The Latest
وحدت نیوز(کوئٹہ) چیئرمین مجلس وحدت مسلمین پاکستان سینیٹر علامہ راجہ ناصر عباس جعفری سیکرٹری سیاسیات سید اسد عباس نقوی، ممبر پولیٹیکل کونسل محسن شہریار اور سنی اتحاد کونسل کے چیئرمین و رکن قومی اسمبلی صاحبزادہ حامد رضا آج اپوزیشن جماعتوں کے اہم اجلاس میں شرکت کے لئے کوئٹہ پہنچ گئے ہیں۔
ایئرپورٹ پر علامہ سید ہاشم موسوی، علامہ مقصود علی ڈومکی، علامہ شیخ ولایت حسین جعفری، علامہ سہیل اکبر شیرازی، مولانا وزیر القادری، ارباب لیاقت علی ہزارہ اور علامہ مبشر حسین کی قیادت میں کارکنوں کی بڑی تعداد نے ان کا استقبال کیا۔
علمدار روڈ کوئٹہ پر کارکنوں سے خطاب کرتے ہوئے سینیٹر علامہ راجہ ناصر عباس جعفری نے کہا کہ ارسال رسل کا ہدف قیام عدل و انصاف ہے، قیام عدل و انصاف کے لئے عوام کی بیداری شعور اور ساتھ ضروری ہے،انہوں نے کہا کہ غزہ آج صبر و استقامت کی عملی تصویر بنا ہوا ہے، غزہ کے صبر و استقامت نے اقوام عالم کو ورطہ حیرت میں ڈال دیا ہے، ایمان اور اللہ پر توکل اھل ایمان کا سرمایہ ہے، غزہ کی استقامت ایمان اور اللہ پر توکل کا ثمر ہے، عوام کی خدمت ھدایت اور لوگوں کو خداوند متعال کی طرف رہنمائی کرنا ہمارا ھدف ہے، اھل حق کو حق و صداقت کے پیغام کے ساتھ اظہارِ وجود کرنا چاہیے کہ ہم باطل کے خلاف کھڑے ہیں میدان میں ہیں پانچ سو ہوں یا پانچ، میدان میں حاضر ہیں، ہم شیعہ سنی مل کر پاکستان کی تعمیر و ترقی اور استحکام کا سفر طے کریں گے۔سینیٹر علامہ راجہ ناصر عباس جعفری ایک وفد کے ہمراہ آج اپوزیشن جماعتوں کے اہم اجلاس میں شرکت کریں گے جبکہ کل ایک جلسہ عام سے خطاب کریں گے۔
وحدت نیوز(لاہور) صدر مجلس وحدت مسلمین صوبہ پنجاب علامہ علی اکبر کاظمی نے اپنے ایک اعلامیہ میں گزارش کی ہے کہ ہرسال 8 شوال المکرم یوم انہدام جنت ملک بھر میں احتجاج کے طور پر منایا جاتا ہے ۔ یہ وہ دن ہے جس دن پانچ معصوم ہستیوں (حضرت فاطمتہ زہراء (س) دختر پیغمبر اسلام (ص) ، حضرت امام حسن مجتبی (ع) ، حضرت امام زین العابدین (ع) ، حضرت امام محمد باقر (ع) ،حضرت امام جعفر صادق ( ع) کے روضوں ، دیگر اسلام کی برجستہ ترین شخصیات ،حضرت ام البنین مادر حضرت عباس علمدار(س) اصحاب (ر) رسول اللہ صلی اللہ علیہ وآلہ وسلم ، ازواج مطہرات (ر) کے مزارات اور دیگر آل ہاشم خاندان کی قبور کو مسمار کیا گیا تھا ،پوری دنیا میں تمام عاشقان اہل بیت (ع) اس دن کو یوم انہدام جنت البقیع کے طور پر اپنے اپنے علاقوں میں بھرپور طریقے سے مناتے ہیں ۔ لہذا شوری مرکزی کے فیصلے کی روشنی میں اس سال بھی 17اپریل بروز بدھ تمام ضلعی سطح پر بھرپور طریقے سے احتجاج کرنے کا کہا گیا ۔
1.سمینار کی صورت میں 2.کانفرنس کی صورت میں3 . آپس میں ڈسکشن کی صورت میں 4. ریلیاں نکال کر 5-ہینڈ بلز پرنٹ کراکر 6.اپنے ضلع کے علمائے کرام سے رابطہ کر کے گزارش کی جائے کہ وہ عوام کو اس جانب متوجہ کریں اور یاددہانی کرائیں ۔تمام ضلعی صدور کی خدمت میں گزارش ہے کہ اپنے اپنے ضلع میں جہاں تک ممکن ہو احتجاج ریکارڈ کرائیںاور اس کی 2 سے 3 پکچرز ضرور صوبائی شوری کے گروپ میں شیئر کریں ۔آپ کے اس اقدام سے ممکن ہے حکمرانوں کے ضمیر بیدار ہوں اور آپ کی آواز کی بدولت آل رسول صلی اللہ علیہ وآلہ وسلم کے مزارات دوبارہ تعمیر ہو سکیں ۔ صرف توجہ کی ضرورت ہے ۔ مولا آپ کی خالصانہ کاوشوں کو اپنی بارگاہ میں قبول فرمائے ۔ آمین ۔
وحدت نیوز(لاہور) عید کی خوشیوں میں اپنے آس پاس سب کو شامل کریں اور بالخصوص فلسطین کے مظلوموں کو ہرگز نہ بھولیں کچھ نہ کرسکے تو ان کے لئے دعا ضرور کریں ۔ لاہور کی معروف سماجی شخصیت سیٹھ عدنان نے 29 ماہ رمضان المبارک کو لاہور کی سیاسی مذہبی اور سماجی شخصیات کے اعزاز میں افطار ڈنر دیا ۔
جس میں لاہور کی سرکردہ سیاسی ،مذہبی وسماجی شخصیات نے شرکت کی ۔ صوبائی سیکرٹری سیاسیات مجلس وحدت مسلمین پاکستان صوبہ پنجاب جناب سید حسین زیدی ، جناب عمران علی شیخ صوبائی سیکرٹری فلاح و بہبود مجلس وحدت مسلمین صوبہ پنجاب ،جناب فصاحت علی بخاری صوبائی سیکرٹری مالیات مجلس وحدت مسلمین صوبہ پنجاب ،جناب نجم عباس خان ضلعی صدر مجلس وحدت مسلمین ضلع لاہور ،جناب حاجی امیر عباس سماجی شخصیت و فرزند جناب حیدر علی مرزا ، جناب آفتاب علی ہاشمی سنیئر نائب صدر مجلس وحدت مسلمین ضلع لاہور جناب نقی مھدی ضلعی جنرل سیکرٹری مجلس وحدت مسلمین ضلع لاہور اور کاروباری وسماجی معروف شخصیت جناب علی مھدی نے بھی شرکت کی ۔
سیٹھ عدنان نے تمام مہمانوں کا افطار ڈنر میں شرکت کرنے کا شکریہ ادا کیا ۔عید کی خوشیوں میں اپنے آس پاس سب کو شامل کریں اور بالخصوص فلسطین کے مظلوموں کو ہرگز نہ بھولیں کچھ نہ کرسکے تو ان کے لئے دعا ضرور کریں ۔ شکریہ ۔
وحدت نیوز(اسلام آباد)چیئرمین ایم ڈبلیوایم پاکستان سینیٹر علامہ راجہ ناصرعباس نے اپنے ٹوئٹر اکاؤنٹ سے جاری بیان میں کہا ہے کہ ہمارے ادارے اگر ماضی میں آئین و قانون کی بالادستی کو مقدم رکھتے اور شخصیات کی پیروی کرنے کی بجائے آئین و قانون کا احترام کرتے تو آج سانحہ بہاولنگر جیسی صورتحال کا سامنا نہ کرنا پڑتا۔پاکستان کی تباہی کی سب سے بڑی وجہ آئین کی بجائے"طاقت ور ڈکٹیشن" پر عمل درآمد ہے۔ریاستی اداروں سے وابستہ ہر شخص کو یہ بات ذہن نشین رکھنی ہو گی کہ وہ کسی شخصیت کے ذاتی تنخواہ دار نہیں بلکہ ملک و قوم کے ذمہ دار فرد ہیں۔ انہیں کسی کا آلہ کار نہیں بننا۔نو مئی کے واقعہ کے بعد جس طرح چادر، چاردیواری کا تقدس پامال کیا گیا۔
