The Latest
وحدت نیوز(کراچی)مجلس وحدت مسلمین پاکستان کے ذیلی شعبہ وحدت یوتھ پاکستان کراچی ڈویژن کے زیر اہتمام کراچی پریس کلب کے سامنے سعودی عرب میں سعودی متعصب حکومت کی جانب سے انسانی حقوق کے علمبردار عالم دین آیت اللہ باقر النمر کو سزائے موت کی سزاءسنائے جانے کے خلاف احتجاجی مظاہرہ کیا گیا اور سعودی حکومت کے متعصبانہ اقدامات کی شدید مذمت کی گئی، احتجاجی مظاہرے میں کراچی کے مختلف تعلیمی اداروں سمیت بزنس کمیونٹی سے تعلق رکھنے والے سیکڑوں نوجوانوں نے شرکت کی ، شرکائے مظاہرہ نے ہاتھوں میں بینرز اور پلے کارڈز اٹھا رکھے تھے جن پر آیت اللہ شخ النمر کی آزاد ی سمیت مردہ باد امریکہ، اسرائیل نامنظور اور شیخ نمر کو فوری رہا کیا جائے سمیت آیت اللہ باقر النمر کی رہائی کے لئے اقوام متحدہ ، ایمنسٹی انٹر نیشنل ، سمیت عالمی انسانی حقوق کے اداروں سے شیخ نمر کی رہائی کا مطالبہ کیا گیا تھا۔
سعودی عالم دین آیت اللہ شیخ النمر کی رہائی کےلئے وحدت یوتھ پاکستان کراچی ڈویژن کے زیر اہتمام منعقدہ احتجاجی مظاہرے سے خطاب کرتے ہوئے مجلس وحدت مسلمین پاکستان کراچی ڈویژن کے رہنما ﺅں مولاناصادق جعفری،مولانا عیسی قرائتی، علامہ مبشرحسن اور سنی اتحاد کونسل کے مرکزی رہنما صاحبزادہ اظہر رضا قادری نے خطاب کرتے ہوئے کہا کہ سعود ی حکومت کی جانب سے انسانی حقوق کے لئے جد وجہد کرنے والے شیعہ عالم دین آیت اللہ باقر النمر کو سزائے موت کا حکم سنایا جانا انسانی حقوق کی پائمالی اور مہذب دنیا کے لئے لمحہ فکریہ ہے۔
مقررین کاکہنا تھا کہ آیت اللہ باقر کا گناہ صرف اور صرف یہ ہے کہ انہوں نے عرب دنیا میں اٹھنے والی اسلامی بیداری کی لہر پر لبیک کہا اور دنیا کے تمام طاغوتی نظاموں کے خلاف صدائے حق بلند کی ، انہوںنے سعودی عرب میں انسانی حقوق سے محروم عوام کے لئے بنیادی انسانی حقوق کی فراہمی کے لئے صدا بلند کی اور اس جرم کی پاداش میں انہیں سعودی متعصب حکومت کی جانب سے سزائے موت کا حکم سنا دیا گیا جو یقینا قابل شرم اور قابل مذمت فعل ہے۔
احتجاجی مظاہرے سے خطاب کرتے ہوئے مقررین نے اقوام متحدہ ، عالمی عدالت انصاف اور انسانی حقوق کے عالمی ادارے ایمنسٹی اور ہیومن رائٹس واچ سمیت دنیا کے مہذب معاشروں اور حکومتوں سے مطالبہ کیا ہے کہ وہ سعودی شیعہ عالم دین آیت اللہ باقر النمر کو سعودی حکومت کی جانب سے سزائے موت کے حکم کے خلاف سراپا احتجاج ہوں اور سعودی متعصب انتظامیہ پر دباﺅ ڈالا جائے کہ وہ فی الفور آیت اللہ باقر النمر کو رہا کریں ، اس موقع پر شرکاءنے آیت اللہ باقر کی رہائی کے لئے نعرے لگائے اور مردہ باد امریکہ اور اسرائیل نا منظور کے فلک شگاف نعرے بھی لگائے۔
وحدت نیوز ( کراچی) مجلس وحدت مسلمین پاکستان کراچی ڈویژن کے سیکریٹری سیاسیات علی حسین نقوی نے کہا ہے کہ محرم الحرام کے آغاز سے قبل شیعہ ٹارگٹ کلنگ میں اضافہ سندھ پولیس کی جانب سے کراچی آپریشن کی ناکامی کا ثبوت ہے، بانیان مجالس کی ٹارگٹ کلنگ سندھ پولیس کی کارکردگی پر سوالیہ نشان ہے۔ ان خیالات کا اظہار انہوں نے گزشتہ روز شہید ہونے والے سید علی عباس عابدی کے اہلخانہ سے گفتگو کرتے ہوئے کیا۔ علی حسین نقوی کا کہنا تھا کہ کراچی بھر میں شیعہ نسل کشی کیخلاف سیاسی جماعتیں اپنا کردار ادا کریں، بلاول زرداری کی پیپلز پارٹی کراچی سے کشمور تک دہشت گردوں کو لگام دینے میں ناکام ہے، شہر میں بنائے گئے مخصوص فکر کے حامل مدرسے بانیان پاکستان کی اولادوں کے قتل کے فتوے جاری کررہے ہیں، لیکن حکومت اب تک ان مفتیوں اور سرپرستوں کو گرفتار کرنے میں ناکام ہے۔ علی حسین نقوی کا کہنا تھا کہ شیعہ نسل کشی کے تدارک کے لئے حکومت سندھ فی الفور تکفیریت کا پرچار کرنے والے مدارس اور کے سیاسی و مذہبی سرپرستوں کیخلاف کاروائی کرے اور ٹارگٹ کلنگ میں ملوث دہشت گردوں کو گرفتار کرکے قرار واقعی سزا دے۔ اس موقع پر مجلس وحدت مسلمین کے مرکزی سیکرٹری اطلاعات مہدی عابدی ۔آصف صفوی ،علی احمر زیدی ،سمیت دیگر رہنما موجود تھے انہوں نے شہید علی عباس کے اہل خانہ خراچ تحسین پیش کیا اور فاتحہ خوانی کی جبکہ شہید علی عباس عابدی کی مجلس سوئم آج بروز منگل شام 4 بجے مسجد خیر العمل انچولی میں منعقد کی جائے گئی جس سے مجلس وحدت مسلمین پاکستان کے رہنما علامہ شیخ اعجاز حسین بہشتی خطاب کریں گئے۔
وحدت نیوز(کراچی) سنی اتحاد کونسل کے مرکزی رہنما صاحبزادہ اظہر رضا قادری نے کہا ہے کہ آج شہدائے راہ ولایت کانفرنس میں شیعہ سنی علماءو عوام کی شرکت نے یہ بات ثابت کر دی ہے کہ پاکستان میں فرقہ واریت نہیں ہے بلکہ تکفیری دہشتگرد ٹولہ شیعہ سنی فساد کرانے کی ناکام کوششیں کر رہا ہے جسے شیعہ سنی محب وطن مسلمانوں نے ناکام بنا دیا ہے۔ امروہہ گراونڈ انچولی سوسائٹی میں ایم ڈبلیوایم کراچی ڈویژن کے زیر انتظام شہدائے راہ ولایت کانفرنس سے خطاب کرتے ہوئے صاحبزادہ اظہر رضا قادری نے کہا کہ تکفیری دہشتگرد جتنے بھی شیعہ سنی مسلمانوں کو قتل کر دیں لیکن فرقہ واریت پھیلانے کی سازش میں کبھی کامیاب نہیں ہونگے۔ انہوں نے کہا کہ کراچی، کوئٹہ سمیت ملک بھر میں دہشتگردانہ کارروائیوں کے ذریعے تکفیری دہشتگردوں نے چاہا کہ لبیک یا رسول اللہ اور لبیک یا حسین کے نعروں کو ختم کر دیں لیکن سنی شیعہ مسلمانوں نے تکفیری دہشتگرد عناصر کی تمام سازشوں کو اپنے اتحاد و وحدت سے ناکام بنا دیا۔ اظہر رضا قادری نے کہا کہ آج کالعدم دہشتگرد عناصر حکومتی سرپرستی میں اہلسنت کا نام استعمال کرکے دہشتگردی کا بازار گرم کر رہے ہیں، حکومت کی جانب سے ان تکفیری دہشتگردوں کو سیکیورٹی دی جاتی ہے، انہیں دہشتگردی کرنے کا لائسنس دیا گیا ہے کہ فرقہ واریت پھیلا کر پاکستان کو عدم استحکام سو دوچار کر دیں لیکن تمام شیعہ سنی مسلمان حکمرانوں اور تکفیری دہشتدرگ عناصر کی اسلام و پاکستان مخالف کسی بھی سازش کو کامیاب نہیں ہونے دینگے۔ اظہر رضا قادری نے کہا کہ جس طرح کربلا میں حسینیت نے یزیدیت کو شکست دی تھی آج بھی حسینیت کے پیروکار یزیدیت کے پیروکاروں کو شکست سے دوچار کرتے رہیں گے۔ انہوں نے کہا کہ آج امریکی سعودی نواز لیگی حکومت کو مولانا ڈیزل، شرابی طاہر اشرفی، تکفیری دہشتگرد عناصر سمیت اسکے تمام حواری ملکر بھی نہیں بچا سکیں گے، پاکستان کی محب وطن عوام ان تمام پاکستان کے غداروں کو چھپنے اور فرار ہونے کا موقع نہیں دیگی اور انکا کڑا احتساب کریگی۔
وحدت نیوز (کراچی) معروف شیعہ ذاکرعلامہ فرقان حیدرعابدی نے کہا ہے کہ آج تکفیری دہشتگرد عناصر حکومتی سرپرستی میں کراچی سمیت پاکستان بھر میں عاشقان ولایت کا خون بہا رہے ہیں تاکہ انہیں ذکر اہلبیت سے روکا جائے لیکن لبیک یاحسین کے نعرے کے ساتھ کل بھی عاشقان حیدر کرار نے یزیدیت کو ناکام بنایا تھا آج بھی ان کی تمام سازشوں کو ناکام بنائیں گے، پاکستان بھر میں شیعہ سنی اتحاد تکفیریوں کے منہ پر طمانچہ ہے۔ امروہہ گراونڈ انچولی سوسائٹی میں ایم ڈبلیوایم کراچی ڈویژن کے زیر انتظام شہدائے راہ ولایت کانفرنس سے خطاب کرتے ہوئے علامہ فرقان حیدر عابدی نے کہا کہ ہم خانوادگان شہداءکو خراج تحسین پیش کرتے ہیں کہ انہوں نے اپنے عزیزوں کی قربانی پیش کرکے غدیر و کربلا کے علم کو بلند رکھا اور یزیدیت کی تمام سازشوں کو ناکام بنایا۔ انہوں نے ایم ڈبلیو ایم کو شہدائے راہ ولایت کانفرنس میں شیعہ سنی علما و شخصیات کو جمع کرنے پر خراج عقیدت پیش کیا اور کہا کہ آمد محرم کے موقع پر شیعہ سنی اتحاد کا مظہر یہ عوامی اجتماع پاکستان میں فرقہ واریت پھیلانے کی تمام سازشوں کی موت ثابت ہوگا۔ انہوں نے کہا کہ دہشتگردوں کی گولیاں ختم ہو جائیں گی لیکن عاشقان مولا علی کے سینے کم نہیں ہونگے، ہم غدیر کا علم عصر حاضر کی کربلا میں بھی بلند کرتے ہوئے یزیدیت و تکفیریت کو ناکام بناتے رہیں گے۔ انہوں نے مزید کہا کہ شیعہ سنی اتحاد و وحدت نے تکفیریوں کے تنہا کر دیا ہے۔
وحدت نیوز(کراچی) مجلس وحدت مسلمین کے رہنما علامہ باقر عباس زیدی نے کہا ہے کہ ہم ا ٓج بھی ولایت کے پیروکار غدیر کا علم لے کر عصر حاضر کی کربلا میں کھڑے ہیں، ماضی میں صہیونیت، عیسائیت اور یزیدیت کو سازشوں کی نتیجے میں کربلا میں امام حسین (ع) شہید کر دیئے گئے، یہی اسلام دشمن عناصر آج بھی تکفیریت کے نعرے کے ساتھ پاکستان ، بحرین، شام، عراق، ایران، فلسطین سمیت عالم اسلام میں جگہ جگہ کربلا بنا کر عاشقان حسین کو نشانہ بنا رہے ہیں۔ امروہہ گراونڈ انچولی سوسائٹی میں ایم ڈبلیو ایم کراچی ڈویژن کے زیر انتظام شہدائے راہ ولایت کانفرنس سے خطاب کرتے ہوئے علامہ باقر زیدی نے کہا کہ عصر حاضر میں جہاں صہیونیت اور تکفیریت کے مقابلے آج بھی عاشقان حسین ولایت کے پرچم کے ساتھ دنیا بھر میں انکا مقابلہ کر رہے ہیں۔ انہوں نے کہا کہ کل بھی صہیونیت نے تکفیری نعروں کے ساتھ معصومین علیھم السلام اور انکے عاشقان کو دہشتگردی کا نشانہ بنایا آج بھی داعش، القاعدہ اور ان جیسے دیگر تکفیری دہشتگرد گروہ دور حاضر میں تکفیری نعروں کے ساتھ عاشقان ولایت و امامت کو دہشتگردی کا نشانہ بنا رہے ہیں، لیکن ماضی کی طرح آج بھی عاشقان ولایت نے غدیری علم کے ساتھ عصر حاضر کی کربلا میں بھی ان صہیونیوں، یزیدیوں، تکفیریوں کو ناکامی سے دوچار کیا ہے۔
وحدت نیوز (کراچی) آل پاکستان سنی تحریک کے مرکزی رہنما مطلوب اعوان نے کہا ہے کہ کل بھی لبیک یا رسول اللہ اور لبیک یا حسین کہنے والوں نے پاکستان بنایا تھا آج بھی یہی شیعہ سنی محب وطن عوام پاکستان بچانے کی تحریک چلا رہے ہیں، آج شیعہ سنی مسلمان ملکر پاکستان میں تکفیری دہشتگردوں کا مقابلہ اپنے اتحاد و وحدت سے کر رہے ہیں، آج بھی علامہ راجہ ناصر عباس جعفری اور صاحبزادہ حامد رضا کی قیادت میں شیعہ سنی عوام متحد ہے۔ امروہہ گراو¿نڈ انچولی سوسائٹی میں ایم ڈبلیو ایم کراچی ڈویژن کے زیر انتظام شہدائے راہ ولایت کانفرنس سے خطاب کرتے ہوئے مطلوب اعوان نے کہا کہ شیعہ سنی اتحاد کا جو یہ سفر جاری ہے یہ سفر امام حسین کی تعلیمات کا نتیجہ ہے، ہم اسی اتحاد و وحدت کے ذریعے ناد علی پڑھ کر پاکستان سے تکفیریوں دہشتگرد عناصر کا صفایا کرینگے۔ انہوں نے کہا کہ آئندہ انتخابات کے موقع پر تمام محب وطن عوام مجلس وحدت مسلمین اورسنی اتحاد کونسل کو ووٹ دیکر کامیاب کرکے اسمبلیوں میں پہنچائیں گے۔
وحدت نیوز(کراچی) ذاکرین امامیہ فیڈریشن کے سربراہ علامہ نثار قلندری نے کہا ہے کہ ہم شہداءکے خراج تحسین پیش کرتے ہیں کہ انہوں نے اپنے خون سے دین اسلام کی آبیاری کرکے تشیع کا سر فخر سے بلند کر دیا، ایم ڈبلیوایم کی شہدائے راہ ولایت کانفرنس کے موقع پر اہل تشیع کے ساتھ ساتھ اہلسنت علماءکی شرکت نے تکفیریوں کی اسلام و پاکستان دشمن تکفیری دہشتگرد عناصر کی تمام سازشوں پر پانی پھیر دیا ہے۔ امروہہ گراو¿نڈ انچولی سوسائٹی میں ایم ڈبلیو ایم کراچی ڈویژن کے زیر انتظام شہدائے راہ ولایت کانفرنس سے خطاب کرتے ہوئے علامہ نثار قلندی نے کہا کہ ہر مسلمان کی نجات کا دورو مدار علی کی ولایت پر ہے، جو روز آخرت ہلاکت سے بچائے گی۔ انہوں نے کہا کہ ماضی میں بھی علی کی ولایت کا پرچم بلند کرکے عاشقان حیدر کرار نے اسلام کی محافظت کری، آج بھی عاشقان ولایت و امامت غدیری علم کے ساتھ دنیا بھر میں یزیدیت کی تمام سازشوں کو ناکامی سے دوچار کر رہے ہیں۔ انہوں نے کہا کہ ایم ڈبلیو ایم نے سنی شیعہ اتحاد و وحدت کے مظہر عوامی اجتماعات منعقد کرنے کا جو سلسلہ جاری رکھا ہے اس سے پاکستان میں فرقہ واریت پھیلانے کی تمام تکفیری سازشوں پر پانی پھر گیا ہے۔
وحدت نیوز(کراچی) مجلس وحدت مسلمین سندھ کے سیکریٹری جنرل علامہ مختار احمد امامی نے کہا ہے کہ ہم شہدائے راہ ولایت کانفرنس میں شریک اہلسنت علمائے کرام کو خراج تحسین پیش کرتے ہیں جنہوں نے اس کانفرنس میں شیعہ سنی اتحاد کا عملی مظاہرہ کرکے حکومتی سرپرستی میں تکفیری دہشتگردوں کی فرقہ وارت پھیلانے کی کوششوں کا ناکام بنا دیا ہے۔ امروہہ گراو¿نڈ انچولی سوسائٹی میں ایم ڈبلیو ایم کراچی ڈویژن کے زیر انتظام شہدائے راہ ولایت کانفرنس سے خطاب کرتے ہوئے علامہ مختار امامی نے کہا کہ شیعہ سنی اتحاد کا مظہر شہدائے راہ ولایت کانفرنس تکفیری دہشتگرد عناصر اور انکے سیاسی و مذہبی سرپرستوں کے منہ پر زوردار طمانچہ ہے۔ انہوں نے مزید کہا کہ ماضی کا طرح آج بھی عاشقان علی و حسین (ع) وطن عزیز پاکستان میں سنی شیعہ محب وطن عوام اپنے اتحاد و وحدت کے ذریعے شیطان بزرگ امریکا اور اسرائیل کی تمام سازشوں کو ناکام بنا دینگے اور انکے نمک خوار ایجنٹ تکفیری دہشتگرد عناصر کو کامیاب نہیں ہونے دینگے۔
وحدت نیوز (اسلام آباد) مجلس وحدت مسلمین کے فلاحی شعبہ خیرالعمل فاﺅنڈیشن کے چیئرمین نثارعلی فیضی نے کہا کہ خیرالعمل فاﺅنڈیشن ڈونرز اداروں کے ساتھ ملکر سیلاب متاثرین کے لیے جلد رہائشی منصوبوں کا آغاز کر رہی ہے پنجاب کے سیلاب زدہ علاقوں میں متاثرہ مساجد،امام بارگاہوں ،سکولز ،ہیلتھ کلینکس اور گھروں کے جزوی نقصانات کا سروے مکمل کر لیا گیا ہے اور اس سلسلے میں ڈونرز اداروں سے ر وابط کر لیے گئے ہیں اور جلد ہی متاثرین سیلاب کی بحالی کے لیے ان منصوبوں پر کام شروع کر دیا جائے گا جبکہ پچھلے سیلاب کے متاثرین کے لیے ڈی آئی خان میں جاری رہائشی منصوبہ اپنی تکمیل کے آخری مراحل میں ہے جسکے تحت 30 گھروں پر مشتمل کالونی مکمل کر لی جائے گی اسکا افتتاح مجلس وحدت مسلمین کے مرکزی قائدین کرینگے ان خیالات کا اظہار انہوں نے گزشتہ روز خیرالعمل فاﺅنڈیشن کی کور کمیٹی کے اجلاس کی صدارت کرتے ہوئے کیا ۔نثار علی فیضی نے کہا کہ پاکستان کے مخیر حضرات بالخصوص بیرون ملک مقیم پاکستانی خیرالعمل فاﺅنڈیشن کے توسط سے تعمیر نو اور بحالی کے کاموں میں بے حد دلچسپی لے رہے ہیں خیرالعمل فاﺅندیشن بھی منظم ،شفاف اور ٹھوس منصوبوں کے ذریعے سے اپنے پاکستانی بھا ئیوں کے اعتماد میں اضافے کے لیے کوشاں ہے ۔ انہوں نے کہا کہ خیرالعمل فاﺅنڈیشن جھنگ میں سیلاب متاثرین کے لیے جلد ہی راشن کی ایک اور بڑی کھیپ بھیج رہی ہے اور اسی طرح پنجاب میں ایک بڑی تعداد میں یتیم بچوں کی کفالت کا کام بھی شروع کر رہی ہے اس سلسلے میں ابتدائی سروے کے لیے ٹیم تشکیل دے دی گئی ہے۔ خواتین کو ہنر سکھانے کے لیے وکیشنل سنٹر زکے قیام کے منصوبوں پر بھی کام شروع کر دیا گیا ہے اور پہلے وکیشنل سنٹر کی تعمیرات شین باغ ا ٹک میں شروع کر دی گئی ہے۔
وحدت نیوز(لاہور) مجلس وحدت مسلمین پاکستان کے سربراہ علامہ ناصرعباس جعفری نے مینار پاکستان جلسہ سے خطاب کرتے ہوئے کہا کہ ظالم حکمرانوں نے دہشت گردی کے بیج بوئے اور کراچی سے گلگت تک بے گناہ شیعہ افراد کا قتل عام کرایا اور ہر بار یہی کہا کہ نامعلوم افراد نے دہشت گردی کی ہے، لیکن سانحہ ماڈل ٹاؤن نے ان کے چہروں سے نقاب الٹ دی اور یہ بے نقاب ہوگئے کہ کون قاتل ہے۔ انہوں نے کہا کہ وطن عزیز کے تمام شہیدوں پر سلام ہو اور ڈاکٹر طاہرالقادری پر سلام ہو جنہوں نے محبتوں کے چراغ جلا کر نفرتوں کے سامنے دیوار کھڑی کر دی۔ انہوں نے کہا کہ حکومت کی ذمہ داری ہے کہ وطن کے بیٹوں کے درمیان وحدت کو فروغ دے، لیکن حکومت تو ڈیوائیڈ اینڈ رول کی پالیسی پر عمل پیرا ہونے کے لئے وطن کو ہی کمزور کر دیا ہے۔ انہوں نے کہا کہ حکمرانوں نے گلی گلی کوچہ کوچہ فرقہ واریت پھیلانے کے لئے لشکر تشکیل دیئے، تاکہ ملک کمزور ہوجائے، اس کا فائدہ انڈیا کو تھا، امریکہ کو پاکستان اور اسلام کے دشمنوں کو تھا، لیکن حالیہ تحریک نے وطن کے بیٹوں کو وحدت کی لڑی میں پرو دیا۔ یہاں ہندو بھی ہیں، سکھ بھی ہیں، مسیحی بھی ہیں، شیعہ بھی اور سنی بھی موجود ہیں۔ تفرقہ باز پریشان ہیں کہ اس اتحاد کو کیسے پارہ پارہ کریں، لیکن وہ مایوس ہیں۔ انہوں نے کہا کہ دہشت گردوں کے سرپرستوں کے اربوں ڈالر کی سرمایہ کاری ضائع ہوچکی ہے، بیرونی ملکوں نے یہاں دہشت گردی کی فیکٹریاں لگائیں۔
علامہ ناصر عباس جعفری کا کہنا تھا کہ سعودی عرب مین شیعہ عالم دین کو سزائے موت اس لئے دی گئی کہ وہ شیعہ اور سنی کی وحدت کی بات کرتا ہے۔ انہوں نے کہا کہ ہم پاکستان کے بیٹے ہیں اور ہم اس میں وحدت کے فروغ کیلئے کام کریں گے۔ انہوں نے کہا کہ آج وطن عزیز کے شیعہ اور سنی ایک دوسرے سے محبت کرنے لگ گئے ہیں۔ علامہ ناصر عباس جعفری نے کہا کہ ملک میں قیام امن ہماری ترجیح ہے۔ حکمرانوں نے طالبان کو سپورٹ کیا، دہشت گردوں کی حمایت کی۔ آصف زرداری بتائیں طالبان کو اپنے بیٹے کون کہتا تھا، نصیر اللہ بابر کون تھا ،کراچی میں آج بھی ہمارے کارکن شہید ہوئے ہیں۔ آصف زرداری بتائیں کون قاتلوں کی سرپرستی کرتا رہا۔ انہوں نے کہا کہ گذشتہ سال حکمرانوں کی نگرانی میں یوم عاشورہ پر پر فساد کرایا گیا اور آج بھی وہی انتظامیہ ہمیں ڈرا رہی ہے۔ ہم نہ کل یزید سے ڈرے تھے نہ آج یزید کی اولاد سے ڈرنے والے ہیں۔ ہمارے ڈرائیور اور بچوں کو اٹھانے والے ہمیں نہیں ڈرا سکتے۔ ہم خون کے آخری قطرے تک ڈاکٹر طاہرالقادری کے ساتھ ہیں۔ میں اصلی راجپوت ہوں۔ میں اس کی اولاد ہوں، جس نے انگریزوں کو شکست دی تھی۔ علامہ ناصر عباس نے کہا کہ جہاں اہلسنت بھائیوں کا پسینہ گرئے گا ہم وہاں اپنا خون گرائیں گے۔ انہوں نے کہا کہ شہباز شریف کی انتظامیہ اس محرم پر بھی فسادات کرانا چاہتی ہے۔ انہوں نے کہا کہ نواسہ رسول کا غم منانے میں رکاؤٹ ڈالنے والا شہباز شریف یزید کا حامی ہوسکتا ہے، حسین کا نہیں۔
