The Latest
وحدت نیوز(اسلام آباد) چیئرمین مجلس وحدت مسلمین پاکستان علامہ راجا ناصر عباس جعفری نے اپنے بیان میں کہا دنیا کے سامنے ہاتھ پھیلانا حکمرانوں کے لیے منافع بخش کاروبار بن چکا ہے، اپنی نااہلی کی بدولت پہلے ملک کو مختلف بحرانوں میں مبتلا کیا جاتا ہے پھر اس کی تشہیر کر کے دنیا والوں سے بھیک مانگی جاتی ہے۔ ملک 75 سال سے گاہے بگاہے سیلاب جیسی قدرتی آفت سے ڈوب رہا ہے لیکن حکمرانوں نے آج تک اس مشکل کا مستقل حل نہیں نکالا جب کے اس حوالے سے اربوں ڈالرز کی امداد اور قرضہ جات وصول کیئے جاتے رہے ہیں جن پر کوئی چیک اینڈ بیلنس موجود نہ ہونے کی وجہ سے زیادہ تر رقم کرپشن کی نذر ہو گئی ہے۔
انہوں نے کہا کہ ملک میں اس وقت آٹے کا بحران شدت اختیار کر رہا ہے غریب عوام سے دو وقت کی روٹی بھی چھینی جا رہی پچاس روپے کلو ملنے والا آٹا ڈیڑھ سو روپے کلو میں بھی میسر نہیں ہے بھوک اور مہنگائی کی وجہ سے لوگ خود کشیاں کرنے پر مجبور ہیں لیکن افسوس ناک پہلو یہ ہے کہ زرعی ملک میں آٹے کی قلت کیسے پیدا ہو گئی ہے متعلقہ محکمے اپنے فرائض اور زمہ داریاں پوری کرنے میں ناکام نظر آتے ہیں، ملک میں دوسرے نمبر پر گندم کی پیداوار دینے والا صوبہ سندھ ابھی تک پانی میں ڈوبا ہوا ہے۔
ان کا کہنا تھا کہ گندم کی پیداوار میں دنیا کے ساتویں بڑے ملک پاکستان میں آٹے کی قلت امپورٹڈ حکومت کیلئے شرم سے ڈوب مرنے کا مقام ہے، دیگر اشیائے خوردونوش کا عوام کو میسر نہ آنا افسوس ناک ہے۔ مائیں بہنیں ملک بھرمیں آٹا کے حصول کیلئے مردوں کے ہجوم میں دھکے کھانے پر مجبور ہیں ،ایک شہری آٹے کے حصول کیلئے اپنی جان سے ہاتھ دھو بیٹھا،قوم کے صبر کا پیمانہ دن بادن لبریز ہورہا ہے۔
انہوں نےمزید کہا کہ ملک کو اس وقت بیک وقت درپیش کئی چیلنجز کا سامنا ہے جن میں سیاسی عدم استحکام، معیشت کی زبوں حالی، امن و اماں کی بگڑتی صورتحال، ماحولیاتی آلودگی، موسمیاتی تبدیلی کے اثرات اور تباہ کاری شامل ہے لیکن ان تمام مسائل کے فوری یا دیر پا حل کے لیے حکومتی سطح پر کوئی منظم حکمت عملی اختیار نہیں کی گئی ہے جس سے ملکی مسائل میں اضافہ تشویشناک حد تک بڑھ رہا ہے لیکن حکمران اقتدار کے ایوانوں میں مدہوش ہیں۔
وحدت نیوز(مشہد) دفتر مجلس وحدت مسلمین پاکستان شعبہ مشہد کی طرف سے سازمان تبلیغات اسلامی خراسان کے ھال میں عظیم الشان تکریم شہداءکانفرنس کا انعقاد کیا گیا۔ پروگرام میں علماء اور طلاب اور خواتین کی کثیر تعداد میں شرکت۔پروگرام کا آغاز تلاوت کلام مجید سے ہوئی جسکی سعادت قاری خوش صدا محمد عابدین شگری نے حاصل کی۔ نعت رسول مقبول پڑھنے کا شرف برادر قمر علی کشمیری کو ملا،پروگرام کے مہمان مقرر حجۃ الاسلام والمسلمین سید حسنین عباس گردیزی نے شھدا ءکو خراج تحسین پیش کیا اور سردار شھید قاسم سلیمانی، ابومھدی المھندس اور شھدائے ملت جعفریہ کی خدمات پر مفصل گفتگو فرمائی۔