انہوں نے مزید کہا کہ پولیس نے ظلم کی غیر معمولی مثالیں رقم کیں۔خواتین کے ساتھ انسانیت سوز مظالم روا رکھے گے۔ لاقانونیت اور اختیارات سے تجاوز اور ظلم و تشدد کے وہ حربے استعمال کیے گئے کہ عالمی ذرائع ابلاغ پنجاب کو کشمیر و فلسطین کے ساتھ تشبیہ دینے لگ گئے۔پنجاب پولیس کے یہ سارے اقدامات ملک و قوم کے ساتھ بدترین زیادتی اور اپنے پیشہ وارانہ فرائض کے ساتھ سنگین خیانت تھی۔بہاول نگر میں ریاستی املاک پر حملہ کرنے والوں کو بھی قانون کے شکنجے میں لایا جائے جو خود کو ریاست کے ہر قانون سے بالاتر سمجھتے ہیں اور جب جہاں چاہیں اپنی طاقت کا لوہا منوانے پہنچ جاتے ہیں۔اب اس تاثر کو زائل کیا جانے چاہیے کہ قانون،طاقتور طبقے کے گھر کی لونڈی بنا ہوا ہے۔
وحدت نیوز(جیکب آباد) مجلس وحدت مسلمین پاکستان کے مرکزی سیکرٹری تنظیم سازی علامہ مقصود علی ڈومکی نے کہا ہے کہ ہم اپنی عید کو فلسطین اور غزہ کے مظلوموں سے منسوب کرتے ہیں۔ انکا کہنا تھا کہ مجلس وحدت مسلمین پاکستان کے سربراہ علامہ راجہ ناصر عباس جعفری ایوان بالا سینٹ میں پاکستان کے مظلوم عوام کی آواز بنیں گے۔ یہ بات انہوں نے جیکب آباد عیدگاہ میں نماز عید کے موقع پر خطاب کرتے ہوئے کیا۔ نماز عید کے اجتماع سے خطاب کرتے ہوئے علامہ مقصود علی ڈومکی نے کہا کہ جو دن اللہ تعالیٰ کی اطاعت اور بندگی میں گزرے وہ عید کا دن ہے۔ اللہ تعالیٰ کا شکر ادا کرتے ہیں جس نے ہمیں ایک مہینہ اپنی اطاعت اور بندگی روزے اور تلاوت قرآن کریم کی توفیق دی۔
انہوں نے کہا کہ ہم اپنی عید کو فلسطین اور غزہ کے مظلوموں سے منسوب کرتے ہیں۔ فلسطین میں جاری ظلم و بربریت پر ہم غمزدہ ہیں اور اسرائیلی ظلم و بربریت پر احتجاج کرتے ہیں۔ امریکہ فلسطین میں جاری اسرائیلی جارحیت میں شریک جرم ہے۔ بدترین دہشت گردی کے باوجود اسرائیل اپنے اہداف حاصل کرنے میں مکمل طور پر ناکام رہا ہے۔ انہوں نے کہا کہ مجلس وحدت مسلمین پاکستان کے سربراہ علامہ راجہ ناصر عباس جعفری ایوان بالا سینٹ میں پاکستان کے مظلوم عوام کی آواز بنیں گے۔ آئین و قانون کی بالادستی اور ملکی عزت وقار اور خودمختاری کے لئے علامہ راجہ ناصر عباس جعفری کی جدوجہد لائق صد تحسین ہے۔ علامہ مقصود ڈومکی نے علامہ راجہ ناصر عباس جعفری کی کامیابی پوری قوم کو مبارک دی۔
وحدت نیوز(جیکب آباد)مجلس وحدت مسلمین پاکستان کے مرکزی سیکرٹری تنظیم سازی علامہ مقصود علی ڈومکی نے کہا ہے کہ نو منتخب سینٹر محمد اسلم ابڑو سے ملاقات کی اور انہیں سینٹر منتخب ہونے پر مبارکباد دیتے ہوئے امید ظاہر کی کہ وہ ضلع جیکب آباد کے عوامی مسائل کے حل کے لئے اپنا کردار ادا کریں گے۔ اس موقع پر گفتگو کرتے ہوئے علامہ مقصود علی ڈومکی نے کہا کہ جیکب آباد، کشمور، شکار پور کے اضلاع میں امن و امان کی صورتحال تشویشناک ہے۔ چوری، ڈاکے اور اغواء برائے تاوان کی وارداتوں کے باعث شہری پریشان ہیں۔ آپ قیام امن کے سلسلے میں اپنا کردار ادا کریں۔ اس موقع پر گفتگو کرتے ہوئے سینیٹر محمد اسلم ابڑو نے مبارک باد دینے پر علامہ مقصود علی ڈومکی کا شکریہ ادا کرتے ہوئے کہا کہ جیکب آباد اور اطراف کے اضلاع میں قیام امن کے سلسلے میں متعلقہ ذمہ داران سے بات کروں گا۔ عوامی مسائل کا حل میری ترجیح ہے۔ ملاقات میں مجلس علمائے مکتب اہل بیت ضلع جیکب آباد کے صدر مولانا سیف علی ڈومکی ایم ڈبلیو ایم کے ضلعی رہنماء نثار احمد ابڑو حمزہ خان و دیگر موجود تھے۔
وحدت نیوز(کوئٹہ)صدر مجلس وحدت مسلمین شعبہ خواتین سیدہ معصومہ نقوی نے اپنے دورہ کوئٹہ کے دوران تین سالہ تنظیمی مدت کے اختتام پر نئ کوئٹہ علمدار روڈ کی نئی مسئولین کا انتخاب کیا جس میں محترمہ کنیز زہرا صدر جبکہ صائمہ بتول ایم ڈبلیو ایم شعبہ خواتین علدار روڈ کی نائب صدر منٹخب ہوئین مرکزئ صدر دونوں ذمہ داران سے حلف لیا اور آئندہ تین مہینے میں بھرپور یونٹ سازی کرنے کی تاکید کی ۔
وحدت نیوز(کوئٹہ)ایم ڈبلیو ایم شعبہ خواتین کوئٹہ کی جانب سے صوبائی دفتر مجلس وحدت مسلمین کوئٹہ میں الوداعی ادعیہ ماہ رمضان کا انعقاد کیا گیا جس کا آغاز صدر مجلس وحدت مسلمین شعبہ خواتین پاکستان خانم معصومہ نقوی نے دعائیہ کلمات سے کیا اور دعا کے بعد سیرت آئمہ (اامام موسی کاظم علیہ السلام ) کے بارے میں درس دیا جبکہ علامہ مہدی کاظمی صاحب نے مفہوم دعائے جوشن کبیر اور صفات الہی کے بارے میں خواتین سے خطاب کیا ۔
اس نشست کے اختتام پر مجلس وحدت المسلمین شعبہ خواتین ہزارہ ٹاون کی کابینہ کے تین سالہ مدت ختم ہونے پر مرکزی صدر خانم معصومہ نقوی نے نو منتخب صدر محترمہ مرضیہ صالحی اور نائب صدر محترمہ سکینہ علی سے حلف لیا محترمہ معصومہ نقوی نے نو منتخب مسئولین کو مبارکباد پیش کی
وحدت نیوز(لاہور)مجلس وحدت مسلمین پاکستان ضلع لاہور اور وحدت یوتھ پاکستان کے باہمی اشتراک سے نادار فیملیز کو عید کی خوشیوں میں شامل کرنے کا احسن اقدام مجلس وحدت مسلمین ضلع لاہور اور وحدت یوتھ پاکستان نے ملکر ان فیملیز کے لئے جو عید فطر کے پر مسرت موقعہ پر ناداری کی وجہ سے اپنے بچوں کے پریشان حال تھے ،ان کو خوشیوں میں شامل کرنے کے لئے ایک احسن اقدام اٹھایا ہے اور ان فیملیز میں ملبوسات کے جوڑے ،جوتے اور بچوں کے لئے مخصوص پیک بنا کر تقسیم کیے ہیں ۔
مجلس وحدت مسلمین پنجاب کے صوبائی سیکرٹریٹ میں ضلعی صدر مجلس وحدت مسلمین ضلع لاہور جناب نجم عباس خان اور ضلعی صدر مجلس وحدت مسلمین پاکستان یوتھ ونگ ضلع لاہور جناب نقی حیدر نے عیدی کا خریدا گیا سامان فیملیز میں تقسیم کیا ۔ جناب نقی مھدی جنرل سیکرٹری مجلس وحدت مسلمین پاکستان ضلع لاہور ،جناب آفتاب علی ہاشمی سنیئر ضلعی صدر مجلس وحدت مسلمین ضلع لاہور ،جناب رانا کاظم علی نائب صدر مجلس وحدت مسلمین پاکستان ضلع لاہور اور جناب سید فخر حسنین رضوی ایڈووکیٹ ضلعی صدر مجلس وحدت مسلمین پاکستان ضلع لاہور عزاداری ونگ بھی اس موقعہ پر موجود تھے ۔
وحدت نیوز(لاہور) مجلس وحدت مسلمین شعبہ خواتین کی مرکزی صدر سیدہ معصومہ نقوی نے عید الفطر کے پر مسرت موقع پر اپنے پیغام میں کہا کہ رمضان کا مقصد مسلمان کے اندر تقویٰ کی صفت پیدا کرنا ہےاور ایک مہینے میں ایسی تربیت حاصل کرنا ہے جس کا اثر سال کے باقی دنوں میں بھی نظر آئے، عید کا مقصد بے جا خوشی اور خرافات نہیں بلکہ یہ دن خدا کے شکر و عبادت اور اپنے خالق سے اپنا تعلق مضبوط بنانے کادن ہے۔
ان کا کہنا تھا یہ اسلامی تہوار درصل اجتماعیت کا مظہر اور باہمی اتحاد و یکجہتی کی علامت ہے عید الفطر کے موقع پر مسلمانوں پر خدا کی طرف سے یہ ذمہ داری عائد ہے کہ اپنی خوشیوں میں تمام عزیز و اقرباء ،دوست احباب کے ساتھ ساتھ معاشرے کے غریب طبقے کا خیال رکھیں اپنی خوشیوں میں انھیں ہرگز نظر انداز مت کریں۔
ان کا کہنا تھا اس وقت دنیا کے ہر درد دل رکھنے والے باضمیر مسلمان پر غم کی کیفیت طاری ہے فلسطین میں ہمارے مسلمان بہن بھائی اسرائیلی حارحیت کا نشانہ بنایاجا رہے ہیں ، ہزاروں معصوم بچوں کی شہادتوں سے دل خون کے آنسو رو رہا ہے رسول خدا صل اللہ علیہ وآلہ وسلم کی حدیث کے مطابق تمام امت مسلمہ جسد واحد کی طرح ہے جس کا ایک حصہ تکلیف میں ہو تو باقی جسم بھی اس درد اور اذیت کو محسوس کرتا ہے فلسطینی ماوں بہنوں اور بچوں کے ساتھ اظہار یکجہتی کرتے ہوئے عید سادگی سے منائیں اور ان کے حق میں دعا کریں ان شاء اللہ کہ ظہور امام زمان عج کے ساتھ کل مستضعفین و مظلومین کو غلبہ و قوت عطا ہوگی ۔
