The Latest
وحدت نیوز (کراچی) پاکستان پیپلز پارٹی پی ایس127-کے صدراورزکواۃ وعشرکمیٹی ضلع ملیر کے چیئرمین نعمان عبداللہ مرادکی مجلس وحدت مسلمین کی دعوت پر وحدت ہاوس جعفرطیار سوسائٹی آمد، ایم ڈبلیوایم ضلع ملیرکے سیکریٹری جنرل سید احسن عباس رضوی سے ملاقات،دونوں رہنماؤں کے درمیان علاقائی مسائل، واٹرسپلائی پروجیکٹ اور بلدیاتی انتخابات میں سیٹ ایڈجسٹمنٹ کے حوالے سے تفصیلی گفتگو ہوئی، ملاقات کے بعد دونوں رہنماوں نے جعفرطیارواٹرسپلائی پروجیکٹ پر جاری ترقیاتی کام کا جائزہ بھی لیا، اس موقع پر پاکستان پیپلز پارٹی کے وفد میں محمد علی گلگتی ، حبیب شاکر، کیپٹن عارف اور ایم ڈبلیوایم کی جانب سے ضلعی سیکریٹری امورسیاسیات حسن عباس، سیکریٹری روابط سعید رضا، رضاعلی، عارف رضا زیدی، حامد حسین اور کاظم نقوی موجود تھے۔
اس موقع پر مجلس وحدت مسلمین ضلع ملیر کے سیکریٹری جنرل احسن عباس رضوی کاپی پی پی کے رہنما نعمان عبداللہ مراد سے گفتگو کرتے ہوئے کہنا تھا کہ جعفرطیارواٹر سپلائی پروجیکٹ کی تکمیل سے اہلیان سوسائٹی کا دیرینہ مسئلہ حل پذیر ہوگا، پروجیکٹ آئندہ ماہ کے رواں ہفتے میں پایہ تکمیل کو پہنچ جائے گا، انشاء اللہ افتتاحی تقریب ایم ڈبلیوایم اور پیپلز پارٹی کی میزبانی میں آئندہ ماہ منعقد ہوگی، جس میں دونوں جماعتوں کے رہنما اور علاقہ معززین شرکت کریں گے، نعمان عبداللہ مراد کا کہنا تھا کہ پی پی پی عوامی خدمت پر مکمل یقین رکھتی ہے، جعفرطیار سوسائٹی کیلئے واٹر سپلائی پروجیکٹ بھی اسی خدمت کا تسلسل ہے ہمارے والد شہید عبداللہ مراد کی خواہش تھی کے اہلیان جعفرطیار کو میٹھے پانی کی فراہمی کا منصوبہ تحفہ کریں ، لیکن عوام دشمن قوتوں نے انہیں ہم سے چھین لیا ،لیکن آج ہمیں خوشی ہے کہ مجلس وحدت مسلمین کے تعاون سے ہم اپنے شہید بابا عبد اللہ مراد کا خواب مکمل کررہے ہیں ۔
وحدت نیوز(جامشورو) مجلس وحدت مسلمین کی جانب سے اندرون کے سیلاب متاثرین کی بحالی کے لئے ہنگامی بنیادوں پر اقدامات جاری ہیں ، ا س حوالے سے ایم ڈبلیوایم کراچی ضلع وسطی کی جانب سے لاکھڑا پاور اسٹیشن ضلع جامشورو میں 42متاثرہ خاندانوں میں ایک ماہ کا راشن فراہم کیا گیا، امدادی سامان ضلعی سیکریٹری جنرل برادر زین رضا کی سربراہی میں کراچی سے جامشورو پہنچا، وفد میں ایم ڈبلیوایم کراچی ڈویژن کے رہنما مولانا صادق جعفری ، مظاہر حسین اور دیگر بھی شامل تھے، جبکہ ایم ڈبلیوایم صوبہ سندھ کے سیکریٹری فلاح وبہبود بردار الفت عالم کربلائی نے امداری کاروان کا استقبال کیا، اس موقع پر ضلعی سیکریٹری جنرل جامشورو برادر کاشف حسین الحسینی بھی اپنی کابینہ کے اراکین کے ہمراہ موجود تھے، عالم کربلائی کا متاثرین سیلاب سے خطاب کرتے ہوئے کہنا تھا کہ ایم ڈبلیوایم مظلوموں اور محروموں کی آواز ہے ، ہم کسی مشکل وقت میں اپنی اہل وطن کو تنہا نہیں چھوڑیں گے، انشاءاللہ بہت جلد مزید سیلاب متاثرہ علاقوں میں بھی امدادی سرگرمیاں شروع کردی جائیں گیں ۔
وحدت نیوز(کراچی/بدین) قائد وحدت ناصر ملت علامہ راجہ ناصرعباس جعفری کے فرزند ارجمند مولانا راجہ مصطفیٰ حیدرجعفری کی پہلی مرتبہ تنظیمی دورے پرسندھ آمد، اس موقع پر پہلے مرحلے میں انہوں نے کراچی کے ضلع غربی میں جامع مسجد حیدر ی اورنگی ٹاون میں مجلس عزا سے خطاب کیا، ایم ڈبلیوایم کے رہنما برادر سبط اصغر اور مولانا صادق جعفری نے انہیں خوش آمد ید کہا،بعد ازاں مولانا راجہ مصطفیٰ حیدر جعفری نے ضلعی سیکریٹریٹ ملیر میں عہدیداران اور کارکنان سے ملاقات اور حالات حاضرہ پر گفتگو، اس موقع پر ضلعی سیکریٹری جنرل احسن عباس اور ضلعی کابینہ اور یونٹس کے مسئولین بھی بڑی تعداد میں موجود تھے۔دیگر ازیں مولانا راجہ مصطفیٰ حیدر نے ضلع بدین کی تحصیل مراد چھلگری میں عوامی اجتما ع سے خطاب کیا، بدین آمد پر کارکنان کی بڑی تعداد نے ان کا شاندار استقبال کیا، مولانا راجہ مصطفیٰ حیدر نے پر آشوب دور میں وسائل کی قلت کے باوجود تن دہی سے تنظیمی فعالیت پر خراج تحسین پیش کیا۔
وحدت نیوز (لاہور) پنجاب حکومت دہشت گردی کیخلاف آپریشن کو متاثر کرنے کے لئے ملت جعفریہ کے خلاف کریک ڈاوُن کر رہی ہے،ملک میں دہشت گردی کے سب سے زیادہ متاثر فریق کیخلاف کی جانے والی کاروائیاں ایک منظم سازش کا حصہ ہے،ہمارے تین ہزار سے زائد شہداء کے قاتلوں کی سرپرستی اب بھی پنجاب حکومت کے صوبائی وزیر ہی کر رہا ہے،جنوبی پنجاب میں عالمی دہشت گرد داعش کیخلاف کاروائی سے پنجاب حکومت گریزاں ہے،شہید شجاع خانزادہ کو اصل دہشت گردوں اور دہشت گردی کے مراکز کیخلاف کاروائی پر راستے سے ہٹایا گیا،ہمارے خلاف کاروائی دہشت گردوں کی خوشنودی کے لئے کیا جا رہا ہے،ان خیالات کا اظہار مجلس وحدت مسلمین پنجاب کے سیکرٹری جنرل علامہ عبدالخالق اسدی نے صوبائی کابینہ کے ہنگامی اجلاس سے خطاب میں کیا،انہوں نے کہا کہ پنجاب سے کئی اضلاع سے ہمارے بے گناہ محب وطن سینکڑوں کارکنوں کو گرفتار کیا گیا ہے،چادر اور چار دیواری کے تقدس کو پامال کیا جا رہا ہے،ہم پنجاب حکومت کی اس ریاستی ظلم کیخلاف خاموش نہیں رہیں گے،کرنل شجاع خانزادہ کی شہادت کے بعد پنجاب کابینہ میں شامل دہشت گردوں کے سیاسی سرپرست وزیر ملت جعفریہ کیخلاف ایک دفعہ پھر انتقامی کاروائی پر اتر آیا ہے،پنجاب بھر سے بانیاں مجالس ،عزادار،علمائے کرام،ذاکرین عظام اور عمائدین کا ہنگامی اجلاس طلب کر لیا ہے ،آج (26 اگست )کی اہم پریس کانفرنس میں ہم اپنے لائحہ عمل کا اعلان کریں گے۔
وحدت نیوز (اسلام آباد) حکومت دہشت گرد عناصر اور محب وطن افراد کو ترازو کے ایک ہی پڑلے میں تولنے کا سلسلہ بند کرے، تکفیری ہمنواوں کی خوشنودی کے لیے ملت تشیع کے بے گناہ افراد کے خلاف پنجاب میں جاری کریک ڈاون دراصل کالعدم تنظیموں کے ان دہشت گرد عناصر سے توجہ ہٹانے کی ایک سازش ہے جو ماضی میں حکومت کے حمایت یافتہ رہے ہیں ۔اتحاد بین المسلمین مجلس وحدت مسلمین کا بنیادی منشور ہے۔ نون لیگ کے کچھ عناصر فرقہ وارنہ تقسیم سے اپنے مذموم مقاصد حاصل کرنا چاہتے ہیں۔ جنہیں ہم نے فکری ہم آہنگی اور مذہبی رواداری سے شکست دینی ہیں۔ان خیالات کا اظہارمجلس وحدت مسلمین پاکستان کے مرکزی ڈپٹی جنرل سیکرٹری علامہ امین شہیدی اور دیگر مرکزی رہنماوں نے مرکزی سیکرٹریٹ میں ایک پریس کانفرنس کے خطاب کے دوران کیا۔
علامہ امین شہیدی نے کہا یہ سب جانتے ہیں کہ دہشت گردی کے خلاف جاری آپریشن میں موجودہ حکومت کوبادل نخواستہ شریک کار بننا پڑا حالانکہ حکومت روز اول سے ہی ان ملک دشمن عناصر کے خلاف آپریشن کی مخالف تھی۔ افواج پاک وطن عزیز کو ان دشمن طاقتوں سے چھٹکارا دلانے میں پوری نیک نیتی اور تندہی سے مصروف ہے جبکہ حکومتی اقدامات اس کے برعکس ہے۔ پنجاب حکومت اکیسویں ترمیم اور نیشنل ایکشن پلان کو دہشت گردی کے خاتمے کی بجائے اپنے انتقامی مقاصد کے حصول کے لیے استعمال کر رہی ہے۔پنجاب گلگت بلتستان میں نون لیگ کی حکومت ہے اور ان دونوں علاقوں میں مجلس وحدت مسلمین کو دانستہ طور پر انتقام کا نشانہ بنایا جا رہا ہے۔ گزشتہ دو دن میں ہمارے چالیس سے زائد افراد کو گرفتار کر لیا گیا ہے جن میں ڈاکٹرز ،وکلا، اساتذہ، بینکرز اور علما بھی موجود ہیں۔جمہوری روایات کی پاسداری کے بلند و بانگ دعوے کرنے والی نون لیگ حکومت ڈکٹیٹر شپ پر اتر آئی ہے۔ہمیں اس قسم کے اوچھے ہتھکنڈوں سے ڈرایا دھمکایا نہیں جا سکتا۔ ہم شہدا کی عظمتوں کے گن گانے والی قوم ہیں ہماری بنیاد مزاحمت پر ہے۔ہم پُرامن اور محب وطن ہیں۔ہمارا پنجاب حکومت سے مطالبہ ہے کہ ہمارے کارکنوں کی گرفتاریوں کا یہ سلسلہ فوری بند کیا جائے اور ہمارے بے گناہ کارکنوں کو رہا کیا جائے۔پریس کانفرنس میں مرکزی رہنما علامہ اصغر عسکری، علامہ اعجاز حسین بہشتی، علامہ شیر علی انصاری اور علی حسین بھی ہمراہ تھے۔
وحدت نیوز (اسلام آباد) مسلم لیگ نواز نے ہمیشہ عوامی مینڈیٹ پرشب خون مارا، این اے 122سے متعلق کمیشن کےفیصلے نے ن لیگی دھاندلی کا بھانڈا پھوڑ ڈالاہے، ایاز صادق کی صداقت خیانت میں تبدیل ہو چکی ہے،موقف میں شاندار کامیابی پر پاکستان تحریک انصاف اور عمران خان کو مبارک باد پیش کرتے ہیں ، گلگت بلتستان میں بھی نواز لیگ نے عوامی مینڈیٹ کاکھلم کھلا قتل عام کیا، ان خیالات کا اظہار مجلس وحدت مسلمین کے مرکزی سیکریٹری امور سیاسیات سید ناصرعباس شیرازی نے حلقہ این اے122میں ن لیگ کے رکن قومی اسمبلی اور اسپیکر پارلیمنٹ ایاز صادق کے انتخاب کو کالعدم قرار دینے کے فیصلے کے بعد مرکزی سیکریٹریٹ سے جاری اپنے بیان میں کیا۔
ان کا کہنا تھا کہ پاکستان تحریک انصاف کا انتخابی دھاندلی کے حوالے سے چار حلقوں کی تحقیق کا مطالبہ وقت گذرنے کے ساتھ ساتھ سچ ثابت ہوا، این اے 122میں الیکشن کمیشن اور ن لیگ کی مشترکہ دھاندلی مہم کےنتیجے میں کامیاب قرار پانے والے اسپیکر قومی اسمبلی ایاز صادق کا جعلی مینڈیٹ آج عوام کے سامنے آشکار ہوگیا ، ن لیگ اور پیپلز پارٹی دھاندلی کنگ ہیں ، جو چوری کرکے ثبوت مٹانے کے ماہر ہیں، گذشتہ برس ن لیگی حکومت کے جعلی مینڈیٹ اور ماڈل ٹاون سانحے کے خلاف عوامی درعمل نے ثابت کردیا تھا کہ عوام اب کسی قسم کی حکومتی جعل سازی کو قبول نہیں کریں گے، انہوں نے پاکستان تحریک انصاف کے کارکنان اور عمران خان کو اصولی موقف میں فتح پر مبارک پیش کی اور اس امید کا اظہار کیا کہ پی ٹی آئی عوامی امنگوں پر پورا ترنے کیلئے اپنے تمام وسائل بروئے کار لائے گی۔
وحدت نیوز (سکردو) مجلس وحدت مسلمین پاکستان بلتستان ڈویژن کے شعبہ فلاح و بہبود کے زیرانتظام چلنے والے ادارہ ’’خیرالعمل فاونڈیشن پاکستان‘‘ کے ذریعے سدپارہ اسکردو میں سیلاب متاثرین کی بحالی کے سلسلے میں سیلاب سے متاثرہ سڑکوں کی تعمیر نو کے لئے فنڈز ریلز کر دیئے گئے۔ اس سلسلے میں سدپارہ کے عمائدین کو ایم ڈبلیو ایم بلتستان کے سیکرٹری جنرل علامہ آغا علی رضوی نے امدادی چیک دے دیا۔ اس موقع ایم ڈبلیو ایم بلتستان کے امیدوار و رکن گلگت بلتستان قانون ساز اسمبلی کاچو امتیاز حیدر خان بھی موجود تھے۔ آغا علی رضوی نے کہا کہ ابتدائی طور پر خیرالعمل فاونڈیشن کی جانب سے عوام کے مطالبے کو مدنظر رکھتے ہوئے سیلاب سے متاثرہ رابطہ سڑکوں کی تعمیر کے لئے امداد کی جا رہی ہے، جس کو مزید توسیع دی جائے گی اور متاثرین کو انکے پاوں پر کھڑا کرنے کے لئے بھرپور جدوجہد کی جائے گی۔ انہوں نے کہا کہ ایم ڈبلیو ایم ہر وقت عوام کے درمیان ہی رہے گی اور عوامی مسائل کو ترجیحی بنیادوں پر حل کیا جائے گا۔ اس موقع پر عمائدین سدپارہ نے ایم ڈبلیو ایم کے سربراہ آغا علی رضوی اور رکن جی بی اسمبلی کاچو امتیاز حیدر خان کا شکریہ ادا کیا کہ انہوں نے ہمیشہ عوامی مسائل کو حل کرنے کے لئے جدوجہد کی۔
وحدت نیوز (گلگت) مجلس وحدت مسلمین پاکستان گلگت بلتستان کے ترجمان محمد الیاس صدیقی نے اپنے ایک بیان میں کہا ہے کہ شہید ضیاء الدین قتل کیس کے ماسٹر مائنڈ اور انسداد دہشت گردی کورٹ گلگت سے سزا یافتہ مجرم شاکراللہ کو گلگت منتقل کرکے پھانسی پر لٹکایا جائے۔ مجرم شاکراللہ جسے پیپلز پارٹی کے دور اقتدار میں گلگت جیل سے فرار کروایا گیا تھا اس وقت پنجاب پولیس کی حراست میں ہے، کو فوری طور گلگت منتقل کرکے کیفر کردار تک پہنچایا جائے۔ انہوں نے کہا کہ آغا شہید ضیاء الدین رضوی قتل کیس میں مجرمانہ غفلت برتنے والے پولیس اہلکاروں کے خلاف کارروائی کی جائے، نیز اس قتل کیس میں انصاف کے تقاضے پورے کرنے کے لئے کیس کو ری اوپن کیا جائے۔ انہوں نے کہا کہ مجرم شاکراللہ جسے چیتا جیل گلگت سے فرار کروایا گیا تھا اور پنجاب پولیس نے اسے گرفتار کیا ہے اور انسداد دہشت گردی کی عدالت نے پھانسی کی سزا سنائی ہے، قتل کیس میں مامور جن پولیس فسران نے ناقص تفتیش اور مجرمانہ غفلت کا مظاہرہ کیا ہے، کو سزا دی جائے۔ انتہائی حساس نوعیت کے اس قتل کیس میں عدم دلچسپی تشویشناک ہے اور اگر حکومت نے دہشت گردوں کو ریلیف دینے کی خاطر اسے نظر انداز کیا تو پورے گلگت بلتستان کی سطح پر عوامی رابطہ مہم کے بعد بھرپور انداز میں تحریک چلانے پر مجبور ہونگے۔
وحدت نیوز (ٹوبہ ٹیک سنگھ) مجلس وحدت مسلمین ضلع ٹوبہ ٹیک سنگھ کی شوریٰ کا اجلاس مرکزی امام بارگاہ جھنگ روڈ ٹوبہ ٹیک سنگھ میں صوبائی سیکرٹری جنرل علامہ عبد الخالق اسدی کی زیر صدارت منعقد ہو ا ۔ منعقدہ اجلا س میں ٹوبہ ٹیک سنگھ کے امام بارگاہوں کے متولیان ، انجمنوں اور ٹرسٹ کے عہداداران ، ماتمی سنگتوں کے نمائندگان اور عمائدین کی بڑی تعداد نے شرکت کی ۔اجلاس سے تحصیل سیکرٹری جنرل برادر رانا نعیم عباس الحسینی ، مولانا محمد حسین جعفری ، رانا فداحسین ایڈووکیٹ ،سید سجاد حسین کاظمی ، سید کوثر حسین شاہ نے خطاب کیا۔
اجلاس سے خطاب کرتے ہوئے صوبائی سیکرٹری جنرل مجلس وحدت مسلمین پنجاب علامہ عبد الخالق اسدی نے کہا کہ عزاداری سیدالشہدء کی راہ میں کسی بھی رکاوٹ کو برداشت نہیں کیا جائے گا اور ماہ محرم الحرام میں مقامی انتظامیہ سے بھر پور تعاون کیا جائے گا ااور جہاں کہیں بھی ملت جعفریہ کو مسائل درپیش ہوں گے انہیں باہمی اتحاد و یک جہتی کے ذریعے حل کیا جائے گا۔
انہوں نے مزید کہا کہ عزاداری امام حسین ؑ ہمارا بنیادی اور آئینی حق ہے جس سے ہمیں کوئی نہیں روک سکتا، اس وقت ملت جعفریہ کی نشاۃ ثانیہ کا دور ہے اور پوری دنیا میں شیعت عالم اسلام کی رہنماء اور رہبر کے طور پر اُبھر کر سامنے آئی ہے تکفیری طالبان ، القاعدہ ، داعش اور لشکر جھنگوی وغیرہ پوری دنیا میں نفرت کا نشان بن کر رہ گئے ہیں ۔ لہذا اب وقت ہے کہ شیعیان اہل بیت اپنی فعالیت کے ذریعے سے مذہب تشیع کو استحکام بخشے ۔
وحدت نیوز(گلگت) صوبائی حکومت فیسٹول کے کروڑوں کا بجٹ ضائع کررہی ہے جبکہ گلگت حالیہ سیلاب کے نتیجے میں سینکڑوں خاندان بے گھر ہوچکے ہیں بڑی تعداد میں آبادیاں متاثر ہوچکی ہیں جن کی بحالی کیلئے حکومت کے پاس کوئی پروگرام نہیں ۔گلگت شہر میں عوام پینے کے پانی کیلئے ترس گئے ہیں،24 گھنٹوں میں صرف تین گھنٹے پانی دیا جارہا ہے جو کہ انتہائی ناکافی ہے ۔ فتح باغ اور امپھری واٹر کمپلیکس کھنڈر بن چکے ہیں ۔ ان خیالات کا اظہار مجلس وحدت مسلمین کے رہنما اور خیرالعمل فاؤنڈیشن گلگت ریجن کے سیکرٹری بختاور خان نے اپنے ایک بیان میں کیا ہے۔ انہوں نے کہا کہ مسلم لیگ حکومت کا سو دنون کی تبدیلی کا نعرہ محض ایک ڈھونگ ہے 100 دن تو کیا پانچ سال میں بھی کسی بڑی تبدیلی کا امکان نہیں۔ ڈسٹرکٹ ہیڈ کوارٹر ہسپتال میں ایکسرے فلم تک دستیاب نہیں، شہر کو پورے دن میں صرف تین گھنٹے پانی میسر ہوتا ہے،شہر میں جگہ جگہ گندگی کے ڈھیر لگے ہوئے ہیں او ر حکومت فیسٹول کے انعقاد میں بڑی دلچسپی لے رہی ہے۔انہوں نے کہا کہ امپھری اور فتح باغ واٹرکمپلیکس کھنڈر بن چکے ہیں،ٹھیکیدار وں سے کوئی پوچھنے والا نہیں،ایسا لگ رہا ہے کہ مسلم لیگ نواز پیپلز پارٹی سے بڑھ کر کرپشن کا ریکارڈ بنائے گی۔گلگت شہرکی سڑکیں کھنڈرات میں تبدیل ہوچکی ہیں ،شہید ملت روڈ، امیر جہاندار شاہ روڈ،ریور ویوروڈ، بابر روڈ، ڈومیال لنک روڈ،پونیال روڈ جگہ جگہ ٹوٹ پھوٹ کا شکار ہیں۔شہید ضمیر عباس چوک سے انجمن حسینہ تک روڈ خستہ حالی کا شکار ہوچکا ہے۔انہوں نے کہا کہ کرپشن کو ختم کرنے کے دعوے کرنے والوں نے سیلاب سے متاثرہ سڑکوں اور دیگر کاموں کے تمام ٹھیکے لیگی کارکنوں کو دیئے گئے ہیں ،یوں لیگی ٹھیکیداروں کیلئے حالیہ سیلاب رحمت بن گیاہے۔انہوں نے مزید کہا کہ حکومت عوامی مسائل کے حل میں ترجیحات متعین کرے اور بنیادی سہولتوں کی فراہمی کویقینی بنائے۔
