The Latest

وحدت نیوز(اسلام آباد) چیئرمین مجلس وحدت مسلمین پاکستان علامہ راجہ ناصرعباس جعفری نے کراچی سے مبینہ طور پر اغواء ہونے والی بچی دعا زہرا کیس کے حوالے سے اپنی شدید تشویش کا اظہار کیا ہے۔

 سماجی رابطے کی ویب سائٹ ٹوئٹر پر جاری اپنے پیغام میں انہوں نے کہا کہ دعا زہرا کے والدین کو بیٹی سے ملنے نہ دینا قانون،شریعت اور اخلاقیات کے برعکس ہے۔بیٹیاں سب کی سانجھی ہوتی ہیں۔

انہوں نے کہا کہ سندھ پولیس کا اغوا کاروں کوتحفظ فراہم کرنا،بیٹی اور والدین کی ملاقات میں مسلسل دیوار بنے رہنا متعدد سوالات کھڑے کررہا ہے۔انہوں نے مطالبہ کیا کہ خاندانوں کو تباہی سے بچانے میں ریاست کردار ادا کرے۔

وحدت نیوز(کراچی)دعا کمیٹی و صوبائی سیکریٹریٹ مجلس وحدت مسلمین پاکستان سندھ کے زیر اہتمام محفل شاہ خراسان روڈ پر ھفتہ وار اجتماعی دعائے توسل کا انعقاد، دعا کی تلاوت کا شرف مولانا غلام مرتضیٰ مطہری نے حاصل کیا ۔دعائیہ پروگرام میں مومنین و مومنات نے شرکت کی.اس موقع پر ایم ڈبلیو ایم کے صوبائی رہنما برادر ناصر حسینی نے بی جے پی رہنما نوپور شرما کی جانب سے رسول خداؐ کی ذات اقدس کو نشانہ بنانے کی شدید الفاظ میں مذمت کرتے ہوئے اسے مسلمانوں کے خلاف سوچی سمجھی سازش قرار دیا ۔ انہوں نے امام خمینی  کی 33 ویں برسی کی مناسبت سے گفتگو کرتے ہوئے کہا کہ امام خمینی کی رحلت مسلمانوں کے لئے گزشتہ صدی کا سب سے بڑا نقصان تھا۔

انہوں نے کہا کہ امام خمینی نے حریت پسندی،بیداری،شعور ،تحرک ،خوداعتمادی،خدا پرستی اور آخرت پر ایمان اور دیگر جذبات کو  مسلمانوں کے درمیان اجاگر کیا ،جسے دنیا بھول چکی تھی ۔ امام خمینی کی کوششوں کے باعث آج شرق و غرب میں استعمار مخالف بیداری پھیل چکی ہے ۔ امام کا پیغام مظلوموں کے لئے مشعل راہ ثابت ہوا ۔آج افریقہ کی فضائیں امام کے پیغام سے گونج اٹھی ہے ۔ اس موقع پر آئندہ منگل 14 جون دعائے توسل کے پروگرام میں دسترخوان امام علی رضاؑ کا اعلان کیا گیا۔پروگرام میں مشہور منقبت خواں حضرات منظوم نذرانہ عقیدت پیش کریں گے ۔ دعا کے اختتام پر امام خمینی ،مرحوم مولانا آغا جعفر نقوی اور شہدائے ملت جعفریہ کے لئے فاتحہ خوانی کی گئی۔

وحدت نیوز(اسلام آباد)مجلس وحدت مسلمین کے مرکزی سیکرٹریٹ میں ملی یکجہتی کونسل کے مرکزی قائدین کااہم اجلاس منعقد ہوا جس میں پاکستانی صحافی کے دورہ اسرائیل اور نبی کریم صلی اللہ علیہ والہ وسلم کی شان میں بھارتی جنتا پارٹی کے ترجمان کی گستاخی کے خلاف مشترکہ اعلامیہ پیش کیا گیا۔ مجلس وحدت مسلمین پاکستان کے چیئرمین علامہ راجا ناصر عباس نے کہا کہ امت مسلمہ کا ہر فرد ناموس رسالت کا محافظ ہے۔بھارتی جنتا پارٹی کا متعصبانہ طرز عمل سب پر آشکار ہے۔اس نے مسلمانوں کے دل زخمی کئے ہیں۔اس پر امت مسلمہ کو شدید ردعمل کا مظاہرہ کرنا چاہئے۔توہین رسالت کی اس گستاخی پر بھار ت کی معذرت کافی نہیں۔گستاخی کے مرتکب کو عبرت ناک سزا ملنی چاہئے تاکہ ایسا کرنے کی آئندہ کوئی جرات نہ کرے۔

انہوں نے کہا قبلہ اول کی حمایت میں شیعہ سنی موقف یکساں ہے۔قبلہ اول پر کوئی آنچ نہیں آنے دی جائے گی۔اسرائیلی حکومت کے شدید جبر اور ظلم کے باوجود فلسطینی اپنے موقف پر ڈٹے ہوئے ہیں۔کامیابی ان کے حصے میں آتی ہے جو میدان میں جم کر کھڑے ہونا جانتے ہیں۔فلسطین صرف فلسطینیوں کا ہے۔طاقت کے بل بوتے پر کوئی دوسرا اس پر قابض نہیں ہو سکتا۔

انہوں نے کہا کہ اسرائیل سے تعلقات کی باتیں عالمی سازش کا حصہ ہے۔پاکستانی پاسپورٹ پر اسرائیل کا سفر کرنے کی اجازت نہیں۔ اسرائیل کا دورہ کرنے والے پاکستانی شہری کی شہریت منسوخ کر کے اسے گرفتار کیا جائے۔بانی پاکستان قائد اعظم محمد علی جناح اور علامہ اقبال نے فلسطینوں سے اظہار یکجہتی کیا۔پاکستان کے کسی حکمران کو یہ حق حاصل نہیں کہ وہ اسرائیل کی ناجائز ریاست کو تسلیم کرے۔ کشمیرو فلسطین کی آزادی کے لیے ہر سطح پر آواز بلند کی جانی چاہئے۔

جماعت اسلامی کے رہنما لیاقت بلوچ نے کہا کہ ملی یکجہتی کونسل پاکستان کی تمام دینی جماعتوں کا مشترکہ پلیٹ فارم ہے۔امن و وحدت کے فروغ کے لیے کام کرنا ہماری اولین مشن ہے۔اسرائیل و بھارت کے مسئلہ پر ایران و سعودی عرب سمیت مسلم ممالک کے سفارت کاروں سے بات کی جائے گی۔بھارت کی شدت پسند حکمران جماعت اقلیتوں کے لیے اذیت بنی ہوئی ہے۔بھارتی جنتا پارٹی کے بیان نے بھارت کا نام نہاد سیکولر چہرہ بے نقاب کر دیا ہے۔عالم اسلام سے مطالبہ کرتے ہیں کہ دین اسلام کی حفاظت کے لیے متحد ہوکر اقدامات کئے جائیں۔ اسرائیل کے شیطانی موقف کی مذمت اور فلسطینیوں کی بہادری و استقامت کو سلام پیش کرتے ہیں۔امت مسلمہ کا یہ فرض سمجھتے ہیں کہ وہ فلسطین کی آزادی کے لیے متحرک ہوں۔

پریس کانفرنس میں ملی یکجہتی کونسل کے سیکرٹری جنرل لیاقت بلوچ ،چیئر مین مجلس وحدت مسلمین علامہ راجہ ناصر عباس جعفری ،کونسل کے ڈپٹی سیکرٹری جنرل سید ثاقب اکبر ،جمعتی علمائے پاکستان کے سیکرٹری جنرل سید صفد گیلانی ،اسلامی تحریک کے نائب صدر علامہ عارف حسین واحدی ،سیکرٹری جنرل مجلس وحدت مسلمین سید ناصر شیرازی، ڈاکٹر طارق سلیم سمیت جعفر نقو ی بھی شریک تھے۔

وحدت نیوز(اسلام آباد) چیئرمین مجلس وحدت مسلمین پاکستان علامہ راجہ ناصرعباس جعفری نے علامہ مقصود علی ڈومکی کو ایم ڈبلیوایم کا مرکزی سیکریٹری امور تنظیم سازی مقرر کردیا ہے ۔

علامہ راجہ ناصرعباس جعفری کی منظوری کے بعد علامہ مقصود ڈومکی کی بحیثیت مرکزی سیکریٹری امور تنظیم سازی تقرری کا باقائدہ نوٹیفکیشن مرکزی سیکریٹریٹ سے جاری کردیا گیا ہے ۔

واضح رہےکہ علامہ مقصودڈومکی کا آبائی تعلق سندھ کے ضلع جیکب آباد سے ہے ، وہ جیکب آباد اور کوئٹہ میں دینی مدارس کے مسئول بھی ہیں، اس سے قبل وہ ایم ڈبلیوایم صوبہ بلوچستان اور سندھ کے صوبائی صدراور مرکزی کابینہ میں ترجمان کی حیثیت سے فرائض انجام دے چکے ہیں۔

علامہ مقصودڈومکی انتہائی فعال علمائے کرام میں شمارکیئے جاتے ہیں اور پورے ملک میں مسلسل دورہ جات میں مصروف عمل رہتے ہیں ان کی تقرری سے ایم ڈبلیوایم کی ملک بھر میں تنظیم سازی میں مزید بہتری آئے گی۔

وحدت نیوز(لاہور) رکن پنجاب اسمبلی اور مجلس وحدت مسلمین پاکستان کے مرکزی رہنما سید زہرا نقوی نے بڑھتی ہوئی مہنگائی کیخلاف پنجاب اسمبلی میں قرار داد جمع کروا دی۔ قرارداد میں سیدہ زہرا نقوی کا کہنا ہے کہ یہ ایوان پیٹرولیم مصنوعات کی قیمتوں میں اضافے کے بعد گھی کی قیمتوں میں ہوشربا اضافے کی شدید الفاظ میں مذمت کرتا ہے، یہ ایوان قرار دیتا ہے کہ موجودہ حکومت ملک میں مہنگائی کی نئی لہر کو روکنے کیلئے کوئی اقدام نہیں کررہی، جس سے عام آدمی کی مشکلات میں مزید اضافہ ہو رہا ہے۔

انہوں نے کہا کہ اس مقدس ایوان کی رائے ہے کہ اگر حکومت عام آدمی کو ریلیف فراہم نہیں کر سکتی تو فی الفور اسمبلیوں کو ختم کرکے ملک میں عام انتخابات کا اعلان کرے۔ زہرا نقوی نے قراردا میں مزید کہا کہ یہ ایوان سمجھتا ہے کہ ملکی مسائل کا حل صرف اور صرف شفاف انتخابات کا انعقاد ہی ہے۔ انہوں نے کہا کہ نئی اور منتخب حکومت ہی ملک و قوم کیلئے مفید پالیسیاں تشکیل دے سکتی ہے، بیساکھیوں پر کھڑی اتحادی حکومت عوام کے مسائل حل کرنے کا مینڈیٹ  نہیں رکھتی، جس کی وجہ سے عوام مشکلات کا شکار ہو رہے ہیں۔

وحدت نیوز(اسلام آباد)مجلس وحدت مسلمین پاکستان اور پاکستان تحریک انصاف کی اعلیٰ قیادت کے درمیان اسلام آباد میں اہم ملاقات ہوئی ہے۔

سابق وفاقی وزیر ڈاکٹر شیریں مزاری کی رہائش گاہ پر ہونے والی اس ملاقات میں سابق وزیر خارجہ اور پاکستان تحریک انصاف کے وائس چیئرمین شاہ محمودقریشی، ایم ڈبلیوایم کے مرکزی جنرل سیکریٹری سید ناصرشیرازی ، مرکزی پولیٹیکل سیکریٹری اسدعباس نقوی اور محسن شہریار شریک تھے۔

دونوں جماعتوں کے درمیان موجودہ ملکی سیاسی صورتحال، مسقبل میں باہمی تعاون اور مشترکہ لائحہ عمل کے حوالے سے تفصیلی تبادلہ خیال کیا گیا۔بعد ازاں شاہ محمود قریشی نے میڈیا سے گفتگو کرتے ہوئے کہا کہ چیئرمین عمران خان سے آج ہونے والی ملاقات میں ایم ڈبلیوایم کے قائدین کا پیغام پہنچاؤں گا۔

وحدت نیوز(اسلام آباد) مجلس وحدت مسلمین پاکستان کے چیئرمین علامہ راجہ ناصرعباس جعفری نے آئندہ تین سال کیلئے اپنی کابینہ کے اراکین کے ناموں کا مرحلہ وار اعلان شروع کردیا ہے ۔

پہلے مرحلے میں مرکزی وائس چیئرمین علامہ سید احمد اقبال رضوی کی تقرری کے بعد سید ناصرعباس شیرازی کو ایم ڈبلیوایم کا مرکزی جنرل سیکریٹری اور اسدعباس نقوی کو سیکریٹری پولیٹیکل افیئرزمقررکردیا گیا ہے۔

علامہ راجہ ناصرعباس جعفری کی جانب سے تینوں نئے مرکزی عہدیداران کی تقرری کا باقائدہ نوٹیفکیشن مرکزی سیکریٹریٹ سے جاری کردیا گیا ہے۔

وحدت نیوز(قم)مجلس وحدت مسلمین پاکستان کے مرکزی رہنماء اور مجلس علماء امامیہ پاکستان کے سربراہ علامہ ڈاکٹر سید شفقت حسین شیرازی نے امام خمینیؒ کی برسی کے ایام کی مناسبت سے تہران میں منعقدہ بین الاقوامی کانفرنس میں شرکت اور خطاب کیا۔

اس موقع پر انہوں نے حضرت امام خمینیؒ کی ذات کے مختلف پہلووں پر روشنی ڈالتے ہوئے کہا کہ امام خمینی ؒ نے ظالم و ظلم کے خلاف قیام کے انبیاء کے مقصد کو پورا کیا اور معاشرے میں عدل الٰہی کے قیام کی ایک عظیم تحریک چلائی۔ ڈاکٹر سید شفقت حسین شیرازی نے اپنے خطاب میں کہا کہ امام خمینیؒ انسانی معاشرے کو عزت و کرامت انسانی کی طرف دعوت اور غلامی سے نجات دلانے کے لیے انقلاب لائے اور انہوں نے کامیاب انقلاب سے دنیا بھر کے حریت پسندوں کے سامنے ایک شاندار نمونہ پیش کیا ہے۔ امام خمینی ؒ نے جہاں دنیا کے حریت پسندوں کو غیر اللہ کی غلامی سے نجات کی امید دلائی، وہیں رائج سیاست میں یہ اصول بھی واضح کر دیا کہ سب طاقتوں سے بڑی صرف اللہ تعالیٰ کی قدرت اور طاقت ہے اور اسلام کا شعار لا الہ الا اللہ کے مفہوم کو اجتماع میں قابل عمل و نفاذ بنا کر پیش کیا۔

انہوں نے مزید کہا کہ امام خمینیؒ نے مسلمانوں کو شعور دیا کہ دشمن آپ کا مال و ثروت ہتھیانے کے لیے آپ پر غلام مسلط کرتا، مذہبی تفرقے کا سہارا لیتا اور شیعہ سنی و دیگر مذہبی فتنے ایجاد کرتا ہے۔ امام خمینی ؒ نے اتحاد بین المسلمین کی عملی دعوت دی اور اس سلسلے میں ہفتہ وحدت، اہل سنت کے ساتھ نماز باجماعت میں شرکت، اہل سنت کے مقدسات کی توہین کی ممانعت جیسے مثالی اعلان فرمائے اور مسلمانوں کو ایک پلیٹ فارم پر اکٹھا کر دیا۔ دشمن چاہتا تھا کہ امت مسلمہ کا سب سے اہم مسئلہ فلسطین فراموشی کے سپرد ہو جائے، دشمن نے مسئلہ فلسطین کے اکثر فریقوں کو لالچ، دھمکی و دیگر حربوں سے جھکنے پر مجبور کر دیا اور انہیں ذلت آمیز معاہدے تسلیم کرنے پر وادار کر دیا، لیکن امام خمینیؒ نے انقلاب کی کامیابی کے بعد پہلا شعار یہ بلند کیا کہ الیوم ایران غدا فلسطین یعنی آج ایران آزاد کروایا ہے، کل فلسطین آزاد کروائیں گے۔ امام خمینیؒ نے فلسطینی مزاحمت کی مدد کے لیے وجوہات شرعیہ دینے کے جواز کا فتویٰ دیا۔

علامہ ڈاکٹر سید شفقت حسین شیرازی نے کہا کہ یہ امام ہی تھے، جنہوں نے تہران میں اسرائیلی سفارت خانہ بند کرکے اس کی عمارت فلسطینی اتھارٹی کو دے دی اور اس پر فلسطین کا پرچم لہرا دیا۔ امام خمینی ؒ نے مسئلہ فلسطین کو زندہ رکھنے کے لیے یوم القدس کا اعلان کیا، جس نے مسئلہ بیت المقدس کو ایک عالمی تحریک میں بدل دیا۔ اگرچہ آج امام خمینیؒ ہم سے جدا ہوگئے ہیں، لیکن آج بھی ہمارے دلوں اور وجدان میں زندہ ہیں۔ امام خمینیؒ کے خلف الصالح حضرت امام خامنہ ای، امام خمینی ؒ کا منہج اور آفاقی فکر ہمارے درمیان زندہ ہے۔ انہوں نے کہا کہ امام خمینیؒ کا منہج اور فکر آج ہمیں فلسطین، شام، لبنان اور یمن سمیت دنیا کے کئی ایک خطوں میں عملی ہوتی نظر آرہی ہے۔ امام کے مکتب کے شاگرد ان شاء اللہ اس آفاقی فکر کے پرچم کو ہمیشہ بلند رکھیں گے اور حق و باطل کے اس معرکے میں ان شا اللہ کامیاب ہوں گے۔ کانفرنس میں نامور ایرانی دانشوروں اور حکام سمیت اہم بین الاقوامی رہنماوں نے شرکت کی۔

وحدت نیوز(اسلام آباد)مجلس وحدت مسلمین پاکستان کے چیئرمین علامہ راجہ ناصر عباس جعفری نے بھارت کی حکمران سیاسی جماعت بھارتی جنتا پارٹی کے ترجمان کی طرف سے نبی کریم ۖ کی شان میں گستاخانہ کلمات پر شدید ردعمل کا اظہار کیا ہے۔انہوں نے کہا کہ تمام مسلم ممالک کو بھارت کے ساتھ تجارتی و سفارتی تعلقات فوری طور پر منقطع کر کے ختمی مرتبت حضرت محمد ۖ سے اپنے عشق و مودت کو واضح کرنا ہو گا۔مسلمانوں کے خلاف زہر اگلنے والی بھارتی حکومت  نے اب دین اسلام اوراس کی بنیادوں پر حملہ کرنا شروع کر دیا ہے۔اگر دنیا بھر کے مسلمان بھارتی مصنوعات کا مکمل طور پر بائیکاٹ کریں تو بہت مودی حکومت کی تباہی کا آغاز بھارت کے اندر سے شروع ہو جائے گا۔

انہوں نے کہا کہ آزادی اظہار رائے کی آڑ میں کسی کے مذہبی جذبات کو مجروح کرنے کا کسی کو حق حاصل نہیں۔ متعصبانہ سوچ کی بنیاد پر تاریخ کو مسخ  اور باعظمت شخصیات کی توہین کرنے کی کسی کو قطعاََ اجازت نہیں دی جا سکتی۔انہوں نے کہا نریندرا مودی کی طر ح اس کی جماعت کے اراکین بھی بیمار ذہنیت کے حامل ہیں۔مسلم ممالک کی یہ ذمہ داری بنتی ہے کہ وہ بھارت کے خلاف عالمی سطح پر موثر انداز میں اپنی آواز بلند کریں اور اس کا معاشی مقاطعہ کر کے سزا دی جائے۔نبی کریم ۖ کی شان میں گستاخی بھارت کا ناقابل معافی جرم ہے ہر کلمہ گو پر واجب ہے کہ وہ بھارت سے نفرت کا اظہار کرتے ہوئے اس کی مصنوعات کا بائیکاٹ کر کے اس کی سزا میں اپنا حصہ ڈالے۔انہوں نے پاکستانی حکومت سے بھی مطالبہ کیا کہ بھارت سے سفارتی سطح پر اس واقع کی سرزنش کی جائے۔

وحدت نیوز(کراچی)مجلس وحدت مسلمین پاکستان کے مرکزی رہنما مقصود علی ڈومکی نے ھندوستان کی حکمراں جماعت بی جے پی کی مرکزی ترجمان نور پور شرما کے بعد نوین جندل کی جانب سے حضور سرور کائنات سید الانبیاء صلی اللہ علیہ وآلہ وسلم کی شان اقدس میں بدترین گستاخی کو شرمناک عمل قرار دیتے ہوئے کہا کہ ھندوستان کی حکمراں جماعت کی مرکزی ترجمان کے شرمناک بیان سے دنیا کے کروڑوں مسلمانوں کی دل آزاری ہوئی ہے۔ سید لولاک حضرت محمد مصطفیٰ صلی اللہ علیہ وآلہ وسلم کی شان میں گستاخی سنگین جرم ہے بی جے پی کی انتہا پسند تنظیم کے ہاتھوں ھندوستان کے مسلمانوں کے ساتھ مسلسل ناروا سلوک روا رکھا جا رہا ہے۔ جس کی تازہ مثال حالیہ گستاخانہ بیان ہے۔

انہوں نے کہا کہ محسن انسانیت فخر موجودات کی بے عیب ذات پر دریدہ دہنی سورج پر تھوکنے کے مترادف ہے۔ حضور وہ آفتاب عالم تاب ہیں کہ جن کی ضیاء نے پوری کائنات کو منور کیا ہے۔انہوں نے کہا کہ دنیا بھر کے مسلمانوں کے سامنے ایک دفعہ پھر ھندوستان کا مکروہ چہرہ کھل کر سامنے آ گیا ہے۔

انہوں نے کہا کہ کشمیر پر غاصبانہ قبضہ اور کشمیری مسلمانوں کا قتل عام بھارتی مسلمانوں پر مظالم اور مسلم خواتین سے زبردستی حجاب چھیننے کے بعد حضور رحمۃ للعالمین کی شان میں گستاخی ھندوستان کے اسلام اور امت مسلمہ سے متعلق روئیے کو بے نقاب کر رہے ہیں۔ امت مسلمہ اس گستاخی پر ھندوستان سے جواب طلبی کرے۔

Page 8 of 1233

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree