وحدت نیوز (راولپنڈی) مائیں اپنی اولاد کی تربیت کے حوالے سے حضرت فاطمہ زہرا (س)کے اسوہ طیبہ پر عمل پیرا ہونے کی ضرورت ہے ان خیالات کا اظہار خانہ فرہنگ میں منعقدہ حضرت زہرا سلام اللہ علیہا کی ولادت باسعادت کی مناسبت سے منعقدہ تقریب سے خطاب کرتے ہوئے ممبر گلگت بلتستان اسمبلی و مرکزی پولیٹیکل سیکریٹری مجلس وحدت مسلمین پاکستان شعبہ خواتین کنیز فاطمہ نے اپنے خطاب میں کیا ۔

انہوں نے کہا اسوہ حضرت زہرا (س)کی روشنی میں موجودہ دورکی خواتین کو اپنی اولاد کی تربیت کرنی چاہئیں اس وقت معاشرے میں جتنی بھی برائیاں جنم لے رہی ہیں اس کی اصل وجہ مائوں کی طرف سے اپنی اولاد کی تربیت میں غفلت کی وجہ سے ہے مائیں اپنی اولاد کی تربیت کے حوالے سے حضرت فاطمہ زہرا (س)کے اسوہ طیبہ پر عمل پیرا ہونے کی ضرورت ہے جنہوں نے معاشرے کو حضرت اما حسین(ع) اورحضرت زینب (س) جیسی اولاد دی ہیں انہوں نے کہا کہ خواتین اگر ٹھان لیں تو کوئی بھی کام ان کیلئے مشکل نہیں ہے۔

تقریب سے خطاب کرتے ہوئے منہاج القران کی سکالر ناہیدہ راجپوت نے کہا کہ سوشل میڈیا اورمغربی یلغار کی وجہ سے معاشرے میں بھگاڑ پیدا ہوگیا ہے جس کے لئے خواتین کو بحثییت بیٹی،ماں ،زوجہ اورمعاشرے کی فرد کے اسوہ فاطمہ سلام اللہ علیہا پر عمل کرنے کی ضرورت ہے انہوں نے کہا کہ سوشل میڈیا شتر بے مہار کی طرح بلکہ ایک عفریت اورآفت کی طرح معاشرے پرحملہ آورہورہا ہے جب تک سیرت فاطمہ پر خواتین عمل نہیں کریںگی اس وقت تک معاشرے میں بہتری نہیں ہوگی ۔

کرسچن کمیونٹی سے تعلق رکھنے والی خاتون سکالر،سپیریئر سسٹر ،پرنسپل سینٹ کیتھرین گرلز سکول اینڈ کالج لال کرتی محترمہ ایلیس نے اپنے خطاب میں کہا کہ موجودہ دورکی خواتین کو حضرت مریم اورحضرت زہر سلام اللہ علیہما کے نقش قدم پر چلنے کی ضرورت ہے دونوں خواتین ہمارے لئے رول ماڈل ہیں انہوں نے کہا کہ معاشرے میں خواتین کا کردار مردوں سے زیادہ ہے اوراپنے بچوں کی تربیت کے حوالے سے خواتین کی ذمہ داریاں زیادہ ہے ۔

تقریب سے خطاب کرتے ہوئے مذہبی سکالر و مرکزی مسئول تعلیم و تبلیغات امامیہ آرگنائزیشن پاکستان شعبہ خواتین گل زہرا نے کہا کہ یوم ولادت حضرت فاطمہ اوریوم خواتین کے دن ہمیں دیکھنا ہوگا کہ معاشرے کو پر امن بنانے کے لئے ہمیں کیا کرداراداکرنا ہے انہوں نے کہا کہ حضرت فاطمہ کے اسوہ حسنہ پر عمل کرکے ہم دونوں جہانوں میں فلاح پا سکتے ہیں۔

فرامرز رحمان زاد ڈی جی خانہ فرہنگ کے بیان میں کہا کہ حضرت زہرا (س)ہر دورکی خواتین کے ل ئے نمونہ عمل ہیں حضرت زہرا(س)جیسی موزوں اور اعلیٰ رول ماڈل کا ہونا خواتین کیلئے سعادت کا باعث ہے۔ مغربی سرمایہ دارانہ نظام کا نظریہ اسلام کے نقطہ نظر سے بالکل مختلف ہے مغرب میں اخلاقی انحرافات قانونی شکل اختیار کرچکے ہیں ، جو خواتین کو آلہ کار تصورکرنے کی مغربی سوچ کی عکاسی ہے۔

ان خیالات کا اظہار ڈی جی خانہ فرہنگ ایران راولپنڈی نے خانہ فرہنگ ایران ،راولپنڈی میں ولادت باسعادت حضرت فاطمہ زہرا(س) کی مناسبت سے منعقدہ تقریب میں کہا انہوں نے کہا کہ اسلامی معاشرے میں خواتین اور خاندان کے اہم کردار کواوراہمیت کو سامنے رکھتے ہوئے دشمن نے اسلامی حجاب کو نشانہ بنانا شروع کردیا ہے ۔تقریب سے خطاب کرتے ہوئے محترمہ معصومہ نقوی نے کہا جب تک ہم آئمہ معصومین کے دامن سے متوسل ہیں اورپاک آرمی ہمارے ساتھ ہیں ہمار ا ملک اورہم محفوظ ہیں اورکوئی مائی کا لال ہمارا کچھ نہیں بگاڑ سکتا ،حضرت فاطمہ زہرا(س)معاشرے کی خواتین کے لئے رول ماڈل ہیں۔

انہوں نے کہا کہ ایران کے معروف جنرل شہید سردار قاسم سلیمانی کو جب بھی مشکل پیش آتی اوراس کاحل ڈھوندنے میں دشواری ہوتی تو وہ حضرت زہراسلام اللہ علیہا سے توسل کرتے اوران کی مشکل حل ہوتی تھی۔تقریب میں کرسچن کی مختلف تنظیموںسمیت دیگر تمام مکاتب فکر کی خواتین ،مختلف تعلیمی اداروں کے اساتذہ اورطالبات نے کثیر تعداد میں شرکت کی۔

وحدت نیوز(سکردو) وزیر اعلیٰ گلگت بلتستان کا دورے سکردو کے موقع پر خصوصی ایمبولینسز کی بلتستان کے محکمہ صحت کے حکام کو حوالگی کی تقریب میں وزیر اعلی گلگت بلتستان خالد خورشید اور صوبائی وزیر زراعت و پارلیمانی لیڈر مجلس وحدت مسلمین گلگت بلتستان محمد کاظم میثم کی خصوصی شرکت۔

وزیراعلی کے خصوصی اصلاحاتی اقدام کے تحت خریدی گئی خصوصی ایمبولینسز بلتستان ڈویژن کے اضلاع کے محکمہ صحت کے حکام کے حوالے کردی گئیں۔ خصوصی ایمبولینسز کی فراہمی سے بلتستان ڈویژن کے اضلاع کے دور افتادہ علاقوں میں لوگوں کی  علاج معالجے کی سہولیات تک رسائی  بہتر ہوگی۔

وحدت نیوز (سکردو) وزیر اعلی گلگت بلتستان خالد خورشید نے سرمک 2 میگاواٹ پاور پراجیکٹ کا افتتاح کردیا! اس موقع پر صوبائی وزیر زراعت و پارلیمانی لیڈر مجلس وحدت مسلمین گلگت بلتستان محمد کاظم میثم، صوبائی وزیر تعمیرات وزیر سلیم و دیگر اعلی حکام موجود تھے۔ سرمک 2 میگاواٹ پاور پراجیکٹ سے بجلی کی ترسیل سے سکردو شہر میں بجلی کی فراہمی میں مدد ملے گی۔

 واضح رہے کہ گزشتہ سال وزیراعلی نے محکمہ برقیات کو سرمک 2 میگاواٹ پاور پراجیکٹ کی تعمیر کا کام تیز کرکے رواں موسم سرما سے بجلی کی ترسیل یقینی بنانے کا حکم دیا تھا۔

وحدت نیوز(سکردو) پارلیمانی لیڈر مجلس وحدت مسلمین پاکستان گلگت بلتستان کاظم میثم نے گمبہ سکردو میں جوانوں کے ساتھ ملاقات کی۔ اس نشست میں ایم ڈبلیو ایم جی بی کے صدر آغا علی رضوی،  شیخ علی محمد کریمی، سید نوری اور دیگر احباب موجود تھے۔ اس نشست میں پارلیمانی لیڈر و صوبائی وزیر زراعت نے گلگت بلتستان میں جاری ترقیاتی سکیموں بلخصوص حلقہ دو میں جاری پروجیکٹس اور ویژن کے حوالے سے تفصیلی گفتگو کی۔

انہوں نے کہا کہ موجودہ حکومت ہر حلقے میں جاری ترقیات کا مقائسہ گذشتہ دس سالوں سے کرے تو واضح ہوجائے گا کہ کس طرح جامع منصوبے کے ساتھ آگے بڑھ رہے ہیں۔ عوام کی حقیقی توقعات ہم سے وابستہ ہے اور ستر سالہ محرومیوں کا ازالہ کرنے کی توقع رکھتے ہیں جبکہ وسائل انتہائی محدود ہیں اور عمران خان کے دور میں گلگت بلتستان کو سپورٹ کیا گیا اگر جاری رہتا تو جی بی کا نقشہ کچھ اور ہی ہوتا۔ تمام اداروں میں ریفامز کی کوشش چل رہی ہے۔ بجلی کرائسز اور دیگر ایشوز کا مستقل حل بھی وقت طلب ہے جس کے لیے جدوجہد جاری ہے۔

 وزیر زراعت گلگت بلتستان نے گمبہ کے جوانوں کے مطالبہ پر بینظیر ہسپتال گمبہ سکردو کو دس بیڈ سے اپ گریڈ کرکے تیس بیڈ کرانے کے اقدامات کو تیز کرنے کی یقین دہانی کرائی۔ انہوں نے کہا گمبہ سکردو میں ہیلتھ کی سہولت ناکافی ہونے کے سبب آر ایچ کیو پر بھی بوجھ میں اضافہ ہے لہذا وزیراعلٰی گلگت بلتستان سے بھی گزارش کی ہے کہ سب ڈویژن گمبہ سکردو کے اس اہم ہیلتھ سنٹر کو اپ گریڈ کر دیا جائے۔ جوانوں کے مطالبے سے قبل ہی اس پہ کام چل رہا ہے۔ امید ہے اس کی اپ گریڈیشن کا عمل جلد ہوگا۔