے۔

وحدت نیوز(کوہاٹ) انجمن حسینیہ پاراچنار کے مرکزی جنرل سیکرٹری جلال حسین طوری کا خصوصی ویڈیو پیغام جاری ہوگیا ہے ۔

جلال حسین طوری نے کہا کہ جرگہ کامیاب اورہمارا معائدہ ہوگیا ہے، جو خوش آئند ہے۔ تمام مومنین سمیت اہل سنت علماء کے حمایت پرمشکور ہیں۔

ہم سینیٹر علامہ راجہ ناصر عباس سے گزارش کرتے ہیں کہ اندرون ملک اور بیرون ملک جاری دھرنے ختم کرنے کی اپیل کریں۔

ملک بھر میں جاری دھرنوں کے شرکاء کو سلام پیش کرتے ہیں۔ انشاءاللہ جلد پاراچنار کے راستے کھل جائیں گے ۔

جلال حسین بنگش نے ملک وبیرون ملک دھرنوں کی کال دینے پر کہا کہ مجلس وحدت مسلمین پاکستان کے سربراہ سینیٹر علامہ راجہ ناصر عباس کی کاوشیں لائق صد تحسین ہیں۔