وحدت نیوز(ڈی جی خان) مجلس وحدت مسلمین ڈیرہ غازی خان کی ضلعی شوریٰ کا اجلاس زیر صدارت برادر سید اظہر عباس منعقد ہوا۔

اجلاس سے مرکزی ڈپٹی جنرل سیکرٹری برادر سلیم عباس صدیقی، صوبائی صدر جنوبی پنجاب علامہ سید اقتدار حسین نقوی اور صوبائی نائب صدر سید انعام زیدی نے خطاب کیا۔

اس موقع پر سلیم عباس صدیقی نے کہا مجلس وحدت مسلمین ملی یکجہتی اور ملکی سلامتی کے لیے اپناکردار ادا کرتی رہے گی ۔

مجلس وحدت پاراچنار کی صورت حال پر تشویش کا اظہارِ کرتی ہے اور مطالبہ کرتی ہے شہداء کے قاتلوں کو کیفر کردار تک پہنچایا جائے آخر میں یونٹس نے کارکردگی رپورٹ پیش کی یونٹس نے ضلعی کارکردگی پر اطمینان کا اظہار کیا

وحدت نیوز (پشاور) مجلس وحدت مسلمین پاکستان خیبر پختونخواہ کی جانب سے تکریم شہداء کانفرس کا انعقاد مدرسہ شہید سید عارف حسین الحسینی میں ہوا ، جس میں صوبائی صدر علامہ جانزیب علی جعفری ، جنرل سیکرٹری شبیر حسین ساجدی ، مرکزی رہنما مجلس وحدت مسلمین علامہ زاہد عباس کاظمی ، ممبر قومی اسمبلی و پارلیمانی لیڈر انجینئر حمید حسین ، صدر تحریک حسینی پاراچنار علامہ تجمل حسین، علامہ نذر حسین ،علامہ عابد حسین شاکری ، علامہ احسان محسنی اور صوبائی کابینہ و ضلی صدور نے شرکت کی-

کانفرنس کہ آغاز میں شہداء پاراچنار کہ لیے قرآن خوانی و فاتحہ خوانی کی گئی، جس کہ بعد مقررین نے پاراچنار کی موجودہ صورتحال اور حکومتی لاپرواہی اور گرینڈ جرگہ کہ مکمل ناکامی کہ بارے میں شرکاء کو تفصیلاً آگاہ کیا اور کہا کہ یہ جرگہ جو کہ ۱۲ دن سے GOC کی نگرانی میں ہورہا ہے سوائے ہمارے مشران کی تذلیل اور ٹائم کہ ضائع کہ سوا کچھ نہیں۔

مقررین نے کہا کے پاراچنار میں ادویات کی کمی گھی چینی خوراک کی کمی ہےابلے ہوے چاول کھا رہے ہیں، اپریشن بعد میں کروپہلےہمارے جانیں بچاو. وہ لوگ کہاں فرار ہو گے جنہوں نے کانوے پر فاہرنگ کی ،سنی شعیہ کو چاہیے کہ وہ وحدت کا مظاہرہ کرے۱۲ دن سے جرگے کے لوگون کو ذلیل کیا جا رہا ہے اگر ہمیں مارنا ہے تو ایک بار ہی ہمیں مار دو ہمارا پر زور مطالبہ ہے کہ روڈ کو کھولا جائے کرم کی زندگی بحال کی جائے۔

مطالبات:

• پاراچنار میں انسانوں کو ادویات خوراک فراہم کئے جائے
• دوسو سے ذیادہ لوگ شہید ہوگئے ہیں اب تک ،ایسے حالات میں شعیہ و سنی اپنے دفاع کیلیے اقدامات اٹھا رہے ہیں
• ہمارا مطالبہ ہے کے اس جنگ کو روکا جائے
• ریاست اپنی زمہ داری نبھائے اور امن قائم کرے
• ال پارٹی کانفرنس کا اعلان کرتے ہیں
• جرگہ بہت ہوئے ہیں جرگہ نتیجہ خیز نہیں ہوتا، اہلسنت و تشیع دونوں کی خواہش ہے کے امن قائم ہو

مقررین نے کہا کہ روڈ فوراً کھولا جائے ورنہ ہم ملک بھر میں دھرنے اور احتجاج کی کال دینگے اور خود یہ روڈ کھولے گے۔
کانفرنس میں صحافی حضرات نے بھی شرکت کی اور کانفرس کہ اختتام پر میڈیا ٹاک بھی کی گئی -

آخر میں صوبائی صدر علامہ جانزیب علی جعفری نے دعائے امام زمانہ علیہ السلام سے اجلاس صوبائی شوریٰ و تکریم ش ہ داء کانفرنس کا اختتام کیا

وحدت نیوز (اسلام آباد) مجلس وحدت مسلمین پاکستان میڈیا سیل کی جانب سے مشرق وسطیٰ کے حالات پر گرینڈ آن لائن سیمینار کا انقعاد، سیمینار سے ماہر امور مشرق وسطیٰ مرکزی جنرل سیکرٹری مجلس وحدت مسلمین پاکستان و صدر سنٹر فار پاکستان اینڈ گلف اسٹڈیز ڈاکٹر سید ناصر عباس شیرازی نے خطاب کرتے ہوئے کہا کہ شام دنیا کی قدیم ترین تہذیب و تمدن والا ملک ہے جس کا دارلحکومت دمشق ہر دور میں سماجی، سیاسی،مذہبی اور معاشی سرگرمیوں کا مرکز رہا ہے، شام میں اسرائیل دشمنی کی وجہ سے بار بار مسلح گروہوں سے یلغار کروائی گئی تاکہ اسرائیل کی سرحدوں پر کوئی بھی ہمسایہ دفاعی حوالے سے مضبوط نہ ہو، بشار الاسد نے امریکہ و مغرب کی پروردہ داعش کے خلاف بارہ سالہ دہشت گردانہ یلغار کو کامیابی سے ناکام کیا جس میں شامی حکومت کی درخواست پر روس، ایران اور حزب اللہ کا تعاون اہمیت کا حامل تھا، جس کی بدولت وسطی ایشیاء، ترکی، اردن، عراق اور دیگر ممالک سے داخل کیئے گئے دہشت گردوں کا قلع قمع کیا گیا، لیکن اب چودہ ماہ کی غزہ اسرائیل جنگ کے دوران صدر بشار کی خاموشی سوالیہ نشان تھی، اس سارے دورانیہ میں شام پر صہیونی حکومت نے کئی حملے کیئے لیکن شامی حکومت نے ان کا نہ صرف کوئی جواب نہیں دیا بلکہ ایران اور حزب اللہ کے لیے سپیس بھی محدود کر دی۔

انہوں نے کہا کہ جو قوم اپنے مقاصد سے آگاہ نہیں ہوتی وہ اپنی ذمہ داری بھی انجام نہیں دیتی، اب ایک طرف بشار الاسد کو مغرب اور عرب دنیا کے ساتھ جوڑنے کی غلط راہ دکھائی گئی تو دوسری طرف امریکہ و اسرائیل کی ایماء پر ترکی کے ذریعے ادلب میں مسلح گروہوں کو مکمل ٹریننگ اور وسائل فراہم کیے گئے، اندر سے شامی فوج کے سرکردہ آفیسرز کو بھی خریدہ گیا اور یہی وجہ تھی کہ باہر سے آئے متشدد گروہ حلب سے حماہ اور حمص سے دمشق تک بغیر کسی مزاحمت کے پہنچ گئے، شامی فوج نے کسی ایک محاذ پر بھی انہیں روکنے کی کوشش نہیں کی، شامی صدر خوف زدہ ہو کر عرب و مغرب کے ہاتھوں دھوکہ کھا گئے، آخر کار انہیں شام میں 53 سالہ علوی اقتدار سے ہاتھ دھونا پڑا اور بڑی رازداری کے ساتھ روس میں جا کر سیاسی پناہ لینا پڑی، اس ساری صورتحال میں اس کے اتحادی بھی کچھ نہیں کر سکتے تھے کیونکہ خود صدر بشار نے جب شکست مان لی تھی۔
انہوں نے کہا کہ شامی صدر سے جب ایران، روس اور دیگر مزاحمتی تحریکوں نے اس بیرونی صہیونی یلغار کے خلاف تعاون کی بات کی تو وہ نہ صرف مدد لینے سے گریزاں تھے بلکہ خوف زدہ نظر آئے، یہ دہشت ان پر اسرائیلی و امریکی سفاکیت اور درندگی کی وجہ سے تھی، امریکہ مشرق وسطیٰ میں اسرائیل کی کھل کر امداد کر رہا ہے کیونکہ اس خطے میں اسرائیل امریکہ کی طاقت کا ستون ہے امریکہ جانتا ہے کہ اگر اسرائیل مکمل ناکام ہو گیا تو یہ شکست امریکہ کی شکست فاش ہو گی اور مشرق وسطیٰ سے امریکی وجود مٹ جائے گا، اس لیے شام کو شیطانی ہتھکنڈوں سے کمزور کیا گیا، اب صورتحال سب پر واضح ہے کہ اسرائیل نے شام کی فضائیہ، بحریہ اور بری دفاعی نظام کو تباہ کر دیا ہے، جولان کی شامی چوٹیوں پر قابض ہو کر دمشق تک پہنچ گیا ہے لیکن شامی مسلح گروہ جشن منانے میں مگن ہیں اور شام کو اب کسی بھی صورت میں مستحکم نہیں ہونے دیا جائے گا جو کہ اس سارے صہیونی منصوبے کا بنیادی مقصد ہے۔

وحدت نیوز(اسلام آباد) ضلع کُرم خصوصاً پاراچنار میں قیام امن اور بنیادی انسانی ضروریات کی بروقت فراہمی کے سلسلے میں سربراہ مجلس وحدت مُسلمین پاکستان سینیٹر علّامہ راجہ ناصر عباس جعفری اور وزیر اعلیٰ خیبرپختونخواہ علی امین خان گنڈاپور کے درمیان بات چیت۔

تفصیلات کے مطابق چیئرمین ایم ڈبلیوایم علامہ راجہ ناصر عباس اور سی ایم کے پی کے علی امین گنڈاپور نے باہمی گفتگو میں ضلع کُرم میں قبائلی تنازعات کے مستقل حل، پائیدار امن کے قیام ، سڑکوں و راستوں کی بحالی ، بیماروں و زخمیوں کی پشاور و اسلام آباد منتقلی اور ادویات و اشیائے ضروریہ کی فوری فراہمی سمیت فضائی سفری سہولیات کو یقینی بنانے کیلئے مشترکہ کوششوں پر اتفاق کیا گیا۔

دونوں رہنماؤں نے اِس عزم کا بھی اعادہ کیا کہ پاراچنار کے مسائل کے حل کیلئے صوبائی حکومت ترجیحی بنیادوں پر اقدامات بروئےکار لائے گی اور کسی بھی قسم کی کوتاہی اور غفلت نہیں برتی جائے گی۔

علامہ راجہ ناصر عباس نے وزیر اعلیٰ کے پی کے سے کہاکہ صوبائی حکومت شہداء کے اہل خانہ کی بحالی کیلئے امدادی پیکج کا اعلان کرے ، سرکاری خرچ پر زخمیوں کے مُکمل علاج معالجے اور تباہ شدہ مکانات کی تعمیرنو کو یقینی بنایا جائے۔

وزیراعلیٰ خیبرپختون خواہ علی امین خان گنڈاپور نے علامہ راجہ ناصر عباس کے شہداء کے لواحقین کیلئے نقد امداد اور زخمیوں کو صوبائی حکومت کی جانب سے بہترین طبّی سہولیات کی فراہمی اور تباہ شدہ مکانات کی تعمیر نوکے مطالبات پر فوری عمل درآمد کا یقین دلایا۔

انہوں نے سربراہ مجلس وحدت مُسلمین پاکستان علامہ راجہ ناصر عباس جعفری کی وطن عزیز پاکستان میں قومی وحدت و اخوت کے قیام ، حقیقی جمہوری جدوجہد اور عوامی حقوق کی بحالی کیلئے کی جانے والی گراں قدر خدمات کو خوب سراہا اور اُن کیلئے نیک خواہشات کا بھی اظہار کیا۔

علامہ راجہ ناصر عباس جعفری نے صوبائی حکومت کی جانب سے جان بچانے والی ادویات کی پشاور سے پاراچنار ترسیل کیلئے وزیراعلیٰ کے خصوصی ہیلی کاپٹر کی فراہمی کو خوش آئند قرار دیا اور اِس اُمید کا اظہار کیا کہ ضلع کُرم میں درپیش مسائل کے دیرپا حل کیلئے کے پی کے حکومت آئندہ بھی اپنا بھرپور اور مؤثر کردار ادا کرے گی۔