وحدت نیوز(لاہور)مجلس وحدت مسلمین کے سابق ڈپٹی جنرل سیکرٹری سنٹرل لاہور برادر خرم زیدی،رانا کاظم علی سابق ڈپٹی جنرل سیکرٹری سنٹرل لاہور اور برادر فرقان حیدر سابق سیکرٹری فلاح و بہبود سنٹرل لاہور کی شیخ عمران علی صوبائی سیکرٹری فلاح و بہبود اور سابق سیکرٹری جنرل سنٹرل لاہور  سے انکی رہائش گاہ پر ان سے ملاقات ۔اس موقع پر تنظیمی فعالیت کے حوالے سے گفتگو ہوئی اور برادر شیخ عمران علی کی تنظیمی خدمات کو سراہا گیا اس موقع پر مرکزی سیکرٹری سیاسیات اسد عباس نقوی بھی موجود تھے۔

وحدت نیوز(کراچی) مجلس وحدت مسلمین شعبہ خواتین کی مرکزی صدر سیدہ معصومہ نقوی نے اپنے دورہ سندھ کے دوران کراچی کے مختلف علاقوں کا بھی دورہ کیا جہاں انہوں نے ایم ڈبلیو ایم شعبہ خواتین کراچی کی ضلعی صدر محترمہ معصومہ ممتاز اور دیگر تنظیمی عہدیداران سے ملاقات کی ۔

محترمہ معصومہ ممتاز اور محترمہ نشاط زہرا کے ساتھ مشاورت کے بعد کراچی کی تین تحصیلوں کی صدور کا انتخاب عمل میں لایا گیا محترمہ صبا مھدی سعدی ٹاون ، محترمہ کلثوم بانو واٹر بورڈ ٹاون اور محترمہ مریم زہرا اور معصومہ زہرا گلستان جوہر کی صدر اور نائب صدر منتخب ہوئیں اس موقع پر مرکزی صدر سیدہ معصومہ نقوی نے نو منتخب تحصیل صدور سے حلف لیا۔

وحدت نیوز(کراچی)مجلس وحدت مسلمین پاکستان کراچی ڈویژن کی پولٹیکل کونسل کا اجلاس سیکرٹری سیاسیات علامہ مبشر حسن کی سربراہ میں وحدت ہاوس انچولی میں منعقد ہوا۔ اجلاس سے خطاب کرتے ہوئے علامہ مشر حسن نے کہا کہ ایڈمنسٹریٹر کراچی بارشوں پہلے شہر کے برساتی نالوں کی صفائی کے کام کو ہنگامی بنیادوں پر مکمل کریں اور بارشوں سے پہلے اقدامات کرکے شہریوں کو بارش کے نقصانات سے بچائیں، شہری پہلے ہی مخدوش سٹرکوں اور بوسیدہ سیوریج سسٹم کی وجہ سے اذیت کا شکار ہیں۔ اجلاس میں ذیشان حیدر، رضی حیدر رضوی، یعقوب شہباز، زین رضا، آصف صفوی، کاظم عباس سیمت دیگر اراکین موجود تھے۔

انہوں نے کہا کہ بلدیاتی اداروں کی ناقص کارکردگی اور عوامی مسائل سے عدم توجہی کے باعث عام آدمی کی زندگی اجیرن بن کر رہ گئی ہے، معمولی بارش کے بعد پورا کراچی کسی جوہر کا نقشہ پیش کر رہا ہوتا ہے، پورا ملک بحرانوں کی زد میں ہے لیکن حکمران ان معاملات سے دانستہ طور پر انجان بنے بیٹھے ہیں، حکومت جب تک عوامی مسائل کے حل میں سنجیدہ نہیں ہوگی تب تک مشکلات کا ازالہ ممکن نہیں، محکمہ بلدیات سمیت تمام  اداروں کو اپنی ذمہ داریوں کا ادراک کرنا ہوگا، جب تک صوبائی و وفاقی حکومتیں ایک پیج پر نہیں ہوں عوام کے مسائل میں اضافہ ہوتا رہے۔

وحدت نیوز(جیکب آباد)بلوچستان کے سیلاب متاثرہ گھروں اور مساجد کی تعمیر کیلئے مجلس وحدت مسلمین اور انجمن حسینیہ خواجگان نارووالی کی جانب سے متاثرین کو پہلی قسط ادا کر دی گئی۔ جسکے بعد سیلاب متاثرہ علاقوں میں تعمیر مکانات و مساجد کے دوسرے مرحلے کا آغاز ہو گیا۔ انجمن حسینیہ خواجگان نارووالی کے تعاون سے مجلس وحدت مسلمین بلوچستان کے زیر اہتمام مدرسہ المصطفی خاتم النبیین صلی اللہ علیہ وآلہ وسلم جیکب آباد میں 26 مکانات اور 6 مساجد کی تعمیرات کی پہلی قسط مستحقین اور بانیان مساجد کے حوالے کی گئی۔ تقریب سے مجلس وحدت مسلمین پاکستان کے مرکزی سیکرٹری تنظیم علامہ مقصود علی ڈومکی، صوبائی صدر علامہ سید ظفر عباس شمسی، صوبائی جنرل سیکرٹری علامہ سہیل اکبر شیرازی، ضلع صدر مجلس علمائے شیعہ علامہ سیف علی ڈومکی، مولانا ارشاد علی سولنگی، وکیل رہنماء ایڈوکیٹ عبدالحئی سومرو، میر حسن کریم گولو، سماجی رہنماء غلام کبریٰ سومرو اور دیگر نے خطاب کیا۔

اس موقع پر خطاب کرتے ہوئے علامہ مقصود علی ڈومکی نے کہا کہ متاثرین سیلاب کے نقصانات کے ازالے کے لئے حکومت نے اپنی ذمہ داریاں پوری نہیں کیں۔ سیلاب اور مہنگائی کے باعث لاکھوں لوگ خط غربت سے نیچے چلے گئے ہیں۔ قانون ساز اسمبلی نے آج تک غریب عوام کی مشکلات کے ازالے کے لئے قانون سازی نہیں کی۔ جبکہ سیاسی قائدین اپنے مفاد میں قانون سازی بھی کرتے ہیں اور مقتدر اداروں کو بھی آپس میں لڑاتے ہیں، لیکن آج تک مسنگ پرسنز، غربت، مہنگائی، بے روزگاری، دہشت گردی، اغواء برائے تاوان، قبائلی جھگڑوں اور کرپشن کے خلاف قومی اسمبلی یا ریاستی اداروں نے ایسی پھرتی اور سنجیدگی نہیں دکھائی۔ تقریب سے خطاب کرتے ہوئے علامہ سید ظفر عباس شمسی نے کہا کہ مجلس وحدت مسلمین انجمن حسینیہ خواجگان نارووالی کے تعاون سے متاثرین سیلاب کی بحالی کے لئے مصروف عمل ہے۔ عوام کی خدمت کو اپنے لئے اعزاز سمجھتے ہیں۔