وحدت نیوز(آرٹیکل) ملک پاکستان میں علمائے امامیہ اور محبان اہل بیت ع کو سیاست میں کردار ادا کرتے دیکھ کر کچھ لوگ سوال کر رہے ہیں کہ دین کا اور شیعیان علی ع کا سیاست سے کیا تعلق ؟ تو انکو بتا دینا چاہتا ہوں کہ اگر سیاست میں کردار ادا کرنا کسی پر واجب ہے تو وہ صرف اور صرف محبان اہل بیت علیہ السلام ہیں کیونکہ کہ حضرت مُحَمَّد ﷺ و مولا علی ع سے لیکر امام حسن عسکری ع تک تمام معصومین ع نے اپنے دور میں دین اسلام کے ساتھ ساتھ تمام سیاسی امور کو خود سنبھالنے کی بھر پورکوشش کی اور جب امام آخرالزمان ع ظہور فرماٸیں گے تو امام عالی مقام عالم اسلام میں عدل و انصاف کی حکومت قائم کرینگے ۔

جب ہمارے تمام معصومین ع نے تمام سیاسی امور کو خود چلایا تو انکے پیروکار سیاست سے دور کیسے رہے سکتے ہیں ۔ ہر دور میں محبان اہلبیت ع نے سیاسی امور میں اپنا کردار ادا کیا اور کرتے رہیں گے ۔

کیونکہ جب بھی امام ع کا ظہور ہو تو ہمیں امور سیاست میں تیار ہونا چاہیے تاکہ امام کی عالم اسلام میں قاٸم ہونے والی عدل و انصاف کی حکومت کا حصہ بن سکیں وہ لوگ ہمیں نہ بتاٸیں کے ہمیں سیاسی کردار ادا کرنا چاہیے یا نہیں جن کے سیاسی لیڈران نعرہ حیدری لگا کر محرم الحرام میں کالے کپڑے پہن کر سب سے بڑے مولاٸی ہونے کا دعویٰ کر کے عوام سے ووٹ لیتے آٸے ہیں ۔

دراصل شیعان علی ع کو سیاست میں کردار ادا کرتا دیکھ کر انکی سیاست خطرے میں پڑ گٸی ہے۔ کیونکہ پاکستان میں کوٸی سیاسی پارٹی ایسی نہیں کہ جن کے لیڈران مولا علی ع کا نام لیے بغیر سیاست کرتے ہوں اگر ہمارا سیاست سے کوٸی تعلق نہیں بنتا تو وہ نام نہاد سیاست دان کیوں نعرہ حیدری لگا کر ہم سے ووٹ لیتے ہیں ۔

اور ایک جماعت تو ایسی بھی ہے جو دعویٰ کرتے ہیں کے وہ پاکستان میں واحد جماعت جو حسینیت کو فالو کرتی ہے شہیدوں کی جماعت ہے ۔ سیاسی اور قومی امور کے وارث ہمارے علما کرام و قاٸدین ہیں۔ جو ہمیں بتاٸیں گے مکتب تشیع نے سیاست میں کردار ادا کیسے کرنا ہے۔ نہ کہ ہمیں وہ سیاست دان بتاٸیں گے جو عوام کا خون چوستے ہیں اور اپنی عیاشی میں گم ہیں ۔ ہمارے علما و قاٸدین ہمیں بتاٸیں گے کے اس وقت وطن عزیز میں سیاسی کردار ادا کرنا ہے۔

تحریر : زوار جہانزیب مہدوی
ضلعی سیکرٹری میڈیا سیل
مجلس وحدت مسلمین ڈی جی خان

وحدت نیوز(اسلام آباد) چیئرمین مجلس وحدت مسلمین پاکستان علامہ راجہ ناصرعباس جعفری حفظہ اللہ نے سا بق رکن شوریٰ عالی مجلس وحدت مسلمین پاکستان سید آلِ محمدجعفری سے ان کی والدہ محترمہ کی وفات پر دلی افسوس اور تعزیت کا اظہار کیا ہے ۔

مرکزی سیکریٹریٹ سے جاری اپنے تعزیتی خط میں انہوں نے کہا کہ آپ کی والدہ محترمہ کے انتقال کا سن کر دلی دکھ ہوا، ماں وہ عظیم ہستی ہے جس کی بےلوث محبت کا کوئی ثانی نہیں ، ماں کی دعائیں مضبوط حصار کی طرح ہماری حفاظت کرتی ہیں، ماں جیسے عظیم رشتے کا یوں جدا ہوجانا یقیناً ایک انتہائی کرب ناک صدمہ ہے تاہم حکم ربانی سے مفر بھی تو نہیں۔

انہوں نے مزید کہا کہ دکھ کی ان ساعتوں میں میری طرف سے تعزیت و تسلیت پیش خدمت ہے۔دعا گو ہوں کہ رب کریم آپ کی والدہ محترمہ کو جوار جناب سیدہ سلام اللہ علیہا میں جگہ عنایت فرمائے اور پسماندگان کو یہ عظیم صدمہ برداشت کرنے کا حوصلہ اور صبر عطا ہو۔ آمین

وحدت نیوز(دادو) مجلس وحدت مسلمین پاکستان کے مرکزی سیکرٹری تنظیم علامہ مقصود علی ڈومکی نے آج ضلع دادو کے سیلاب متاثرہ گاؤں کھوسہ جوہی برانچ کا دورہ کیا۔ اس موقع پر ایم ڈبلیو ایم دادو کے ضلعی نائب صدر اصغر علی حسینی، نائب صدر مولانا عبداللطیف گوپانگ، یونٹ صدر اور دیگر کارکنان بھی انکے ہمراہ تھے۔

 انہوں نے اس موقع پر عوام سے گفتگو کرتے ہوئے کہا کہ حکومت اور ارباب اقتدار عوامی مسائل، غربت و افلاس سے بے نیاز ہو کر اقتدار کی جنگ میں مصروف ہیں اور آئی ایم ایف کے پریشر میں آکر ہر روز پٹرولیم کی قیمتوں میں اضافہ کر رہے ہیں۔ آئے روز پٹرولیم مصنوعات کی قیمتوں میں اضافے کے باعث مہنگائی کا طوفان آیا ہے۔ کمرتوڑ مہنگائی کے سبب لوگوں کیلئے دو وقت کی روٹی کا حصول ناممکن ہو چکا ہے۔

انہوں نے کہا کہ مجلس وحدت مسلمین غریب اور محروم طبقات کی نمائندہ جماعت ہے۔ جو غریبوں کے درد کو محسوس کرتی ہے۔ وہ سیاستدان اور حکمران غریب کے درد کو نہیں سمجھ سکتے جو منہ میں سونے کا چمچ لے کر آئے ہیں۔ انہوں نے کہا کہ ضلع دادو اور تحصیل خیرپور ناتھن شاہ تباہی اور بربادی کی تصویر پیش کر رہا ہے۔ مگر یہاں تعمیر نو کے سلسلے میں اب تک حکومت کی کارکردگی صفر ہے۔ انہوں نے اہل خیر سے اپیل کی کہ وہ اس محروم علاقے میں تعمیر نو کے سلسلے میں تعاون کریں۔ اس موقع پر علامہ مقصود علی ڈومکی نے ایم ڈبلیو ایم یونٹس کی لائبریری کے لئے کتابوں کا تحفہ پیش کیا۔

وحدت نیوز(کراچی)مجلس وحدت مسلمین پاکستان کراچی ڈویژن کے سیکریٹری سیاسیات علامہ مبشر حسن نے کہا ہے کہ رمضان سے قبل پیٹرول کی قیمتوں میں اضافہ غریب عوام پر ظلم ہے، امپورٹڈ حکومت آئی ایم ایف کی ایماء پر مہنگائی کے بم گرا رہی ہے، حکمرانوں کی عیاشیاں ختم نہیں ہورہی ہیں اور عوام کیلئے دو وقت کی روٹی  مشکل ہوگئی ہے، عوام پاکستان کو مہنگائی اور غربت کا پیکیج دینے والوں کا محاسبہ کرنے کی تیاریاں کررہے ہیں، حکمرانوں نے مہنگائی کو کم نہیں کیا تو عوام کو سڑکوں پر آنے سے کوئی روک نہیں سکے گا۔ ان خیالات کا اظہار انہوں وحدت ہاؤس انچولی میں پولٹیکل کونسل کے اہم اجلاس سے خطاب کرتے ہوئے کیا اس موقع پر مولانا حیات عباس نجفی، علامہ صادق جعفری، زین عباس، سبط اصغر، کاظم عباس سیمت دیگر ارکین بھی موجود تھے۔

علامہ مبشر حسن نے کہا کہ آئی ایم ایف سے قرضے لینے کیلئے عوام پر مہنگائی کے تابڑ توڑ حملے کا سلسلہ بند کیا جائے، حکمران عوام پر رحم کریں اور مہنگائی کو قابو کریں، آئی ایم ایف استحصالی ادارہ ہے جو پاکستان کو کمزور کرنے کے درپے ہے، آئی ایم ایف غریب عوام دشمن پر مبنی پالیسیوں پر گامزن ہے اور پاکستان کے عوام کو بھوک وافلاس میں دھکیلنا چاہتا ہے۔ ان کا مزید کہنا تھا کہ عوام سے مہنگائی کے ذریعے ان کا آخری نوالہ تک چھینا جارہا ہے، عوام کے مسائل حل نہ کرنیوالی حکومت زیادہ چل نہیں سکتی، حکمران ماضی سے سبق حاصل کریں، دعوؤں کا دور ختم ہوچکا اب عوام کو معاشی ریلیف دینا ہوگا، مہنگائی کو روکنے میں حکمران بے بس ہیں، ملک کو سیاسی و معاشی طور پر مستحکم بنانے کیلئے بیرونی پالیسیوں کو مسترد کرنا ہوگا، حکومت توانائی بحران کے خاتمے اور سستی بجلی فراہم کرنے کا وعدہ پورا کرے۔