The Latest

وحدت نیوز(لاہور) محترمہ حنا تقوی سیکرٹری جنرل مجلس وحدت مسلمین شعبہ خواتین لاہور نے جعفریہ یونٹ اور عسکری 5 میں ایام علی علیہ السلام کے سلسلے میں مجالس عزا سے خطاب کیا اور فضائل ومصائب امیر المومنین علیہ السلام بیان کیے۔حقوق العباد کی ادائیگی میں بخل سے کام لینے والوں سے متعلق قول امام علی علیہ السلام بیان کرتے ہوئے محترمہ حنا تقوی نے کہا کہ ’’مجھے بخیل پر تعجب ہے کہ وہ جس فقر سے بھاگ رہا ہوتا ہے اسی کی جانب جلدی کرتا ہے اور جس ثروت مندی کو چاہتا ہے اسی کو ہاتھ سے دے رہا ہوتا ہے، پس وہ دنیا میں فقیروں جیسی زندگی گذارتا ہے جبکہ آخرت میں اس کا ثروت مندوں جیسا حساب لیا جائے گا۔‘‘۔

محترمہ حنا تقوی کا کہنا تھا کہ وبائی مرض کرونا کے باعث ابتر معاشی حالات کو مدنظر رکھتے ہوئے ہمیں اپنے اردگرد موجود مستحق افراد کی ضروریات کا خیال رکھنا ہے کیونکہ یہی ہمارے امام ع کی تعلیمات کے عین مطابق عمل ہے یاد رہے کہ ان مجالس عزا کا انعقاد حکومتی ہدایات اور ایس او پیز کو مدنظر رکھتے ہوئے کیا گیا۔ عسکری 5 میں منعقد کردہ مجلس عزا میں شرکت کرنے والے تمام عزاداران پر جراثیم کش اسپرے کیا گیا ماسک مہیا کیے گئے اور ہینڈ سینٹائزر کا استعمال یقینی بنایا گیا۔ دوران مجلس سماجی فاصلے کا خیال بھی رکھا گیا۔مجلس عزا کی فیس بک پر لائیو کوریج کی گئی ۔محترمہ حنا تقوی کا کہنا تھا کہ ہمیں اس مشکل وقت میں حکومتی احکامات پر عمل کرتے ہوئے عزاداری کے  انعقاد کو یقینی بنانا چاہیے۔

وحدت نیوز(فیصل آباد) مجلس وحدت مسلمین شعبہ خواتین کی مرکزی سیکرٹری فلاح و بہبود محترمہ فرحانہ گلزیب نے شہادت امام علی علیہ سلام کی مناسبت سے سٹی41 TV چینل کے خصوصی پروگرام میں گفتگو کرتے ہوئے کہا کہ مولا علی علیہ سلام کی ذات مبارکہ کے اعلیٰ اوصاف آپ کے فضائل و کمالات ، دین اسلام کی راہ میں آپ کا مسلسل جہاد اور آپکی حیات طیبہ کا ہر پہلو لائق پیروی ہے ۔انھوں نے کہا کہ امام علی علیہ سلام عالم بشریت کے لیے منبع ھدایت ھیں ان کی سیرت کا ہر پہلو درخشاں و تابناک ہے، قرآن کریم نے آپ علیہ سلام کی مودت اور پیروی کو لازم قرار دیا ہے ۔

ان کا مزید کہنا تھا کہ اوصاف و کمالات امام علی علیہ سلام بیان کرنے عام بشر کے بس میں نہیں آپ کی علم و سخاوت ، حلم و شجاعت اور تقوی الہی غرض ہر ہر پہلو پر بے شمار کتابیں لکھی گئی ھیں نہج البلاغہ جیسی عظیم کتاب جو کہ خطبات ، خطوت اور کلمات قصار پر مشتمل ھے آپ کے صاحب علم لدنی ہونے کی دلیل ہے۔

وحدت نیوز(کراچی)مجلس وحدت مسلمین صوبہ سندھ کے سیکریٹری جنرل علامہ سید باقرعباس زیدی نے کراچی میں مرکزی جلوس یوم علیؑ سے واپسی پر عزاداروں کی بلاجواز گرفتاری کی مزمت کرتے ہوئے کہا کہ سندھ حکومت انتظامیہ نے یوم علی ع کے جلوسوں میں رکاوٹ بن کر یزیدی کر دار ادا کیا ۔کراچی میں 200 سے زائد عزاداروں کی جلوس سے واپسی پر گرفتاری قابل مزمت ہے۔حکومت فوری گرفتار عزاداروں کو رہا کرے۔

 علامہ باقرعباس زیدی نے میڈیا کو جاری بیان میں کہا کہ کراچی سمیت سندھ بھر میں ایس او پیز کے پابندی کے باوجود مجالس و جلوس ہائے عزاء میں رکاوٹ ڈالنے کی مذمت کرتے ہیں۔یوم علی ع کے جلوس ایس او پیز کے تحت نکالے گئے ہیں۔ یوم علی ؑ کے جلوسوں پر پابندی نہیں لگائی جا سکتی۔عزاداری کے پروگرامات ہمارا قانونی و آئینی حق ہے۔مرکزی یوم علی کے جلوس سے واپسی پر گھر جاتے ہوئے عزاداروں کو دھوکے سے گرفتار کیا گیا۔وزیرا علی سندھ و حکومت شہر میں فرقہ وارانہ تصادم کرانا چاہتے ہیں ۔نا اہل وزیر اعلی کو فوری بر طرف کیا جائے ۔

انہوں نے کہا کہ سندھ حکومت میں اب بھی کالعدم تکفیری جماعتوں کے وزراء موجود ہیں ۔صدر اور وزیر اعظم سے ملاقات میں یوم علی ع کے پروگراموں کے انعقاد کی تائید کی گئی تھی۔ملک میں بسنے والے آٹھ کروڑ تشیع کے مذہبی جذبات کو مجروح کیا گیا۔ملت تشیع ملک کی ایک ذمہ دار قوم ہے ہم اپنی مذہبی آزادی کسی کو سلب کرنے کی اجازت نہیں دیں گے۔عزاداری کے پروگراموں کو حکومتی ایس اوپیز کی پاسداری کرتے ہوئے منایا گیا۔

ان کا مزید کہنا تھا کہ ملت تشیع ایک پُرامن قوم ہے اور قانون کی پاسداری کو فرض سمجھتی ہے۔ملک وقوم کی سلامتی دانشمندانہ فیصلوں کا تقاضہ کرتی ہے۔سندھ حکومت عزاداروں کو ہراساں کرکے یزیدی سلوک کررہی۔تمام گرفتار عزاداروں کو فوری رہا کرکے ایف آئی آرزواپس لیے جائیں۔کراچی ، شکار پور سمیت دیگر شہروں سےگرفتاربے گناہ عزاداروں رہا نہیں کیا گیا تو پوری شیعہ قوم وزیر اعلی ہاؤس کا گھیراؤ کریں گی۔

وحدت نیوز(کوئٹہ) ہر سال دنیا کے کروڑوں مسلمان فلسطین پر صہیونی ناجائز تسلط کے خلاف اور قبلہ اول بیت القدس و سر ز مین فلسطین کی آزادی کے لئے عالمی یوم القدس  مناتے ہیں۔ اسرائیل سنہ1948ء میں دنیا میں آنے والا سب سے خطر ناک کورونا وائرس ہے ۔ موجودہ حالات میں کورونا وائرس اور اسرائیل نامی کورونا وائرس دونوں انسانیت کے لئے خطرہ ہیں ۔ یوم نکبہ او ر جمعۃ الوداع یوم القدس کے عنوان سے ہفتہَ آزادیَ القدس مہم 15مئی سے 22مئی تک چلائی جائے گی ۔ ان خیالات کا اظہار مرکزی ترجمان مجلس وحدت مسلمین پاکستان علامہ مقصودڈومکی نے فلسطین فاؤنڈیشن پاکستان کے زیر اہتمام کوئٹہ پریس کلب میں آل پرٹیز پریس کانفرنس سے خطاب کرتے ہوئے کیا۔ اس موقع پر
مولانا عبدالحق ہاشمی  امیر جماعت اسلامی بلوچستان، پیر سید حبیب اللہ شاہ چشتی وائس چیئرمین سنی سپریم کونسل بلوچستان، سینٹر میر مہیم خان بلوچ  بزرگ قوم پرست رہنما ، مولانا ڈاکٹر عطاء الرحمن صوبائی رہنما ، مولانا رانا محمد اشفاق صوبائی امیر جماعت الدعوہ بلوچستان، آغا سہیل اکبر شیرازی صوبائی رہنما فلسطین فاونڈیشن بلوچستان اور مولانا منور حسین سولنگی  رہنما فلسطین فاونڈیشن بھی موجود تھے۔

