وحدت نیوز(ملتان)محرم الحرام کے انتظامات کے سلسلے میں ڈپٹی کمشنر ملتان عمر جہانگیر کی زیر صدارت اجلاس، مجلس وحدت مسلمین عزاداری ونگ جنوبی پنجاب کے صوبائی صدر و ممبر ڈویژنل امن کمیٹی ملتان انجینئر سخاوت علی سیال کی شرکت، اجلاس میں شہر کے دیگر عزادار، لائئسنسداران، انتظامیہ کے افسران بھی موجود، محرم الحرام کے انتظامات میں حائل دشواریوں پر تبادلہ خیال۔

وحدت نیوز(کراچی) مجلس وحدت مسلمین کراچی ڈویژن کی صدر علامہ صادق جعفری نے کراچی عزاء خانہ زہرا کے باہر منعقدہ پریس کانفرنس سے خطاب میں کہا ہےکہ ملک بھر میں محرم الحرام 1445 یجری کا آغاز ہوگیا ہے ۔محرم الحرام مولا امام حسین یاد میں منایا جاتا ہے۔امام حسین علیہ السلام اپنی قربانی دیکر رہتی دنیا تک  اسلام کی حقیقی معنی بتا دیئے۔دنیا کے کونے کونے میں محرم کو منانے کی تیاریاں مکمل ہیں بد قسمتی کے ساتھ کہنا پڑتا ہے عزاداری کے خلاف شرپسند عناصر رکاوٹیں پیدا کرتے ہیں تمام اداروں کے ساتھ میٹنگ مکمل ہو گئی ہیں۔میئر کراچی نے مختلف علاقوں کا دورا کیا ہے ۔کراچی میں محرم الحرام کے موقع پر 90 فیصد نامکمل ہیں۔جگہ جگہ گٹر کے ڈھکن کچرا پڑا ہوا ہے ۔ایام عزاء میں شہر کی مخدوش صورتحال کی ذمہ دار سندھ حکومت ہے ۔وزیر اعلی سندھ مراد علی شاہ اور میئر کراچی مرتضی وہاب اپنی ذمہ داری ادا کریں۔کے الیکٹرک کی ہڈ دھرمی بدستور جاری ہے بہت سے ایسے علاقے ہیں جہاں بجلی کی پریشانی ہیں جلوس کی گذرگاہیں اور مرکزی مجالس کے اوقات میں بجلی کی فراہمی معمول کے مطابق ہونی چاہیے بلدیاتی اداروں نے کہا کہ ہمارے پاس فنڈ نہیں ہیں فنڈ کا نا ہونا ہمارا مسئلہ نہیں ہے۔حکومتی برسر اقتدار جماعت گزشتہ 15 سالوں سے صوبے کی عوام کو لوٹ کر کھا رہی ہے، گزشتہ کئی سالوں سے محرم سے شہر کے مضافاتی علاقوں میں مجالس و جلوس عزاء کے راستوں کی صفائی ستھرائی سڑکوں کی مرمت، اسٹریٹ لائٹس کی تنصیب و بحالی، سوریج کے مسائل پر کوئی توجہ نہیں دی جارہی ہے اس بار بھی وہی روش رہی شہر کے مختلف اضلاع میں موجود حکومتی مشینری ڈی سی، اور ٹاون ناظمین حضرات فنڈ اور اختیارات کے نہ ملنے کا ہی رونا روتے رہے جس کے پس پردہ برسر اقتدار جماعت کی سندھ اور شہری حکومت کے کرپٹ حکمران ہیں جو محرم الحرام کے مختص فنڈ کو اپنی عیاشیوں کیلئے استعمال کرتے ہیں ۔

انہوں نے کہا شہر بھر میں بلدیاتی ایشور پر وفاقی اور صوبائی حکومتوں کو توجہ دینے کی ضرورت تھی ۔مساجد و امام بارگاہوں جلوس کی گزر گاہوں پر صفائی ستھرائی، لائس اور بجلی کی بلا تعطل فراہمی کیلئے اداروں کو پابند کیا جانا تھا مگر حکومت نے ان تمام معاملات میں سوائے عزاداروں دھوکا دیا۔صوبائی حکومت میں موجود وزراء کرپشن کے ریکارد قائم کر رہے ہیں اور تمام صورتحال کی ذمہ دار سندھ حکومت ہے۔عوام قدرتی آفات کرونا و سیلاب زدگان کا فنڈہڑپنے والوں کو مسترد کرتے ہیں کے الیکٹرک مافیا کے پیچھے بھی اسی حکومت کا ہاتھ ہے ۔

انہوں نے کہا کہ گزشتہ سندھ ہائیکورٹ کے مطابق سندھ حکومت میں ایک ہزار سے زائد افسران باقائدہ کرپشن اور نیب کی پلی بارگین میں ملوث ہیں ۔جنہیں آج تک حکومت نے فارغ نہیں کیا۔جو وجہ بنتے ہیں ترقیاتی کاموں کے نا ہونے پر ۔موجودہ شہر قائد اور سندھ کے دیہی علاقوں کی صوتحال اس بات کی گواہی دے رہی یے کہ حکومت کیا کام کر رہی ہے ۔سپریم کورٹ صوبائی عدالتیں بارہا یہ نشاندہی کر چکی ہیں کہ سندھ حکومت کرپٹ ترین حکومت ہے۔انہوں نے شہر میں برھتی ہوئی ڈکیتی کی وارداتوں پر تشویش کا اظہار کیا اور حکومت و ریاستی اداروں سے نیو رضویہ میں نوحہ خواں حسنین حیدر کے قتل میں ملوث ملزمان کی گرفتاری اور محرم الحرام میں مجالس و جلوس عزاء کی فل پروف سیکیورٹی اور لاپتہ شیعہ افراد کی بازیابی کا مطالبہ کیا۔کانفرنس میں مولانا حیات عباس نجفی، علامہ ملک عباس، مولانا اسحاق قرآیتی،قیصر رضا جعفری، ناصر الحسینی سمیت دیگر رہنما موجود تھے۔

