The Latest
وحدت نیوز (کوئٹہ) وحدت یوتھ پاکستان کے ذیلی شعبہ وحدت اسکاؤٹس کے زیر اہتمام صوبہ بلوچستان میں وحدت اسکاؤٹس کی پہلی اسمبلی کا انعقاد بلوچستان کے شہر کوئٹہ میں کیا گیا ، اسمبلی کی صدارت مرکزی سیکرٹری وحدت اسکاؤٹس اوپن گروپ (ر) برادر تنصیر حیدر نے کی جبکہ اس موقع پر ان کے ہمراہ مجلس وحدت مسلمین پاکستان کے مرکزی رہنما مولانا ہاشم موسوی سمیت سیکرٹری جنرل کوئٹہ سید عباس اور دیگر بھی موجود تھے۔اس موقع پر وحدت اسکاؤٹس بلوچستان کے صوبائی سیکرٹری برادر منصب علی سمیت دیگر اسکاؤٹ برادران بھی موجود تھے۔
وحدت نیوز (چنیوٹ) وحدت یوتھ پاکستان کی مرکزی یوتھ کونسل کا اجلاس مورخہ18-19اپریل کو چنیوٹ کے علاقے رجوعہ سادات میں وحدت یوتھ پاکستان کے مرکزی چیئر مین سید فضل عباس نقوی (ایڈووکیٹ )کی زیر صدارت منعقد ہوا،مرکزی یوتھ کونسل کے اجلا س میں ملک بھر سے بشمول سندھ ، بلوچستان، پنجاب، اور خیبر پختونخواہ کے صوبائی و ڈویژنل مسؤلین نے شرکت کی جبکہ اجلاس میں مجلس وحدت مسلمین پاکستان کے مرکزی سیکرٹری سیاسیات ناصر شیرازی نے حالات حاضرہ ، ڈاکٹر یونس نے اسلامی تحریکیں ، اختر عمران نے مدیریت عملی اور کامران علی نے دعائے توسل کی تلاوت کی اور آئی ایس او پاکستان کے سابقہ مرکزی نائب صدربرادر جواد رضا نے نوجوانوں کو نظم و ضبط کے عنوان پر لیکچر بھی دیا اس موقع پرسید فضل نقوی نے نوجوانوں کو تنظیم اور اس کی اہمیت اور تنظیم میں نوجوانوں کے کردار پر گفتگو کی۔
مرکزی یوتھ کونسل کے اجلاس میں سندھ کے صوبائی سیکرٹری مہدی عباس سمیت ڈپٹی سیکرٹری ندیم جعفری اور حیدر آباد ڈویژن کے انچارج دیباج حیدر سمیت انچارج سکھر ڈویژن فدا سولنگی ، کراچی سے برادر غازی عباس نے شرکت کی ، اسی طرح صوبہ بلوچستان کے صوبائی سیکرٹری عبد الوہاب بھی اجلاس میں شریک ہوئے ، صوبہ پنجاب سے صوبائی سیکرٹری علی عمران نقوی سمیت لاہور ڈویژن اور ملتان ڈویژن سمیت سرگودھا ڈویژن کے ذمہ داروں بالترتیب سید سجاد حیدر، وجاہت علی،ثاقب حسین اور اسد عباس نے شرکت کی ، مرکزی یوتھ کونسل میں خیبر پختونخواہ سے صوبائی سیکرٹری برادر صفدر عباس بھی موجود تھے۔
وحدت یوتھ پاکستان کی مرکزی یوتھ کونسل کے اجلا س میں آئیندہ سال 2015-2016کے لئے سالانہ پروگرام پیش کیا گیا جس پر تمام صوبائی اور ڈویژنل مسؤلین نے بھرپور بحث و مباحثہ کرنے کے بعد متفقہ رائے سے منظور کر لیا اور اس بات کا اعادہ کیا گیا کہ وحدت یوتھ کے اسٹرکچر کو ملک بھر میں از سر نو آرگنائز کرنے کے ساتھ ساتھ نوجوانوں کی وحدت یوتھ میں شمولیت کو یقینی بنایا جائے گا تاہم اسی عنوان سے وحدت یوتھ پاکستان کی جانب سے ممبر شپ فارم کا اجراء بھی کیا گیا اور تمام صوبوں میں ممبر شپ مہم کا آغاز کر دیا گیا ہے۔
