وحدت نیوز(لاہور)صوبائی سیکرٹری فلاح وبہبود مجلس وحدت مسلمین پنجاب شیخ عمران علی اور مولانا ظہیرالحسن کربلائی نے کہا کہ اجتماعی شادیوں کی تاریخ کا اعلان جلد کر دیا جائے گا۔ انہوں نے کہا کہ جو لوگ اس کارخیر میں حصہ ڈالنا چاہتے ہیں وہ جلد از جلد رابطہ کریں اور اس کارخیر میں شریک ہوں۔

مولانا ظہیرالحسن کربلائی نے کہا کہ ان شاءاللہ شعبان المعظم کے آخری ہفتے میں اجتماعی شادیوں کے پروگرام کا اعلان کر دیا جائے گا، بروز بدھ 5 فروری کو ہونیوالی میٹنگ میں حتمی تاریخ کا اعلان متوقع ہے۔ 5 فروری کو اجتماعی شادیوں کی اجرائی کمیٹی کی میٹنگ صوبائی آفس مجلس وحدت مسلمین پنجاب میں منعقد ہو رہی ہے، جس میں اس سلسلے میں کئی اہم فیصلے متوقع ہیں۔ تمام اجرائی امور کو حتمی شکل دیدی گئی ہے۔ آنیوالی میٹنگ میں منظوری کے بعد تقریب اور حتمی تاریخ کا اعلان کر دیا جائے گا۔

وحدت نیوز(کراچی) عوامی کالونی میںایم ڈبلیوایم کے زیر اہتمام منعقدہ مجلس ترحیم پر تکفیری دہشت گردوں کے حملے پولیس کی جانب سے بلاجواز گرفتار4 بے گناہ مومنین کی رہائی کے لئےقائد وحدت سینیٹرعلامہ راجہ ناصرعباس جعفری حفظہ اللہ کی خصوصی ہدایت پر ایم ڈبلیو ایم کراچی ڈویژن کے قائدین اور لیگل ٹیم کی انتھک محنت کے بعدولادت باسعادت کریمِ کربلا امام حسین علیہ السلام کے پرمسرت موقع پر چاروں اسیروں کو ضمانت پر رہائی مبارک ہو۔

سینٹرل جیل سے رہائی کے بعد اسیران کی صوبائی سیکریٹریٹ وحدت ہاؤس سولجر بازار آمد پر شاندار استقبال،اس موقع پر صوبائی صدر سندھ علامہ باقر عباس زیدی، صدر کراچی ڈویژن علامہ صادق جعفری ، ایڈوکیٹ نصیرالحسن کھوکھر ، علامہ اصغر حسین شہیدی ، صدر ضلع کورنگی عمران نقوی اور دیگر تنظیمی ذمہ داران بھی موجود تھے۔

واضح رہے کہ اس کیس کی پیروی کے لئے ایم ڈبلیوایم لیگل ٹیم نے سندھ ہائیکورٹ کے نامور وکیل جناب نصیر الحسن کھوکھر کی خدمات حاصل کیں تھیں۔

بعد ازاں ایم ڈبلیوایم کی ٹیم نے خود تمام اسیران کوپاور ہاؤس عوامی کالونی کورنگی میں ان کے گھروں پر جاکر اہل خانہ کے حوالے کیا۔اس موقع پر اہل علاقہ نے اسیران اور ایم ڈبلیوایم قائدین کا لبیک یاحسینؑ کی صداؤں میں پرتپاک استقبال کیا۔

 اسیران اور ان کے خانوادے نےمشکل وقت میں ہر قسم کے تعاون پر مجلس وحدت مسلمین پاکستان کے چیئرمین علامہ راجہ ناصر عباس جعفری، ڈویژنل و صوبائی قائدین اور انکی لیگل ٹیم کا شکریہ ادا کیا۔

وحدت نیوز(اسلام آباد) مجلس وحدت مسلمین پاکستان کے وائس چیئرمین علامہ سید احمد اقبال رضوی نے میڈیا سیل سے جاری مذمتی بیان میں کہا ہے کہ پیٹرولیم مصنوعات کی قیمتوں میں اضافے کو یکسر مسترد کرتے ہیں، عوام پہلے سے ہی مہنگائی کی چکی میں پس رہے ہیں، ڈیزل اور پیٹرول کی قیمتوں میں اضافہ ملک میں مزید مہنگائی کے طوفان کا باعث بنے گا۔