وحدت نیوز(کراچی )مجلس وحدت مسلمین سندھ کے صدر علامہ باقر عباس زیدی نے کہا ہے کہ محرم الحرام کے مہینے میں نواسہ پیغمبر اکرم (ص) جناب سید الشہداء حضرت امام حسین علیہ السلام اور ان کے ساتھ باوفا ساتھیوں اور آپ علیہ السلام کے اہل و عیال نے دین مبین اسلام کی بقاء کی خاطر وقت کے یزید فاسق و فاجر حکومت کے خلاف قیام کرتے ہوئے راہ خدا وندی میں اپنی اور اپنے اہل و عیال کے ہمراہ قربانی پیش کی تا کہ رسول اکرم (ص) کا تعارف کردہ اسلام انحرافات اور خرافات سے محفوظ رہ سکے۔محرم الحرام۱۴۴۵ ہجری کی آمد کے ساتھ دنیا بھرکے گوشہ و کنار میں نواسہ رسول اکرم (ص) سید الشہداء حضرت امام حسین علیہ السلام اور آپ علیہ السلام کے با وفا ساتھیوں اور اہل و عیال کی قربانی کی یاد منانے کا سلسلہ شروع ہو چکا ہے ، سرزمین پاکستان پر بھی دنیا بھر کی طرح عاشقان رسول (ص) نواسہ رسول (ص) کی شہادت اور آپ علیہ السلام کے باوفا اور جانثار ساتھیوں او ر اہل و عیال کی قربانی کی یاد منانے کے لئے آمادہ ہو چکے ہیں اور ملک بھر میں مختلف مکاتب فکر سے تعلق رکھنے والے سید الشہداء کی یاد اور عزاداری کے اجتماعات کو حتمی شکل دے رہے ہیں تا کہ پیغمبر گرامی قدر حضرت محمد مصطفی (ص) اور خاتون جنت جناب سیدہ فاطمۃ الزہرا سلام اللہ علیہا کو ان کے فرزند ارجمند حضرت امام حسین علیہ السلام اور باوفاساتھیوں اور اہل و عیال کا پرسہ پیش کر سکیں۔

انہوں نے کہا کہ پاکستان میں بھی عاشقان مصطفی(ص) و عاشقان اہلبیت علیہم السلام قیام پاکستان سے قبل اور پاکستان کے قیام کے بعد سے سید الشہدا ء کی یاد مناتے آئے ہیں اور یہ سلسلہ پوری مذہبی عقیدت اور جوش و جذبہ کے ساتھ آج بھی جاری و ساری ہے۔لیکن افسو س کے ساتھ کہنا پڑتا ہے کہ گذشتہ تین دہائیوں سے مملکت خدداد پاکستان میں ملک دشمن اور اسلام دشمن قوتیں جہاں مملکت کے خلاف سازشوں میں مصروف عمل ہیں وہاں عزاداری سید الشہداء کو بھی دہشت گردی کا نشانہ بنا کر سید الشہداء اور ان کے باوفا ساتھیو ں اور اہل و عیال کی اسلام کی خاطر پیش کی جانے والی عظیم قربانیوں کو فراموش کرنا چاہتے ہیں اور اس حوالے سے حکومت بھی ان دہشت گردوں کا قلع قمع کرنے میں ناکام نظر آتی ہے سندھ حکومت سے مطالبہ کرتے ہیں کہ شہر کراچی سمیت اندرون سندھ تمام اضلاع میں عزاداری نواسہ رسول (ص) امام حسین علیہ السلام کے اجتماعات کو فول پروف سیکورٹی فراہم کی جائے ۔ہم وزیرا علیٰ سندھ اور شہر کراچی کی انتظامیہ سے بھی مطالبہ کرتے ہیں کہ شہر میں جگہ جگہ موجود کچرے کے ڈھیر اور سڑکوں پر بہتے گندے پانی کی صفائی کا فی الفور انتظام کیا جائے، حکومت سندھ اور شہری انتظامیہ کی جانب سے صفائی اور ستھرائی کے حوالے سے کئے گئے تمام تر اعلانات ابھی تک صرف اعلان ہی ہیں جبکہ عملی اقدامات انجام نہیں دئیے گئے جس کی ہم پر زور مذمت کرتے ہیں۔

انہوں نے مزید کہا کہ مجلس وحدت مسلمین پاکستان صوبہ سندھ کی جانب سے ماہ محرم الحرام سے ایام عزاء کے آغاز کے سلسلہ میں عزاداری ونگ کا قیام برادر زین رضا رضوی کی سربراہی میں کر دیاہے ، جبکہ عزاداری ونگ کراچی کی ذمہ داری برادر رضی حیدر رضوی انجام دیں گےیہ عزاداری سیل شہر بھر میں عزاداری سے متعلق معاملات کی 24/7مانیٹرنگ کرے گا اور پولیس سمیت رینجرز اور دیگر اداروں کے ساتھ انتظامی معاملات میں بھی کو آرڈی نیشن قائم کرے گا ، کراچی میں قائم کئے گئے عزاداری سیل میں مولانا صادق جعفری،مولانشان حیدر،محمد رضا،حسن رضا،حیدر زیدی ،مولانا ملک عباس ،کاظم عباس ،زیشان حیدر،محمد عباس،معبر رضا،احسن عباس،کلیم رضا، قیصر جعفری،رضوان رضوی،وسیم عباس،میثم عباس،انعام حیدر،زیشان رضوی شامل ہیں۔