رہنماؤں نے کہا کہ عوام یوم القدس کے موقع پر جمعۃ الوداع کو گھروں کی چھتوں اور کھڑکیوں سے پاکستان اور فلسطین کے پرچم لہرا کر یوم القدس میں شامل ہوں ۔ غاصب اسرائیل کے قیام کے دن یوم نکبہ کی مناسبت سے ملک بھر میں سوشل میڈیا پر #;67;ovid1948 مہم چلائی جائے گی ۔ فلسطین پر قائم کی جانے والی ناجائز ریاست اسرائیل کے قیام کے دن کے خلاف فلسطینیوں کے حق میں یوم نکبہ اور رمضان المبارک کے آخری جمعہ یعنی جمعۃ الوداع کو عالمی یوم القد س کی مناسبت سے 15مئی تا 22مئی تک ہفتہ َ آزادی َ القدس بعنوان ’’القدس شہداء کا راستہ‘‘ شعار کے تحت منایا جائے گا ۔

مقررین نے کہا کہ حالیہ صورتحال اور لاک ڈاؤن کے پیش نظر ملک بھر میں بڑی سرگرمیاں انجام نہیں دی جا رہی ہیں تاہم فلسطین کے مظلوموں کو اس موقع پر کورونا سمیت اسرائیل کے رحم و کرم پر نہیں چھوڑا جا سکتا تاہم فلسطین فاونڈیشن پاکستان کے تحت ملک بھر میں سوشل میڈیا پر بھرپور مہم چلائی جائے گی جبکہ دیگر شہروں میں بھی پریس کلانفرنسز کانعقاد کر کے غاصب صہیونی ریاست اسرائیل کے ناپاک وجود کے خلاف احتجاج ریکارڈ کروایا جائے گا ۔ ہم پاکستان کی تمام سیاسی ومذہبی جماعتوں سمیت سول سوساءٹی اور این جی اوز سے اپیل کرتے ہیں کہ ہفتہَ آزادیَ القدس کے دوران آن لائن تحریری و سوالاتی مقابلہ جات کئے جائیں اور ذرائع ابلاغ کے ذریعہ پاکستان بھر کے عوام تک فلسطینیوں کی مظلومیت کا پیغام پہنچایا جائے ۔

رہنماؤ ں نے مزید کہا کہ فلسطین فاونڈیشن پاکستان بانیان پاکستان قائد اعظم محمد علی جناح اور علامہ اقبال کے وضع کردہ اصولوں پر کاربند رہتے ہوئے فلسطین کاز کی حمایت جاری رکھے گی ہم حکومت پاکستان سے مطالبہ کرتے ہیں کہ پاکستان میں موجود اسرائیل نواز لابی کے خلاف سخت کریک ڈاون کیا جائے اور وزیر اعظم اپنی صفوں میں گھس جانے والے اسرائیلی ایجنٹوں کا صفایا کریں ۔ہم اس موقع پر سر زمین بلوچستان کوئٹہ کے ان شہداء کو سلا م عقیدت پیش کرتے ہیں جنہوں نے قبلہ اول اور سرزمین فلسطین کی آزادی کے لئے اپنے لہو کا نذرانہ پیش کیا۔ان شہداء کا پاکیزہ خون رنگ لائے گا اور ان شاء اللہ عنقریب قبلہ اول بیت المقدس اور فلسطین آزاد ہوگا۔ پاکستان کے عوا م اور ان کی نمائندہ سیاسی مذہبی جماعتوں نے ہی تحریک آزادی فلسطین کی حمایت کی ہے۔ ہم اس موقع پر کشمیرکے مظلو م عوام کی جدوجہد آزادی کی بھی حما یت کرتے ہوئے عالمی برادری خصوصا امت مسلمہ سے اپیل کرتے ہیں کہ وہ ہر سطح پر آزادی کشمیر کے حق میں آواز بلند کریں۔

