The Latest
وحدت نیوز(کوئٹہ) مجلس وحدت مسلمین کے بلوچستا ن کے صوبائی سیکریٹری جنرل علامہ مقصود علی ڈومکی نے کہا ہے کہ ایم ڈبلیو ایم کے زیراہتمام یکم تا 7 جون ہفتہ فروغ فکر امام خمینی (رہ) منایا جائے گا۔ بانی انقلاب اسلامی رہبر کبیر حضرت امام خمینی (رہ) کی 25 ویں برسی کے موقع پر ہم ان کی عظیم انقلابی جدوجہد اور احیائے اسلام تحریک سے تجدید عہد کرتے ہیں۔ امام (رہ) نے سیرت انبیاء و اہل بیت (ع) پر عمل کرتے ہوئے وقت کے طاغوت سے ٹکر لی اور ڈھائی ہزار سالہ شہنشاہیت کو شکست دیکر قرآن و سنت کا نظام نافذ کیا۔ علامہ مقصود علی ڈومکی کا مزید کہنا تھا کہ یہ صدی امام خمینی (رہ) کی صدی ہے۔ امام (رہ) اتحاد بین المسلمین کے علمبردار، سامراج دشمن، غریبوں اور مظلوموں کے حامی عظیم انقلابی رہنماء تھے۔ انہوں نے امریکہ، اسرائیل اور دیگر استعماری قوتوں کے خلاف جو تحریک شروع کی، اب وہ عالمی سطح پر پذیرائی حاصل کرچکی ہے۔ انہوں نے کہا کہ ہفتہ فروغ فکر امام خمینی (رہ) کے موقع پر بلوچستان بھر میں مختلف پروگرامز منعقد ہوں گے۔ جس میں امام (رہ) کی عظیم جدوجہد کو خراج عقیدت پیش کیا جائے گا۔
وحدت نیوز(ہری پور) صوبائی سیکرٹری جنرل ایم ڈبلیوایم خیبرپختونخوا علامہ سید سبطین حسین الحسینی نے کہا ہے کہ یہ امر نہایت خوش آئند ہے کہ آج کی اس تقریب میں اہل تشیع کے ساتھ ساتھ اہل تسنن بھی بڑی تعداد میں موجود ہیں اور آج کا یہ اجتماع اتحاد بین المسلمین کا بین ثبوت دے رہا ہے۔ وحدت کے اس منظر کو دیکھ کر امام جعفر صادق (ع) کا ایک فرمان یاد آرہا ہے جس سے ہمیں اندازہ ہوتا ہے کہ اللہ کے وصی دین کا کس قدر درد رکھتے تھے۔ امام صادق (ع) فرماتے ہیں کہ جس نے اہل سنت بھائیوں کے ساتھ جاکر نماز پڑھی گویا اس نے رسول خدا (ص) کے ساتھ پہلی صف میں نماز پڑھی۔ انہوں نے کہا کہ مجلس وحدت مسلمین کا منشور مدینہ فاضلہ کا قیام ہے۔ ملک کی نظریاتی و جغرافیائی سرحدوں کی محافظت اور ملک کے اداروں کو مضبوط بنانا ایم ڈبلیوایم کے نصب العین میں شامل ہے۔
وحدت نیوز(ہری پور) ہری پور میں مسجد خدیجۃ الکبری کی افتتاحی تقریب سے خطاب کرتے ہوئےمجلس وحدت مسلمین خیبر پختونخوا کے ڈپٹی سیکرٹری جنرل علامہ سید وحید عباس کاظمی نے کہا ہے کہ مساجد کو آباد کرنے والے اللہ کے پسندیدہ اور پیارے لوگ ہوتے ہیں جو روز آخرت اور اللہ پر بختہ ایمان رکھتے ہیں۔ انبیا علیہم السلام نے بھی اللہ کا گھر بنانے کو اپنے لئے سعادت سمجھا۔ ان کا کہنا تھا کہ قیامت کے دن تین چیزیں خدا سے شکایت کریں گی ایک عالم، دوسرا قرآن اور تیسرا مسجد۔ عالم کہے گا کہ میری بات نہیں سنی گئی۔ قرآن کہے گا کہ میرا ادب ہوتا تھا کہ لیکن پڑھا نہیں جاتا تھا، مسجد شکایت کرے گی کہ میری تزئین و آرائش تو کی گئی لیکن آباد نہیں کیا گیا۔
وحدت نیوز(ہری پور) مجلس وحدت مسلمین صوبہ خیبر پختونخوا کے سیکرٹری جنرل علامہ سید سبطین حسین الحسینی نے ہزارہ ڈویژن کا دورہ کیا، جہاں انہوں نے مختلف شخصیات سے ملاقاتیں کیں۔ اس دوران علامہ سبطین الحسینی نے سید وقار حسین رضوی کو صوبائی سیکرٹری تبلیغات مقرر کیا۔ علامہ سید سبطین کا کہنا تھا کہ علامہ وقار رضوی شعبہ تبلغات سے پہلے سے منسلک ہیں، اور تبلیغات کے حوالے سے علاقہ میں ان کی بہت خدمات لائق تحسین ہیں۔ ہمیں بھی علامہ وقار رضوی سے بہت امیدیں وابستہ ہیں کہ وہ ہزارہ ڈویژن میں موجود لاکھوں سادات کی خدمت کرینگے۔ دورے کے دوران علامہ سید سبطین الحسینی ایم ڈبلیو ایم مانسہرہ کے سیکرٹری جنرل علامہ سید مظہر حسین سے بھی ملے۔ اس ملاقات میں علاقائی امور اور تنظیمی صورت حال پر تبادلہ خیال کیا گیا۔ انہوں کا کہنا تھا کہ ضلع مانسہرہ کے دور دراز علاقوں میں شیعہ آبادی موجود ہے، لہذا وہاں ہمیں کام کرنے کی ضرورت ہے۔ علامہ سید سبطین نے مدرسہ رسول (ص) اعظم ایبٹ آباد کا بھی دور کیا، جہاں انہوں نے علامہ جہانزیب جعفری اور علامہ نذر سے ملاقات کرتے ہوئے ضلع کی صورتحال پر گفتگو کی۔
وحدت نیوز (کراچی) مجلس وحدت مسلمین کراچی ڈویژن کے زیراہتمام لبیک یاحسین مارچ کا آغاز نمائش چورنگی سے ہوچکا ہے جو کہ وزیراعلٰی ہاؤس کی جانب رواں دواں ہے، جہاں پر شیعہ نسل کشی اور ٹارگٹ کلنگ کے خلاف وزیراعلٰی ہاؤس کا گھیراؤ کیا جائے گا۔ مارچ میں خواتین، بچوں، بزرگوں سمیت ہزاروں کی تعداد میں لوگ شریک ہیں، جن کی قیادت علماء کی کثیر تعداد کر رہی ہے۔ ریلی میں اندرون سندھ سے ایم ڈبلیو ایم سندھ کے سیکرٹری جنرل علامہ مختار امامی کی قیادت میں علماء کرام اور اہل تشیع کا نمائندہ وفد بھی شریک ہے۔ لبیک یاحسین (ع) مارچ میں مرکزی رہنما ایم ڈبلیو ایم علامہ امین شہیدی، علامہ حسن ظفر نقوی، علامہ احمد اقبال رضوی، علامہ اعجاز بہشتی، علامہ صادق تقوی سمیت علماء و ذاکرین امامیہ بھی شریک ہیں۔ اس موقع پر علامہ حسن ظفر نقوی نے خطاب کرتے ہوئے کہا کہ یہ احتجاجی مارچ سندھ میں بڑھتی ہوئی شیعہ نسل اور ٹارگٹ کلنگ کے حوالے سے سندھ حکومت کی روایتی بے حسی اور مجرمانہ خاموشی کے خلاف ہے۔ انہوں نے کہا کہ آج کا یہ احتجاجی مارچ ہر صورت میں وزیراعلٰی ہاؤس جائے گا، اگر ہمارے احتجاجی مارچ کو روکنے کی کوشش کی کی گئی تو حالات کی تمام تر ذمہ داری سندھ حکومت پر عائد ہوگی۔
وحدت نیوز(کراچی) مجلس وحدت مسلمین پاکستان کے مرکزی رہنما علامہ احمد اقبال رضوی نے کہا ہے کہ سندھ حکومت کالعدم تنظیموں کے خلاف کریک ڈاؤن کرے، نواز لیگی حکومت ملک گیر فوجی آپریشن کا حکم دے۔ ان خیالات کا اظہار انہوں نے کراچی کے کیتھولک گراؤنڈ میں علامہ اعجاز بہشتی، علامہ علی انور جعفری، علی حسین نقوی اور علامہ مبشر حسن کے ہمراہ مشترکہ پریس کانفرنس سے خطاب کرتے ہوئے کیا۔ انہوں نے کہا کہ ملک بھر اور خاص طور پر کراچی میں جاری اہل تشیع کی نسل کشی نے غمزدہ کر دیا ہے، شہداء کے ورثاء ہماری جانب امید افزا نظروں سے دیکھتے ہیں, اس لئے مجلس وحدت مسلمین کے مرکزی سیکرٹری جنرل علامہ ناصر عباس جعفری کے اعلان کے مطابق شیعہ نسل کشی کے خلاف اتوار یکم جون کو سندھ کے وزیراعلٰی قائم علی شاہ کی سندھ حکومت کے خلاف احتجاج کیا جائے گا، اس احتجاج کا آغاز نمائش چورنگی سے ریلی کی شکل میں کیا جائے گا، جہاں سے ریلی سی ایم ہاؤس تک جائے گی اور وزیراعلٰی ہاؤس کے سامنے دھرنا دیا جائیگا، عوام ریلی اور دھرنے میں بھرپور شرکت کریں گے۔
علامہ احمد اقبال رضوی نے کہا ہے کہ نام نہاد ٹارگٹڈ آپریشن کے 9 مہینوں میں بھی کراچی میں ناامنی کا راج رہا، دہشت گرد، ٹارگٹ کلرز، جرائم پیشہ افراد اور خاص طور پر کالعدم یزیدی تکفیری دہشت گرد ٹولے بے جرم و خطا پاکستانی شہریوں کا قتل عام کرتے رہے، آپریشن تو ان کو ٹارگٹ کرنے میں مکمل ناکام رہا لیکن وہ چن چن کر شیعہ مسلمانوں کو ٹارگٹ کرتے رہے اور تاحال کر رہے ہیں۔ آپریشن کو تقریباً 9 ماہ ہونے کو آئے ہیں، آج تک 120 سے زائد شیعہ مسلمان ہدف بنا کر شہید کئے جاچکے ہیں۔ ان شہداء میں شیعہ علماء و ذاکرین، ڈاکٹرز، انجینیئرز، وکلاء، سرکاری افسران، معلمین اور دکانداروں سمیت تاجر بھی شامل ہیں، خاص طور سے کاروباری حضرات اب کالعدم یزیدی تکفیری دہشت گرد ٹولوں کا نیا ہدف ہیں، یہ رجحان پاکستان کی اقتصادی شہہ رگ کراچی کے کئی خاندانوں کی اقتصادی نسل کشی کے بھی مترادف ہے۔
انہوں نے مزید کہا کہ مجلس وحدت مسلمین کی قیادت یہ سمجھتی ہے کہ ذاتی مفادات کی خاطر ملک اور انسانیت دشمنوں کی سرپرستی کرنے کی جو مذموم پالیسی حکمرانوں نے اختیار کر رکھی ہے، اس سے ملکی سالمیت اور سلامتی داؤ پر لگ چکی ہے، سندھ حکومت کا سربراہ ایک نااہل شخص ہے اور بدقسمتی سے وہی نااہل شخص ہی وزیر داخلہ بھی ہے، ہمارا مطالبہ یہ ہے کہ وفاقی اور صوبائی حکومتیں اپنی اس روش کو ترک کریں، جس کے تحت دہشت گردوں کو قوت اور طاقت مل رہی ہے، وہ کالعدم یزیدی تکفیری دہشت گرد گروہوں کے خلاف کارروائی کریں اور انہیں کسی بھی بہانے سے اجتماع کرنے کی اجازت نہ دیں۔
ان کا کہنا تھا کہ پی پی پی کے قائدین آصف زرداری اور بلاول بھٹو زرداری سن لیں کہ اگر شیعہ نسل کشی نہ رکی اور ٹارگٹ کلنگ کا سلسلہ یونہی جاری رہا تو یہ احتجاج نوابشاہ کے زرداری ہاؤس، لاڑکانہ میں نوڈیرو ہاؤس اور کراچی میں بلاول ہاؤس کے سامنے ہوگا، دہشت گردی کے خلاف پارٹی منشور میں لکھ دینا کافی نہیں ہوتا بلکہ منشور پر عمل کرنا ہی ایک واقعی عوامی پارٹی کا کارنامہ ہوتا ہے، جھوٹے وعدوں سے عوام کو بہلانے والے سن لیں کہ عوام کے پاس متبادل آپشنز موجود ہیں اور وہ آپ کی حکومت کا دھڑن تختہ کرنے کی اہلیت رکھتے ہیں، بہتر ہوگا کہ آئینی ذمہ داریاں انجام دیتے ہوئے عوام کا تحفظ کریں، ورنہ ناکامی قبول کرتے ہوئے حکومت سے دستبرداہوجائیں ۔
وحدت نیوز(کراچی) مجلس وحدت مسلمین پاکستان کے مرکزی سیکرٹری جنرل علامہ ناصرعباس جعفری نے کہا ہے کہ ہم یتیمان آل محمد (ع) کے خادم ہیں اور کبھی بھی اپنی ملت کو تنہا نہیں چھوڑیں گے، کیونکہ ہم قیامت تک مسلط ہونے کیلئے نہیں بلکہ قوم کی خدمت کا جذبہ لے کر میدان عمل میں وارد ہوئے ہیں، سعودی اور امریکی پیرول پر چلنے والی سیاسی جماعتیں پاکستان میں ملت تشیع کو مضبوط نہیں دیکھنا چاہتیں، کیونکہ ملت تشیع کی مضبوطی امریکی و سعودی ایجنڈے کی تکمیل کی راہ میں سب سے بڑی رکاوٹ ہے۔ ان خیالات کا اظہار انہوں نے کراچی کے علاقے انچولی سوسائٹی میں آئمہ جمعہ و جماعت کے ساتھ ایک نشست سے خطاب کرتے ہوئے کیا۔ اس موقع پر علامہ احمد اقبال رضوی، علامہ اعجاز بہشتی، علامہ مبارک موسوی، علامہ باقر زیدی، علامہ علی انور جعفری، علامہ عقیل موسٰی، علامہ صادق جعفری، علامہ علی افضال،مولانامحمد حسین رئیسی، مولانااسحاق قرائتی، مولانا رحمت علی سولنگی ، سمیت کثیر تعداد میں علماء کرام موجود تھے۔
علامہ ناصرعباس جعفری کا کہنا تھا کہ جب زمانے میں فرعونوں کی حکومت ہو تو ہمیں عزت کی موت کو ترجیح دینی چاہیئے، عصر حاضر کے طاغوتوں کے مقابلے میں پاکستان کی ملت جعفریہ سینہ سپر ہے۔ انہوں نے کہا کہ پاکستان میں عالمی استعمار کی سازشوں کے خلاف عوامی جدوجہد رہبر معظم کی آرزوں میں سے ایک آرزو ہے اور ہم اپنے رہبر کی آرزووں کی تکمیل کیلئے اپنی جان تک نچھاور کرنے کیلئے تیار ہیں۔ علامہ ناصر عباس جعفری نے کہا کہ مجلس وحدت مسلمین نے پاکستان میں نہ صرف ملت تشیع کی مظلومیت کی آواز کو بلند کیا، ساتھ ہی ساتھ دوسرے مکاتب فکر اور مذاہب کی بھی مظلومیت کی آواز بلند کی۔ انہوں نے مزید کہا کہ تاریخ گواہ ہے کہ پاکستان کی مظلوم ملت نے ہمیشہ استعماری سازشوں کے آگے بند باندھا ہے اور انشاءاللہ اس دور میں بھی ان قوتوں اور ان کے ایجنٹوں کے آگے سینہ سپر رہیں گے۔
وحدت نیوز(ہری پور) خیر العمل فاونڈیشن پاکستان کے مرکزی مسئول نثار فیضی نے کہا ہے کہ مجلس وحدت مسلمین آج پاکستان میں لوگوں کی امیدوں کا مرکز و محور بن چکی ہے۔ جس ملک میں قرآن و اہل بیت کے ماننے والے مضبوط ہوں گے اسکا فائدہ خطہ کے تمام لوگوں کو ہوگا۔ یہ بات حزب اللہ نے ثابت کر کے دکھا دی ہے۔ پاکستان کے دشمن آج ایک دفعہ پھر سے متحرک ہو چکے ہیں۔ان خیالات کا اظہار انہوں نے ہری پور میں مسجد خدیجۃ الکبری کی افتتاحی تقریب سے خطاب کرتے ہوئے کیاان کا مذید کہنا تھا کہ ہم نے پاکستان بنایا تھا ہم ہی اس کے استحکام کی ضمانت ہیں۔ گلگت بلتستان سے کراچی تک مجلس مستضعفین اور محرومین کے لئے نجات دہندہ ثابت ہوئی ہے۔ مجلس وحدت مسلمین پاکستان کی جانب سےملک کے مختلف علاقوں میں مساجد کے ساتھ ساتھ ہسپتال، ڈسپنسریاں، ٹیوب ویل، کنویں، فلٹر پلانٹس اور دیگر منصوبوں پر تیزی کے ساتھ کام جاری ہے۔ انشاء اللہ بہت جلد گلگت بلتستان کے عوام کے لئے پینے کے صاف پانی کی فراہمی کے لئے دو کروڑ روپئے کی لاگت سے میگا پروجیکٹ پر بھی جلد کا م کا آغاز کیا جائے گا، عوام کی دلچسپی اور شمولیت سے ان منصوبوں میں اضافہ ہوگا۔
وحدت نیوز(راولپنڈی) مجلس وحدت مسلمین پنجاب کے رہنماوں کے سی سی پی او اور آر پی او راولپنڈی سے کامیاب مذاکرات کے نتیجے میں جوہر آباد سے گرفتاربے گناہ باپ بیٹے نظر بلوچ اوراقبال بلوچ سمیت احمد شیخ رہا ہو گئے ہیں، جب کہ خواجہ محمد علی کی اہلیہ ، سالی ، ساس اور دو معصوم بچیاں پہلے ہی رہا کروا لی گئیں تھیں ، تفصیلات کے مطابق معروف سماجی رہنما اور سابق مشیر وزیر اعظم پاکستان الحاج حیدرعلی مرزا، صوبائی سیکریٹری جنرل ایم ڈبلیو ایم پنجاب علامہ عبد الخالق اسدی ، صوبائی ڈپٹی سیکریٹری جنرل اسد عباس نقوی ، صوبائی ترجمان علامہ اصغر عسکری، مسئول مرکزی دفتر علامہ اسرار گیلانی اور ضلعی سیکریٹری جنرل راولپنڈی سعید الحسن رضوی نے سی سی پی اوراولپنڈی اور آر پی او راولپنڈی سے ملاقات کی اور کالعدم جماعت کے رہنما کے قتل کے جھوٹے کیس میں گرفتار افراد کی بلاجواز گرفتاری پر شدیداحتجاج کیا، طویل مذاکرات کے بعد سی سی پی او نے جوہر آباد سے گرفتاربے گناہ باپ بیٹے نظر بلوچ اور اقبال بلوچ سمیت احمد شیخ کو رہا کر دیا،بعد ازاں رہائی پانے والے مومنین راولپنڈی سے ایم ڈبلیو ایم کے رہنماوں کے ہمراہ جوہر آباد پہنچے جہان علاقہ مکینوں نے لبیک یا حسین ع کے فلک شگاف نعروں میں اسیروں کا استقبال کیا۔ واضح رہے کہ اس کیس میں ابھی خواجہ محمد علی اور ایم ڈبلیو ایم کے رہنما ملک غلام شبیر جویہ تاحال گرفتار ہیں ، جن کی جلدرہائی متوقع ہے۔
وحدت نیوز(اسکردو) مجلس وحدت مسلمین پاکستان بلتستان ڈویژن کے سیکرٹری جنرل علامہ آغا علی رضوی نے اپنے ایک بیان میں کہا ہے کہ کسی بھی تعلیمی ادارہ میں غیر اسلامی و غیر اخلاقی پروگرامات کا انعقاد ناقابل برداشت ہے۔ تفریح کا حق تمام تعلیمی اداروں میں موجود طلباء کو ضرور ہے لیکن مخلوط، غیر اسلامی تقریبات بالخصوص رقص و سرود کی محافل کی اجازت نہیں دی جائے گی۔ بلتستان جیسے مذہبی خطے میں مخلوط تفریحی پروگرامات، تعلیمی اداروں میں دینی اقدار و ختم کرنے اور غیرت دین کو ناپید کرنے کی سازش ہے، جسے کامیاب ہونے نہیں دیں گے۔ انہوں نے کہا کہ قراقرم یونیورسٹی اسکردو کیمپس کے حوالے سے ہم شدید تحفظات رکھتے ہیں۔ مذکورہ ادارہ میں اگر مخلوط تفریحی پروگرام بالخصوص غیراخلاقی محافل کا انعقاد ہوا تو تمام تر ذمہ داری کیمپس انتظامیہ اور اسکردو انتظامیہ پر عائد ہوگی۔
