وحدت نیوز(دادو)مجلس وحدت مسلمین پاکستان کے مرکزی سیکرٹری تنظیم علامہ مقصود علی ڈومکی نے کہا مغربی تہذیب نے عورت کے حقوق کا نعرہ لگا کر عریاں تہذیب اور فحاشی کو فروغ دیا، جو عورت اور انسانیت کے ساتھ ظلم کے مترادف ہے۔ ان خیالات کا اظہار انہوں نے حیدری امام بارگاہ میہڑ ضلع دادو میں ایام فاطمیہ کی مناسبت سے منعقدہ سالانہ مجلس عزاء سے خطاب کرتے ہوئے کیا۔

 اس موقع پر علامہ مقصود ڈومکی نے کہا کہ سیدہ کائنات صدیقہ الکبریٰ حضرت فاطمہ الزہراء سلام اللہ علیہا بضعہ منی ہونے کے باعث جزو رسالت اور مرکز ہدایت ہیں۔ سیدہ النساء العالمین کی مظلومیت کا اندازہ آپ علیہا السلام کے اس دردناک جملے سے لگایا جا سکتا ہے جس میں آپ نے ارشاد فرمایا "مجھ پر وہ مصائب ٹوٹے کہ اگر وہ دنوں پر پڑتے تو دن سیاہ راتوں میں بدل جاتے۔"

علامہ مقصود ڈومکی نے کہا کہ رسول اللہ صلی اللہ علیہ وآلہ وسلم کی اکلوتی بیٹی سیدہ نساء اہل الجنت کی مظلومانہ شہادت، وصیت اور رات کے اندھیرے میں تدفین عالم انسانیت کے لئے بہت سارے سوالات چھوڑ گئی۔ وہ مظلومیت جو ہر باضمیر اور با شعور انسان کو تڑپا دیتی ہے۔ انہوں نے کہا کہ دین اسلام خواتین کے حقوق کا علمبردار ہے، پیغمبر اسلام صلی اللہ علیہ وآلہ وسلم نے بیٹی کو رحمت قرار دیا اور خواتین کے لئے حصول علم کو فرض قرار دیا۔ دین اسلام خواتین کے حقوق کا علمبردار ہے، مگر فحاشی اور عریانی کا مخالف ہے۔ مغربی تہذیب نے عورت کے حقوق کا نعرہ لگا کر عریاں تہذیب اور فحاشی کو فروغ دیا، جو عورت اور انسانیت کے ساتھ ظلم کے مترادف ہے۔ مسلم خواتین کو مغربی ثقافتی یلغار کے مقابلے کے لئے سیرت سیدہ فاطمہ الزہراء سلام اللہ علیہا کو اپنانا چاہیے۔

وحدت نیوز(کراچی)مجلس وحدت مسلمین پاکستان کراچی ڈویژن کے صدر علامہ شیخ محمد صادق جعفری نے ایام شہادت دختر رسول سیدہ فاطمہ الزہرا (س) کی مناسبت سے منعقدہ مجلس عزا سے خطاب کرتے ہوئے کہا کہ خاتون جنت، دختر رسولؐ حضرت فاطمہ الزہرا (س) معصومہ، صدیقہ و طاہرہ ہیں، وہ جرات مند مدافع ولایت ہیں جن کی مظلومیت اور عظیم قربانیوں کا تذکرہ آئمہ اطہار علیہم السلام اپنے اپنے ادوار میں کرتے آئے ہیں، خاندان نبوت پر آنے والے روح فرسا مصائب کا ذکر ہمارے عقائد کی روح ہے، یہ وہ ذکر ہے جو چودہ سو سالوں سے ہوتا آیا ہے اور تاقیامت جاری رہے گا، ام الآئمہ حضرت فاطمتہ الزہرا (س) کے حق و صداقت کا سب سے بڑا گواہ کلام پاک کی صورت میں خدا بزرگ و برتر خود ہے۔

ان کا کہنا تھا کہ یہ وہ واحد برگزیدہ ہستی ہیں جن کے احترام میں سردار الانبیاء کھڑے ہو جاتے تھے، دختر رسول (س) کا احترام ہر کلمہ گو ہر واجب ہے، مستند حوالوں سے ثابت ہے کہ نبی کریم (ص) نے اپنی بیٹی کو اپنا ٹکڑا قرار دیتے ہوئے کہا کہ جس نے فاطمہ (س) کو اذیت دی اس نے مجھے اذیت دی، دین کی معمولی سی سوجھ بوجھ رکھنے والا اس بات کو سمجھ سکتا ہے کہ نبی (ص) کو اذیت دینے والے سے خدا کبھی راضی نہ ہوگا۔ انہوں نے کہا کہ دنیا میں حقیقی وقار و عظمت اور آخرت میں کامیابی کی منازل تک پہنچنا ہے تو اہل بیت (ع) کے راستے پر چلنا ہوگا، امت مسلمہ حضرت فاطمتہ الزہرا سلام اللہ علیہا کی حقیقی معرفت حاصل کرکے فرقہ واریت کے عفریت کو شکست دے سکتی ہے۔

وحدت نیوز(لاہور) حجت الاسلام والمسلمین علامہ سید احمد رضوی وائس چیئرمین مجلس وحدت مسلمین پاکستان کا اپنے وفد کے ہمراہ ،لاہور شہر کے قدیمی سالانہ روائتی جلوس عزاء بسلسلہ یوم شہادت جناب سیدہ کونین سلام اللہ علیہا موچی دروازہ تا بی بی پاک دامن میں شرکت کی۔ علامہ صاحب اپنے وفد کے ہمراہ کافی دیر تک جلوس میں نوحہ خوانوں اور ماتمیوں کے ہمراہ ماتم کرتے ہوئے پیدل چلتے رہے ۔ راستے میں لوگ علامہ صاحب کو اپنے درمیان پا کر احساس عقیدت کرتے نظر آئے ۔

 اس جلوس میں عوام کی کثیر تعداد موجود تھی ۔ بی بی پاک دامن تک جلوس یوم شہادت جناب سیدہ (س) ، عاشورہ جیسے جلوس کا منظر پیش کررہا تھا ۔ شیخ عمران علی صوبائی سیکرٹری فلاح وبہبود ،ظہیر کربلائی صوبائی آفس سیکرٹری، برادر نجم عباس خان ضلعی صدر ،آفتاب علی ہاشمی سینئر ضلعی نائب۔ صدر ،رانا کاظم ضلعی نائب صدر ،برادر نقی ضلعی سیکرٹری فلاح وبہبود کے علاوہ برادر سجاد نقوی وحدت یوتھ مرکزی جنرل سیکرٹری، برادر شعیب تاج پورہ والے ،برادر شعیب سمن آباد والے ،سید اسد عباس نقوی ایڈووکیٹ کے علاوہ دیگر ،ضلعی مسئولین بھی جلوس میں علامہ سید احمد اقبال رضوی کے ہمراہ موجود تھے ۔

 جلوس کے راستے میں صحافی حضرات سے بات چیت کرتے ہوئے انہوں نے کہا کہ آج 3 جمادی الثانی 11 ہجری یوم شہادت دختر پیغمبر اسلام حضرت محمد مصطفی صلی اللہ علیہ والہ وسلم ہے اور یہ جلوس اہالیان لاہور نے نکال کر ثابت کیا ہے وہ غم رسالت مآب میں شریک ہیں ۔ مدینہ میں دروازہ اہل بیت علیہم السلام جلایا گیا ۔ جس گھر میں علی وبتول علیہم السلام رہتے تھے اس گھر کو آگ لگی آج اہلبیت علیہم السلام غمزدہ ہیں ۔ آج کا دن عاشورہ سے کم دن نہیں ۔ اہالیان لاہور نے گھروں سے نکل کر عزاداری  کے جلوس میں  شریک ہو وقت کے امام (حضرت امام مہدی عج ) کو پرسہ دیا ہے ۔ آج پورے ملک اسی مناسبت سے مجالس عزاء برپا ہیں ۔ لاہور میں کئی امام بارگاہوں میں عشرے اور کئی میں خمسہ مجالس برپا ہیں ۔

وحدت نیوز(راولپنڈی)مجلس وحدت مسلمین ضلع راولپنڈی کے زیراہتمام راولپنڈی آرٹس کونسل ہال میں شہادت سیدہ کائنات حضرت فاطمہ زہرا سلام اللہ علیہا کی مناسبت سےعظمت فاطمتہ الزہراؑ بنت محمد ؑ کانفرنس کا انعقا کیا گیا جس مجلس وحدت مسلمین پاکستان کے مرکزی جنرل سیکرٹری جناب سید ناصر عباس شیرازی ایڈووکیٹ نے خصوصی خطاب کیا۔

اس موقع پر دیگر شرکاء میں صوبائی صدر علامہ سیدعلی اکبر کاظمی، ضلعی صدر علامہ سیداعوان علی شاہ شیرازی ،علامہ سیدزاھد کاظمی، علامہ عیسی امینی صاحب ،منقبت خواں جناب طاھربلتی بھی موجود تھے ۔کانفرنس میں شیعہ سنی عوام نے کثیر تعداد میں شرکت کی۔