وحدت نیوز(اسلام آباد)مجلس وحدت مسلمین پاکستان کے مرکزی ڈپٹی سیکرٹری جنرل علامہ احمد اقبال رضوی نے افغانستان کے دارالحکومت کابل کے ہسپتال میں فائرنگ کے واقعہ کی شدید مذمت کی ہے۔ انہوں نے کہا کہ نوزائیدہ بچوں اور ماں بننے کے عمل سے گزرنے والی خواتین پر گولیاں برسانے والے انسان کہلانے کے مستحق نہیں، یہ گھناؤنا جرم ناقابل معافی ہے جس پر انسانی حقوق کے عالمی اداروں اور مقتدر قوتوں کو آواز بلند کرنی چاہیئے۔ انہوں نے کہا کہ صوبہ ننگرہار میں نماز جنازہ پر خودکش حملہ کرکے چوبیس افراد کو موت کے گھاٹ اتارنے کا ایک اور واقعہ اس حقیقت کی دلالت کرتا ہے کہ افغانستان میں منفی قوتیں ایک بار پھر زور پکڑ رہی ہیں۔

انہوں نے کہا کہ دہشت گردوں سے لچک کا مظاہرہ ان کے حوصلوں کی تقویت کا باعث ہے، کسی بھی ملک میں امن و امان کے حقیقی قیام کے لئے ضروری ہے کہ شرپسند عناصر سے آہنی ہاتھوں سے نمٹا جائے اور اس وقت تک حکومت سکون سے نہ بیٹھے کب تک یہ عناصر کیفر کردار تک نہیں پہنچ جاتے، کسی بھی حکومت کا دہشت گردوں سے مذاکرات کا مطلب ان کی قوت کو تسلیم کرلینا ہے، جو حکومت اپنی رٹ منوانے نہیں جانتی اس کے فیصلوں میں اس طرح کی بے بسی دکھائی دیتی ہے، افغانستان کی حکومت شدت پسندوں کے گرد گھیرا تنگ کرکے ان سے نجات حاصل کر سکتی ہے، دہشت گرد قوتوں کو کسی بھی قسم کی چھوٹ دینا پورے خطے کی سلامتی کو خطرے میں ڈالنے کے مترادف ہے۔

وحدت نیوز(اسلام آباد)افغانستان کے دارالحکومت کابل کے ایک ہسپتال کے میٹرنٹی وارڈ میں ایک بار پھر انسانیت دشمن درندوں نے خون کی ہولی کھیلی اور نومولود بچوں سمیت بیس افراد کو موت کے گھاٹ اتار دیا۔ اس المناک سانحہ پر میڈیا سیل سے جاری مذمتی بیان میں مجلسِ وحدت مسلمین شعبہ خواتین کی سیکرٹری جنرل و رکن صوبائی اسمبلی سیدہ زہراء نقوی نے کہا ہے کہ نسل یزید و حرملہ نے نومولود بچوں، ماؤں اور ہسپتال کے عملے کو قتل کرکے اپنی سفاکیت کا ثبوت دیا ہے۔ انہوں نے کہا کہ اس سفاکیت اور انسانیت سوز مظالم کی جتنی مذمت کی جائے کم ہے۔

