وحدت نیوز (پاراچنار) سربراہ مجلس وحدت مسلمین پاکستان علامہ راجہ ناصر عباس جعفری کی دورہ پاراچنار کے موقع پر سانحہ جامع مسجد امامیہ پشاور میں گزشتہ دنوں شہید ہونے والے پارا چنار کے شہیدوں کے لواحقین سے ملاقات  ، انہوں نے تعزیت پیش کی اور شہداء کے خانوادوں سے انکی مشکلات کے حوالے سے خصوصی گفتگو فرمائی اور خانوادگان شہداء کی مشکلات کو حل کرنے کے لئے کوشش کرنے کی یقین دہانی کروائی  اس موقع پر مرکزی ڈپٹی سیکرٹری جنرل سید ناصر عباس شیرازی ، سیکرٹری سیاسیات سید اسد عباس نقوی  و دیگر بھی موجود تھے۔

وحدت نیوز (پاراچنار) مجلس وحدت مسلمین پاکستان کے سربراہ وارث میراث شہید قائد علامہ راجہ ناصر عباس جعفری حفظہ اللہ کی مزار اقدس شہید قائد فرزند خمینی شہید علامہ عارف حسین الحسینی قدس سرہ پر اپنے وفد کے ہمراہ حاضری ۔اس موقع پر قائد وحدت نے اپنے وفد کے ہمراہ شہید قائد کو خراج عقیدت پیش کرتے ہوئے تجدید عہد کیا کہ تا وقت شہادت خط شہید حسینی پر پوری استقامت کے ساتھ جاری رکھیں گے۔اس موقع پر مرکزی ڈپٹی سیکریٹری جنرل ناصر شیرازی، پولیٹیکل سیکریٹری اسدعباس نقوی، امیدوار تحصیل میئر مزمل حسین فصیح ، ارشاد حسین بنگش، شبیر حسین ساجدی، مسرت کاظمی اور دیگر بھی ہمراہ تھے۔

وحدت نیوز (پاراچنار ) مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری نے کہا ہے کہ امام عصر علیہ السلام کے ظہور کی زمینہ سازی کے لیے رہبر عزیز انقلاب کے کردار و عمل سے استفادہ کرنا ہو گا۔ شیطان بزرگ امریکہ اور اس کے حواریوں کا سیاسی،  اقتصادی، عسکری اور اخلاقی سقوط حتمی ھے۔عالم اسلام کے خلاف سر اٹھانے والی نئی دجالی قوتوں کا مقابلہ جدید علوم اور وقت کے تقاضوں سے ہم اہنگ ہو کر ہی کیا جا سکتا ہے۔اہلبیت علیہ السلام کے ماننے والے خود کو کبھی حالات کے رحم و کرم پر نہیں چھوڑتے۔ پہلی اور دوسری جنگ عظیم کے نتیجے میں جو عالمی سطح پر تبدیلیاں آئیں ان میں مسلمانوں کا کردار کمزور ، ناتواں اور بےاثر لوگوں والا تھا جس کی وجہ بدلتے ہوئے عالمی حالات سے غفلت تھی۔ دنیا پھر سے ایک نئے مرحلے میں داخل ھو رھی ھے۔ ہم ایک آبرومندانہ اور باوقار مقام کے لیے  میدان میں حاضر رھنا ھو گا۔خدا سے لڑنے والا نظام بکھر رہا ھے، لبرل اخلاقیات کا جنازہ دنیا  نے دیکھا لیا۔ کروڑوں بے گناہ انسانوں کا قتل ان کے نامہ اعمال میں موجود ھے۔ لبرل ورلڈ آرڈر کس قدر منافق اور بزدل ھے کہ یوکرائن جنگ کی درست  اور غیر جانبداری کے ساتھ خبریں لوگوں تک پہنچنے میں رکاوٹیں ڈال رھا ھے، یعنی جو ھم چاھتے ھیں وہ دنیا دیکھے اور سنے۔ اس مرحلے سے امریکہ اور اس کے حواریوں کو جانبر ھو کر نہیں نکلنے دینا چاھئے، رھبر عزیز انقلاب حضرت آقا کے بیانات کے مطابق میڈیا وار میں منتظرین حضرت امام عصر عج کا رول بہت اہم ھے۔ ان جدید علوم میں پیش رفت منتظرین کے لیے انتہائی ضروری ہے جو  نئے سسٹم کی نظام سازی کی ضرورتوں کو پورا کر سکے۔انہوں نے کہا کہ اس وقت پاکستان کے اندر اقتدار کی رسہ کشی کا کھیل ھمارے قومی مفادات ، قومی سلامتی ، حتی کہ اس سارے ریجن کے لئے خطرناک اور نقصان دہ ھے۔اس کا فائدہ صرف اور صرف امریکہ اور اس کے اتحادیوں کو ھے۔انہوں نے کہا کہ دشمنوں کے مقابل میں مکتب امامت کے پیرو  رہبر معظم کی عظیم قیادت میں پوری دنیا میں مضبوط و طاقتور ہیں۔ اگر ہم پاکستان میں  متحد ہو جائیں تو کوئی ہمارا حق غصب نہیں کرسکتا۔وطن عزیز میں، مختلف شہروں میں، مسجدوں میں، امام بارگاہوں میں کیوں ہمیں نشانہ بنایا جا رہا ہے؟ کیوں ہمیں اغوا کیا جاتا۔ دشمن ہمیں خوفزدہ کرکے ہمیں کمزور کرنا چاہتا ہے ہمیں جان و مال کا تحفظ دینا ریاستی اداروں کی ذمہ داری ہے ۔پشاور میں سانحہ ہوتا لیکن ہمارا وزیراعظم شہداء کے افسوس کے لیے بھی نہیں جاتا ایسے رویہ تو بادشاہوں کا ہوا کرتا ہے۔شیعہ و سنی اس وطن کے دو بازوں اور دو آنکھیں ہیں اور یہ دونوں متحد ہو کر ہی اس وطن کا دفاع کر سکتے ہیں۔ حکومت کو چاہیے عادلانہ طور پر مسائل کو حل کیا جائے۔انہوں نے کہا کہ ایسے یکساں نصاب تعلیم بنایا گیا جیسے کوئی خفیہ کام کیا جاتا ہے، زبردستی منظور کروایا گیا، ہم اسے یکسر مسترد کرتے ہیں، یہ نصاب وطن میں مزید نفرت اوور دوریاں پیدا کرے گا۔ ملک کو شیعہ سنی قوتوں نے مل کر بنایا تھا اور اس ملک میں ایسا نصاب  ہونا چاہیے جو سب کو آپس میں جوڑے، حکمران سن لیں ہم کسی فرقہ وارانہ نصاب کو قبول نہیں کرتے۔

وحدت نیوز (نصیرآباد) ملی یکجہتی کونسل بلوچستان کے زیراہتمام اضلاع میں تنظیم سازی کے سلسلے میں ضلع نصیر آباد کا اہم اجلاس صوبائی نائب صدر ملی یکجہتی کونسل و سربراہ تنظیم سازی کمیٹی مقصودعلی ڈومکی (مرکزی ترجمان مجلس وحدت مسلین پاکستان) کے زیرصدارت دفتر جماعت اسلامی ڈیرہ مراد جمالی میں منعقد ہوا۔اجلاس میں ملی یکجہتی کونسل کی رکن جماعتوں کے رہنما علمائے کرام اور تنظیمی رہنما شریک ہوئے۔اجلاس سے خطاب کرتے ہوئے  مقصود علی ڈومکی نے کہا کہ قرآن کریم نے ہم مسلمانوں کو آپس میں اتحاد و اخوت کا درس دیا ہے جبکہ تفرقے اور اختلاف و انتشار سے روکا ہے۔ قرآن کریم کی نظر میں مومنین آپس میں بھائی بھائی ہیں۔  اسلام دشمن سامراجی قوتیں مسلمانوں کے درمیان اختلاف و انتشار کو ہوا دے رہی ہیں۔اس موقع پر جماعت اسلامی بلوچستان کے صوبائی نائب امیر بشیر ماندائی نے کہا کہ ملی یکجہتی کونسل نے اتحاد بین المسلمین کے لئے گرانقدر خدمات انجام دی ہیں۔اجلاس میں اتفاق رائے سے جمعیت علمائے پاکستان کے رہنما مولانا رستم علی نورانی کو ضلعی صدر مولانا مشتاق حسین عمرانی کو جنرل سیکریٹری خاوند بخش کھوسہ اور علامہ سید ظفر عباس شمسی کو نائب صدور مقرر کیا گیا۔ اس موقع پر ضلعی کابینہ تشکیل دی گئی۔