اسکے بعد برادر سید عارف موسوی نے اپنی دل کش آواز میں شھدا نذرانہ عقیدت پیش کیا. بین المللی گروہ سرود خورشید ھشتم نے ترانہ پڑھا اور داد تحسین حاصل کی۔ پروگرام کے آخری مقرر جامعۃ المصطفے العالمیہ مشھد کے چانسلر جناب حجۃ الاسلام والمسلمین محمدرضا صالح نے شھید سردار قاسم سلیمانی کی ویژگیھا اور اسلام اور مسلمانوں کے لئے خدمات کا تفصیل سے ذکر کیا، کانفرنس میں مجری کے فرائض حجۃ الاسلام عارف حسین تھہیم نے ادا کیے۔
وحدت نیوز(قم)مجلس وحدت مسلمین شعبہ قم کے زیر اہتمام تکریم شہداء کانفرنس منعقد کی گئی جس سے ایم ڈبلیوایم کے مرکزی سیکریٹری امور خارجہ حجت الاسلام ڈاکٹر سید شفقت حسین شیرازی نے شہید جنرل قاسم سلیمانی کی زندگی اور ان کی شخصیت پہ گفتگو کی اس کے بعد رھبر جنبش عراق ، مجاہد خطیب حجت الاسلام سید ہاشم الحیدری نے جبھہ مقاومت اور دشمنان اسلام کے موضو ع پہ گفتگو فرمائی۔
اس موقع پر ایم ڈبلیوایم کے سیکرٹری جنرل سید شیدا حسین جعفری و مسؤول آفس و مسوول شعبہ فرهنگی حجت الاسلام رضوانی اور اسی طرح مسؤول محترم ارتباطات حجت الاسلام جناب اسکندری علی حیدری و حجت الاسلام آقای احسان دانش ڈپٹی جنرل سیکرٹری و مسؤول تربیتی حجت السلام عمران انجینئر سمیت حوزہ علمیہ قم کی برجستہ شخصیات اور طلاب عزیز کی کثیر تعداد شریک تھی۔
وحدت نیوز(اصفہان)مجلس وحدت مسلمین اصفہان کے زیر اہتمام شھادت قاسم سلیمانی و ابو مھدی المھندس و تکریم شھداء ملت تشیع کی مناسبت سے سالن جلسات شمارہ (1) جامعہ المصطفی اصفھان میں تکریم شہداء کانفرنس منعقد ہوئی جس میں حجت الاسلام و المسلمین دکتر قربانی مقدم نے طلاب و فضلاء ارجمند جامعہ المصطفی اصفھان کے درمیان سخنرانی فرمائی۔ آخر میں جلسہ کا اختتام پزیرائی و دعا خیر سے ہوا۔
وحدت نیوز (اسلام آباد) مجلس وحدت مسلمین صوبہ جنوبی پنجاب کے صدر علامہ سید اقتدار حسین نقوی کی والدہ ماجدہ داعی اجل کولبیک کہہ کر خالق حقیقی سے جا ملیں۔
مرحومہ کے انتقال پرایم ڈبلیوایم کے چیئرمین علامہ راجہ ناصرعباس جعفری، وائس چیئرمین علامہ سید احمد اقبال رضوی، جنرل سیکریٹری سید ناصرشیرازی، سیکریٹری امورخارجہ علامہ شفقت شیرازی سمیت دیگر مرکزی وصوبائی قائدین نے افسوس اور تعزیت کا اظہار کیا ہے ۔
تعزیتی پیغام میں علامہ راجہ ناصرعباس جعفری نے کہا کہ مجلس وحدت مسلمین جنوبی پنجاب کے صدر علامہ اقتدار حسین نقوی کی والدہ ماجدہ کے انتقال پرملال پر دلی دکھ اور افسوس ہوا ہے ، والدہ کا وجوداولاد کیئے کسی نعمت اور شجر سایہ دار سے کم نہیں ، ماں موجود ہوتو اپنی دعاؤں سے اولاد پر آنے والی مصیبتوں کو ٹال دیتی ہے ۔خداوند متعال بحقِ چہاردہ معصومین ؑ مرحومہ کی مغفرت فرمائے اور جناب سیدہ فاطمتہ الزہرا سلام اللہ علیہا کے جوار رحمت میں جگہ نصیب فرمائے ۔
علامہ سید احمد اقبال رضوی نے کہا کہ علامہ اقتدار حسین نقوی کی والدہ محترمہ کے انتقال کا سن کر دلی دکھ اور افسوس ہوا ہے خداوند منان بحق صدقہ پنجتن پاک علیہم السلام مرحومہ کی مغفرت فرمائے آخرت کی تمام منازل آسان کرے اور سب گھر والوں کو صبرِ جمیل عطا فرمائے۔
ناصر عباس شیرازی نےکہا کہ مجلس وحدت مسلمین جنوبی پنجاب کے صدر علامہ اقتدار حسین نقوی کی والدہ محترمہ کے انتقال کا سن کر دلی دکھ اور افسوس ہوا ہے،خدا وند متعال پسماندگان کو صبر جمیل عنایت فرمائے۔
علامہ ڈاکٹر شفقت شیرازی نے کہا کہ برادر عزیز و ارجمند جناب مولانا سید اقتدار حسین نقوی (صوبائی صدر مجلس وحدت مسلمین، جنوبی پنجاب) کی والدہ گرامی کی وفات کی خبر سن کر دلی دکھ اور افسوس ہوا۔ والدین کی فضیلت اور زندگی میں ان کے وجود مبارک کی برکت و اہمیت کے پیش نظر جناب مولانا سید اقتدار حسین نقوی کے لیے ان کی والدہ گرامی کا انتقال پر ملال بہت بڑا نقصان ہے۔ اللہ رب العزت ان کی والدہ گرامی کو جوار رحمت و مغفرت میں جگہ عنایت فرمائے اور پسماندگان کو صبر جمیل عطا کرے۔ دکھ اور غم کی اس گھڑی میں محترم جناب مولانا اقتدار حسین نقوی اور ان کے اہل خانہ کو تعزیت و تسلیت پیش کرتے ہیں۔
وحدت نیوز(اسلام آباد)مجلس وحدت مسلمین ضلع اسلام آباد و راولپندی کے زیر اہتمام شہدائے اسلام کو خراج عقیدت و سلام پیش کرنے کے لیے تکریم شہداء کانفرنس کا انعقاد کیا گیاجس میں چیئرمین مجلس وحدت مسلمین پاکستان علامہ راجہ ناصرعباس سمیت دیگر مقررین نے خطاب کیا ۔
چیئرمین سنی اتحاد کونسل صاحبزادہ حامد رضا نے اپنے خطاب میں کہا کہ آج تک کسی شیعہ اور سنی نے ملکی سالمیت اور خودمختاری پر حملہ نہیں کیا حاج (ق س) نے ایک عہد کو تعبیر کیا،حق و باطل کی پہچان کے لیے ابتداء کربلاء سے ہوئی،پاکستان میں مزارات ،امام بارگاہوں اور علماء کرام نے ان تکفیریوں کے حملوں کو سہا،ریاست نے کبھی عظمت صحابہ کرام کے نام پر لشکر بنائے کبھی جہاد اسلام کے نام پر لشکر بنائے ،کالعدم تحریک طالبان کے ساتھ مذاکرات احمقانہ فیصلہ ہے۔جیسے کوئی بھی ذی شعور قبول کرنے کو تیار نہیں وحشت اور بربریت کا کھیل کھیلنے والے لشکروں کو قومی دھارے میں لانے کی بات انتہائی افسوس ناک ہے،طالبان کا علم سے دور دور کا تعلق نہیں ہے ،موجودہ وزیر داخلہ داتا گنج بخش رحمۃ اللّٰہ کے مزار پر حملہ آوروں کی پشت پناہی کرتے رہے ہیں،دنیا میں عزت سے جینا ہے تو مانگنے کی بجائے دینے والا بننا ہو گا۔
سربراہ جماعت اہل حرم مفتی گلزار نعیمی نے خطاب کرتے ہوئے کہا کہ شہداء کی زندگی قابل فخر ہے اور ان کی موت تو قابل رشک ہے،جسے خدا کی آشنائی حاصل ہو جائے وہ خدا کے لیے اپنی جان کا نذرانہ پیش کرنا فخر سمجھتے ہیں۔جو شخص اہلبیت علیہم السلام سے جتنی زیادہ محبت کرتا ہے اسے موت بھی اتنی زیادہ سخت اور امتحان والی ہو گی۔وقت کا تقاضا ہے کہ ہمیں اتحاد و وحدت کے پیغام کو پھیلانا ہو۔
مرکزی جنرل سیکرٹری ایم ڈبلیو ایم سید ناصر عباس شیرازی نے کہا کہ اس وطن کے دشمنوں کے سروں کو توڑیں گے انکی آنکھوں کو ہم پھوڑیں گے کو قاتلوں کی بجائے عوام کے ساتھ کھڑا ہونا پڑے گا،ہم مقدس شہداء کے پیغام کو کبھی نہیں بھولیں گے،معصوم بچوں کا خون بہانے والے دہشت گردوں سے مذاکرات قطعی طور پر قبول نہیں،شہداء کو سرحدوں کی قید میں بند کرنا ناانصافی ہوگی۔
کانفرنس سے خطاب کرتے ہوئے معروف صحافی و کالم نگار مظہر برلاس نے کہا کہ جب تک ملک پر موجودہ حکمران مسلط ہیں حالات بد تر ہوتے جائیں گے۔خدا کی ذاتِ کو سب سے زیادہ پسند عمل محمد آل محمد پر درود بھیجنا ہے۔حاج (ق س) صرف جرنیل نہیں تھا وہ تو ایک درویش تھا حاج (ق س) دنیا میں ہر خطے پر مظلومین کی حمایت و نصرت کے لئے پہنچا،حاج (ق س) نے کوئی جزیرہ نہیں خریدا کوئی بینک بیلنس نہیں بنایا بلکہ رضائے خدا خریدی ہےحالات جس قدر سخت ہو جائیں راہ اہلبیت علیہم السلام کبھی نہ چھوڑیں۔کانفرنس سے دیگر مقررین نے بھی خطاب کیا اور جامعہ الولایہ کے طلبہ نے ٹیبلو پیش کیا۔
وحدت نیوز(اسلام آباد) مجلس وحدت مسلمین ضلع اسلام آباد و راولپندی کے زیر اہتمام شہدائے اسلام کو خراج عقیدت و سلام پیش کرنے کے لیے تکریم شہداء کانفرنس کا انعقاد کیا گیا۔کانفرنس میں چیئرمین مجلس وحدت مسلمین پاکستان علامہ راجا ناصر عباس جعفری ، چیئرمین سنی اتحاد کونسل صاحبزادہ حامد رضا،سربراہ جماعت اہل حرم مفتی گلزار نعیمی،مرکزی جنرل سیکرٹری سید ناصر عباس شیرازی معروف صحافی مظہر برلاس اور دیگر مقررین نے خطاب کیا ۔کانفرنس میں تمام شعبہ ہائے زندگی سے تعلق رکھنے والے افراد کی کثیر تعداد نے شرکت کی۔
کانفرنس سے مرکزی خطاب کرتے ہوئے علامہ راجہ ناصر عباس جعفری نے کہا کہ آج ہم یہاںوطن اور اسلام کا دفاع کرنے والے شہداء کے لئے بیٹھے ہیں آل اطہار علیہم السلام کے حرم کا دفاع کے لیے،امت کے دفاع کے لیے کھڑے ہونے والے شہداء کو ہم فراموش نہیں کر سکتےامریکہ احمق نہیں جو کسی جگہ لاکھوں ڈالرز لگائے بلکہ وہ خطے پر غلبہ حاصل کرتا اگر قاسم سلیمانی اردگان کو نہ سمجھاتے تو امریکہ کی طرف سے ترکی کے بھی ٹکڑے ٹکڑے کر دیئے جاتے سردارحاج (ق س) آج ہم میں موجود نہیں ہے لیکن ہم اسے کبھی نہیں بھلا سکتے ۔انہوں نے مذید کہا کہ عوام کی امنگوں کے مطابق صاف شفاف الیکشنز کراوئے جائیں،پاک فوج اور عوام کے درمیان پیدا ہونے والے فاصلے ختم کرنے کی ضرورت ہے عوام پر مسلط نااہل امپورٹڈ حکمران ملکی سالمیت اور استحکام کے لئےخطرناک ہیں ۔ہم وطن کے باوفا بیٹے ہیں ہم ملکی سالمیت پر آنچ نہیں آنے دیں گے ۔وطن عزیز کی خود مختاری اور استحکام کے لئے جانیں نچھاور کر دیں گے ۔
وحدت نیوز(کھرمنگ) گلگت بلتستان اسمبلی میں پارلیمانی سیکریٹری برائے لوکل گورنمنٹ و ضلعی صدر مجلس وحدت مسلمین شیخ اکبر علی رجائی کی خصوصی ہدایت پر برف باری اور واٹر چینل کیوجہ سے بلاک شدہ کسورو کی بحالی کیلئے اسسٹنٹ کمشنر کھرمنگ اور بی اینڈ آر کے ذمہ داران کی نگرانی میں کام شروع ہوگئے۔ ڈپٹی کمشنر کھرمنگ محمد جعفر اور ایکسین ورکس یاسر قزلباش نے ماتحت عملے کو فورا کام کرکے روڈ بلاک پر کام کا حکم دیا۔ اہالیان علاقہ نے اس موقع پر پارلیمانی سکریٹری کی طرف سے خصوصی دلچسپی لیکر انتظامیہ کو متوجہ کرنے پر انکے، ضلعی انتظامیہ اور محکمہ ورکس کا شکریہ ادا کیا۔
وحدت نیوز(پشاور)مجلس وحدت مسلمین خیبر پختونخوا کی صوبائی شوریٰ کا اجلاس پشاور میں منعقد ہوا، صوبائی صدر علامہ جہانزیب علی جعفری کے زیر صدارت منعقدہ اجلاس میں صوبائی نائب صدور علامہ ارشاد علی، سید اسد علی زیدی، جنرل سیکرٹری شبیر حسین ساجدی کے علاوہ اضلاع کے تنظیمی مسئولین نے شرکت کی۔
اس موقع پر صوبائی کابینہ نے اپنی کارکردگی رپورٹ پیش اور اس کے بعد اضلاع کی رپورٹس پیش ہوئیں۔ صوبائی شوریٰ کے اجلاس میں تنظیم کی صوبائی سطح پر فعالیت کا جائزہ لیا گیا اور صوبہ میں درپیس مسائل پر تفصیلی بحث و مباحثہ کیا گیا۔ اس موقع پر آئندہ کا تنظیمی لائحہ عمل بھی ترتیب دیا گیا۔
وحدت نیوز(ملتان)مجلس وحدت مسلمین جنوبی پنجاب کی صوبائی شوریٰ کا اجلاس صوبائی سیکرٹریٹ مسجد ولی العصر ننگانہ چوک پر منعقد ہوا، اجلاس میں جنوبی پنجاب کے اضلاع بشمول ملتان، مظفرگڑھ، لیہ، بھکر، کوٹ ادو، تونسہ شریف، ڈیرہ غازیخان، رحیم یار خان اور بہاولپور نے شرکت کی۔ اجلاس میں مجلس وحدت مسلمین کے مرکزی ڈپٹی سیکرٹری جنرل علامہ اعجاز حسین بہشتی، سلیم عباس صدیقی نے خصوصی شرکت کی۔ اجلاس میں آئندہ سہہ ماہی کا پروگرام دیا گیا۔
اجلاس میں مجلس وحدت مسلمین کی جانب سے کیے جانے والے سیاسی فیصلے کو سراہا گیا، اجلاس میں کہا گیا کہ ہم مرکز کی جانب سے کیے جانے والے تمام فیصلوں کی تائید کرتے ہیں، یہ ملک کلمہ طیبہ کی بنیاد پر وجود میں آیا ہے، بعض شرپسند عناصر اہل سنت بریلوی اور تشیع کو دیوار سے لگانے کی کوشش کررہے جسے ہم کبھی قبول نہیں کریں گے۔ اجلاس سے صوبائی صدر علامہ اقتدار حسین نقوی، نائب صدور غلام اصغر تقی، سید انعام حیدر زیدی، صوبائی رہنما سید دلاور زیدی، علی رضا زیدی، عاطف حسین اور دیگر نے خطاب کیا۔ اجلاس میں تنظیمی طور پر کوٹ ادو اور تونسہ شریف کو ضلع کا درجہ دیدیا گیا۔
