The Latest

وحدت نیوز (لاہور) مرید کے لاھور میں امامیہ سٹوڈنٹس آرگنائزیشن طالبات کی جانب سے مجلس ترحیم برائے سردار مدافعان حرم شھید قاسم سلیمانی کا انعقاد ھوا جس میں مجلس وحدت مسلمین شعبہ خواتین کی مرکزی مسئول تنظیم سازی محترمہ سیدہ معصومہ نقوی نے خطاب کیا ۔

دوران خطاب حالات حاضرہ پر گفتگو کرتے ھوئے ان کا کہنا تھا کہ شھید قاسم سلیمانی بہادری و شجاعت ، استقامت و جوانمری اور تواضع و انکساری کے حامل پیکر تھے جو کہ دوستوں کے لیے رحم دل اور دشمنوں کے لیے چٹان سے ذیادہ سخت تھے۔

 انھوں نے کہا کہ رھبر معظم سید علی خامنہ ای نے آئی ایس او کے جوانوں کو اپنی آنکھوں کا نور قرار دیا ہے لھذا ہر انقلابی جوان کو چاہیے کہ وہ مالک اشتر رھبر شھید قاسم سلیمانی کو اپنا آئیڈیل بنائیں جو کہ فی زمانہ بہترین رول ماڈل ہیں۔

 ان کا مزید کہنا تھا آج شھید کے جسد اطہر کی تدفین کے ساتھ ہی عراق میں موجود امریکی فوجی اڈے پر سپاھیان رھبر نے حملہ کر کے انتقام سخت کا آغاز کر دیا ہے ۔یہ میزائل اسی مقام پر داغے گئے جہاں سے شھید قاسم سلیمانی کو نشانہ بنایا گیا تھا جہاں چار ھزار امریکی فوجی موجود تھے اور شھید قاسم سلیمانی کے مقدس لہو کے انتقام کی یہ معمولی سی جھلک ہے۔

وحدت نیوز(حیدرآباد)‎حاج قاسم سلیمانی و ابو مھدی المھندس کی جانسوز شھادت پر خراج عقیدت پیش کرنے اور امریکی بربریت کے خلاف تمام ملی تنظیموں کا احتجاج ۔مدافع حرم سیدہ زینب سلام  اللہ علیھا و حرم معصومین علیھم السلام بازو رھبر معظم سید علی خامنہ ای ، قدس بریگیڈ کے کمانڈر میجر جنرل قاسم سلیمانی اور ابو المھدی المھندس کی المناک شھادت کے موقع پر حیدر آباد پریس کلب کے سامنے تمام فکری ، سماجی ، مذھبی و سیاسی تنظیموں نے بھرپور احتجاج کیاعلمائے کرام اور تنظیمی برادران کا خطاب جس میں شدید غم و غصے کا اظھار کیا گیا۔

 اس موقع پر مجلس وحدت مسلمین شعبہ خواتین کی مرکزی سیکرٹری روابط محترمہ سیدہ سیمی نقوی نے خطاب کرتے ہوئے کہا شھید قاسم سلیمانی نے عراق وشام کو داعش کے نجس وجود سے پاک کرنے میں نمایاں کردار ادا کیا اس عظیم مجاھد کو رخصت کرتے ہوئے دل خون کے آنسو روتا ھے۔ انھوں نے کہا کہ شھید قاسم سلیمانی پاکستان اور پاکستانیوں کے لیے عقیدت رکھتے تھے اور پاکستان کے حکمران کی جانب سے اس معاملے پر خاموشی ان کی بزدلانہ سوچ کی عکاسی کر رھا ہے۔

انھوں نے مزید کہا کہ امریکہ بزدلانہ حملہ کرکے دنیا کو ایک بار پھر نا امنی کی طرف لے گیا ہے ایران کسی صورت اپنے ھیرو قاسم سلیمانی کے انتقام سے دستبردار نہیں ہوگا اور پاکستابی شیعہ سنی عوام اپنے برادر ملک کے ساتھ کھڑے ہونگے۔ احتجاج میں مرد و خواتین کی کثیر تعداد نے شرکت کی۔