ہزارہ کمیونٹی چاہے پاکستان میں ہو یا افغانستان میں، کہیں محفوظ نہیں۔ طالبان، داعش اور ان جیسی دیگر سفاک دہشت گرد تنظیمیں انسانیت کی دشمن اور قاتل ہیں اور قاتلوں سے مذاکرات نہیں کیے جاتے بلکہ ان کے ساتھ آہنی ہاتھوں سے نمٹتے ہوئے انہیں نشان عبرت بنایا جاتا ہے۔ انہوں نے  کہا کہ عالمی امن و سلامتی کے اداروں کی جانب سے اس دل دہلا دینے والے اندوہناک ظلم پر مجرمانہ خاموشی افسوسناک ہے، ہم ہر ظالم کے دشمن ہیں، خواہ وہ مسلمان ہی کیوں نہ ہو اور ہر مظلوم کے حامی ہیں، چاہے وہ کوئی کافر ہی کیوں نہ ہو۔

وحدت نیوز(اسلام آباد)مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری نے یوم علی علیہ السلام کی مناسبت سے اپنے پیغام میں کہا ہے امت مسلمہ کو اپنا وقار قائم کرنے کے لیے امیر المومنین حضرت علی علیہ السلام کے طرز زندگی سےاستفادہ کرنے کی ضرورت ہے۔امیر المومنینؑ نے سازشی گروہوں کو اسلام کے زیریں اصولوں سے شکست دی۔حضرت علی ع نے عدل کے اصولوں پر سختی سے عمل کر کے طبقاتی تفریق اور دوہرے معیار کے وجود کا خاتمہ کیا آپ کی اس انفرادیت نے ان لوگوں کو آپ کا دشمن بنا دیا جو انصاف پسندی کی بجائے موقع شناسی سے کام لیتے تھے۔

انہوں نے کہا کہ حضرت علی ع نے اپنی زندگی کو سیرت رسولؐ کا عملی نمونہ بنا کر پیش کیا۔آج امت مسلمہ کے زوال کی بنیادی وجہ اسلام کی بنیادی تعلیمات سے انحراف اور اپنے اسلاف کے طرز عمل سے دوری ہے۔آج کے مسلمان حکمران اصول پسندی کی بجائے مصلحت پسندی کے قائل ہیں یہ وجہ ہے کہ عالمی ایشوز پر جراتمندانہ موقف پیش کرنے کی بجائے بزدلانہ انداز اختیار کر کے قومی وقار کو ہمیشہ ٹھیس پہنچائی گئی ۔

انہوں نے کہا حیدر کرار ّ کی جرات و بہادری کا یہ حال تھا کہ انہیں میدان جنگ میں کبھی زیر نہیں کیا جا سکا۔ سازشیوں نے اپنے آلہ کار کے ذریعے مولا کائنات پر اس وقت وار کیا جب وہ حالت نماز میں تھے۔امت مسلمہ آج بھی انہی سازشوں کا شکار ہے جس کا بروقت درک نہ کیا تو عالم اسلام سنگین نقصانات سے دوچار ہو گا۔

وحدت نیوز(کوئٹہ)مجلس وحدت مسلمین بلوچستان کے صوبائی سیکرٹری جنرل علامہ برکت علی مطہری نے کہا ہے یوم علی علیہ السلام پر جلوس حکومت کی طے شدہ ایس او پیز پر عمل کرتے ہوئے نکالے جائیں گے۔ عزاداری ہمارے ایمان کا حصہ ہے جس پر کسی قسم کی قدغن قبول نہیں کریں گے۔وفاقی حکومت نے علما کی مشاورت سے احتیاطی ہدایات پر عمل کرتے ہوئے ہر طرح کی عبادت کی آزادی دے رکھی ہے۔بلوچستان حکومت کا اس میں رکاوٹیں کھڑی کرنا بلاجواز ہیں۔

 انہوں نے کہ ہم اس ملک کے ذمہ دار شہری ہیں اور قانون کی بالادستی پر یقین رکھتے ہیں لیکن قانون کی آڑ میں کسی قسم کی زیادتی کو برداشت نہیں کیا جا سکتا۔ہم اپنی مذہبی آزادی سلب کرنے کی کسی کو ہرگز اجازت نہیں دیں گے۔انہوں نے کہا کہ لاک ڈاؤن میں نرمی کے بعد بازاروں کی حالت ناقابل بیان ہے۔وہاں حکومتی ایس او پیز کو سرے عام پامال کیا جارہا ہے لیکن حکومت ٹس سے مس نہیں ہو رہی جب کہ ملت تشیع کی طرف سے ایس او پیز پر عمل درآمد کی باربار یقین دہانی کے باوجود انہیں دبایا جا رہا ہے جو سراسر زیادتی ہے۔انہوں نے کہا کہ ملت تشیع کورونا سے بچاؤ کے ضروری اقدامات کرتے ہوئے یوم علی ع کے جلوس معمول کے مطابق برآمد کریں گے۔