واضح رہے کہ اجلا س میں فیصلہ کیا گیا کہ مرکزی یوتھ کونسل کا اجلاس ہر تین ماہ بعد منعقد کیا جائے گا جس میں گذشتہ تین ماہ کی کارکردگی کا جائزہ جبکہ آئیندہ تین ماہ کے پروگرام کو حتمی شکل دی جائے گی،اس موقع پر آئیندہ تین ماہ بعد ہونے والااجلاس ملتان میں منعقد کئے جانے کا فیصلہ بھی کیا گیا۔
وحدت نیوز (رانی پور/حیدرآباد) وحدت یوتھ پاکستان صوبہ سندھ کے سکھر اور حیدر آباد ڈویژن کے زیر اہتمام علیحدہ علیحدہ یوتھ کونسل کے اجلاس سکھر اور حیدر آبا د میں منعقد ہوئے، سکھر میں منعقد ہونے والے ڈویژنل یوتھ کونسل کا اجلاس رانی پور میں وحدت یوتھ پاکستان کے مرکزی ڈپٹی سیکرٹری ثاقب علی اور ڈویژنل انچارج فدا حسین سولنگی نے کی جبکہ وحدت اسکاؤٹس کی صوبائی کابینہ کے ممبر برادر اعتزاز احسن نے بھی خصوصی شرکت کی، اجلا س میں سکھر ڈویژن کے ضلعی ذمہ داروں میں ضلع سکھر سے برادرعبد اللہ ، ضلع خیر پور سے برادر وسیم رضا، نوشہرو فیروز سے برادر عبد الغفور سمیت وحدت اسکاؤٹس کے صوبائی انچارج برادر آصف نے بھی شرکت کی۔
وحدت یوتھ حیدر آباد ڈویژن کی یوتھ کونسل کا اجلاس حیدرآبا دمیں صوبائی رابطہ آفس میں وحدت یوتھ سندھ کے ڈپٹی سیکرٹری برادر ندیم جعفری ، فیاض علی اور دیباج حیدر کی زیر صدارت منعقد ہوا، اجلا س میں ضلع بدین سے ارشاد کیری سمیت ضلع ٹنڈو محمد خان سے برادر اسد عباس اور بدین کے اسکاؤٹ انچارج برادر حسن نے بھی شرکت کی۔
وحدت نیوز (گلگت) جنگ بندی کا اعلان یمن کے مظلوم عوام کی فتح ہے ، 27 دنوں تک مظلوم یمنی عوام کو جارحیت کا نشانہ بنانے والے سعودی حکمرانوں کا اصلی چہرہ دنیا کے سامنے واضح ہوگیا۔سعودی حکمران جھوٹے پروپیگنڈے کے ذریعے صیہونی ریاست کے ادھورے خواب کی تکمیل چاہتے ہیں اور مسلم دنیا کی آنکھوں میں دھول جھونک کر مشرق وسطی کو فتنے کی آگ میں دھکیلنا چا ہتے ہیں ۔ان خیالات کا اظہار مجلس وحدت مسلمین خواتین ونگ کی سیکرٹری سیاسیات خواہر شکیلہ نے اپنے ایک بیان میں کیا ہے۔
انہوں نے کہا کہ 27 روزہ جنگ میں سعودی اور اس کے اتحادیوں کو رسوائیوں اور بد نامیوں کے سوا کچھ ہاتھ نہیں آیا۔انہوں نے کہا کہ پاکستان کے عوام اور پارلیمنٹ کے فیصلے سے سعودی شہنشاہوں کی تمام امیدوں پر پانی پھرگیا اور وہ مظلوم یمنی عوام کی استقامت نے ان کے چہرے سے نقاب الٹ دیا ہے۔انہوں نے کہا کہ یمن کے عوام مسلمان ہیں اور وہ حرمین شریفین کی بیحرمتی کا سوچ بھی نہیں سکتے اور اگر حرمین شریفین کو کوئی خطرہ لاحق ہے تو وہ خود سعودی حکمرانوں اور ان کی حمایت یافتہ دہشت گرد تنظیم داعش سے ہے جو عراق اور شام میں بیگناہ انسانوں کے قتل عام میں مصروف ہیں۔ انہوں نے کہا کہ حرمین شریفین کی حفاظت تمام مسلمانوں پر واجب ہے لیکن میر سوال یہ ہے کہ حرمین شریفین کی حفاظت احترام کے جھوٹے دعویدار اس وقت کہاں تھے جب رسول اسلام کی آل پاک کے مقدس روضوں کی بیحرمتی کرکے انہیں مسمار کیا گیا۔انہوں نے کہا کہ گلگت میں یمن کے مظلوم عوام کی حمایت میں ریلی نکالنے پر مجلس وحدت کے رہنماؤں اور کارکنوں پر جھوٹی ایف آئی آر بد نیتی پر مبنی ہے اور طارق قنبری کی گرفتاری بلا جواز ہے۔ انہوں نے کہا کہ مجلس وحدت رنگ و نسل مذہب سے بالاتر ہوکر عوام کی خدمت کررہی ہے اور تمام مظلوم طبقات کی نمائندہ جماعت ہے جو پوری دنیا کے مظلوموں کے ساتھ کھڑی ہے چاہے وہ فلطین و لبنان ہو یا کشمیر و افغانستان یا شام ،عراق و یمن۔
وحدت نیوز (لاہور) مجلس وحدت مسلمین شعبہ خواتین کے زیر اہتمام خاتون جنت دختر خاتم الانبیاء حضرت فاطمۃ الزہراء سلام اللہ علیہا اور حضرت علی (ع) کے یوم ولادت کے سلسلے میں جشن مرج البحرین کی تقریب منعقد کی گئی، ایوان اقبال میں منعقدہ تقریب میں سینکڑوں خواتین شریک تھیں، تقریب سے خطاب کرتے ہوئے ایم ڈبلیو ایم پاکستان کے مرکزی سیکرٹری جنرل علامہ ناصر عباس جعفری نے کہا کہ حوثی حضرت فاطمہ کی اولاد ہیں، یمن کے باسی پچاس لاکھ حوثیوں کے بارے میں پاکستان میں غلط پروپیگینڈہ کیا جا رہا ہے اور پاکستانی عوام کو دھوکہ دینے کی کوشش کی جا رہی ہے، حوثیوں نے کسی ملک پر حملہ نہیں کیا، نہ ہی وہ حرمین کو نقصان پہنچانے کا سوچ سکتے ہیں۔ ان کا کہنا تھا کہ حوثی اپنے ملک میں ظلم کے نظام سے نبرد آزما ہیں، لیکن ظالم اکٹھے ہو کر ان پر حملہ آور ہوگئے ہیں، حوثیوں کے گھروں، مسجدوں اور بازاروں پر حملے کئے جا رہے ہیں، ان کی عورتوں اور بچوں کو مارا جا رہا ہے لیکن حریت پسندوں کو اس طرح جھکایا نہیں جاسکتا، پاکستانی عوام کو سلام ہے کہ جو جھوٹے پروپیگنڈے میں نہیں آیٔے اور انہوں نے ظالموں کا ساتھ نہیں دیا۔ علامہ ناصر عباس جعفری کا کہنا تھا کہ ظالموں کو شکست ہوگی، امریکہ اور اس کے حواری حوثیوں کو نہیں جھکا سکیں گے، ایم ڈبلیو ایم کے سربراہ نے کہا کہ حضرت فاطمہ کی تعلیمات کو اگر خواتین اپنی زندگی کا حصہ بنالیں اور ان کی طرح زندگی گزاریں تو گھر جنت میں تبدیل ہوسکتے ہیں۔
جشن مرج البحرین کی تقریب سے خطاب کرتے ہوئے مجلس وحدت مسلمین پاکستان کے مرکزی ڈپٹی سیکرٹری جنرل علامہ محمد امین شہیدی نے کہا ہے کہ حضرت فاطمہ (س) کی شخصیت کی صورت میں اللہ نے دنیا کی خواتین کے لئے نمونہ دکھایا، رسول اللہ (ص) کا یہ فرمان کہ فاطمہ (س) میری بیٹی بھی ہے اور ماں بھی کیونکہ حضرت فاطمہ (س) نے سرکار (ص) کی خدمت بیٹی اور ماں کی طرح کی، ان کی زندگی کو مثال بنا کر خواتین کامیاب زندگی گزار سکتی ہیں، معروف ٹی وی اینکر جسٹس (ر) نذیر غازی نے اپنے خطاب میں کہا کہ حضرت فاطمہ (س) جیسی خاتون پوری دنیا میں نظر نہیں