وحدت نیوز(چنیوٹ) مجلس وحدت مسلمین شعبہ خواتین ضلع چینیوٹ کی جانب سے سردار قاسم سلیمانی ، سردار ابو مھدی المھندس اور دیگر شھدا ءکی یاد میں مجلس ترحیم کا انعقاد کیا گیا مجلس عزا سے مرکزی سیکرٹری تنظیم سازی ایم ڈبلیو ایم شعبہ خواتین محترمہ معصومہ نقوی نے خطاب کیا۔

ان کا کہنا تھا کہ جب امام خمینی رح نے گستاخ رسول ؐ سلمان رشدی کے قتل کا فتوی جاری کیا تو بعض عناصر نے اس پر اعتراض کیا کہ ایسا نہ ھو کہ اس کے نتیجے میں دشمن ایران کو صفحہ ھستی سے مٹا دے جس پر امام خمینیؒ نے فرمایا کہ ایران مٹ جائے اور اسلام باقی رہے تو کوی بات نہیں مھم یہ ہے کہ اسلام باقی رہے ، اسی طرح عزیزان محترم اگر امریکہ ہمارے ملک کو برادر ملک کے خلاف استعمال کرنا چاہے تو ہمارے اذھان میں یہ بات محکم رہے کہ ہم نے حقانیت اور اسلام کا ساتھ دینا ہے نہ کہ اپنے مفادات کی خاطر اسلام دشمن عناصر کو مضبوط کریں ان کا مزید کہنا تھا کہ اسلامی جمہوریہ پاکستان وہ پہلا ملک ہے جو اسلام کے نام پر بنا ہے۔

 انھوں نے کہا آج دنیا دو بڑے بلاکس میں تقسیم ہوگئی ہے۔ایک ناصران امام زمانہ عج اور دوسرادشمنان امام زمان عج کا بلاک ہے لھذا مسلمانان پاکستان ، شیعہ سنی عوام کو اسلام دشمن قوتوں جن میں امریکہ و اسرائیل سر فہرست ہیں کہ خلاف متحد ہونا ہوگا۔

وحدت نیوز(کراچی) مجلس وحدت مسلمین شعبہ خواتین کی مرکزی کابینہ اراکین کا اجلاس کراچی میں منعقد ھوا، اجلاس کی صدارت مرکزی سیکرٹری جنرل ایم ڈبلیو ایم شعبہ خواتین و رکن پنجاب اسمبلی محترمہ سیدہ زھرا نقوی نے کی اجلاس میں شعبہ خواتین کے تنظیمی ڈھانچے کو منظم اور مربوط بنانے کے لیے اظہار خیال کیا گیا اور موجودہ حالات پر تبادلہ خیال ھوا ۔

اس موقع پر محترمہ سیدہ زھرا نقوی نے ایام فاطمیہؑ کے موقع کو بھرپور طریقے سے منانے اور تمام اضلاع میں مجالس عزا فاطمیہ کا انعقاد یقینی بنانے کی تاکید کی نیز سکھر حیدر آباد اور دیگر اضلاع میں تربیتی ورکشاپس منعقد کروانے کے لیے لائحہ عمل طے کیا گیا  اجلاس میں محترمہ ام البنین زیدی مرکزی ڈپٹی سیکرٹری جنرل ایم ڈبلیو ایم وومن ونگ ، مرکزی سیکرٹری روابط محترمہ سیمی نقوی ، مرکزی سیکرٹری تحفظ عزاداری محترمہ شبانہ میرانی شریک تھیں۔

وحدت نیوز(گلگت) امریکہ ایران کشیدگی کے حوالے سے پاک فوج کا بیان متوازن ہے ۔ برادر اسلامی ملک ایران کے سپہ سالار سردار قاسم سلیمانی اور ابو مہدی مہندس کی شہادت پوری مسلم دنیا کیلئے باعث فخر وافتخار ہے ۔ رہبر معظم سید علی خامنہ ای کو سردار قاسم سلیمانی اور ان کے ساتھیوں کی شہادت پر تعزیت پیش کرتے ہیں ۔

 مجلس وحدت مسلمین پاکستان شعبہ خواتین کے مرکزی سیکرٹری سیاسیات سید ہ نرگس سجاد، مرکزی سیکرٹری یوتھ خواہر سائرہ ابراہیم و دیگر رہنماؤں نے پریس کانفرنس میں بغداد میں امریکی جارحیت کی سخت مذمت کرتے ہوئے کہا کہ مشرق وسطیٰ میں ایران نے امریکہ کی ناک زمین پر رگڑ دی ہے اور اپنی اس خفت سے امریکی عوام کی توجہ ہٹانے کیلئے سردار قاسم سلیمانی اور ابومہدی مہندس پر چھپ کروار کیا ہے ۔

