وحدت نیوز (اسلام آباد) مرکزی کردا ر سازی کونسل، مجلس وحدت مسلمین پاکستان کی دعوت پر 30 دسمبر 2022ء بروز جمعہ 9 بجے شب ایک اہم آن لائن میٹنگ کا اہتمام کیا گیاتھا ۔جس میں تمام صوبائی صدور ، ڈویژنل صدور ،صوبائی سیکریٹری تربیت کو مدعو کیا گیا تھا ۔اس آن لائن میٹنگ میں علامہ سید احمد اقبال رضوی وائس چیئرمین مجلس وحدت مسلمین پاکستان ، برادر سید اسد عباس نقوی مرکزی سیکرٹری سیاسیات ، برادرسلیم صدیقی مرکزی ڈپٹی جنرل سیکرٹری نے خصوصی طور پر شرکت کی ۔

میٹنگ میں صوبہ سندھ اور صوبہ ریاست آزاد کشمیر کے صوبائی صدور کے علاوہ تمام صوبوں کے صوبائی صدور نے شرکت فرمائی ۔ مرکزی کردار سازی کونسل کے تمام اراکین نے شرکت کی۔ مرکزی کردار سازی کونسل قم کے اراکین بھی اس اہم آن لائن نشست میں شریک ہوئے ۔ میٹنگ میں کئی ایک فیصلے کیے گئے ۔

سب نے اس بات پر اتفاق کیا کہ تنظیمی افراد کی تربیت کے لئے اسٹڈی سرکل(حلقہ مطالعہ) کی روش بہت اچھی متعارف کرائی گئی ہے ۔ اس روش سے نہ صرف افراد کی تربیت ہوگی بلکہ تنظیم میں کام کرنے اورتنظیمی اقدارکو سمجھنے مدد ملے گی ۔ تمام شرکاء میٹنگ نے اس روش(اسٹڈی سرکل ) کو بہت سراہااور کہا کہ یہ سلسلہ اب جاری رہنا چاہیے ۔ ہر 15 روز بعد تنظیمی افراد کو ایک بہترین موقع ملتا ہے کہ مل بیٹھیں اور اسٹڈی سرکل کے علاوہ کئی امور پر بھی گفتگو ہوجاتی ہے اور اضلاع اور یونٹس کو فعال رکھنے کا بہترین ذریعہ ہے۔

علامہ سید احمد اقبال رضوی نے آن لائن میٹنگ کے شرکاء سے خطاب کرتے ہوئے کہاکہ آج یہ پہلی آن لائن نشست ہے ۔ میں تمام شرکاء کا تہہ دل سے مشکور ہوں کہ انہوں نے کردار سازی اور تربیتی امور کو اہمیت دی اور وقت نکال کر آج مل بیٹھے ہیں ۔ہم نے یہ سلسلہ باقاعدہ شوری عالی کی منظوری سے شروع کیا ہے ۔ ابھی تک باقاعدہ دو اسٹڈی سرکل پورے ملک مین منعقد ہوچکے ہیں۔اب ہم یکم جنوری2023ء کو تیسری نشست کی جانب بڑھ رہے ہیں۔ ان شاءاللہ یہ سلسلہ جاری وساری رہے گا ۔ ابھی تک ہم آیۃ اللہ العظمیٰ شہید سیدمحمد باقرالصدر کی شہرہ آفاق کتاب آزمائش کااسٹڈی سرکل جاری رکھے ہوئے ہیں ۔ البتہ یہ کتاب ممکن ہے چوتھے جلسے میں مکمل ہوجائے ، تو ہمارے پاس اسٹڈی سرکل کے 7 مراحل (منازل) ہیں جنہیں ہم نے اجراء کرنا ہے ۔

انہوں نے کہا کہ اگلے مراحل میں رہبر معظم کی کتاب استفتئات ، مجلس وحدت مسلمین کا دستور ، آیۃ اللہ شہید عبدالحسین دستغیب کی کتاب گناہان کبیرہ ، سیرت معصومین ؑ ، اور دیگر کتب بھی اگلے مراحل میں شامل کی گئی ہیں جو مرحلہ وار ان کتب کی سوفٹ کاپی( پی ڈی ایف )کی صورت میں آپ کو ارسال کردی جائے گی ۔ آپ تمام تنظیمی برادران کی خصوصی کاوشیں اس پروگرام کی کامیابی کے لیے بہت ضروری ہیں ۔ جب سے ہم نے یہ سلسلہ شروع کیا 4دسمبرکو پورے ملک میں پہلا اسٹڈی سرکل منعقد ہوا ۔18 دسمبردوسرا اسٹڈی سرکل منعقد ہوا ۔ ان شاءاللہ اس کام میں بہتری آ رہی ہے ۔ آپ علماء کرام اور باتجربہ دوستوں کے تعاون سے یہ سلسلہ بڑھ سکتا ہے ۔ ہماری خواہران نے بھی اس معاملے میں سنجیدگی دیکھائی اور کئی جگہوں پر انہوں نے اسٹڈی سرکل کی یہ نشستیں منعقد کی ۔

میری تمام علماء کرام ، صوبائی صدور ،ڈویژنل صدور اور صوبائی سیکرٹری تربیت سے گزارش ہے کہ اسٹڈی سرکل کی نشستوں کو سنجیدہ لیں اور اجراء کرنے میں اپنا بھرپور کرادارادا کریں ۔ اسٹڈی سرکل ہی سب سے مختصر اور بہتر روش ہے ایک اس تنظیمی کارکن کے لئے جو آج کے مصروف دور میں اپنی تربیت کے ساتھ ساتھ معاشرہ سازی میں اپنا مثبت کردار پیش کرسکتا ہے ۔جو برادران اس نشست میں شریک نہ ہوسکے ان سے گزارش کی گئی کہ تربیتی امور تمام تنظیمی کاموں سے اہم ہیں جس کو اہمیت دیتے ہوئے تمام برادران کو اس طرح کی میٹنگز میں شریک ہونا چاہئیے یہ الھی اور تنظیمی فریضہ ہے، اس طرح کی نشستیں آئندہ بھی ہوتی رہیں گی ان شاءاللہ۔