انہوں نے کہا کہ حکومت کے اس ظالمانہ اقدام نے عام آدمی کے لیے جینا دوبھر کر دیا ہے اور دو وقت کی روٹی کا حصول مشکل بنا دیا ہے، جس سے مہنگائی میں ریکارڈ کمی کے حکومتی دعووں کی بھی قلعی کھل گئی ہے، ایک طرف لوگ اپنی گھریلو اشیاء اور اثاثے بیچ کر یا قرض لے کر زندگی گزارنے پر مجبور نظر آتے ہیں تو دوسری طرف عوام پر پیڑول بم گراکربےدرد اور بے حس حکمران ملکی وسائل اور قومی خزانے کو اپنی عیاشیوں پر لٹانے میں مصروف ہیں۔

وحدت نیوز(اسلام آباد) تحریک تحفظ آئین پاکستان کا سربراہی اجلاس محمود خان اچکزئی کی صدارت میں منعقد ہوا جس میں مجلس وحدت مسلمین پاکستان کے چیئرمین سینیٹر علامہ راجہ ناصر عباس، سابق اسپیکر قومی اسمبلی اسد قیصر، تحریک انصاف کے سیکرٹری جنرل سلمان اکرم راجہ، قومی اسمبلی میں اپوزیشن لیڈر عمر ایوب خان، سینیٹ کے اپوزیشن لیڈر شبلی فراز اور اپوزیشن اتحاد کے ترجمان اخونزادہ حسین نے شرکت کی۔

اجلاس کا بنیادی ایجنڈا 8 فروری کو مینڈیٹ پر ڈاکہ ڈالنے والی اس جعلی حکومت کے خلاف ملک گیر احتجاج کی کال تھی۔ اس حوالے سے مختلف آپشنز زیر غور آئے۔ ہم آئندہ چند دنوں میں باقاعدہ طور پر اپنی ان سیاسی سرگرمیوں کا اعلان کرنے جا رہے ہیں۔ اپوزیشن اتحاد کے کراچی دورے کا حتمی شیڈول بھی جلد ہی ترتیب دیا جائے گا۔  اپوزیشن اتحاد کی سب سے بڑی تشویش یہی ہے کہ اس جعلی فسطائی حکومت اور ان کے ہینڈلرز سے انصاف کی توقع نہیں رکھی جا سکتی مگر ستم یہ ہے کہ ملک کی موجودہ عدلیہ انصاف کی راہ میں رکاوٹ بن کر کھڑی ہوگئی ہے!

26 نومبر کو تحریک انصاف کے گرفتار 350 کارکنوں کو لاہور ہائی کورٹ راولپنڈی بینچ نے دو مہینے بعد جیل بھیج دیا لیکن پنجاب پولیس نے ان کارکنوں کو اٹک جیل سے نکال کر راولپنڈی ڈویژن کے مختلف تھانوں میں منتقل کر دیا ہے اور ان پر اٹک میں چار چار اور ایف آئی آرز کاٹے گئے ہیں۔ ان سب کو واپس پولیس تحویل میں دے دیا گیا۔ یہ ہے ان کی فسطائیت کا عالم کہ عدالت کا حکم ان کے سامنے کوئی وقعت نہیں رکھتا جبکہ عدلیہ آنکھیں موندے بیٹھی ہے۔

ہماری انسانی حقوق کی تنظیموں سے اپیل ہے کہ پنجاب حکومت کی ان غیر قانونی تصرفات پر ان کا سخت نوٹس لیں۔پاکستان تحریک انصاف اور اپوزیشن اتحاد اپنے کارکنوں کو ان کے اس ظلم اور فسطائیت سے آزادی دلائی گی۔ یہ جعلی حکومت ہمارا حوصلہ ان ہتھکنڈوں سے پست نہیں کرسکتی۔حال ہی میں صدر آصف علی زرداری کے دستخط کے بعد پیکا آرڈیننس کا اطلاق کرنا بھی ان کی ہماری رہی سہی جمہوری آزادیوں کا گلہ گھونٹ دینے کی ایک بزدلانہ کوشش ہے جس کے مدمقابل اپوزیشن اتحاد صحافتی برادری کے ساتھ ڈٹ کر کھڑے رہیں گے۔