وحدت نیوز (ملتان) مجلس وحدت مسلمین پاکستان کی اسلام آباد میں منعقدہ دوروزہ مرکزی میڈیا ورکشاپ اختتام پذیر ہوگئی۔ میڈیا ورکشاپ میں پاکستان کے تمام صوبوں اور اضلاع کے میڈیا سیکرٹریز نے شرکت کی۔ کانفرنس سے مجلس وحدت مسلمین پاکستان کے سیکرٹری جنرل علامہ راجہ ناصر عباس جعفری، ڈپٹی سیکرٹری جنرل علامہ محمد امین شہیدی، علامہ شفقت حسین شیرازی، مرکزی میڈیا سیکرٹری محمد مہدی عابدی اور مختلف ٹی وی چینلز کے اینکر حضرات اور میڈیا سے وابستہ افراد نے شرکت کی اور اظہارخیال کیا۔ ورکشاپ میں صحافتی عنوان سے لیکچرز اور خصوصی کلاسز کا اہتمام کیا گیا۔ ورکشاپ کے دوسرے روز سال بھر میں بہترین کارکردگی کے حامل صوبے اور اضلاع کے میڈیاکوارڈینیٹرز میں انعامات تقسیم کیے گئے۔ بہترین صوبے کا انعام سندھ کو دیا گیا جبکہ پنجاب دوسرے نمبر پر رہا۔ اسی طرح ملک بھر سے بہترین ضلع کا انعام اور سرٹیفیکٹ ضلع ملتان کے میڈیا کوارڈینیٹر ثقلین نقوی کو دیا گیا۔ اس موقع پر ثقلین نقوی نے کہا کہ انشااللہ اس سال بھی مجلس وحدت مسلمین ملتان کی کارکردگی دیگر اضلاع سے بہتر ہوگی۔ واضح رہے کہ ثقلین نقوی مجلس وحدت مسلمین کے آغاز سے ہی بہترین ضلعی کوارڈینیٹر کا انعام حاصل کرتے آرہے ہیں ۔ اس موقع پر مرکزی سیکرٹری جنرل علامہ راجہ ناصر عباس جعفری، علامہ محمد امین شہیدی اور مرکزی سیکرٹری میڈیا سیل مہدی عابدی نے اپنی نیک خواہشات کااظہار کیا اور آئندہ بھی اسی طرح کی فعالیت کرنے پر زور دیا۔

وحدت نیوز (اسلام آباد) مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری کی زیر صدارت کور کمیٹی کا اجلاس ،اجلاس میں گلگت بلتستان الیکشن سمیت ملک میں جاری دہشت گردی کے واقعات زیر غور،اجلاس میں مجلس وحدت مسلمین پاکستان کے مرکزی ڈپٹی سیکرٹری جنرل علامہ امین شہیدی،علامہ مقصود ڈومکی،مرکزی سیکرٹری سیاسیات سید ناصر عباس شیرازی،ڈپٹی سیکرٹری جنرل پنجاب سید اسد عباس نقوی ،مرکزی سیکرٹری اطلاعات سید مہدی عابدی سمیت دیگر رہنما شریک ہوئے اجلاس میں گلگت بلتستان میں ن لیگ کی جانب سے انتظامی تبدیلیوں کو پری پول ریگنگ قرار دیتے ہوئے مسترد کر دیا ،گلگت بلتستان کے عوام کے حقوق پر کسی کو قد غن لگانے کی اجازت نہیں دینگے ،اجلاس میں فیصلہ کیا گیا کہ گلگت بلتستان میں منصفانہ الیکشن اور دیگر امور پر تمام جماعتوں سے رابطے کیے جائیں گے،مرکزی سیکرٹری سیاسیات سید ناصر شیرازی ہنگامی دورے پر وفد کے ہمراہ گلگت بلتستان جائیں گے اور امیدواروں سے درخواستیں وصول کر کے حتمی رپورٹ مرکزی سربراہ کو دینگے،گلگت بلتستان کے آنے والے انتخابات میں ایماندار،تعلیم یافتہ ،محب وطن افراد کو سامنے لائیں گے اور روائتی سیاست کا قلع قمع کرینگے اجلاس میں ملک بھر میں ملت جعفریہ پر ہونے والے دہشت گرد حملوں کی مذمت کرتے ہوئے اس کا ذمہ دار موجودہ حکمرانوں کو قرار دیا ،فیصلہ کیا گیا کہ دہشت گردی اور انتہا پسندی کے خلاف مشترکہ حکمت علمی بنانے کے لئے سربراہ مجلس وحدت مسلمین پاکستان علامہ راجہ ناصر عباس جعفری بہت جلد شیعہ علماء کونسل کے سربراہ علامہ ساجد علی نقوی سمیت ذاکرین،خطباء اور اہلسنت جماعتوں کے سربراہان سے ملاقاتیں کرینگے،اجلاس میں مطالبہ کیا گیا کہ پنجاب میں کالعدم تکفیری گرہوں کیخلاف فوری آپریشن کیا جائے اور دہشت گردی کے خلاف جنگ کے بہانے سیاسی مخالفین کو نشانہ بنانے سے باز رہے۔

