وحدت نیوز(جہلم) تحفظ حقوق تشیع کانفرنس کے حوالے سے صوبائی صدر علامہ سید علی اکبر کاظمی کا ضلعی کابینہ سمیت دورہ جہلم، معروف عزادار اور گدی نشین آغا سید لعل بادشاہ سے ملاقات اور قومی و ملی امور پہ گفتگو۔انہیں کانفرنس کے حوالے سے شرکت کی دعوت دی گئی۔یاد رہےعلاقے کی کم وبیش 50 عزاداریوں کی سرپرستی ان کے پاس ہے اور ضلع جہلم کے سب سے بڑے مرکزی عشرہ کے بانی ہیں۔آغا لعل بادشاہ نے مجلس وحدت اور بالخصوص علامہ راجہ ناصر عباس جعفری کی سیاسی و ملی خدمات کو سراہا۔اس موقع پہ ضلعی نائب صدر سید وسیم نقوی اور ضلعی جنرل سیکرٹری مجاہدحسین میر بھی وفد کے ہمراہ تھے۔

وحدت نیوز (لاہور) میلاد مسعود حضرت امام مھدی(صاحب العصر عجل اللہ تعالی فرجہم الشریف) علیہ السلام کی مناسبت سے امام بارگاہ کاشانہ ذریت آل عباء ایبٹ روڈ لاہور میں ہر سال کی طرح امسال بھی’’ تنصیب نصب عَلَم امام زمانہ (ع) و محفل مقاصدہ منعقد ہوئی۔ جس میں علامہ سید احمد اقبال رضوی وائس چیئرمین مجلس وحدت مسلمین پاکستان ، سیداسد عباس نقوی سابق معاون وزیر اعلیٰ پنجاب و مرکزی سیکرٹری سیاسیات مجلس وحدت مسلمین پاکستان ۔ خواجہ میثم مذہبی اسکالر ورہنما لاہور ۔ نقی مھدی آرگنائزر مجلس وحدت مسلمین پاکستان لاہور ۔ مرزا نجم خان عزاداری کونسل  لاہور ، شیخ عمران علی صوبائی سیکرٹری فلاح وبہبود ، کاظم علی نقوی ضلعی رہنما ایم ڈبلیو ایم ، ظہیر کربلائی کے علاوہ لاہور کی سیاسی ، مذہبی اور علمی شخصیات نے شرکت کی ۔

 سب سے پہلے تنصیب نصب علم کی تقریب ہوئی جسے حاضرین نے لبیک یامھدی (ع) لبیک یاعلی (ع) لبیک یا زہراء (س) لبیک یا زینب (س) لبیک یاحسین (ع) کی صداوں میں علم پاک کو نصب کیا ۔ علامہ سید احمد اقبال رضوی وائس چیئرمین ایم ڈبلیو ایم نے رقت آمیز دعا کرائی، تنصیب علم کے بعد محفل مقاصدہ منعقد ہوئی جس میں ملک بھر سے شعراء کرام اور ذاکرین عظام نے شرکت کی اور مولا امام زمان(ع) کے حضور اپنا نذرانہ عقیدت پیش کیا ۔ جسے حاضرین نے بہت سراہا محفل لبیک یامھدی(ع) اور لبیک یا حسین (ع) کے نعروں سے گونجتی رہی ۔ اس  پروگرام میں میلاد مسعود امام زمان (ع) کی مناسبت سے کیک بھی کاٹا گیا اور محفل کے آخر میں لنگر اور نیاز امام زمان (ع) کا وسیع انتظام کیا گیا تھا ۔