آتیں، آپ (س) کی شخصیت ہر دور میں مشعل راہ ہے، لیکن المیہ یہ ہے کہ آپ (س) کا مزار بھی ہم دنیا کو نہیں دکھا سکتے، آپ (س) کے مزار کو بھی ہم محفوظ نہ رکھ سکے، ظالموں نے آپ (س) کا مزار بھی دنیا کے سامنے نہیں چھوڑا، مسیحی رہنماء پادری شاہد معراج نے بھی حضرت فاطمہ (س) کو خراج تحسین پیش کیا اور کہا کہ ہمیں دوسروں کو برداشت نہیں بلکہ قبول کرنے کی روایت کو فروغ دینا ہوگا اور خدا کی اپنی مخلوق سے محبت کو یاد رکھنا ہوگا، معروف مزاحیہ شاعر انور مسعود نے نعت اور منقبت پر مشتمل کلام پیش کیا، اس موقع پر جامعہ الکوثر اسلام آباد کی طالبات نے عربی زبان میں حضرت فاطمہ (س) کی شان اقدس میں کلام پڑھا، اس موقع پر تحریک شباب اسلام کے رہنماء علامہ حیدر علوی اور آقایٔے اکبر برخوداری بھی موجود تھے۔
وحدت نیوز (شیخوپورہ) مجلس وحدت مسلمین کے فلاحی شعبے خیر العمل فاوئونڈیشن اور شیئرانٹرنیشنل کے اشتراک سے جامع مسجد امامیہ کالونی میں اجتماعی شادیوں کی پروقار تقریب منعقد ہوئی جس میں مہمان خصوصی سربراہ ایم ڈبلیوایم علامہ ناصرعباس جعفری تھے، 15جوڑوں کی اجتماعی شادی کی اس تقریب میں ایم ڈبلیوایم کے مرکزی رہنما سید ناصرشیرازی ،علامہ قیصرعباس، علامہ حسن ہمدانی مسرت کاظمی اور خانم سکینہ مہدوی کی خصوصی شرکت اورخطاب کیا، جبکہ علاقہ معززین ، علمائے کرام اورسیاسی وسماجی شخصیات نے بھی بڑی تعداد میں شرکت کی، تمام نوبیاہتاجوڑوں میں مکمل جہیز تقسیم کیا گیا،پنڈال میں آمد پر شرکاءکی جانب سے علامہ ناصرعباس جعفری کا شاندار استقبال کیا گیا، شرکاءکی جانب سے ایم ڈبلیوایم کے قائدین پر گلپاشی بھی کی گئی، تمام نوبیاہتاجوڑوں کا نکاح علامہ ناصرعباس جعفری نے پڑھایا۔
اس موقع پر خطاب کرتے ہوئے علامہ راجہ ناصرعباس جعفری نے کہا ہے کہ اجتماعی شادیوں کی اس پروقار تقریب کے انعقاد پر منتظمین کو مبارک باد پیش کرتا ہوں ، موجودہ معاشرے میں نکاح جیسے واجب عمل کو جس طرح مشکل بنادیا گیاہےایسے میں اسطرح کی تقاریب نکاح کو آسان بنانے اور انحرافی رسوم ورواج کی بیخ کنی میں معاون ثابت ہوسکتی ہیں،انہوں نے نوبیاہتاجوڑوں کو سیرت امیر المومنین اور سیرت جناب فاطمتہ الزہرا پر عمل پیرا ہونے کی تلقین کی تاکہ معاشرے میں امام حسن وحسین علیہ السلام جیسے عظیم فرزندان جنم لے سکیں ، انہو ں نے ملکی سیاسی صورتحال پر تبصرہ کرتے ہوئے کہا کہ دہشت گردی کے مکمل خاتمے اور ملک میں امن کیلئے فوجی عدالتوں کو قائم رکھنا ضروری ہے ورنہ دہشت گردوں کے حوصلے بڑھیں گے '(ن) لیگ اور پیپلز پارٹی 35سالوں سے مل کر ملک کو لوٹ رہی ہیں ، دونوں جماعتوں نے عام اور غریب آدمی کو کچھ دینے کی بجائے صرف اپنا مال بنایا ہے، ملک کو چلانے کے لئے ہزاروں نہیں صرف دو درجن ایماندار لوگ کافی ہیں اگر ملک کو یہ ایماندار لوگ مل جائیں تو ملک کی تقدیر کو دنوں میں بدلا جا سکتا ہے مگر موجودہ حکمرانوں کو ملک اور قوم کی کوئی فکر نہیں یہ صرف اپنا اقتدار بچانے میں لگ ہوئے ہیں جسکی وجہ سے ملک میں بجلی کی لوڈشیڈ نگ سمیت دیگر مسائل میں خطر ناک میں اضافہ ہوا ہے ۔انہوں نے کہا کہ دہشت گردی کے مکمل خاتمے اور ملک میں امن کیلئے فوجی عدالتوں کو قائم رکھنا ضروری ہے ورنہ دہشت گردوں کے حوصلے بڑھیں گے۔ شادی کی اس اجتماعی تقریب سے سید ناصر شیرازی ،علامہ قیصر عباس چیئر مین شیئر پاکستان،سید مسرت کاظمی ،خانم سکینہ مہدوی ،سید اسد عباس نقوی اور دیگر مہمانان گرامی نے بھی خطاب کیا۔
وحدت نیوز (اسلام آباد) مجلس وحدت مسلمین پاکستان کے مرکزی سیکر ٹری فلاح وبہبود نثار علی فیضی نے کہا کہ خاتون جنت حضرت فاطمة الزھرہ سلام اللہ علیھا کی سیرت کی اتباع انسانیت کو کمال کی بلندی پر پہنچا سکتی ہے، بی بی کی ذات نے ہر مشکل گھڑی میں اسلام کی محافظت کی انکی تربیت کا اثر تھا کہ حسنؑ و حسینؑ جیسے فرزند اسلام کو ملے قوم کی ماﺅں،بہنوں اور بیٹیوں کوسیرت سیدہ فاطمةالزھراءسلام اللہ علیھا پر چلتے ہوئے اپنی پاکیزہ آغوش سے دیندار اولاد تربیت کر کے اس معاشرے کی رہبری کے لیے دینا ہو گی آج ملت تشیع کو درپیش چیلنجز وہی ہیں جو انسانیت کو درپیش ہیں مجلس وحدت مسلمین پاکستان میں انسانیت کی اعلی قدروں کو پروان چڑھانے کے لیے میدان عمل میں ہے ہم قرآن واہل بیت ؑ کی سیرت کی اتباع کے ذریعے انسانیت کے بھٹکے ہوئے قافلے کو سوئے کمال وسوئے منزل لے کر آئیں گے ان خیالات کا اظہار انہوں نے گزشتہ روز مجلس وحدت مسلمین شعبہ خواتین پنجاب کے زیر اہتما م جشن میلاد بعنوان حضرت فاطمةالزہرا سلام اللہ علیھا اسوہ انسانیت سے خطاب کرتے ہوئے کیا ۔
نثار علی فیضی نے کہا کہ مجلس وحدت مسلمین کا رفاہی شعبہ خیرالعمل فاﺅنڈیشن پاکستان میں خواتین کے مسائل کو حل کرنے کے لیے شعبہ خواتین کے ساتھ ملکر رفاہی منصوبوں کا جال بچھائے گا جن میں صحت کے مراکز، بچیوں کی شادیاں،ووکیشنل سنٹرز،قرآن سنٹرز،یتیم و بیواﺅں کی کفالت جیسے کئی منصوبوں پر اس وقت کام جاری ہو چکا ہے اور لاکھوں روپے اس مد میں خرچ کیے جا رہے ہیں انہوں نے کہا مالیات کا شعبہ خیرالعمل فاﺅنڈیشن کے تعاون سے گھر گھر میں ڈونیشن باکس رکھنے کا سلسلہ بھی شروع کر دیا ہے ابتدا میں کئی ہزار گھروں میں باکس رکھوائے جا رہے ہیں اس باکس سسٹم کے نظام سے رفاہی امور کو بہت زیادہ تقویت ملے گی اور غریب ،نادار و بے کس لوگوں کی امداد کو مزید یقینی بنا یا جائے گا ۔ ایم ڈبلیو ایم کی رہنما زہرہ نجفی، جنرل سیکر ٹری منہاج القرآن نائلہ جعفری،زکیہ نجفی پرنسپل جامعہ کوثر گرلز کالج اسلام آباد ، سید علی شاہ کاظمی ودیگر نے بھی خطاب کیا ۔
وحدت نیوز (اسلام آباد) مجلس وحدت مسلمین شعبہ خواتین پنجاب کے زیر اہتمام حضرت فاطمۃ الزہرا سلام اللہ علیہ کے یوم ولادت کی مناسبت سے ایک سمینار بعنوان ’’حضرت فاطمۃ الزہرا ؑ اسوہ انسانیت‘‘ اسلام آباد کے ایک ہوٹل میں منعقد ہوا۔سمینار میں مرکزی کوآرڈینیٹر ایم ڈبلیوایم شعبہ خواتین خانم زہرا نقوی نے کہا کہ خواتین کو معاشرے میں باوقار مقام حاصل کرنے کے لیے اپنی اقدار کا تعین کرنا ہوگا۔ اس وقت ہمیں بہت سارے محاذوں کا سامنا ہے۔ اسلام دشمن طاقتیں ثقافتی یلغار کی ننگی تلوار تھامیں ہمارے ایمان کو نشانہ بنانے پر تُلی ہوئی ہیں ہمیں ان سے ہوشیار رہنے کی ضرورت ہے۔ اپنی اور خاندان کی بہترین تربیت کے لیے اسوہ فاطمۃ سلام اللہ علیہ کو شعار بنائیں تا کہ اپنی زندگیوں کو اسلام کے سنہری اصولوں میں ڈھال سکیں۔ ،منہاج القرآن شعبہ خواتین کی جنرل سیکریٹری نائلہ جعفری، جامعۃ الکوثر گرلز کالج کی پرنسپل ذکیہ نجفی اورجامع حجت کے پرنسپل سید علی شاہ نقوی نے خاتون جنت سلام اللہ علیہ کی اعلیٰ سیرت اوربابرکت کردار پر بھی روشنی ڈالتے ہوئے کہا کہ دنیا و آخروی کامیابی کا مکمل درس سیرت فاطمۃ الزہرا ؑ میں پوشیدہ ہے۔اگر ہم جناب سیدہ سلام اللہ علیہ کی زندگی کو اپنے لیے نمونہ قرار دیں اور اپنے کردار و گفتار سے ثابت کریں کہ ہم ان کے حقیقی ماننے والے ہیں تو پھر دنیا و آخرت میں سربلندی ہمارا مقدر ہو گی۔
سیمینار سے مرکزی خطاب کرتے ہوئے خیر العمل فاوندیشن پاکستان کے چیئرمین نثار علی فیضی نےکہا کہ خاتون جنت حضرت فاطمة الزھرہ سلام اللہ علیھا کی سیرت کی اتباع انسانیت کو کمال کی بلندی پر پہنچا سکتی ہے بی بی کی ذات نے ہر مشکل گھڑی میں اسلام کی محافظت کی انکی تربیت کا اثر تھا کہ حسنؑ و حسینؑ جیسے فرزند اسلام کو ملے قوم کی ماﺅں،بہنوں اور بیٹیوں کوسیرت سیدہ فاطمةالزھراءسلام اللہ علیھا پر چلتے ہوئے اپنی پاکیزہ آغوش سے دیندار اولاد تربیت کر کے اس معاشرے کی رہبری کے لیے دینا ہو گی آج ملت تشیع کو درپیش چیلنجز وہی ہیں جو انسانیت کو درپیش ہیں مجلس وحدت مسلمین پاکستان میں انسانیت کی اعلی قدروں کو پروان چڑھانے کے لیے میدان عمل میں ہے ہم قرآن واہل بیت ؑ کی سیرت کی اتباع کے ذریعے انسانیت کے بھٹکے ہوئے قافلے کو سوئے کمال وسوئے منزل لے کر آئیں گے، نثار علی فیضی نے کہا کہ مجلس وحدت مسلمین کا رفاہی شعبہ خیرالعمل فاﺅنڈیشن پاکستان میں خواتین کے مسائل کو حل کرنے کے لیے شعبہ خواتین کے ساتھ ملکر رفاہی منصوبوں کا جال بچھائے گا جن میں صحت کے مراکز، بچیوں کی شادیاں،ووکیشنل سنٹرز،قرآن سنٹرز،یتیم و بیواﺅں کی کفالت جیسے کئی منصوبوں پر اس وقت کام شروع ہو چکا ہے اور لاکھوں روپے اس مد میں خرچ کیے جا رہے ہیں، انہوں نے کہا کہ مالیات کے شعبہ نے خیرالعمل فاﺅنڈیشن کے تعاون سے گھر گھر میں ڈونیشن باکس رکھنے کا سلسلہ بھی شروع کر دیا ہے ابتدا میں کئی ہزار گھروں میں باکس رکھوائے جا رہے ہیں اس باکس سسٹم کے نظام سے رفاہی امور کو بہت زیادہ تقویت ملے گی اور غریب ،نادار و بے کس لوگوں کی امداد کو مزید یقینی بنا یا جائے گا ۔
وحدت نیوز (کراچی) دنیاکودرپیش خانوادگی مسائل سے نجات سیرت حضرت فاطمتہ الزہراکی عملی اتباء سے ممکن ہے،جناب فاطمہ زہرا(س)کی ذات اقدس تمام خواتین عالم کیلئے نمونہ عمل ہے،جناب فاطمہ (س)نے دین اسلام کی تبلیغ وترویج میں اپنی والدہ حضرت خدیجتہ الکبریٰ کی مثل رسول اکرم (ص) شانہ بشانہ رہیں ۔ان خیالات کا اظہارعلماء وذاکرین نے ہفتے کو جشن ومحفل میلاد کی ایک تقریب کے دوران کیا،مجلس وحدت مسلمین کراچی ڈویژن شعبہ خواتین کے زیر اہتمام تقریب سے ایم ڈبلیوایم کے مرکزی رہنما علامہ سید باقرعباس زیدی ،ایم ڈبلیوایم شعبہ خواتین کی مرکزی رہنما خانم زہرا نجفی ، ایم ڈبلیوایم شعبہ خواتین کراچی کی رہنما خانم ہماجعفری نے خطاب کیا،جبکہ ، نعت، قصیدہ اور منقبت خواں خواتین نے بارگاہ جناب فاطمہ زہرا (س)میں نذرانہ عقیدت پیش کیا، اس پر نورمحفل میں خواتین اور بچیوں کی بڑی تعداد نے شرکت کی، ساتھ ہی خواتین کی دلچسپی کے لئے کوکنگ ، میک اپ اور انٹیرئرڈیکوریشن اور بچوں کیلئے فیس پینٹنگ کے اسٹالز بھی لگائے گئے تھے۔
محفل میلاد سے خطاب کرتے ہوئے علامہ باقرعباس زیدی کا کہا کہ جناب فاطمہ زہرا(س)کی ذات اقدس تمام خواتین عالم کیلئے نمونہ عمل ہے، جناب سیدہ فاطمہ (س)ایک جامع شخصیت کی حامل خاتون تھیں جن کے اندر ایک بہترین بیٹی ، بیوی او ماں میں پائی جانے والی تمام صفات عالیہ موجود تھیں ، ایم ڈبلیوایم شعبہ خواتین کی مرکزی رہنما خانم زہرا نجفی نے سیرت جناب فاطمہ الزہرا(س) پر روشنی ڈالتے ہوئے کہا کہ جناب فاطمہ (س)جگر گوشہ رسول تھیں ، خدا وند متعال نے آپ (ص)کی نسل پاک کو جناب فاطمہ (س) سے جاری رکھا،جو کہ آج تھی جاری ہے، جناب فاطمہ (س)نے دین اسلام کی تبلیغ وترویج میں اپنی والدہ حضرت خدیجتہ الکبریٰ کی پیروی کرتے ہوئے سنگین مشقیں جھیلیں اور رہتی دنیا تک خواتین کے لئے اسوہ عمل قرار پائیں ۔
وحدت نیوز (لاہور) مجلس وحدت مسلمین شعبہ خواتین لاہور ڈویژ ن کی کابینہ کا اہم اجلاس سیکریٹری جنرل خانم سکینہ مہدوی اور ڈپٹی سیکریٹری جنرل خانم ہما تقوی کی زیر صدارت منعقد ہوئی، میٹنگ میں عالمات اور زاکرات کی بھی ایک بڑی تعدادموجود تھی، میٹنگ میں ملک کے حالات حاضر ہ پے تبصرہ کیا گیا اور یمن کے موجودہ حالت پر بحث کی گئی اور اس کے ساتھ میٹنگ میں جشن مرج البحرین کی تیاری پر بات چیت کی گئی میٹنگ کے اختتام پراہلیان یمن کےلئے خصوصی دعا خیر کی گئی ۔