وحدت نیوز (کراچی ) ملک میں امن و مان قائم کر نے کیلئے دہشت گردوں کی مدد کرنے والے تمام مراکزمدارس اور عناصرکے خلاف آپریشن کیا جائے ،وفاقی حکومت کالعدم جماعتوں اور ان کے سہولت کاروں کے خلاف کاروائی کرے ، سا نحہ پشاور ،سانحہ شکار پور نمازیوں کو قتل کرنے والے یہودی ایجنٹ ہیں ،طالبان اور اس کی بغل بچہ کالعدم جاعتوں نے اسلام کی نام پر دہشتگر ی کی ،بے گناہ معصوم بچوں اور نمازیوں کو قتل کرنے والے یذیدی ہیں ان کے حمایت کرنے والے بھی اسلام اور قر آن کی روشنی میں اتنے ہی مجرم ہیں ۔ ان خیالات کا اظہار مجلس و حدت مسلمین کے صوبائی سیکر ٹری جنرل علامہ مختار امامی نے و حدت ہاؤس کراچی میں اپنی تنظیمی نشت سے خطاب میں کیا۔

علامہ مختار امامی کا کہنا تھا ایم ڈبلیو ایم مظلوموں کی حمایت اور ظالموں کے خلاف آواز اُٹھانے میں کسی قسم کا شک نہیں رکھتی اور اس کار انبیاء کو ایم ڈبلیو ایم کا ہر جوان اپنی آخری سانسوں تک انجام دیتا رہے گا گزشتہ دنوں شانحہ شکار پور وارثان شہداء کمیٹی کے احتجاجی دھرنے نے مظلوم ملت تشیع پاکستان نے اللہ تعالیٰ کی مدد و نصرت، راہ خدا میں استقامت و بیداری اورخون شہداء کی تاثیر کے ساتھ حکومت سے اپنے مطالبات منوائے ہیں، محب وطن وارثان شہداء کا احتجاج اور اسکی کامیابی ملکی بقاء و سلامتی کیلئے سنگ میل ثابت ہوگا، وارثان شہداء کے مطالبے پر سندھ بھر میں دہشتگردوں کے خلاف آپریشن میں پاک فوج کی شمولیت خوش آئند ہے، جس سے تکفیری دہشتگرد عناصر سمیت انکے سہولت کاروں اور سرپرستوں کی کمر توڑنے میں کامیابی ممکن ہوسکے گے، محب وطن ملت تشیع پاکستان دہشتگردی کے خلاف ملکی بقاء و سلامتی کی خاطر ماضی کی طرح حال اور مستقبل میں افواج پاکستان کے ساتھ شانہ بشانہ میدان میں عملی طور حاضر ہے، افواج پاکستان تکفیری دہشتگردوں کیخلاف عسکری کارروائی کر رہی ہے تو محب وطن ملت تشیع پاکستان اتحاد و وحدت کا پرچم سربلند کرکے تکفیری دہشتگردانہ سوچ کے خاتمے کیلئے فکری و نظریاتی جہاد میں مصروف عمل ہے، تکفیری دہشتگردانہ سوچ مملکت خداداد پاکستان کی نظریاتی و جغرافیائی سرحدوں اور ملکی بقاء و سلامتی کیخلاف سب سے بڑا حقیقی خطرہ ہے، جس کا خاتمہ کئے بغیر پاکستان سے دہشتگردی کا خاتمہ ممکن نہیں۔ سندھ بھر میں تکفیری دہشتگرد عناصر کیخلاف کارروائی کا حکومتی وعدہ اور ملکی سلامتی کے اداروں کیجانب سے اس وعدے پر عمل درآمد کرنے کی یقین دہانی دراصل شہداء کے خون کی تاثیر اور ملت تشیع پاکستان کی استقامت و بیداری کا نتیجہ ہے، انشاء اللہ اس وعدے پر عمل درآمد سے جہاں شیعہ نسل کشی کا خاتمہ ممکن ہوسکے گا وہیں ملکی بقاء و سلامتی کو درپیش خطرات کا بھی خاتمہ ہوگا۔

انہوں نے مزید کہا کہ  ملت تشیع کا احتجاجی دھرنا کسی مسلک و مکتب کے خلاف نہیں بلکہ صرف اور صرف اسلام و پاکستان دشمن تکفیری دہشتگردوں کے خلاف تھا، مظلوم کا تعلق کسی بھی مذہب و مسلک سے ہو، ہم تمام مظلوموں کے ساتھ میدان میں کھڑے ہیں، وارثان شہدائے ملت تشیع کے تکفیریت مخالف احتجاجی دھرنے کی کامیابی تمام مظلوموں کیلئے قابل تقلید مثال بن چکی ہے، جو مملکت عزیز پاکستان کی بقاء و سلامتی اور تکفیری دہشتگردوں کے خاتمے کیلئے اپنا کردار ادا کرنا چاہتے ہیں ورثاء کے لانگ مارچ نے سندھ کی عوام کو بیدار کیا سیاسی و مذہبی جماعتوں کی جانب سے ورثاء کا تاریخی استقبال اس بات کی ضمانت تھی کہ سندھ دھرتی میں فرقہ واریت اور لسانیت کا کوئی عنصر نہیں تکفیری دہشتگردوں کی جانب سے نمازیوں کو نشانہ بنایا گیا سندھ میں دہشگردی میں ملوث دینی مخصوص مدارس میں کفر کے فتویٰ دیئے جاتے ہیں اور سندھ کی عوام اور علماء کرام اسلام کو بدنام کرنے کی کوشش کی جارہی ہے جو ایک مخصوص تکفیری ، یہودی گرہوں کی جانب سے کی جارہی ہے ۔

خیر العمل فائونڈیشن (شعبہ ویلفیئر) مجلس وحدت مسلمین ضلع ملیر اور آئی ایم آئی پاکستان کے اشتراک عمل سے فری ہیپاٹائٹس ویکسینیشن کیمپ امام بارگاہ در زہرا ؑشمائیل ہومز میں ایم ڈبلیوایم ضلع ملیر جعفرطیار اور غازی ٹاون یونٹ کی جانب سے  لگایا گیا جس میں بلا تفریق رنگ و نسل ، مذہب و مسلک 800افراد کوہیپاٹائٹس سے بچاوکے ٹیکے مفت لگائے گئے،دوسری جانب ایک  فری ہیپاٹائٹس ویکسینیشن کیمپ امام بارگاہ علی ابن ابی طالب ؑ آثار قدیمہ چوکنڈی بن قاسم میں بھی لگایا گیا جس میں بلا تفریق رنگ و نسل ، مذہب و مسلک 400افراد کوجن میں خواتین ، بزرگ، مرد، بچے اور جوان شامل تھے کو ہیپاٹائٹس سے بچاو کے مفت ٹیکے لگائے گئے، اس موقع پر ایم ڈبلیوایم ضلع ملیر کے سیکریٹری جنرل احسن عباس رضوی، ڈپٹی سیکریٹری جنرل ثمر زیدی، سیکریٹری فلاح وبہبوداسد علی، سیکریٹری روابط سعید رضا اور ڈپٹی سیکریٹری امور سیاسیات ڈاکٹر ملک ضمیر حسن نے کیمپ کا دورہ کیا۔ احسن عباس کا اس موقع پر کہنا تھا کہ ہیپاٹائٹس جیسی مہلک بیماری سے بچاو کی یہ مہم جاری رہے گی، اب تک مجموعی 1850افراد کو مفت ٹیکے لگائے گئے ہیں، انشاء اللہ مزید علاقوں میں بھی ویکسینیشن کیمپ لگائے جائیں گے، ان کا کہنا تھا کہ کھوکراپار میں حفاظتی ٹیکوں کا دوسرا مرحلہ یکم مارچ بروز اتوار ہو گا جبکہ شمائیل ہومز اور چوکنڈی میں دوسرے مرحلے کے ٹیکے 22مارچ کو لگائے جائیں گے۔

وحدت نیوز (اسلام آباد) مجلس وحدت مسلمین پاکستان کے مرکزی شعبہ اطلاعات کے زیر اہتمام اسلام آباد میں منعقدہ  دوروزہ میڈیاورکشاپ کے اختتامی سیشن میں ملک بھر میں سے آئے ہوئے معززشرکاء میں بہترین کارکردگی کا مظاہرہ کرنےپرحسن کارکردگی ایوارڈز تقسیم کیئے گئے، علامہ اصغر عسکری، اقرارحسین ملک اور علامہ ضیغم عباس نے ایوارڈ تقسیم کیئے، جن شخصیات میں  ایوارڈز اور کیمرے انعام کی صورت میں تقسیم کیئے گئے ان میں ، مظاہر شگری، ثقلین نقوی، علی احمر ، این ایچ بلوچ، محمد ہادی،عدیل عباس، زیشان حیدر، احسن عباس ، انیس الحسن، عباس علی، آصف صفوی، علی شجاعت ، منور جعفری، مختار دایو، غفار ڈومکی، ابراہیم طاہر، توصیف عباس، انوار الحق، ارشاد بنگش سمیت دیگرشامل تھے۔

وحدت نیوز (اسلام آباد) مجلس وحدت مسلمین پاکستان کے مرکزی شعبہ اطلاعات کے زیر اہتمام دوسری سالانہ میڈیا ورکشاپ کا کامیاب انعقاد جامع امام صادقؑ اسلام آباد میں کیا گیا، ورکشاپ میں ملک بھر سے میڈیا سیکریٹریز اور سیکریٹری اطلاعات  صاحبان نے شرکت کی، جبکہ ورکشاپ کے مختلف سیشنز سے ایم ڈبلیوایم کے سربراہ علامہ ناصرعباس جعفری ، مرکزی ڈپٹی سیکریٹری جنرل علامہ امین شہیدی ، مرکزی سیکریٹری امور خارجہ علامہ شفقت حسین شیرازی ، مرکزی سیکریٹری اطلاعات سید مہدی عابدی ،علامہ اصغر عسکری ، مظاہر شگری ، حسنین زیدی سمیت دانشوروں اور سینیئر اینکرپرسنز نے خطاب کیا، ورکشاپ کے اختتامی سیشن میں بہترین کارکردگی کا مظاہرہ کرنے والے مسئولین میں اعزازی شیلڈزاور کیمرے تقسیم کیئے گئے۔

مرکزی سیکریٹری اطلاعات سید مہدی عابدی نے کہا کہ   دنیا میں تبدیلی کے لئے جن چار بنیادی ستونوں کی ضرورت ہوتی ہے، ان میں سے ایک میڈیا ہے۔ لہذا اس شعبے سے متعلقہ لوگوں کو اپنی ذمہ داریوں کا احساس کرتے ہوئے اس خلا کو پر کرنا ہوگا، عالم اسلام کو درپیش ابلاغی چیلنجزکا مقابلہ کرنے کیلئے مجلس وحدت کے کارکنان خود کو عصر حاضر کے تقاضوں سے ہم آہنگ کریں ، مغربی یلغار کے آگے بند باندھنے کیلئے ہمارے جوانوں سوشل ، پرنت اور الیکٹرونگ میڈیا میں اپنا مقام بنایا ہو گا، اگر ہم نے اس معاملے میں کوتاہی کی تو اسلام دشمن قوتیں ہم پر اپنی فکر مسلط کرنے میں کامیاب ہو جائیں گی، انہوں نے کہا کہ خدا کا شکر ہے کہ مجلس وحدت مسلمین کا میڈیا ڈپارٹمنٹ کم وسائل اور زیادہ مسائل کے باوجود پاکستان کی سیاسی جماعتوں میں کی نمایاں مقام رکھتا ہے۔

ورکشاپ سے خطاب کرتے ہوئے مجلس وحدت مسلمین پاکستان کے مرکزی ڈپٹی سیکرٹری جنرل علامہ امین شہیدی نے کہا کہ میڈیا کی جنگ میں دشمن کو مات دینے کے لئے ضروری ہے کہ قوم کو دشمن کی سازشوں سے آگاہ کیا جائے۔ آج پوری دنیا میں غرب اپنی طاقت کے ذریعے اسلام کا چہرہ مسخ کرنے کی کوشش کر رہا ہے، جس کے لئے مشرق وسطٰی میں داعش جیسے دہشگرد گروہوں کو پروموٹ کیا جا رہا ہے، لیکن شام و عراق کے اندر بلاک مقاومت نے نہ فقط انہیں عسکری شکست دی ہے بلکہ حزب اللہ و شامی فوجوں نے میڈیا کے ذریعے ان کے انسانیت کش جرائم سے دنیا کو آگاہ کیا ہے۔ لہذا پاکستان کے نوجوانوں کو چاہیے کہ وہ ملت پاکستان کو اس پراکسی وار سے نجات دیں اور لوگوں میں شعور بیدار کریں، تاکہ یہ قوم حقیقی معنوں میں فکر اقبال سے روشناس ہو کر اس پاک دھرتی کا دفاع کرسکے۔

مرکزی میڈیا ورکشاپ سے خطاب کرتے ہوئے ڈپٹی سیکرٹری جنرل مجلس وحدت مسلمین علامہ سید شفقت حسین شیرازی نے کہا ہے کہ اسلام حقیقی و امریکی میں تمیز انقلاب اسلامی کی بدولت ممکن ہوئی، حضرت امام خمینی (رہ) کی مدبرانہ سوچ تھی جس کے تحت اسلام امریکائی بے نقاب ہوا، دشمن نے داعشی، نقلی، تکفیری اور وہابی اسلام لوگوں کے سامنے پیش کیا، تاکہ اسلام ناب محمدی کا چہرہ مسخ کیا جائے، اس کے باوجود آج اسلام ناب محمدی روز روشن کی طرح دنیا پر عیاں ہوچکا ہے۔ داعش کی بربریت نے عراق میں سنی و شیعہ دونوں کو بیدار کیا، جنہوں نے مرجعیت کی رہنمائی میں عراق میں داعش کا ڈٹ کا مقابلہ کیا۔ داعش کی کوشش تھی کہ موصل کے بعد بغداد پر بھی قابض ہوجائیں، لیکن موصل پر داعش کا قبضہ ایک سازش کے تحت تھا، جس میں موصل کا گورنر شامل تھا، جو داعش کا آلہ کار بنا۔ استعمار کی طرف سے مسلمان ممالک پر مسلط کی جانے والی جنگوں کے ذریعہ امریکہ نے اپنی ڈوبتی معیشت کو سنبھالا دیا۔ اڑھائی لاکھ دہشت گرد شام بھیجے گئے، ان چوراسی ممالک میں یورپی ریاستیں بھی شامل تھیں، جنہیں آج اپنی ملک کی سکیورٹی کے حوالہ سے خدشات لاحق ہوچکے ہیں، چونکہ شام بھیجے گئے دہشت گرد میدان جنگ سے بھاگ کر واپس انہی یورپی ممالک کا رخ کر رہے ہیں۔