وحدت نیوز(اسلام آباد) چیئرمین مجلس وحدت مسلمین پاکستان علامہ راجہ ناصرعباس جعفری نے شہدائے راہ وحدت کراچی شہید صفدرعباس ، شہید عبدالعلیم ہزارہ اور شہید علی شاہ موسوی کی نویں برسی اور شہید ِ بیداری ِ ملت عسکری رضا کی گیارہویں برسی کے موقع پر اپنے بیان میں کہا کہ ماضی میں شہر قائد پر مسلط فاشزم اور تکفیریت کےمقابل شہدائے ملت جعفریہ کراچی کی قربانیاں ناقابل فراموش ہیں۔ شہدائے کراچی نے اپنے پاکیزہ خون سے خوف کے بت کو توڑڈالا تھا۔ ان عظیم شہداء کی لازوال قربانیاں ملت تشیع کے لیئے جرائت، استقامت اور بیداری کے حصول کا ذریعہ بنیں ۔ شہرقائد میں مکتب تشیع کے عظیم فرزندوں نے اپنی قیمتی جانوں کے نذرانے وطن عزیز کی سلامتی واستحکام کی راہ میں پیش کیئے لیکن ہم نے کبھی ریاست کے قانون کو ہاتھ میں نہیں لیا ، شہیدعسکری رضا، شہید استاد سبط جعفر، شہید آغا آفتاب جعفری ،شہید علامہ دیدارجلبانی اور سینکڑوں شہداءکی لازوال قربانیاں ہمارے لیئے مشعل راہ ہیں۔

ان کا کہنا تھا کہ مجلس وحدت مسلمین شہداء کے مقدس پیغام کی وارث اور امین جماعت ہے، ہماری جماعت ایک مسلک کی نمائندگی ضرور کرتی ہےلیکن ہماری جدوجہد کا محور کبھی فرقہ وارانہ سیاست نہیں رہی ۔ ہم نے اپنے قائد شہید کی فکر و فلسفے کی روشنی میں ہمیشہ ہر مظلوم کی حمایت کی چاہے وہ کافر ہی کیوں نہ ہو اور ہر ظالم کی مخالفت کی خواہ وہ شیعہ ہی کیوں نہ ہو۔

انہوں نے مزید کہا کہ ہم وطن عزیز پاکستان میں عادلانہ نظام حکومت کے نفاذ اور بیرونی مداخلت اور غلامی سے نجات کی جدوجہد اپنے خون کےآخری قطرے تک جاری رکھیں گے، یہ شہادتیں ہمارا ورثہ ہیں جو کربلا سے ہمیں ملا ہے،ہم عہد کرتے ہیں کہ اپنے نجیب و کریم شہداءکی راہ کو کبھی فراموش نہیں کریں گے اور خود بھی اسی راہ پر چلتے ہوئے اپنی جانیں جان آفریں کے سپرد کریں گے۔ ایم ڈبلیوایم سال گذشتہ کی طرح اس سال بھی یکم تا 10 جنوری شہدائے راہ ولایت واستقامت کو خراج تحسین پیش کرنے کیلئے ملک بھرمیں عشرہ تکریم شہداءعقیدت واحترام کے ساتھ منائے گی، ملک بھر میں مجالس عزا، کانفرنسز، سیمینارز، دعائیہ تقریب کا انعقاد کیا جائےگا۔

وحدت نیوز(اسلام آباد) مجلس وحدت مسلمین ضلع شیخوپورہ کے رہنما اور جماعت کے بانی رکن مولانا غلام عباس جعفری (مرید کے) قضائے الٰہی سے انتقال کر گئے ہیں۔مرحوم کی رحلت پر ایم ڈبلیوایم کے قائدین نے دلی افسوس اور رنج کا اظہار کیا ہے ۔

چیئرمین ایم ڈبلیوایم علامہ راجہ ناصرعباس جعفری نے کہا کہ مجلس وحدت مسلمین پاکستان کے بانی رُکن مولانا غلام عباس جعفری کے انتقال پُر ملال پردِلی افسوس ہوا، ان کے انتقال پر خانوادگان کوتعزیت و تسلیت پیش کرتا ہوں ، مرحوم انتہائی بااخلاق اور ملنسار شخصیت کے مالک تھے، دین ومکتب کی خدمت کے حوالے سے انتھک آدمی تھے۔

وائس چیئرمین ایم ڈبلیوایم علامہ سید احمداقبال رضوی نے کہا کہ مولانا غلام عباس جعفری بانی رُکن مجلس وحدت مسلمین پاکستان کے انتقال پر پسماندگان کوتعزیت و تسلیت پیش کرتا ہوں، خداوند متعال بحقِ چہاردہ معصومین علیہم السلام مرحوم کو جوارِ آئمہ علیہم السلام میں جگہ عنایت کرے اور اہلِ خانہ کو صبر جمیل عطاء فرمائے ۔الہی آمین

مرحوم کے انتقال پر ایم ڈبلیوایم کے مرکزی رہنما ناصرشیرازی، اسدعباس نقوی، علامہ اعجازبہشتی، ملک اقرار حسین، علامہ باقرعباس زیدی سمیت دیگر مرکزی وصوبائی قائدین نے بھی رنج وغم کا اظہار کیا ہے ۔