 انہوں نے کہا کہ مسلم ممالک امریکی جرائم سے آگاہ ہوچکے ہیں اور آنے والے دنوں میں باہمی اتحاد سے امریکہ اور اسرائیل کو نابود کردینگے ۔ انہوں نے کہا کہ امریکہ ایران کشیدگی کے حوالے سے پاک فوج کے موقف کی تائید کرتی ہیں اور مشرق وسطیٰ کی تیزی سے بدلتی ہوئی صورتحال میں افواج پاکستان کا بیان حوصلہ افزاہے ۔ پاکستان کی سلامتی ہماری پہلی ترجیح ہے اور پاک فوج نے دانشمندانہ فیصلہ کیاہے ۔

 انہوں نے مزید کہا کہ دشمن نے مسلمانوں کے خلاف کوئی قدم اٹھایا تو پوری طاقت سے جواب دیا جائیگا ۔ انہوں نے گلگت بلتستان اسمبلی کے آئندہ انتخابات کے حوالے سے کہا کہ الیکشن صاف اور شفاف منعقد کروائیں جائیں اور گلگت بلتستان حکومت خواتین کے حقوق پر توجہ دے ۔ انہوں نے قراقرم یونیورسٹی میں طلباء کی فیس معافی اسکیم کو دوبارہ بحال کرنے کا بھی مطالبہ کیا ۔

وحدت نیوز(لاہور) شھید جنرل قاسم سلیمانی نے داعش جیسی وحشی تنظیم کو سرکوبی کیساتھ بیک وقت کئی محاذوں پر کامیابیاں حاصل کیں ان کی شھادت نے مکتب اہلبیت کے پیروکاروں اور دنیا بھر کے حریت پسندوں کا سر فخر سے بلند کر دیا ہے اور تمام مظلومین و مستضعفین کے قلوب میں جذبہ شہادت کو بیدار کیا امریکہ نے بغداد ایئرپورٹ پر بزدلانہ حملہ کرکے قیمتی جانوں کو نشانہ بنا کر خطے کو جنگ کی آگ میں دھکیل دیا ہے یہ بات نوشتہ دیوار ہے کہ امریکہ اور اسرائیل اس آگ میں جل کر راکھ ہوگا ان خیالات کا اظھار مجلس وحدت مسلمین شعبہ خواتین کی مرکزی سیکرٹری جنرل اور رکن پنجاب اسمبلی محترمہ سیدہ زھرا نقوی نے میڈیا سیل سے جاری بیان میں کیا۔

 انھوں نے اپنے تعزیتی پیغام میں کہا کہ دشمن جان لے کہ  ھم مکتب شھادت سے تعلق رکھتے ھیں اور ایک مجاھد کی اصل کامیابی شھادت کا حصول ھے اور شھید قاسم سلیمانی نے کربلا والوں کی راہ پر چل کر عظیم رتبہ پالیا ھے ۔انھوں نے کہا کہ امریکہ کہ دن اب گنے جا چکے ھیں شھید قاسم سلیمانی کی شھادت یقینی طور پر امریکہ و اسرائیل کی نابودی کی بشارت ھے۔ انھوں نے مزید کہا امریکہ عالم اسلام کا کھلا دشمن ھے جو مسلم ممالک امریکی دوستی کا دم بھرتے ھیں وہ ذلت و رسوائ کا طوق اپنے گلے میں ڈال رہیں ھیں اسلامی ممالک بالخصوص پاکستان کو امریکی غلامی سے نکل کر خودمختار ھونا چاہئے۔

 انھوں نے کہا کہ حق اور باطل کے معرکے میں درمیانی راستہ منافقت کا ھوتا ھے خدا اس گروہ کے ساتھ ھے جو حق کے راستے کے راھی ھیں باطل بظاھر جتنا طاقتور نظر آے ایک دن نابود ھو کر رہے گا ۔محترمہ سیدہ زھرا نقوی نے سردار قاسم سلیمانی کی المناک شھادت پر قائد مقاومت رھبر معظم سید علی خامنائ اور تمام راھیان حق و شھادت کی خدمت میں تعزیت پیش کی۔

وحدت نیوز(چنیوٹ) سپاہ قدس کے کمانڈرمیجر جنرل قاسم سلیمانی ایک عظیم مجاھد ، شجاع ، باتقوی اور ذھین ترین شخصیت کے مالک تھے کہ جن کی قیادت میں داعش کو عبرتناک شکست ھوئ جس کے نتیجے میں  مقامات مقدسہ محفوظ رھے اور زائرین کے آمدو رفت کے لیے راھیں ھموار اور آسان ھوئیں۔ ان خیالات کا اظہار محترمہ سیدہ معصومہ نقوی مرکزی راہنما مجلس وحدت مسلمین شعبہ خواتین نے مدرسہ اھل بیت جامعہ بعثت میں مالک اشتر زمان سردار قاسم سلیمانی کی شہادت کے موقع پر کیا۔

 انھوں نے اس سانحہ پر گہرے دکھ اور رنج کا اظہار کرتے ھوئے کہا کہ قاسم سلیمانی جیسے بہادر مجاھد صدیوں میں پیدا ھوتے ھیں رھبر معظم سید علی خامنائ نے آپ کی جانفشاں خدمات کی بدولت شھید ِ زندہ کے لقب سے آپ کو نوازا اس ناقابل تلافی نقصان پر رھبر معظم کے حضور تعزیت و تسلیت پیش کرتے ھیں۔ ان کا مزید کہنا تھا کہ دشمن امریکہ و اسرائیل سنگین نتائج بھگتنے کے لیے تیار رھے سردار قاسم سلیمانی کا خون استکباری طاقتوں کی نابودی کا سبب بنے گا۔ اس المناک سانحے میں جنرل قاسم سلیمانی ، ابو مھدی المھندس سمیت دیگر شھداء کی یاد میں جامعہ کی طالبات نے شمع روشن کیں اور شھداء سے اپنی والہانہ عقیدت کا اظہار کیا۔

وحدت نیوز(اسلام آباد)مرکزی سیکرٹری جنرل مجلس وحدت مسلمین شعبہ خواتین و رکن پنجاب اسمبلی محترمہ سیدہ زھرا نقوی نے سال نو کے موقع پر پیغام میں کہا ہے کہ سال نو کے موقع پر امیرالمومنین امام علی علیہ سلام کا قول بیان کرنا چاہوں گی آپ علیہ سلام نے فرمایا “ تیرا گزشتہ وقت گزر گیا جو باقی ہے اُس کی صرف امید ہے لھذا اپنے اسی وقت (حال) کو عمل کے لیے غنیمت جانو “۔

 عزیزان ۔۔۔وقت کی گھڑیاں بہت تیزی کیساتھ فاصلہ طے کر رہی ہیں مہینے دنوں کی طرح اور دن گھنٹوں کی طرح گزر رہے ہیں۔ ہمیں احساس بھی نہیں ہورہا اور ہماری زندگی کے ایام کم ہوتے جارہے ہیں اور ہم برابر اپنی موت کے قریب ہوتے جارہے ہیں۔۔۔ نئے سال کے آغاز پر ہم سب کو اپنے آپ سے عھد و پیمان کرنا ھوگا کہ سال گزشتہ میں کی گئی کوتاھیوں اور خامیوں کو اپنی ذات سے نکال باھر کریں گے اور اپنا محاسبہ کرتےہوئے ایسی زندگی گزارنے کی طرف متوجہ ھونگے جس سے خدا اور اسکا رسول (ص) راضی ہوں ۔

