وحدت نیوز(اسلام آباد) کوہاٹ ہنگو روڈ دھماکے سمیت ملک بھر میں جاری دہشتگری کی مذمت کرتے ہیں، کوہاٹ ہنگو روڈ بس پر دہشتگردی 14 بے گناہ افراد کے قتل پر ایم ڈبلیو ایم کی جانب سے کل ملک گیر یوم سوگ منایا جائے گا، دہشتگردی کے خلاف جنگ میں افواج پاکستان کے شانہ بشانہ کھڑے ہیں، دہشتگردوں کے خلاف آپریشن کا دائرہ کار وسیع کیا جائے، تاکہ ان کی کاروائیوں سے بے گناہ عوام کو بچایا جاسکے اور ایسی تمام سیاسی و مذہبی جماعتوں کے خلاف کارروائی کی جائے جو ان دہشتگردوں کی حمایت کرتی ہیں، چند پاکستان مخالف جماعتیں دہشتگروں کو مظلوم بنانے کی سازش کر رہی ہیں، ملکی محب وطن عوام دہشتگردوں اور انکی حامی جماعتوں کے عزائم کو کبھی کامیاب نہیں ہونے دیں گی۔ ان خیالات کا اظہار مجلس وحدت مسلمین پاکستان کے سربراہ علامہ ناصر عباس جعفری نے کوہاٹ ہنگو روڈ بس پر ہونے والی دہشتگردی کے خلاف مرکزی دفتر وحدت ہاؤس سے جاری اپنے مذمتی بیان میں کیا۔ اُن کا کہنا تھا کہ ملک کی عوام الحمدللہ طالبان کی دہشتگردی کو اسلام اور شریعت کے خلاف سمجھتے ہیں، وقت آگیا ہے اب حکومت دہشتگردی کے خاتمے کیلئے ملک گیر فوجی آُپریشن کرے، تاکہ ملک کو ان دہشتگردوں سے نجات دلائی جاسکے۔

علامہ ناصر عباس جعفری کا کہنا تھا کہ دہشتگردوں کے خلاف افواج پاکستان کی کارروائیاں قابل تحسین ہیں، بے گناہ عوام کو دہشتگردی کا نشانہ بنانے والے مٹھی بھر طالبان کو حکومت کی جانب سے چھوٹ دی گئی تھی، اسلام کی شکل مسخ کرنے والے طالبان کی شریعت نافذ کرنے کے خواب درحقیقت اس ملک میں موجود اُن سیاسی و مذہبی جماعتوں کا خواب ہے جو اس ملک میں عدم استحکام دیکھنا چاہتی ہیں، ایم ڈبلیو ایم ایسی تمام جماعتوں کی مذمت کرتی ہے اور ان کی سازشوں کا منہ توڑ جواب دیا جائیگا۔ علامہ ناصر عباس جعفری نے حکومت سے مطالبہ کیا کہ وہ اپنی صفوں میں سے کالعدم گروہوں کی پشت پناہی کرنے والی کالی بھیڑوں کے خلاف بھی کارروائی کرے اور ان دہشتگردوں کو سرعام پھانسی دے، تاکہ اس ملک میں کوئی دہشتگردوں کا پشت پناہ باقی نہ رہے۔ انہوں نے مزید کہا کہ صوبہ خیبر پختونخوا گذشتہ کئی دنوں سے مسلسل دہشگردی کا نشانہ بن رہا ہے اور ملت جعفریہ سے تعلق رکھنے والے علماء اور افراد کو ایک ہی علاقے میں چار مرتبہ ٹارگٹ کلنگ اور خودکش حملوں کا نشانہ بنایا گیا ہے، جن کے قتل میں ملوث کسی دہشتگردوں کو تاحال گرفتار نہیں کیا گیا۔ کوہاٹ ہنگو روڈ بس میں شہید ہونے والے بے گناہ افراد کے لواحقین سے اظہار ہمدردی کرتے ہیں اور زخمیوں کی صحتیابی کیلئے عوام سے خصوصی دعا کی اپیل کرتے ہیں۔

وحدت نیوز( کوئٹہ ) ایم ڈبلیو ایم کے رکن بلوچستان اسمبلی آغامحمدرضارضوی نے جوانوں کے ایک اسٹڈی سرکل گروپ سے خطاب کرتے ہوئے کہاکہ آج طالبان اوردیگرناموں کی شکل میں ملک میں جتنی بھی جہادی اوردہشت گردتنظیمیں ہیں یہ سب ضیاء الحق کے دورکی کشمیراورافغانستان میں مداخلاتی پالیسیوں کا نتیجہ ہے ۔ یہ تمام شدت پسند، دہشت گرداورکالعدم تنظیمیں ضیاء کی دورسے لے کرآج تک مختلف ادوارمیں وجودمیں لائی گئیں ہیں۔ اوراِن کے قیام کے لئے پارلیمینٹ سے کوئی منظوری نہیں لی گئی۔

ہمسایہ ممالک میں مداخلت، اورپاکستان میں اپنے حقوق کے لئے آوازبلندکرنے والی معتدل سیاسی اورمذہبی جماعتوں کی آوازکو ہمیشہ ہمیشہ کے لئے دبانے اورمنتخب جمہوری حکومتوں کودہشت گردی کے نام پر دباؤ میں رکھنے، شہروں میں ایف سی اوررینجرزکی شکل میں جمہوری حکومتوں کوبے بس کرنے کے لئے خفیہ اداروں اورپاکستان کے غیرجمہوری قوتوں نے بھیڑیوں اوردرندوں کی شکل میں اِن دہشت گرد تنظیموں کو نہ سرف پال رکھاہے بلکہ اِن دہشت گردکالعدم تنظیموں کو اپنااثاثہ بھی قراردیتے ہیں۔یہی وجہ ہے کہ پاکستان بھرمیں اِن کے خلاف کبھی بھی کوئی سنجیدہ کاروائی عمل میں نہیں لائی گئی اورنہ کسی کوگرفتارکرکے سزادی گئی۔بلکہ گرفتاری کے بعدجیلوں سے باقاعدہ فراربھی کرایاگیا۔

نصیراللہ بابرکابیان ریکارڈ میں موجودہے جس میں انہوں نے کہاتھاکہ طالبان میرے بیٹے ہیں۔ہم بھی غیرسابقہ اورموجودہ حکمرانوں، آمروں اورخفیہ اداروں سے یہی کہتے ہیں کہ طالبان اورجہادی تنظیموں کے کارکُن آپ کی پالی ہوئی اولادہیں۔ہمسایہ ممالک میں مداخلت ، ناجائز، غیرانسانی ،غیرجمہوری مقاصدکے حصول اورایک خاص مسلک کے عقائدکوپاکستان میں مسلط کرنے کے لئے آمروں، آمروں کی پیداوارجمہوری حکومتوں اورخفیہ اداروں نے جہادی تنظیموں، طالبان، فرقہ پسنددہشت گردتنظیموں کا قیام عمل میں لاکر پاکستان کواغیارکے ہاتھوں فروخت کردیاہے۔جن ممالک کو دہشت گرداورجنونی جنگجوؤں کی ضرورت ہوتی ہے وہ پاکستان سے رابطہ کرتے ہیں اورپاکستان انہیں ایکسپورٹ کرتاہے۔ کیونکہ پاکستان نے گزشتہ چالیس سال سے دہشت گردوں کی لاکھوں کی تعدادمیں کھیپ تیارکی ہے جوکسی بھی ملک میں ایکسپورٹ کے لئے ہمیشہ تیارہوتی ہے۔اب جبکہ دہشت گردوں میں سے کچھ امریکہ اورہندوستان کے آلہٗ کاربن چکے ہیں اورپاکستان میں معصوم عوام، خفیہ اداروں کے دفاتر اورفوجی مقامات کونشانہ بناناشروع کیاتواِن حکمرانوں کومخصوص دہشت گردوں کے خلاف آپریشن کا خیال آیاہے۔لیکن اپنے ہی پالے ہوئے طالبان کے ساتھ پہلے نام نہاد امن مذاکرات کا ڈھونگ رچاکرعوام کو بے وقوف بنایاجارہاہے۔

ہم اُن تمام آمروں، خفیہ اداروں اورآمروں کی پیداوارجمہوری حکومتوں سے یہ پوچھناچاہتے ہیں کہ آپ کے پالے ہوئے دہشت گردوں کے ہاتھوں جس طرح پچاس ہزارمعصوم عوام کاخون بہایاگیااِس کا ذمہ دار کون ہے؟شہداء کے لواحقین کِن کے ہاتھوں میں اپنے پیاروں کالہوتلاش کرے؟آمروں، خفیہ اداروں اورآمروں کی پیداوار جمہوری حکومتوں کے پالے ہوئے دہشت گردوں کی کاروائیوں کے نتیجے میں پاکستان بے گناہ اورمعصوم عوام ، خواتین، بچے ، پولیس، فوج ، ڈاکٹرزاور انجینیئرزکامقتل گاہ بن چکاہے۔اِن کی شہادتوں کاذمہ دارکون ہے؟حکمرانوں کو، پاک فوج کو، خفیہ اداروں کوپچاس ہزارشہداء کااگرذرہ برابربھی خیال ہے، اگراِنہیں پاکستان کی بقاء اورسلامتی عزیزہے ، توافواج پاکستان پورے ملک میں بلاامتیازپاکستان کی تاریخ کا سخت ترین آپریشن کرے۔اوردہشت گردوں کے خلاف کسی قسم کی نرمی کا مظاہرہ نہ کرے۔یہ دہشت گردپاکستان کے لئے ، دنیامیں امن کے قیام کے لئے، پاکستان کے ہمسایہ ممالک میں امن کے لئے خطرہ بن چکے ہیں۔اِن ناسورکے خلاف جب تک پاکستان میں آپریشن نہیں کیاجائے گااس وقت تک پاکستان اوردنیامیں امن نہیں آئے گا۔

وحدت نیوز (قم المقدسہ)۱۲  فروری  انقلاب اسلامی ایران کی کامیابی کی سالگرہ کی خوشی میں جمہوری اسلامی ایران کے تمام شہروں میں عوامی جلوس منعقد کئے گئے۔ اس سلسلے میں مجلس وحدت مسلمین قم نے بھی دفتر مجلس وحدت مسلمین سے حرم حضرت معصومہ (س)تک ریلی کا انعقاد کیا۔ اس ریلی میں دینی طلاب کی بڑی تعداد شریک تھی۔ بچوں اور خواتین کا جذبہ دیدنی تھا۔ ریلی کے شرکاء امریکہ مردہ باد اور انقلاب اسلامی ایران کی کامیابی کیلئے نعرے لگا رہے تھے۔ اس ریلی کی خاص بات یہ تھی کہ پاکستان سے آئے ہوئے معزز مہمانان گرامی جن میں مجلس وحدت مسلمین پاکستان کے صوبائی اور ڈویژنل رہنما علامہ مختار امامی ، علامہ عبد الخالق اسدی، علامہ شیخ نیئر عباس، علامہ مقصود ڈومکی، علامہ سبطین حسینی ، علامہ تصور جوادی، علامہ سید علی رضوی، حسن ہاشمی و دیگر  بھی اس میں شریک تھے۔

ایم ڈبلیو ایم قم کے سیکرٹری جنرل حجت الاسلام غلام محمد فخرالدین نے ریلی کے شرکاء سے گفتگو سے کرتے ہوئے کہا کہ آج کا دن یزیدیت کے خلاف حسینیت کی جیت کا دن ہے۔ اس دن ایران میں اسلامی انقلاب کی کامیابی نے استکبار جہانی امریکہ اور اسرائیل کے تمام منصوبے خاک میں ملا دیئے۔ ایران میں آنے والا انقلاب صرف ایرانی انقلاب نہیں تھا بلکہ بقول امام خمینی (رہ) یہ مستضعفین جہان کا انقلاب تھا۔ ریلی کے اختتام پر مجلس وحدت مسلمین قم کے دفتر میں مٹھائی تقسیم کی گئی۔ اس موقع پر حجت الاسلام و المسلمین خالق اسدی سیکرٹری جنرل ایم ڈبلیو ایم صوبہ پنجاب نے قم کے مسئولین کا شکریہ ادا کیا۔ انہوں نے انقلاب اسلامی کی سالگرہ کی مبارک باد پیش کی اور کہا کہ آج کا دن پوری دنیا میں مظلوموں کی کامیابی اور ظالموں کی شکست کا دن ہے۔

وحدت نیوز(مشہد مقدس) انقلاب اسلامی ایران کی 35ویں سالگرہ کے موقع پر ایران بھر کی طرح مشہد مقدس میں بھی عظیم الشان ریلی نکالی گئی، ریلی کا آغاز میدان شہداء سے ہوا جو کہ مختلف راستوں سے ہوتی ہوئی فلکہ آب حرم مطہر امام رضا علیہ السلام پر اختتام پذیر ہوئی۔ اسلامی جمہوریہ ایران کے شہر مشھد مقدس اسلامی جمہوریہ ایران کی سالگرہ کے سلسلے میں نکالی جانے والی ریلی میں پاکستانی، ہندوستانی اور افغانی طلاب کے علاوہ بیس ممالک کے طلاب نے بھرپور شرکت کی۔ مجلس وحدت مسلمین مشھد مقدس کے سیکرٹری جنرل علامہ عقیل حسین خان، دیگر مسئولین اور پاکستانی طلاب کی کثیر تعداد بھی اس ریلی میں موجود تھی جنہوں نے پاکستانی اور ایم ڈبلیو ایم کے پرچموں کے ساتھ پلے کارڈ اور بینر بھی اٹھا رکھے تھے، جن پر امریکہ اور اسرائیل کے خلاف نعرے درج تھے۔

وحدت نیوز(مظفرآباد ) کراچی آستانہ عالیہ محفل میلاد کے دوران دہشت گردانہ حملہ ، شرمناک ، انتہائی مذموم ، محافل میلاد مصطفےؐ کو نشانہ بنانا کہاں کا اسلام ہے، انہوں نے کہاکہ دہشت گرد پاکستان کے حامی نہیں، محافل میلاد، مجالس امام حسین علیہ السلام پر حملے ، بے گناہوں کے خون کی حولی، یہ سب کچھ وہی لوگ کر رہے ہیں ، جو پاکستان بنانے کے مخالف تھے،ان خیالات کا اظہار مجلس وحدت مسلمین آزاد جموں و کشمیر ضلع مطفرآباد کے سیکرٹری جنرل علامہ سید طالب حسین ہمدانی، سنی تحریک مظفرآباد کے سربراہ علامہ بابر علی اعوان نقشبندی ، ایم ڈبلیو ایم آزا دکشمیر کے رہنماء سید مہربان شاہ، سید اشرف نقوی و دیگر نے وحدت سیکرٹریٹ میں صحافیوں کے ایک گروپ سے بات چیت میں کیا، انہوں نے کہا کہ دہشتگردوں اور امن پسندوں کا فرق دنیا جانتی ہے، کون کیا کر رہا ہے؟ سب پتا ہے، لیکن گڈ گورننس کا راگ الاپنے والوں کی خاموشی حیران کن ہے، کیا گڈ گورننس یہی ہے کہ عبادگاہوں میں بھی عبادت محفوظ نہ ہو، انسان محفوظ نہ ہو، ہمیں بتایا جائے کہ امن کب نصیب ہو گا؟ دہشت گرد کب اپنے انجام کو پہنچیں گے، کیا امن دشمنوں کو کھلا چھوڑ دیا جائے گا؟ امن کے دشمن کو دشمن کو مضبوط کیا جائے گا؟ ہمیں کہا جا رہا ہے کہ مذاکرات کر رہے ہیں ، حکومت مذاکرات کے بہانے قوم کو تباہی اور دہشتگردی کو مضبوطی کی جانب لے جا رہی ہے، ہم سانحہ کراچی کی شدید مذمت کرتے ہوئے حکومت سے یہ مطالبہ کرتے ہیں کہ دہشت گردوں کو کیفر کردار تک پہنچائے، سانحہ کراچی کی ہر طرح سے مخالفت کرتے ہیں، جو عناصر اس طرح کے ناپاک عزائم کرتے ہیں ان کو ہم یہ باور کراتے ہیں کہ وہ اس طرح کی بزدلانہ حرکتوں سے مسلمانوں کو ڈرا نہیں سکتے ، ہم ایسے لوگوں سے اعلان جنگ کرتے ہیں، اور ایسے لوگوں کا اسلام اور اسلامی تعلیمات سے کوئی تعلق نہیں ہے، ہم یہ سمجھتے ہیں کہ اسلام کو بدنام کرنے کے لیئے ذلیل و پست کوشش کی جا رہی ہے، آستانہ عالیہ پر جو حملہ ہوا ہے اس میں شہدا کے لواحقین کے درد میں ہم سب برابر کے شریک ہیں اور ہم اپنی دلی ہمدردیوں کے ساتھ ان کے غم میں شریک ہیں اور حکومت سے یہ پرزور مطالبہ کرتے ہیں کہ مجرموں کو جلد از جلد کیفر کردار تک پہنچایا جائے۔

وحدت نیوز(کراچی) اکیسویں صدی میں عالم بشریت کو استعماری قوتوں کے سامنے سینہ سپر ہونے کا حوصلہ امام خمینی رضوان اللہ تعالیٰ علیہ نے دیا ، ڈھائی ہزار سالہ شہنشاہیت کے بت کو توڑنا امام خمینی رضوان اللہ تعالیٰ علیہ کا عظیم الشان معجزہ تھا، پسے ہو ئے اور ظالم حکمرانوں کے ڈسے ہو ئے مستضعفین کو قیام برائے خدا کر نے کی تعلیم امام خمینی رضوان اللہ تعالیٰ علیہ نے ہی فراہم کی ،پینتیس سال بعد بھی اسلامی جمہوریہ ایران امام خمینی کی تلقین پر عمل پیرا ہے اور مظلوموں کی پناہ گاہ بنا ہو ا ہے ، ان خیالات کا اظہار مجلس وحدت مسلمین پاکستان کے مرکزی سیکریٹری جنرل علامہ علامہ راجہ ناصرعباس جعفری نےحسینی ینگ آرگنائزیشن کے زیر اہتمام عزاخانہ زہرا سلام اللہ علیہا میں انقلاب اسلامی ایران کی سالگرہ کی مناسبت سے منعقدہ سیمینار سے خطاب کر تے ہو ئے کیا ۔دیگر مقررین میں مولانا علی مرتضیٰ زیدی ، مولانا نقی ہاشمی اور آقائے مہدی خطیب شامل تھے ۔

علامہ راجہ ناصر عباس جعفری کا کہنا تھا کہ امام خمینی رضوان اللہ تعالیٰ علیہ نے جس عظیم انقلاب کی بنیاد ڈالی آج اس کی جڑیں تمام خطہ عرض میں پھیل چکی ہیں ، بوذر زمان امام سید علی خامنہ ٰای حفظ اللہ تعالیٰ نے امام خمینی رضوان اللہ تعالیٰ علیہ کی ولایت کا سنگین بوجھ انتہائی قابل مہارت ، شجاعت ، بہادری اور جواں مردی سے اٹھا رکھا ہے، امام خمینی رضوان اللہ تعالیٰ علیہ تلقین پر عمل پیرا ہو کر حکومت اسلامی آج بھی تمام مستضعفین جہان کے لئے پناہ گاہ بنی ہوئی ہے، مسئلہ فلسطین جسےخائن  عرب حکمرانوں نے سودے بازی کی نظر کر دیا تھا آج امت مسلمہ کا بنیادی مسئلہ امام خمینی رضوان اللہ تعالیٰ علیہ کی توجہ اور تاکید کی سبب بنا ۔ غرض دنیا بھر کے آزادی خواہ اورحریت پسندوں کی محفوظ پناہ گاہ حکومت اسلامی کی صورت میں  موجود ہے ، جن کی پشتی بانی رہبر انقلاب اسلامی امام سید علی خامنٰہ ای انجام دے رہے ہیں ۔