The Latest
وحدت نیوز(لاہور) جناب حجۃ الاسلام والمسلمین علامہ سید علی اکبر کاظمی کی زیر صدارت صوبائی کابینہ کی آنے والے الیکشن کی صورتحال پر اہم میٹنگ مجلس وحدت مسلمین پاکستان صوبہ پنجاب کی صوبائی کابینہ کا اجلاس صوبائی سیکرٹریٹ میں منعقد ہوا ۔جناب حجۃ الاسلام والمسلمین علامہ سید علی اکبر کاظمی صوبائی صدر مجلس وحدت مسلمین پنجاب نے صدارت کی ۔
میٹنگ میں جناب حاجی مشتاق حسین ورک نائب صدر مجلس وحدت مسلمین پنجاب ، جناب سید اقبال حسین شاہ نائب صدر مجلس وحدت مسلمین پنجاب،جناب سید حسن رضا کاظمی صوبائی جنرل سیکرٹری مجلس وحدت مسلمین پنجاب ، جناب آغا سید حسین زیدی صوبائی سیکرٹری سیاسیات ،جناب سید نجیب الحسن نقوی صوبائی سیکرٹری تعلیم اور ظہیر کربلائی صوبائی آفس سیکرٹری نے شرکت کی ۔ جناب آغا سید حسین زیدی صوبائی سیکرٹری سیاسیات نے،8 فروری کو ہونے والے متوقع الیکشن کے بارے بریفننگ دی کچھ دنوں تک الیکشن سے متعلق تمام پارٹیوں کی ساری صورتحال واضح ہو جائے گی ۔
سنٹرل پنجاب سے پی پی- 36 سے سید منتظر نقوی /پی پی 172 سے سید فخر حسنین رضوی /پی پی 291سید اظہر عباس /پی پی 93 سے سید منتظر مھدی اور این اے 66 سے سیدمنتظر نقوی مجلس وحدت کے امیداوار ہونگے ۔ جبکہ پی پی 18 سے اسد عباس /پی پی186سے گلزار حسنین /این اے 92 سے سید ظہیر نقوی / این اے 185 سے غضنفر عباس پی ٹی آئی کے متفقہ امید وار ہونگے ۔
میٹنگ میں صوبائی صدر صاحب نے مرکز اور صوبے کی پالیسی کو وضاحت سے بیان کیا اورصوبائی کابینہ کے معزز اراکین کے سوالوں کے جوابات دیئے ۔ انہوں کہا کہ اس سلسلے میں مزیدکوشش اور آگاہی کی ضرورت ہے۔آغا سید حسین شاہ زیدی صوبائی سیکرٹری سیاسیاست نے کہا کہ جس معزز ممبر کو جب بھی پنجاب کے الیکشن سے متعلق جاننےکی ضرورت ہو بندہ حاضر ہے ۔ میں بروز ہفتہ 20 جنوری کو صوبائی آفس لاہور میں مقامی عہدیداروں کی میٹنگ کال کررہا ہوں اور انہیں بھی الیکشن سے متعلق ضروری معلومات فراہم کروں گا ان شاءاللہ۔
وحدت نیوز(شکارپور)ابڑا قبیلے کے چیف سردار سابقہ ایم پی اے ہمت علی خان کماریو اس فانی دنیا سے رخصت ہوگئے،ہمت علی خان کماریو خاندانی طور پر سندھ بلوچستان کی پہچان تھی، سردار ہمت علی خان کماریو کے فیصلے سندھ بلوچستان میں مشہور ہیں،ہمت علی خان کماریو کی وفات پر لواحقین کی خدمت میں تعزیت و تسلیت عرض کرتا ہوں۔
تفصیلات کے مطابق ابڑا قبیلے کے مشہور و معروف چیف سردار اور سابقہ ایم پی اے زوار ہمت علی خان کماریو کی اچانک وفات پر مجلس وحدت مسلمین پاکستان کے نامزد امیدوار برائے قومی اسمبلی حلقہ این اے 193 علامہ مقصود علی ڈومکی نے اظہار افسوس کرتے ہوئے کہا کہ ایک عظیم شخصیت کی وفات پر ایک تاریخ کا باب بند ہوگیا ہے سرادر ہمت علی خان کماریو کی وفات پر لواحقین ڈسٹرکٹ کونسل شکارپور کے چئیرمین ذوالفقار علی خان کماریو، ٹاؤن کامیٹی مدیجی کے چئیرمین نجف علی کماریو، اظہر حسین کماریو کی خدمت میں تعزیت و تسلیت عرض کرتا ہوں دعا ہے کہ اللہ رب العزت مرحوم کے درجات بلند فرمائے اور لواحقین کو صبر جمیل عطا فرمائے۔
وحدت نیوز(پاراچنار) پاراچنار کے سیاسی دنگل سے بڑی خبر سامنے آگئی ہے ، ایم ڈ بلیوایم اور پی ٹی آئی کے درمیان سیاسی اتحاد کا اعلان کردیا گیا ہے ۔ ایم ڈبلیوایم کی پوزیشن مضبوط ہوگئی، اصل مقابلہ ایم ڈبلیوایم اور پاکستان پیپلز پارٹی کے درمیان ہوگا۔
پاکستان تحریک انصاف نےصوبائی اسمبلی خیبرپختونخوا کی نشست PK 96 کرم پاراچنار سے مجلس وحدت مسلمین پاکستان کےنامزد امیدوار سید نجات حسین اورقومی اسمبلی کی نشستNA 37 کرم پاراچنار سے مجلس وحدت مسلمین پاکستان کےنامزد امیدوار انجنئیرحمید حسین کی حمایت کا اعلان کر دیا ۔
پاکستان تحریک انصاف نے فیصلہ کیا ہے کہ ایم ڈبلیوایم کے ان دو نوں اُمیدواروں کے مقابلے میں اپنے کسی امیدوار کو ٹکٹ نہیں دیگی جبکہ پی ٹی آئی پاراچنار ان کی حمایت کرے گی۔
واضح رہے کہ گذشتہ برس ہونے والے بلدیاتی انتخابات میں تحصیل پاراچنار سے ایم ڈبلیوایم کے نامزد ہر دل عزیز رہنما مولانا مزمل حسین فصیح بھاری اکثریت سے تحصیل میئر منتخب ہوئے تھے اور ریکارڈ ووٹ حاصل کیئے تھے۔
وحدت نیوز (اسلام آباد) پاکستان اور ایران کے درمیان سرحدی کشیدگی کے حوالےسے مجلس وحدت مسلمین پاکستان کا رسمی موقف سامنے آگیا ہے۔ مرکزی سیکریٹریٹ سے جاری اعلامیہ میں ترجمان مجلس وحدت مسلمین پاکستان نے کہا ہے کہ کسی خود مختار ریاست کی سرحدوں کا احترام ایک قانونی و اخلاقی تقاضہ ہے۔کسی بھی ملک کو اس بات کی قطعاََ اجازت نہیں دی جا سکتی کہ وہ پاکستان کے داخلی معاملات میں مداخلت کرے یا کسی غیر معمولی واقعہ کو جواز بنا کر سرحدی خلاف ورزی کرے۔ ایران کی طرف سے پاکستان کے سرحدی علاقے پر حملے نے دو برادر اسلامی ممالک کے درمیان تناو ٔکی صورتحال پیدا کردی ھے جسکا فوری سفارتی حل نکالنا ضروری ھے ۔مشرق وسطی کی موجودہ صورتحال اور امت مسلمہ کو درپیش عالمی خطرات اس امر کا تقاضا کرتے ہیں کہ مسلم ممالک کسی عالمی سازش کا شکار ہونے سے بچیں اورباہمی معاملات میں عجلت پسندی کی بجائے حکمت و بصیرت کے دامن کو مضبوطی سے تھامے رکھیں۔
ترجمان ایم ڈبلیوایم نے مزید کہا ہے کہ ہمیں شاطر دشمن کا سامنا ہے جس نے جیش العدل، القاعدہ، تحریک طالبان پاکستان اور لشکر جھنگوی جیسے شدت پسند گروہوں کو اسلامی ممالک کے امن کو تباہ کرنے اور اپنے مقاصد کے مطابق استعمال کرنے کے لیے تشکیل دے رکھا ہے۔پاکستان اوراسلامی برادر ممالک کے درمیان دیرینہ و پائیدار تعلقات کو عالمی اسٹیبلشمنٹ کی کسی سازش کی نذر نہیں کیا جا سکتا۔دونوں ممالک کو ایک دوسرے کی سرحدوں کے احترام کو ترجیح دیتے ہوئے ناخوشگوار معاملات کو سفارتی انداز میں حل کرنا ہوگا تاکہ جلتی پر تیل چھڑکنے والوں کی امیدیں خاک ہوں,پاکستان اور ایران کے مابین اختلافات اور تناؤ کے پیچھے امریکہ و اسرائیل کا سازشی ھاتھ ھے جو دونوں اسلامی ممالک کہ درمیان اختلافات کو ھوا دیکر مسئلہ فلسطین اور غزہ میں اپنی ناکامی کو چھپانا چاھتا ھے۔
وحدت نیوز(اسلام آباد)چیئرمین قائمہ کمیٹی گلگت بلتستان کونسل ایوب شاہ کی سربراہی میں گلگت بلتستان کونسل کا ایک ہنگامی اجلاس کونسل سیکریٹریٹ اسلام آباد میں منعقد ہوا جس میں رکن جی بی کونسل شیخ احمد علی نوری،سید شبیہ الحسنین،عبد الرحمٰن،حشمت اللہ اور جوائنٹ سیکرٹری جی بی کونسل صدیر خان خٹک نے شرکت کی،اجلاس میں اراکین کونسل نے کہا کہ اس وقت پورے جی بی کے عوام ٹھٹھرتی سردی میں احتجاج کر رہے ہیں کونسل کے تمام ممبران گندم مسئلے اور دیگر عوامی مطالبات پر عوام کے شانہ بشانہ کھڑے ہیں اور مطالبات کی بھرپور حمایت کرتے ہیں۔
کونسل اجلاس میں فیصلہ ہوا کہ فوری طور پر ایک سمری کونسل کی طرف سے وزیر اعظم پاکستان کو بھیجی جائے گی جس میں گندم کے کوٹے کو بڑھانے اور پرانی ریٹ کو برقرار رکھا جائے ساتھ ہی کونسل ممبران نے صحت کارڈ کے خاتمے پر تشویش کا اظہار کرتے ہوئے صحت کارڈ کو جلد بحال کرنے کا مطالبہ کیا چونکہ اس وقت گلگت بلتستان کے بہت سے مریض اسلام آباد سمیت پاکستان کے دیگر شہروں کے ہسپتال میں زیر علاج ہے اور صحت کارڈ کے خاتمے کی وجہ سے پریشان ہے اس سلسلے میں جی بی کونسل کے ممبران نے سیکرٹری ہیلتھ کو اس معاملے کو جلد حل کرنے کے لیے احکامات جاری کر دیئے۔
وحدت نیوز(کوئٹہ)مجلس وحدت مسلمین بلوچستان کے صوبائی صدر علامہ سید ظفر عباس شمسی نے کہا ہے کہ یمن تقریباً نو سال تک امریکا، غاصب اسرائیل اور ہمسایہ ممالک کی جارحیت کا سامنا کرتا رہا ہے۔ انہوں نے اپنے جاری کردہ بیان میں کہا کہ ملک یمن کو عالمی سامراج نے نشانہ بنا رکھا ہے۔ فلسطین میں غاصب اسرائیل اور اس کی حمایت کرنے والے سامراجی قوتوں نے جب دیکھا کہ ہم کو شکست ہو رہی ہے تو ایک اور مسلمان ملک یمن پر جارحانہ حملے شروع کر دیئے ہیں۔
انہوں نے کہا کہ یمن تقریباً 9 سال تک امریکا، غاصب اسرائیل اور ہمسایہ ممالک کی جارحیت کا سامنا کرتا رہا ہے۔ اس وقت یمن اپنی سمندری حدود کی حفاظت کر رہا ہے جو کہ اس کا بنیادی حق ہے۔ علامہ سید ظفر عباس شمسی نے کہا کہ امریکا اور غاصب اسرائیل یمن پر اس بنا پر حملے کر رہے ہیں کہ وہ اپنی سمندری حدود کی حفاظت کیوں کر رہا ہے۔
وحدت نیوز(کراچی)مجلس وحدت مسلمین سندھ کے صدر علامہ سید باقر عباس زیدی کا کہنا ہے کہ اہل غزہ اور فلسطین نے طوفان اقصیٰ سے اسرائیل کے بتوں کو پاش پاش کیا، ان خیالات کا اظہار انہوں نے جماعت اسلامی کراچی کے تحت شارع فیصل پر غزہ مارچ میں خطاب کرتے ہوئے کیا۔
علامہ باقر زیدی نے کہا کہ آج ہم کراچی کی شاہراہ فیصل پر انبیاء کی سرزمین کے تحفظ کیلئے جمع ہیں، اہل غزہ کی قربانیاں اور شہادتیں مسجد اقصیٰ کو آزاد کروائیں گی۔ اس موقع پر جے یو آئی یوتھ کراچی کے صدر ہاشم یوسف ابدالی نے غزہ ملین مارچ سے خطاب میں کہا کہ غزہ و فلسطین میں اسرائیلی جارحیت کے سو دن مکمل ہوگئے ہیں، آج تک اسرائیل اہل غزہ اور فلسطینی مسلمانوں کو شکست نہیں دے سکا ہے۔
وحدت نیوز(کراچی) معروف عالم دین اور خطیب اور رہنماء مجلس وحدت مسلمین علامہ حسن ظفر نقوی نے کہا کہ فلسطینی کاز کی حمایت اور احتجاج کا سلسہ جاری رہے گا۔ انہوں نے مزید کہا کہ امریکہ، برطانیہ اور اسرائیل یمن پر حملے بند کرے اور حوثی مجاہدین پر حملے کے سلسلے کو روکا جائے کیونکہ غزہ کے بعد اب امریکہ و اسرائیل اور بھارت گٹھ جوڑھ دنیا بھر میں بسنے والے مسلمانوں کے خلاف کروائیوں میں مصروف ہیں، ہمارے حکمرانوں کو ہوش اور عقلمندی سے ناخن لینا ہونگے، بے حسی سے کام نہ لیا جائے کیونکہ غزہ پر حملوں کو اب 100 دن مکمل ہوگئے ہیں تاہم فلسطینی مجاہدین، حزب اللہ اور حوثی مجاہدین دشمنوں کا ڈٹ کر مقابلہ کررہے ہیں۔
انہوں نے کہا کہ حماس فلسطین کی نمائندہ جماعت ہے اور پوری دنیا حماس کے ساتھ کھڑی ہے، اس موقع پر اسلامی مذاحمتی بلاک، حزب اللہ، جہاد اسلامی، انصار اللہ، حشدالشعبی کی جانب سے غزہ کے ساتھ یکجہتی اور امریکہ و اسرائیل مخالف کاروائیوں پر انہیں خراج تحسین پیش کرتے ہیں، اس سلسلے میں رہبر معظم آیت اللہ سید علی خامنہ ای، آیت اللہ سید علی سیستانی، حزب اللہ کے سربراہ سید حسن نصر اللہ اور حوثی مجاہدین کے سربراہ عبدالمالک الحوثی کی کامیابیوں کیلئے دعاگو ہیں اور ان ہستیوں کو خراج تحسین پیش کرتے ہیں جن کے عملی اقدامات سے آج استکباری طاقتیں اپنے عزائم میں ناکام نظر آتی ہیں۔
وحدت نیوز(کوئٹہ)مجلس وحدت مسلمین کے صوبائی رہنماء اور امیدوار حلقہ پی بی 42 علامہ علی حسنین حسینی کی سربراہی میں ایم ڈبلیو ایم بلوچستان کے وفد نے الیکشن کے سلسلے میں سابق رکن قومی اسمبلی سید ناصر شاہ سے کوئٹہ میں ملاقات کی۔
اس موقع پر دونوں رہنماؤں نے ملک اور صوبے کی مجموعی صورتحال، باہمی دلچسپی کے امور اور مختلف معاشرتی و اجتماعی مسائل پر سیر حاصل گفتگو کی، جبکہ آئندہ انتخابات سے متعلق اہم سیاسی أمور پر خیالات کا تبادلہ بھی ہوا۔
اس موقع پر ایم ڈبلیو ایم بلوچستان کے نائب صدر علامہ ولایت حسین جعفری، ضلعی صدر و امیدوار قومی اسمبلی ارباب لیاقت علی ہزارہ اور ایم ڈبلیو ایم کے دیگر کارکن بھی انکے ہمراہ تھے۔
وحدت نیوز(شکارپور)مجلس وحدت مسلمین پاکستان کے مرکزی سیکرٹری تنظیم سازی اور حلقہ این اے 193 شکار پور سے امیدوار علامہ مقصود علی ڈومکی اور ضلعی صدر ایم ڈبلیو ایم اصغر علی سیٹھار امیدوار پی ایس 7 شکار پور نے ضلعی رہنما نظام الدین انقلابی و دیگر تنظیمی رہنماؤں کے ہمراہ شکار پور کے گاؤں ماڑی اور سٹی شکار پور کے چانگ محلہ کا دورہ کیا ۔ مجلس وحدت مسلمین کے کارکنوں نے مہمانوں کا شاندار استقبال کیا۔
اس موقع پر خطاب کرتے ہوئے علامہ مقصود علی ڈومکی نے کہا کہ منشور اور عوامی خدمت کے جذبے سے عاری داغدار ماضی کی حامل جماعتیں اور سر سے پاؤں تک کرپشن کی غلاظت میں غرق سیاستدان ایک مرتبہ پھر عوام کے ساتھ دھوکا کرنے کے لئے میدان عمل میں اترے ہیں۔ عوام پر جان بوجھ کر کرپٹ نظام اور نا اھل نمائندوں کو مسلط کیا جا رہا ہے۔
انہوں نے کہا کہ مجلس وحدت مسلمین نے شکار پور کے عوام کے لئے اپنے منشور کا اعلان کر دیا ہے ہم ضلع شکار پور سے ڈاکو راج اغواء برائے تاوان اور بدامنی کا خاتمہ کریں گے اور نوجوانوں کو روزگار فراہم کریں۔ روزگار کی فراہمی کے لئے کارخانے لگانے کے ساتھ ساتھ ہنر وسیلہ روزگار مہم کے تحت نوجوانوں کو باھنر بنائیں گے۔تقریب سے خطاب کرتے ہوئے اصغر علی سیٹھار نے کہا کہ چار نسلوں سے عوام پر حکومت کرنے والے عوام کو بنیادی سہولیات بھی نا دے سکے۔