عزیزان ۔۔۔ در حقیقت نیا سال جس میں خدا کے حکم سے ہم داخل ہورہے ہیں ایک مہلت ہے جو ہمیںاپنے آپ کو سدھارنے کا موقع دیتی ہے مولا علی ؑ کے قول کے مطابق جو وقت تمھیں عطا کیا گیا ہے اسے عمل کے لئے غنیمت جانو اور اس میں کوتاہی نہ برتو لھذا ہمیں وقت کا محاسبہ کرنا چاہیئے کہ ہمارے اندر کیا کمی ہے کیا کمزوری ہے کونسی بری عادت وخصلت ہم میں پائی جاتی ہے اسکو دور کرنے کی کوشش کرنی چاہیئے، نیز اچھی عادتیں، عمدہ اخلاق وکردار کا وصف اپنے اندر پیدا کرنے کی مکمل کوشش کرنی چاہیئے خداوند سبحان سے دعا ہے کہ اس سال نو کو ھماری ملک و ملت کے لیے خوش بخت قرار دے ، ملک پاکستان استحکام و ترقی کی راہ پر گامزن ھو ، تمام مظلومین  و مستضعفین عالم کو طاقت و قوت کا غلبہ عطا فرماے اور استکبار و طاغوت کو تباہ و رسوا کر دے پروردگار اس سال کو اپنی آخری حجت امام زمان عج کے ظھور کا سال قرار دے۔ آمین

وحدت نیوز(لاہور) مجلس وحدت مسلمین شعبہ خواتین لاہور کی سیکریٹری جنرل محترمہ حنا تقوی اور ڈپٹی سیکریٹری جنرل محترمہ عظمیٰ نقوی نے ایم ایس محمد علی جناح میڈیکل کمپلیکس محترم بشیر مہدی سے خصوصی ملاقات کی۔ملاقات میں مختلف فلاحی بہبود اور سہولیات صحت کی فراہمی سے متعلق منصوبوں پر مشاورت کی گئی۔

محترمہ حنا تقوی کا کہنا تھا کہ مجلس وحدت مسلمین صوبائی و قومی سطح پر عوام کے لیے بہتر سہولیات صحت کی فراہمی کے لئے اپنا بہترین کردار ادا کرنے کے لیے مصروف عمل ہےاور اس سلسلے کو ڈاکٹرز و طبی ماہرین کی خدمات و معاونت سے ہی کامیابی سے ہم کنار کیا جا سکتا ہے۔

وحدت نیوز(گلگت) مرکزی سیکرٹری سیاسیات مجلس وحد ت مسلمین شعبہ خواتین محترمہ سیدہ نرگس سجاد جعفری نے کہا کہ شھید ضیاء الدین کی جد و جہد آزاد منش انسانوں کے لیے مثال ہے۔ شھید نے اپنی جد و جہد سے گلگت بلتستان  کی تشیع کو اپنے حقوق کے تحفظ کے لیے منظم کیا۔ ان خیالات کا اظہار انھوں نے جامعتہ الکبری نگرل گلگت میں شھید ضیاء الدین کی برسی کے سلسلے میں رابطہ مہم کا آغاز کرتے ہوئےیلغار اور سیاسی صورت حال کے عنوان پر طالبات سے گفتگو کرتے ہوئے کیا۔

 ان کا کہنا تھا کہ مجلس وحدت مسلمین نے ہر فورم پر جی بی کے عوام کے حقوق کا تحفظ کیا۔ ڈاکٹر طاہر القادری کے مارچ کے چارٹر آف ڈیمانڈ میں ایم ڈبلیو ایم کے مطالبے پر گلگت بلتستان کو آئینی حقوق کی فراہمی کا مطالبہ شامل کیا گیا۔ محترمہ سیدہ نرگس سجاد جعفری کا کہنا تھا کہ گلگت بلتستان سی پیک کا گیٹ وے ہے تاہم بد قسمتی سے اس کے ثمرات سے خطے کے عوام اب تک محروم ہیں۔ گلگت بلتستان کے لوگوں کو وقتی دلاسوں کی نہیں بلکہ مکمل آئینی حقوق کی فراہمی کی ضرورت ہے۔

 ان کا کہنا تھا کہ ایم ڈبلیو ایم آئندہ انتخابات میں اپنا بھرپور سیاسی کردار ادا کرے گی ۔ ‎بعد ازاں محترمہ سیدہ نرگس سجاد جعفری نے  محترمہ سائرہ ابرہیم کے ہمراہ صوبائی ڈپٹی سیکرٹری جنرل گلگت بلتستان علامہ شیخ نیئرعباس مصطفوی سے ان کی رہائش گاہ پر ملاقات کی۔ ملاقات میں علاقے میں تنظیمی صورتحال ، برسی قائد گلگت بلتستان علامہ ضیاء الدین شھید ، آمدہ انتخابات سمیت اہم امور پر گفتگو ہوئی۔

Page 8 of 66

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree