وحدت نیوز(سکردو)اپوزیشن لیڈر گلگت بلتستان اسمبلی کاظم میثم نے میڈیا کو جاری اپنے ایک بیان میں کہا ہے کہ ہم نے رجیم چینج کے بعد گلگت بلتستان کے عوام کو مطلع کیا تھا کہ یہ حکومت عوام دشمن فیصلے کرے گی کیونکہ عوام نے اس بھان متی کے کنبے کو حکومت کرنے کی مینڈیٹ ہی نہیں دیا تھا۔ یہ بھان متی کا کنبہ حکومت کا اخلاقی جواز ہی نہیں رکھتا کیونکہ اس کنبے کے چند افراد کے دل اب بھی غریب عوام کے ساتھ دھڑکتے ہیں۔ گندم سبسڈی کے خاتمے کو آئی ایم ایف سے جوڑنا اس متنازعہ خطے کے ساتھ مذاق ہے۔ وہ عوام جوآئینی حقوق کا مطالبہ کر رہے تھے اب متنازعہ حقوق کے حصول کے لیے بڑھنے پر مجبور ہوں گے۔ متنازعہ حقوق کا مطلب اشیائے خوردونوش پر سبسڈی کے علاوہ دریا سندھ کی رائلٹی، سوست پورٹ اور دریاوں کی رائلٹی کے ساتھ ساتھ تمام تاریخی راستوں کی واگزاری ہے۔ حکومت کو اب بھی مخلصانہ مشورہ دیتے ہیں کہ عوام کے ساتھ مل کر احتجاجی جلسوں میں شریک ہوجائیں۔ یہی عوام ریاست ہے، یہی عوام ملک ہے، یہی عوام طاقت ہے اور سیاستدانوں کی سیاسی زندگی انہی عوام کے ہاتھ میں ہے۔ خدا کی طاقت کے بعد عوام طاقت کا سرچشمہ ہے۔ صوبائی حکومت اگر اسلام آباد لانگ مارچ کا اعلان کرے تو یہاں کے عوام کا سمندر امڈ کے آئے گا۔ صوبائی حکومت باعزت حل ڈھونڈ سکتی ہے اگر اس غریب عوام پر اعتماد کرے تو۔ یہاں کے عوام صوبائی حکومت کے ساتھ ڈی چوک پر دھرنا دینے کو تیار ہیں۔ وفاق سے لڑنے کو تیار ہے۔ ہمیشہ یس سر کی عادت نے سیاستدانوں اور سیاسی نظام سے عوام بیگانہ ہوچکے ہیں۔ ماضی کی غلطیوں سے سبق سیکھنے کی بجائے مزید اس عوام کا امتحان نہ لیا جائے۔ میں یقین دلاتا ہوں خدا کی طرف سے عزت حقوق کے لیے ڈٹ جانے میں ہے۔  تمام مقتدر حلقے سبسڈی کی حساسیت کو جانتے بھی ہیں لیکن صوبائی حکومت عوام سے بیگانہ بن رہی ہے۔

اپوزیشن لیڈر نے مزید کہا کہ سبسڈی کو آئینی حقوق سے جوڑنا بھی درست نہیں۔ کیا اسلام آباد میں چلنے والی میٹروبس آئینی دائرہ سے باہر ہے، کیا 25 ارب سے زیادہ کھاد کی فیکٹریوں پر سبسڈی نہیں، کیا یوٹیلیٹی پر اربوں کی سبسڈی نہیں، کیا رمضان پیکیج پر سبسڈی نہیں، کیا پاسکو آپریشن پر سبسڈی نہیں، اور کیا یہ سب پاکستان سے باہر ہے۔ سبسڈی کوئی بھی حکومت مختلف معروضی حالات اور زمینی حقائق کے مطابق دیتی ہے۔ گلگت بلتستان کو این ایف سی ایوارڈ کے طرز پر جب تک بجٹ نہیں دیا جاتا سبسڈی کا خاتمہ کرنا یہاں کے عوام پر ظلم ہے۔ 160 ارب روپے گلگت بلتستان کا بجٹ میں حق بنتا ہے۔ رائلٹی بھی گلگت بلتستان کو دی جائے تو اس خطے کے تمام مسائل حل ہوسکتے ہیں لیکن وفاقی حکومتوں نے گلگت بلتستان کے حقوق کے ہمیشہ مذاق کیا ہے۔ 75 سالہ محرومیوں کے بعد مزید استحصال کرنا حکومت کی عاقبت نااندیشی ہے۔ اب بھی وقت ہے حکومت ہوش کا ناخن لیں اور ان پاپولر فیصلے لینے کے زعم میں خطے کو ریاست سے دور نہ کرے۔ سیاستدانوں کو عوام اچھی طرح جانتے ہیں کوئی اپنے آپ کو ٹارزن نہ سمجھیں۔ ہم عوامی کے خدمت گزار ہیں۔

وحدت نیوز(کراچی)مجلس وحدت مسلمین پاکستان کراچی ڈویژن کی سیاسی کونسل کا اجلاس وحدت ہاؤس انچولی میں علامہ مبشر حسن کی سربراہی میں منعقد ہوا۔ اجلاس سے خطاب کرتے ہوئے پولیٹیکل سیکرٹری علامہ مبشر حسن نے کہا کہ حکومت ملکی سطح پر امریکی و اسرائیلی مصنوعات کا بائیکاٹ کرے، مسلم ممالک اسرائیل سے تیل و گیس کے معاہدے ختم کریں۔ اجلاس میں یعقوب شہباز، آصف صفوی، زیشان حیدر، کاظم عباس، معمبر رضا، عباس حیدر سمیت دیگر اراکین بھی موجود تھے۔ رہنماؤں نے مطالبہ کیا کہ حکومت پاکستان اور مسلم ممالک امریکا و اسرائیل سے اپنے سفارتی  و تجارتی سمیت ہر قسم کے تعلقات ختم کریں۔ انہوں نے کہا مسئلہ فلسطین امت مسلمہ کا بنیادی مسئلہ ہے، فلسطین کاز کیلئے یک جان ہیں۔ 39 دنوں میں فلسطین میں اسرائیلی بربریت، دہشت، وحشت اور حیوانیت جاری ہے۔

رہنماؤں نے کہا کہ مسئلہ فلسطین کے حل کیلئے دنیا بھر کی طرح ملکی تمام سیاسی و مذہبی جماعتیں ایک ہیں، دور حاضر کے یزید کے خلاف تمام سیاسی و مذہبی جماعتوں کو اپنا کردار حسینؑ ابن علی علیہ السلام کی طرح ادا کرنا ہوگا، سیاسی و مذہبی جماعتوں کو اپنے انتخابی منشور میں مسئلہ فلسطین کو شامل کرنا ہوگا۔ انہوں نے کہا کہ اقوام متحدہ اسرائیلی جارحیت پر مجرمانہ خاموشی اختیار کئے ہوئے ہے، صہیونیت دنیا کے امن اور انسانیت کیلئے خطرہ ہے، استعماری طاقتیں ان شاء اللہ فلسطین میں ناکام ہونگیں۔ انہوں نے کہا کہ شہدائے فلسطین کو خراج عقیدت و خراج تحسین پیش کرتے ہیں، 57 اسلامی ممالک کے سامنے نہتے فلسطینی مسلمان اپنی جدوجہد کر رہے ہیں، جنہوں نے اسرائیلی گھمنڈ توڑ دیا۔

وحدت نیوز(اسلام آباد)مرکزی رہنما مجلس وحدت مسلمین پاکستان سید مہدی عابدی صاحب کی خالہ محترمہ عالمہ خاتون رضائے الٰہی سے انتقال کرگئی ہیں۔مرحومہ کی نماز جنازہ آج بعد نماز مغربین مسجد رضا ؑ نیو رضویہ سوسائٹی کراچی میں ادا کی جائے گی،جبکہ تدفین وادی حسینؑ میں انجام پائے گی۔

مرحومہ کے انتقال پر ایم ڈبلیوایم کے چیئرمین علامہ راجہ ناصرعباس جعفری سمیت تمام مرکزی وصوبائی قائدین، شعبہ جاتی صدور اور دیگر رہنماؤں بشمول علامہ احمد اقبال رضوی، علامہ اعجاز بہشتی، علامہ اقبال بہشتی، علامہ حسنین عباس گردیزی، علامہ مقصود ڈومکی، سید ناصرعباس شیرازی، اسدعباس نقوی، سید مہدی عابدی،عارف حسین الجانی،صدر عزاداری ونگ ملک اقرار حسین علوی، صدر وحدت یوتھ پاکستان علامہ تصور علی مہدی ، صوبائی صدر سندھ علامہ باقرعباس زیدی، صدر صوبہ پنجاب علامہ علی اکبر کاظمی، صدر صوبہ خیبرپختونخواہ علامہ جہانزیب جعفری، صدر صوبہ بلوچستان علامہ ظفرعباس شمسی، صدر صوبہ جنوبی پنجاب علامہ اقتدار حسین نقوی، صدر صوبہ گلگت بلتستان علامہ آغا سید علی رضوی ، صدر ریاست آزاد کشمیر علامہ یاسر عباس سبزواری نے دلی افسوس اور رنج کا اظہار کیا ہے ۔

قائدین نے مرحوم کی مغفرت کی دعا کے ساتھ تمام پسماندگان کیلئے اس سانحے پر صبر جمیل کی دعا بھی کی ہے اور کہا ہے کہ خدا وندمتعال مرحوم کو جوار آئمہ معصومین ؑ میں محشور فرمائے ۔

تمام مومنین ومومنات سے مرحومہ عالمہ خاتون کی بلندئ درجات و ایصال ثواب کے لئے آج بعد از نماز مغربین نماز وحشت قبر کی درخواست ہے۔

وحدت نیوز(اسلام آباد) مرکزی رہنما مجلس وحدت مسلمین پاکستان حجۃ الاسلام والمسلمین علامہ ڈاکٹر محمد یونس حیدری صاحب کے تایا محترم نبی صاحب رضائے الٰہی سے انتقال کرگئے ہیں۔ مرحوم کی نماز جنازہ آج بروز منگل بعد از نماز ظہرین مسجد خدیجۃ الکبریٰ سلام اللہ علیہا علی پور اسلام آباد میں ادا کردی گئی۔

مرحوم کے انتقال پر ایم ڈبلیوایم کے چیئرمین علامہ راجہ ناصرعباس جعفری سمیت تمام مرکزی وصوبائی قائدین، شعبہ جاتی صدور اور دیگر رہنماؤں بشمول علامہ احمد اقبال رضوی، علامہ اعجاز بہشتی، علامہ اقبال بہشتی، علامہ حسنین عباس گردیزی، علامہ مقصود ڈومکی، سید ناصرعباس شیرازی، اسدعباس نقوی، سید مہدی عابدی،عارف حسین الجانی،صدر عزاداری ونگ ملک اقرار حسین علوی، صدر وحدت یوتھ پاکستان علامہ تصور علی مہدی ، صوبائی صدر سندھ علامہ باقرعباس زیدی، صدر صوبہ پنجاب علامہ علی اکبر کاظمی، صدر صوبہ خیبرپختونخواہ علامہ جہانزیب جعفری، صدر صوبہ بلوچستان علامہ ظفرعباس شمسی، صدر صوبہ جنوبی پنجاب علامہ اقتدار حسین نقوی، صدر صوبہ گلگت بلتستان علامہ آغا سید علی رضوی ، صدر ریاست آزاد کشمیر علامہ یاسر عباس سبزواری نے دلی افسوس اور رنج کا اظہار کیا ہے ۔

قائدین نے مرحوم کی مغفرت کی دعا کے ساتھ تمام پسماندگان کیلئے اس سانحے پر صبر جمیل کی دعا بھی کی ہے اور کہا ہے کہ خدا وند متعال مرحوم کو جوار آئمہ معصومین ؑ میں محشور فرمائے ۔

تمام مومنین ومومنات سے مرحوم نبی ولد حسین مرحوم کی بلندئ درجات و ایصال ثواب کے لئے آج بعد از نماز مغربین نماز وحشت قبر کی درخواست ہے۔