وحدت نیوز(خوشاب)مجلس وحدت مسلمین پنجاب کے صوبائی آرگنائزر حجت الاسلام والمسلمین علامہ سید علی اکبر کاظمی نے آج ضلع خوشاب کا اہم تنظیمی دورہ کیا۔ اس موقع پر رحمان کالونی جوہرآباد میں محترم سید ریاض حسین شاہ کی رہائش گاہ پر ایک اہم تنظیمی اجلاس منعقد ہوا جس میں خوشاب و جوہرآباد کی معزز شخصیات، ماتمی سنگتوں کے سالار، بانیان مجالس اور کثیر تعداد میں عزاداران نے شرکت کی۔اجلاس میں مجلس وحدت مسلمین ضلع خوشاب کی تنظیم نو کے تحت پانچ رکنی ضلعی ورکنگ کمیٹی کا اعلان کیا گیا، جنہوں نے صوبائی آرگنائزر سے باضابطہ حلف اٹھایا۔نئی ضلعی تنظیم کے عہدیداران درج ذیل ہیں:ضلع آرگنائزر: جناب راجہ غلام شبیرنائب آرگنائزر: جناب سید ذین مہدی نقویاراکین ورکنگ کمیٹی: جناب عقیل بگھور، جناب ذاکر اہلبیت ضرغام بلوچ، اور جناب ظہیر کربلائیورکنگ کمیٹی کو ہدایت کی گئی ہے کہ وہ اگلے تین ماہ میں ضلع خوشاب کی تینوں تحصیلوں (نوشہرہ، قائدآباد، نور پور تھل) میں تحصیل یونٹس تشکیل دے، ہر تحصیل میں پانچ پانچ یونٹس قائم کرے، اور نومبر کے پہلے ہفتے میں ضلعی شوریٰ کا اجلاس بلا کر جمہوری انداز میں ضلع صدر کا انتخاب مکمل کرے۔اس موقع پر سابقہ ضلعی کمیٹی کو تحلیل کر دیا گیا، تاہم سابقہ عہدیداران کو ضلعی مشاورتی کونسل اور ایلڈر کونسل کا حصہ بنایا گیا ہے۔ سابقہ ضلعی آرگنائزر جناب سید تنویر عباس بخاری اور ان کی ٹیم کی خدمات کو خراج تحسین پیش کیا گیا۔اجلاس میں ڈپٹی آرگنائزر شمالی پنجاب جناب علامہ ملازم حسین نقوی، ضلعی صدر ضلع سرگودھا و صوبائی آرگنائزنگ کمیٹی کے رکن مولانا استاد ذوالفقار اسدی بھی شریک تھے۔ اجلاس کا آغاز آیاتِ قرآنی سے ہوا جبکہ اختتام دعائے امام زمانہ علیہ السلام پر ہوا۔

وحدت نیوز(کراچی)مجلس وحدت مسلمین کے صوبائی صدر علامہ سید باقر عباس زیدی، صوبائی سیکرٹری اطلاعات سید علی احمر زیدی، ڈویژنل سیکرٹری اطلاعات آصف صفوی کی ڈان نیوز چینل کے ڈائریکٹر جناب زاہد مظہر کے گھر نیاز حلیم امام حسین علیہ السلام میں شرکت اس موقع پر سینیئر صحافی ڈائریکٹر ڈان نیوز زاہد مظہر ان کے بھائی ضیاء مظہر، صابر مظہر  سمیت کراچی کے مختلف میڈیا گروپس کے سینیئر صحافیوں سمیت سیاسی و مذہبی جماعتوں کے رہنما موجود تھے۔ڈائریکٹر ڈان نیوز زاہد مظہر نے علامہ سید باقر عباس زیدی، علی احمر زیدی، آصف صفوی کا نیاز حلیم میں شرکت کرنے پر ان کا شکریہ ادا کیا۔

وحدت نیوز(اسلام آباد)مجلس وحدت مسلمین پاکستان کے وائس چیئرمین علامہ سید احمد اقبال رضوی نے اپنے بیان میں کہا ہے کہ غزہ میں درجنوں معصوم بچوں کی بھوک سے موت صرف ایک انسانی المیہ نہیں بلکہ قیامت سے پہلے کی ایک للکار ہے، اقوام متحدہ کی تصدیق ہے کہ اسرائیل نے 80 فیصد سے زیادہ انسانی امداد کو روک رکھا ہے اور یہ بات اب کوئی دعویٰ نہیں بلکہ حقیقت ہے کہ فاقہ کشی کو ایک ہتھیار کے طور پر استعمال کیا جا رہا ہے، ایک ایسا عمل جسے ہیومن رائٹس واچ اور ایمنسٹی انٹرنیشنل جیسے انہی کے ادارے جنگی جرم قرار دے چکے ہیں، ان ظالمانہ ہتھکنڈوں کے پیچھے امریکہ کی صیہونی لابی کی مالی و سیاسی پشت پناہی موجود ہے، جبکہ دنیا کی بڑی طاقتیں اور ان کے سیاستدان خاموش تماشائی بنے بیٹھے ہیں۔

انہوں نے کہا کہ سوال یہ ہے کہ پاکستان، جو کلمہ طیبہ کی بنیاد پر وجود میں آیا، اور جس کے بانی قائداعظم محمد علی جناح نے ⁧‫فلسطین‬⁩ کے ساتھ کھلی حمایت کا اعلان کیا، آج اس ظلم کے خلاف کہاں کھڑا ہے۔؟ ‏جن بچوں کی لاشیں بھوک سے تڑپ کر گرتی ہیں، ان کا خون صرف اسرائیل ہی نہیں، بلکہ ان تمام خاموش زبانوں پر بھی ہوگا جو بول سکتی تھیں مگر بولیں نہیں! ‏مسلم ممالک کے حکمرانوں کو چاہیے کہ امت مسلمہ کی قیادت کا کردار ادا کرتے ہوئے اب خاموشی توڑیں، ورنہ تاریخ اور آنے والی نسلیں ان کی غفلت کو کبھی معاف نہیں کریں گی۔

وحدت نیوز(اسلام آباد)وحدت یوتھ پاکستان کے زیر اہتمام منعقدہ سالانہ دینی و نظریاتی سمر کیمپ کی اختتامی تقریب اسلام آباد میں شایانِ شان طریقے سے منعقد ہوئی۔ تقریب میں ملک بھر سے نوجوانوں اور طلباء کی بڑی تعداد نے شرکت کی۔کیمپ کے شرکاء کو فکری و روحانی تربیت، نظریاتی آگہی، اور تحریکی شعور سے آراستہ کیا گیا۔ اس موقع پر مختلف علمی، فکری اور عملی سرگرمیوں میں نمایاں کارکردگی دکھانے والے نوجوانوں کو خصوصی انعامات سے بھی نوازا گیا۔حضرت عباسؑ گروپ میں نمایاں کارکردگی کا مظاہرہ کرتے ہوئے محمود قمبر نے پہلی پوزیشن حاصل کی، جنہیں ایران و عراق کی مقدس زیارات کا تحفہ پیش کیا گیا۔ انعام قائد وحدت علامہ راجہ ناصر عباس جعفری نے اپنے دست مبارک سے عطا کیا۔ اسی طرح حضرت شہزادہ قاسمؑ گروپ میں نمایاں کامیابی حاصل کرنے والے نوجوان محسن رضا کو مشہد مقدس اور قم کی زیارات کے سفر سے نوازا گیا۔

 تقریب سے خطاب کرتے ہوئے علامہ راجہ ناصر عباس جعفری نے نوجوانوں کو دینِ مبین، نظریۂ ولایت اور راہِ استقامت پر ثابت قدم رہنے کی تلقین کرتے ہوئے کہا کہ وحدت یوتھ پاکستان کے سمر کیمپس ملتِ تشیع کے نوجوانوں کو فکری، روحانی اور تحریکی میدانوں میں منظم اور مؤثر کردار ادا کرنے کے لیے تیار کرنے کی ایک منظم کوشش ہیں، جو قوم و ملت کے تابناک مستقبل کی ضمانت ہیں۔ اختتامی تقریب میں مرکزی سیکریٹری یوتھ مجلس وحدت مسلمین پاکستان علامہ تصور علی مہدی، مرکزی صدر وحدت یوتھ پاکستان سید یاور علی کاظمی، مرکزی نائب صدر مولانا راجہ مصطفیٰ حیدر نے شرکت کی۔اختتامی تقریب کے بعد شرکاء نے وحدت یوتھ پاکستان کی اس کاوش کو سراہتے ہوئے اسے جاری رکھنے کے عزم کا اظہار کیا۔