وحدت نیوز(اسلام آباد)علی علیہ السلام امام اور رہبر ہیں محبوب پیغمبر ص ہیں علم لدنی کے مالک ہیں خدا کی بندگی میں بالاترین مقام پر فائز ہیں حق و باطل کے درمیان فرق پیدا کرنے والے ہیں حق ہمیشہ آپ کے ساتھ ہے قرآن ہمیشہ آپ کے ساتھ ہے تو ایسے شخص کی اطاعت اور پیروی کرنا پوری امت مسلمہ پر واجب ہو جاتا ہے ان خیالات کا اظہار ایم ڈبلیو ایم شعبہ خواتین کی مرکزی سیکرٹری جنرل اور ایم پی اے سیدہ زھرا نقوی نے شہادت امام علی علیہ سلام کے موقع پر جاری کردہ اپنے تعزیتی بیان میں کیا ۔

انھوں نے کہا پروردگار عالم کے حضور سجدہ شکر بجا لاتے ہیں کہ اس نے ہمیں ولایت امیرالمومنین ع سے تمسک رکھنے والوں میں قرار دیا کیا جن کی محبت و پیروی میں دنیا و آخرت کی فلاح و کامیابی مضمر ہے۔ انھوں نے کہا امام علی علیہ سلام جہاں بہادری و شجاعت میں بے مثال ہےوہیں آپ علیہ سلام تاریخ کی مظلوم ترین شخصیت بھی ہیں جن کو ان کے حق سے محروم رکھا گیا اور ظاھری خلافت ملنے کے بعد بھی حکومت  میں عدل الہئ کے نفوذ اور دین اسلام کے احکامات کے نفاذ کرنے کے باعث انھیں شھید کر دیا گیا ۔

انھوں نے کہا کہ مولا علی ع ہمیشہ مظلومین کے لیے ڈھال بنے رہے یہی وجہ ہے کہ مظلومین کی حمایت اور ظالم سے اظہار برات آپ کی وصیت میں شامل ہے۔ ان کا مزید کہنا تھا کہ یہ رتبہ و شرف امام المتقین علی علیہ سلام کو ہی حاصل تھا کہ ضربت لگنے کے بعد جنھوں نے اپنی کامیابی کا اعلان کیا ۔انھوں نے مزید کہا کہ آج امت مسلمہ جس نازک دور سے گزر رہی ہے اس میں امام علی علیہ سلام کے علم و حکمت اور بصیرت کی روشنی میں راہنمائی حاصل کرنے کی ضرورت ہے۔

وحدت نیوز(اسلام آباد) مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری نے ممتاز شیعہ عالم دین علامہ امین شہیدی کے بھائی یحییٰ جعفری کے انتقال پر دلی رنج وغم کا اظہار کرتے ہوئے اسے خاندان کے لیے ایک عظیم صدمہ قرار دیا ہے۔

انہوں نے کہا کہ وہ غمزدہ خاندان کے دکھ میں برابر کے شریک ہیں، یحییٰ جعفری کا انتقال ان کے اہل خانہ کے لیے بلاشبہ ایک ناقابل تلافی نقصان ہے۔انہوں نے مرحوم کی بلندی درجات اور پسماندگان کے لیے صبر جمیل کی دعا ہے۔

واضح رہے کہ علامہ امین شہیدی کے چھوٹے بھائی یحییٰ جعفری آج شام کو لاہور میں خالق حقیقی سے جا ملے۔ مرحوم یحییٰ جعفری انتہائی نیک اور ملنسار انسان تھے. پروردگار انکی اگلی منزلیں آسان فرمائے ۔

Page 19 of 1053

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree