وحدت نیوز(مظفرآباد) دربارعالیہ حضرت سید محمد شاہ غازی بادشاہ مجہوئی میں عظیم الشان محفل میلاد مصطفی صلی اللہ علیہ وآلہ وسلم کا انعقاد محفل میلاد کی صدارت معروف عالم دین علامہ سید محمد اسحاق نقوی رکن مرکزی شوری جماعت اہلسنت پاکستان نے کی جب کہ مہمان خصوصی مجلس وحدت مسلمین آزادکشمیر کے سیکرٹری جنرل علامہ سید تصور حسین نقوی الجوادی تھے کانفرنس سے عندلیب گلستان رسول مولانا ضیاء احمد چغتائی ،ایوارڈ یافتہ قاری و نعت خوں ممتاز الحق،مدرسہ سید نا ابوتراب گجر بانڈی کے معروف نعت خوان حضرات کے علاوہ کمسن نعت خواں سید علمدار مہدی نقوی ،سید عمیر علی کاظمی ،صاحبزادہ حاجی سیدمحمود حسین شاہ کاظمی معروف ثناء خوان محمد سفیر علوی اور دیگر عاشقان مصطفی صلی اللہ علیہ وآلہ وسلم نے آقا کی بارگاہ میں گلہائے عقیدت نچھاور کئے اس موقع پرعلامہ سید محمد اسحاق نقوی رکن مرکزی شوری جماعت اہلسنت پاکستان نے اپنے نورانی خطاب میں کہا کہ اللہ تعالی نے ساری کائنات کو اپنے حبیب صلی اللہ علیہ وآلہ وسلم کی خاطر پیدا فرمایا ہے اللہ تعالی مسبب ہے اور حضور کی ذات والا صفات سبب ہے اور ساری کائنات ان کے سبب سے ہے اللہ نے ان کو اپنا فضل رحمت اور صفات کمال کا مجموعہ قرار دے کر دنیا میں بھیجا اور پھر فرمایا تم پر جو تمھارے رب کا فضل ہے اس پر اظہار مسرت کرو اور یہ خوشی مسرت کا اظہار ہر اس چیز سے بہتر ہے جسے تم جمع کرتے ہوئے اس کا مطلب یہ ہوا کہ میلاد مصطفی صلی اللہ علیہ وآلہ وسلم کا منانا منشائے پروردگار کے عین مطابق ہے۔

علامہ سید تصور حسین نقوی الجوادی نے کہا کہ کائنات میں جتنی بھی معززومحترم شخصیات ہیں وہ سب حضورصلی اللہ علیہ وآلہ وسلم کے طفیل سے معززومحترم ہیں خواہ وہ اہلبیت رسول صلی اللہ علیہ وآلہ وسلم ہوں یا اصحاب کرام ہوں سب کو حضور صلی اللہ علیہ وآلہ وسلم کی وجہ سے عزت نصیب ہوئی ہے سب احترام ومحبت کے لائق ہیں مگر حضور کے بعداگر حضورﷺ کا نوارانی جلوہ اور آپ کی دعوت الی اللہ نہ پہوتی تو خدا کو بھی کوئی نہ پہچانتا آج ہم توحید پرست ہیں تو حضورصلی اللہ علیہ وآلہ وسلم کے طفیل ہیں ہم اہلبیت رسول صلی اللہ علیہ وآلہ وسلم سے محبت کرنے والے ہیں تو حضور کے طفیل سے ہیں ہم اصحاب کرامؒ کی الفت کا دم بھرتے ہیں تو حضور صلی اللہ علیہ وآلہ وسلم کی وجہ سے لہذا کا ئنات کی اصل حضور صلی اللہ علیہ وآلہ وسلم کی ذات ہے اب وقت آن پہنچا ہے کہ مسلم امہ فروعی وجزی نوعیت کے اختلافات کو ایک طرف رکھ کر ایک دوسرے کے دست وبازو بن بن کراپنے مشترکہ دشمن طاغوتی واستعماری قوتوں کے مقابلے کے لئے سینہ سپر ہو جائیں انہوں نے کہا شیعہ اور سنی اسلام کے دو مضبوط بازو ہیں جن میں تفرقہ ڈالنا حرام اور گناہ کبیرہ ہے

علامہ سید محمد اسحاق نقوی نے کہا کہ حضورصلی اللہ علیہ وآلہ وسلم کی تعلیمات میں مسلمان جسد واحد کی ماند ہیں بد قسمتی سے آج امت مسلمہ جو ٹکڑوں اور گروہون میں تقسیم ہو چکی ہے اسے صرف اور صرف عشق مصطفی صلی اللہ علیہ وآلہ وسلم پر اکٹھاکیا جاسکتا ہے اور ہم اس کے عملی مظاہرے کر چکے ہیں انہوں نے کہا دہشتگردی ،فرقہ واریت ،ٹارگٹ کلنگ اس وقت ہمارے ملک کا سب سے بڑا المیہ ہے لیکن اگر سب کے سب تعلیمات مصطفوی کے پرچار اور فروغ کے لئے کوشاں اور ان سنہری تعلیمات پر عمل پہرا ہوجائیں تو کوئی وجہ معلوم نہیں ہوتی کہ ہم مصائب وآلام میں الجھ کر رہ جائیں اس موقع پر خطاب کرتے ہوئے علامہ سید تصور حسین نقوی الجوادی سیکرٹری جنرل مجلس وحدت مسلمین آزادجموں وکشمیرنے کہا کہ آج ہر سو مصطفی صلی اللہ علیہ وآلہ وسلم کی محبت کے چراغ روشن ہیں اور اسی روشی سے فرقہ واریت،دہشتگردی ،علاقائی ولسانی عصبیت کے اندھیرے چھٹ سکتے ہیں نبی کریم صلی اللہ علیہ وآلہ وسلم کی تعلیمات انسانوں سے محبت کا درس دیتی ہیں یہ سرکار رسالتمآب صلی اللہ علیہ وآلہ وسلم سے محبت اور عقیدت کا ثمرشیریں ہے کہ آج پورے ملک میں محب وطن شیعہ سنی عوام ملکر حضورصلی اللہ علیہ وآلہ وسلم کی سیرت وسوانح پر روشنی ڈالنے کے ساتھ ساتھ حضورصلی اللہ علیہ وآلہ وسلم کے میلاد کی خوشیاں منا کر اللہ رب العالمیں کا اس کی اس نعمت عظمیٰ کے لئے شکر بجا لارہے ہیں جو اس نے انسانوں پر احسان کرتے ہوئے ہدایت بشر کے لئے اس کائنات میں بھیجی اور پھر فرمایا اور تم پر جو نعمت تمھارے رب کی طرف سے ہو کا باربار تذکرہ کرو چنانچہ حضور صلی اللہ علیہ وآلہ وسلم کی ذات ہی متفقہ طور پر نعمت عظمیٰ ہے اور اس کا تذکرہ اور اس نعمت رب پر مالک الملک کا شکر بجا لانا امت مسلمہ کے تمام طبقات پر واجب ہے ۔

وحدت نیوز(جلال آباد) ایم ڈبلیو ایم کے دفتر میں ایک ہنگامی اجلاس منعقد ہوا جس سے خطاب کرتے ہوئے جلال آباد یونٹ کے سکیرٹری جنرل شیخ خادم حسین رحیمیؔ نے کہا صوبہ بلوچستان کے علاقے مستونگ کا سانحہ طالبان کے ساتھ مذاکرات کی رٹ لگانے والے حکمرانوں کے منہ پر طمانچہ ہے انہوں نے کہا کہ ایک باشعور انسان حیرت ذدہ ہوتا ہے ۔ کہ بندوق کی نوک پر اپنا نظریہ زبردستی ٹھونسنے مذاکرات چہ معنی دارد؟ مذاکرات تو اس وقت ممکن ہیں ۔ جب فریق دوئم سیز فائر پر کاربند ہو ۔ جبکہ طالبان جن کی پشت پناہی امریکہ کر رہا ہے اور مملکت عزیز کو غیر مستحکم کرنے کے درپے ہے افواج پاکستان پر مسلسل حملے اور بے گناہوں کا خون بہانے میں مصروف ہے ۔ انہوں نے مذید کہا کہ اب پاکستان دہشت گردی کا متحمل نہیں ہوسکتا عوام کو خوف و ہراس میں مبتلا کرنے اور معصوم شہریوں سے زندگی کا حق چھینے والوں سے اب جنگ کے علاوہ اور کوئی چارہ کار نہیں رہا۔ حکومت وقت افواج پاکستان کی مدد سے ان خونی جنونیوں سے برسرپیکار ہو ۔ انشاء اللہ پوری قوم ان کے پشت پر کھڑی ہوگی ۔ شیخ خادم حسین رحیمی نے مطالبہ کیا کہ مستونگ واقع میں ملوث عناصر کو انصاف کے کٹہرے میں کھڑا کیا جائے اور حکومت وقت ایران جانے والے زائرین کا راستہ محفوظ بنائے۔

وحدت نیوز(وادی نیلم) مجلس وحدت مسلمین ضلع نیلم کے زیراہتمام عظیم الشان لبیک یا رسولؐاللہ کانفرنس ،مجلس وحدت مسلمین آزادکشمیر کے سیکرٹری جنرل علامہ سید تصور حسین نقوی الجوادی کی قیادت میں ایم ڈبلیوایم کے وفد کی نیلم پہنچنے پر پرتپا ک استقبال،مختلف عوامی وفود سے ملاقاتیں کی، ضلعی سیکرٹری جنرل سید ظاہر حسین نقوی کی صدارت میں مجلس وحدت مسلمین کے ضلع نیلم کی ضلعی کابینہ کے اجلاس میں علامہ سیدتصور حسین نقوی الجوادی نے خصوصی شرکت کی۔تنظیمی کارکردگی سمیت مختلف امور پر گفتگو کی گئی۔بعد ازں مجلس وحدت مسلمین کے ضلع نیلم کے زیراہتمام عظیم الشان لبیک یا رسولؐاللہ کانفرنس سے خطاب کرتے ہوئے مجلس وحدت مسلمین آزادکشمیر کے سیکرٹری جنرل علامہ سید تصور حسین نقوی الجوادی، امیر تحریک منہاج القرآن پروفیسر خاقان ایاز، سابق ڈی او راجہ نروز خان،جنرل سیکرٹری المصطفیٰ ویلفےئر سوسائٹی راجہ مسعود خان، مولانا غلام رسول قریشی اور دیگر نے کہا کہ شیعہ سنی اتحاد امت مسلمہ کی بقاء ہے۔ہم ہاتھ باندھنے اور کھولنے کے جھگڑے میں پڑے ہوئے ہیں جبکہ دشمن ہمارے ہاتھ کاٹنے کے درپے ہیں۔ہم شیعہ سنی مسلمان ایک دوسرے کے ہاتھوں میں ہاتھ دے کر سب کو پیغام دے رہے ہیں کہ آو ناموس رسالت صلی اللہ علیہ وآلہ وسلم کی خاطر ،عظمت اہلبیت اور احترام صحابہ کرام کی خاطر سب اکتھے ہو کر طاغوت اور استعمار کے مقابلے میں یکجان ہوجائیں ہمارا پیغام محبتیں پھیلانا ،نفرتیں ختم کرنا ہے مجلس وحدت مسلمین عملی طور پر اتحاد بین المسلمین کی داعی ہے ہم تمام مکاتب فکرکے غیور مسلمانوں سے اپیل کرتے ہیں کہ آئیں ہمارے اس کاروان کا حصہ بنیں، اختلافات کو چھوڑ کر امن و وحدت کا پرچارکریں۔ہمارا مقصد امت رسول اقدس ؐ متحد کر کے عظیم طاقت بنانا ہے۔،پنڈال لبیک یا رسول ؐاللہ لبیک یا حسین ؑ کے اشعار گونجتے رہے۔

مقررین نے کہا کہ اہل کشمیر کے دل اہلیان پاکستان کے ساتھ دھڑکتے ہین لیکن پاکستان کے حالات دیکھ کر دل خون کے آنسو روتے بھی ہیں کہ جس محمدرسول اللہ کے نام پر پاکستان حاصل کیا گیا تھا آپ کی تعلیمات کو یکسر نظر انداز کر کہ وطن عزیز میں اندھا قانون نافذ کرنے کی کوشش کی جا رہی ہے جس کے ذریعے ملک میں دہشتگردی قتل وغارتگردی،ٹارگٹ کلنگ کا بازار گرم کیا جارہا ہے مدنی تاجدار کی تعلیمات اسوہ حنسہ اور سیرت طیبہ پر عمل اور باہمی برداشت اور رواداری کے ذریعے ملک کو ان تمام مصائب سے چھٹکارا دلایا جاسکتا ہے۔شیعہ اور سنی اسلام کے دو مضبوط بازو ہیں جو ایک دوسرے کے ساتھ ہی اچھے لگتے ہیں اور انہیں کسی قیمت پر ایک دوسرے سے جدا نہیں کیا جاسکتا ہم حنفی امام اعظم حضرت ابوحنیفہ علیہ الرحمہ کے پیروکار ہیں اور شیعہ بھائی حضرت امام جعفر صادق علیہ الرحمہ کے اور امام الصادق امام اعظم کے استاد تھے اور احترام ومحبت کا یہ عالم تھا کسی نے امام اعظم سے ان کی عمر مبارک کا پوچھا تو آپ نے فرمایا دوسال پوچھنے والے نے تعجب واستفسار کیا تو حضرت نے فرمایازندگی تو فقط وہی دوسال ہیں جو حجرت جعفرصادق کی شاگردگی میں گزرے تو پھر ان بزرگان کے مننے والوں کو بھی باہم مہر ومحبت سے اپنی زندگیاں گزارنی چاہیں اوراتحاد کی جو فضا قائم ہورہی ہے انشاء اللہ پرور آسانیان پیدا کرے گی اختلاف بری چیز نہیں ہمیں علمی طور پرمذاکرے اور علمی مجالس کے انعقاد کرے ذریعے اس فضا کو مزید بہتر بنانا چاہیے اللہ ہمارے اتحاد کو ہمیشہ قائم و دائم رکھے ہم کل کوئٹہ میں پیش آئے دردناک واقعہ کی بھر پور مذمت کرتے اوشہیدرزائرین کے خانوادگان سے مکمل اظہار یکجہتی کرتے ہیں۔

وحدت نیوز(کراچی) مجلس وحدت مسلمین پاکستان کے ڈپٹی سیکر ٹری جنرل علامہ امین شہیدی نے کہا ہے کہ وزیر اعظم میاں نوا ز شریف جراٗت کا مظاہرہ کرتے ہوئے طالبان اور دہشتگردوں کے خلاف فوری آپریشن کا آغاز کریں۔ مصلحت پسندی کے نام پر ملک کے 18کڑورمعصوم عوام کو دہشت گردی کی بھیٹ نہیں چڑھایا جاسکتا۔ طالبان سے مزاکرات شہدائے پاکستان کے خون سے غداری ہے، آپریشن ہی دہشت گردی سے نجات کا واحد حل ہے۔کراچی شیعہ قائدین اور افراد کی ٹارگٹ کلنگ میں ملوث تا حال کسی دہشت گرد کو گرفتار نہیں کیا گیا ۔ ان خیالات کا اظہارانہوں نے منگل کو ایم ڈبلیو ایم کی صوبائی اور ڈویژنل کابینہ کے ہمراہ میڈیا سیل کے دورے پر کیا۔ اس موقع پر علامہ مختار امامی،آصف صفوی، علامہ علی انور،علامہ مبشر حسن،حسن ہاشمی سمیت دیگر بھی ان کے ہمراہ موجود تھے۔

 علامہ امین شہیدی نے کہا کہ پاکستان کی عوام کو سو چھی سمجھی سازش کے تحت پستی کی طرح دھکیلاہ جا رہا ہے، جس کی مکمل ذمہ دار ی ان بزدل حکمرانوں پر عائد ہوتی اس کے بر عکس ملک و اسلام دشمن طالبان دہشت گرد وں کو حکومتی فیصلوں کی کشمکش نے مزید دہشت گردی پھیلانے اور معصوم لوگوں کی جانوں سے کھیلنے کا عندیا دے دیا گیا ہے۔ انہوں نے کہا کہ آپریشن کی سست وری نے طالبان کو مزید مستحکم کر دیا ہے تودوسری جانب ملک میں موجود طالبان نوازجماعتیں بھی اب آزادی سے مملکت کو کھلم کھلا دھمکیاں دے رہی ہیں۔ علامہ امین شہیدی نے کہا کہ اقتدار کے نشے میں ڈوبے حکمرانوں کو اپنی جائیدادوں اور اولادوں کے کھو جانے کا ڈر ہے نہ کے اس ملک کی عوام کا ۔ انہوں نے کہا کہ کراچی آپریشن کے با وجود مظلوم عوام کو ٹارگٹ کلنگ کا نشانہ بنایا جا رہا ہے، جس پر سند ھ حکومت کی نااہلی بھی کسی کے سامنے ڈھکی چھپی نہیں ۔ انہوں نے کہا کہ مہنگائی اور بے روزگاری سے زبوں حال عوام ٹارگٹ کلنگ کے طوق کو گلے میں ڈالے قانون نافذ کرنے والے اداروں کے بے حسی اور ان کی کاسمیٹک انتظامات کا مسلسل شکار ہو رہی ہے۔ علامہ امین شہیدی نے وفاقی اور صوبائی حکومت سے مطالبہ کیا جراٗت مندی کا مظاہرہ کریں اور دہشت گردوں کے خلاف گرینڈ آپریشن کریں تاکہ ان ملک و اسلام دشمن دہشت گردوں سے مملکت خدادا پا کستان کو پاک کیا جاسکے ۔