 ملک بھر میں یہ واحد وہ مقام ہے جہاں پچھلےسو سال سے ہرسال باقاعدہ تنصیب نصب علم امام زمانہ (عجل اللہ تعالی فرجہ الشریف )کا پروگرام 15 شعبان المعظم کو بڑے اہتمام اور شوق وذوق سے منایا جاتا ہے ۔ ہزاروں مردوزن یہاں اپنی مرادیں لیکر تنصیب نصب علم پاک کی رقت آمیز دعا میں شریک ہوتے ہیں۔ اسی امام بارگاہ کاشانہ ذریت آل عبا کی تیسری منزل پر  ایک منبر مولا امام زمانہ (عجل اللہ رعالیٰ فرجہ الشریف ) سے منسوب رکھا گیا جسے سال بھر لوگ اپنی منتیں لیکر یہاں حاضری دیتے ہیں ۔ ہر شب جمعہ یہاں مومنین و مومنات سینکڑوں کی تعداد میں حاضری کے لئے آتے ہیں ۔ امام بارگاہ کی آخری منزل اور منبر کو سجایا گیا ہے ۔ جبکہ امام بارگاہ کی چھت پر مولا کے نام کا علم پاک نصب کیا گیا ہے ۔ اب یہ مقام ہر خاص وعام کے لئے ایک زیارتگاہ کے طور پر جاناجاتا ہے ۔

وحدت نیوز(لاہور)پی ٹی آئی لاہور کے ایگزیکٹو ممبر جناب عمران قریشی نے کی اپنے وفد کے ہمراہ ، جناب سید اسد عباس نقوی سابق معاون خصوصی وزیر اعلی پنجاب و مرکزی سیکرٹری سیاسیات مجلس وحدت مسلمین پاکستان سے ملاقات کی ۔ اس ملاقات میں جناب سید،آغا حسین شاہ زیدی صوبائی سیکرٹری سیاسیات صوبہ پنجاب اور برادر سجاد حسین بھی موجود تھے ۔ ملاقات میں ملکی حالات۔ صوبہ پنجاب خصوصا لاہور کی تازہ سیاسی صورتحال اور آئندہ انتخابات کے حوالے سے اہم ایشوز پر گفتگو کی گئی ۔

عمران خان کے خلاف بے بنیاد مقدمات کا اندراج اور نگران حکومت کا عوام پر تشدد اور خواتین کی بے حرمتی جیسے مسائل پر بھی تبادلہ خیال کیا گیا ۔ آئندہ انتخابات میں ایک دوسرے کا ساتھ دینے ۔ ساتھ چلنے کی حکمت عملی پر غوروغوض کیا گیا ۔ ملاقاتوں کو جاری رکھنے اور معاملات کو ملکر حل کرنے پر تفصیلی بات چیت کی گئی ۔ یہ ملاقات ایم ڈبلیو ایم سیکرٹریٹ ۔شادمان لاہور میں انجام پائی ۔

وحدت نیوز (لاہور) شعبان جشن ولادت با سعادت حضرت امام مھدی عج کے موقع پر ایم ڈبلیو ایم شعبہ خواتین لاھور نشتر کالونی یونٹ کی جانب سے  محفل میلاد کا انعقاد کیا گیا جس سے مرکزی صدر ایم ڈبلیو ایم شعبہ خواتین محترمہ سیدہ معصومہ نے خصوصی خطاب کیا  اور مھدوی معاشرے کی خصوصیات بیان کرتے ہوئے کہاکہ  امیرالمومنین امام علی علیہ السلام اس بارے میں فرماتے ہیں جب ہمارا قائم امام مہدی عج قیام کرے گا تو انسانوں کے دلوں سے ایک دوسرے کی دشمنی اور کینہ ختم ہو جائے گا

اسی طرح احادیث و روایات میں یہ بھی بیان ہوا ہے کہ جب امام مہدی (عج) کا ظہور ہو گا تو خداوند متعال اپنے بندوں کو اس قدر مال عطا کرے گا کہ وہ بے نیاز ہو جائیں گے اور جب امام مہدی(عج) یہ اعلان فرمائیں گے کہ محتاج اور ضرورت مند افراد آ جائیں تاکہ ان کی مدد کی جا سکے تو کوئی بھی نہیں آئے گا۔ لہذا ضرورت اس امر کی ہے کہ صبغۃ اللہ یعنی الہی سوسایٹی کے عملی قیام کے لئے ہم سب اپنی فردی واجتماعی ذمہداریوں کی طرف متوجہ ہوجائیں اور الہی حکومت کے قیام کے لیے کوشش کریں۔ جشن میں خواتین کی کثیر تعداد نے شرکت کی۔