وحدت نیوز(آرٹیکل) یہ کتاب، نجف اشرف کے علما اور طلاب سے شہید کی د و تاریخی تقریروں پر مشتمل ہے۔جب عراق کی بعثی حکومت کی طرف سے اسلامی نظریات کو نابود کرنے، مومنین،علما اور طلاب کو ملک بدر،شکنجہ واذیتوں کا سلسلہ شروع ہوا توایسے میں شہید نے ان حالات کے پیش نظر پہلی تقریر میں اس امتحان و آزمائش کے مختلف پہلووں، علما کے طرزفکر اور حوزہ ہائے علمیہ کے امت کے ساتھ ارتباط کے مراحل کو بیان کیا اور دوسرے خطاب میں ابتلا وآزمائش کے قرآنی مفہوم پر روشنی ڈالی۔

شہیدؒ آزمائش کے بارے میں اسکے دو پہلووں کا ذکر کرتے ہوئے فرماتے ہیں: آزمائش کا موضوعی پہلو یعنی وہ حالات،ماحول اور خارجی اسباب جو کسی آزمائش کو وجود میں لاتے ہیں اور ذاتی پہلو سے مراد جس شخص پر امتحان آیا ہے اس کا ذاتی موقف اور اس کا شعور اور ادراک اور اس کا مثبت یامنفی کردار ہے جو اس امتحان میں موثر ہے۔ پھرفرماتے ہیں کہ آزمائش کے موقع پر انسان، تین قسم کے موقف ا پنا سکتا ہے اور اپنے تصور کے مطابق قدم اٹھا تا ہے۔ پہلا احساس انفرادی اور شخصی،دوسرا علاقائی اور وطنی اور تیسرا احساس آفاقی اور دینی احساس ہے۔ اس گفتگوکے بعد شہید اس وقت کردوں و عربوں کی جنگ اور ملت عراق کو درپیش مشکل(جہاں حوزہ علمیہ کے وجود،علما اور طلاب کی جان کو خطرات لاحق تھے) کو بطور مثال پیش کر کے ان تینوں احساسات کی وضاحت کرتے ہیں اور اس سلسلے میں مسائل کو انفرادی اور علاقائی نکتہ نظر سے بالاتر ہو کر دین اور شریعت کی نگاہ سے دیکھنے پر زور دیتے ہیں اور اس سلسلے میں علما اور طلاب کی ذمہ داری کو بیان کرتے ہیں۔

حوزہ ہاے علمیہ کے چار مراحل:
آخر میں حوزہ ہای علمیہ نے جن مراحل کو امام عصر کی غیبت سے اب تک طے کیا ہے، کویوں بیان کرتے ہیں کہ ن میں سے پہلا مرحلہ انفرادی روابط کا مرحلہ، ائمہ اطہار کے شاگردوں کے زمانے سے شروع ہو کر علامہ حلی کے زمانے تک ہے جہاں مومنین انفرادی طور پر علما سے رابطہ کرتے تھے۔ دوسرے مرحلے میں مرجعیت کا نظام شہید اول سے شروع ہوا اور تیسرے مرحلے میں مرکزیت اور ہم آہنگی کا زمانہ ہے جو کہ شیخ محمد حسین کا شف الغطا سے شروع ہوا۔ اور بالاخر چوتھا مرحلہ قیادت ورہبری کا ہے اور علما اور فقہا نے ہمیشہ دین اور آفاقی احساس کے تحت اپنی ذمہ داریوں کو ادا کیا۔

آزمائش کافلسفہ اور ہمار طریقہ کار:
دوسرے حصے میں ابتلا وآزمائش کے قرآنی مفہوم کے ذیل میں شہید فرماتے ہیں کہ ہمیں اپنے نفس کا محاسبہ کرنا چاہئے اور اس سلسلے میں دو عامل بہت ہی اہمیت کے حامل ہیں۔

۱۔ خداوندعالم سے مکمل اور بھر پور تعلق و رابطے کے احساس کانہ ہونا، ۲۔ ہمارے معاشرے کی بے عملی۔ اس حالت سے نجات کے لیے ضروری ہے بعض نکات کی طرف توجہ دی جائے۔
۱۔جذبہ ایثار اور قربانی:
یعنی شخصی اور انفرادی مفادات کو اجتماعی مفادات پر قربان کرنے کا جذبہ انسان میں وجود میں آئے۔

۲۔ اسلوب عمل میں تبدیلی:
ایک باعمل انسان کو اپنے عقائد ونظریات پر پابند رہتے ہوئے ان پر عمل کرنے کے اسلوب میں لچک اور تبدیلی لانی چاہیے کیونکہ دینا کے ماحول،مسائل،مشکلات او ر ضروریات بدل گئی ہیں۔

۳۔ حسابی عقل اور سماجی عقل:
آخرمیں شہید نے عقل کے دو انداز بیان کیے ہیں جن میں سے ایک عقل ریاضی اور دوسرے کو عقل اجتماعی کے نام سے یاد کرتے ہیں۔ اور اجتماعی مشکلات کے اصل سبب کو ان امور میں بھی ریاضی اور اصولی عقل کا استعمال قرار دیتے ہیں اور اجتماعی مسائل میں عقل اجتماعی کے استعمال پر تاکید کرتے ہیں۔آپ فرماتے ہیں

”اجتماعی مسائل اجتماعی شعور سے وابستہ ہیں اور یہ اجتماعی شعور فکر کی پختگی،تجربات،زمانے کے حالات اور عالمی مسائل سے واقفیت کے ذریعے ہوتا ہے۔ لہٰذا ضروری ہے کہ ہم اپنی آنکھیں کھول کر دنیا کو دیکھیں اورعالمی مسائل اور تجربات سے واقفیت حاصل کریں۔

وحدت نیوز(احادیث) ایک شخص امیر المومنین علی علیہ السلام کے پاس آیا اور کہا:یا امير المؤمنين إني قد حرمت الصلاة بالليل، فقال أمير المؤمنين:أنت رجل قد قيدتك ذنوبك

اے أمير المؤمنين!میں نماز شب سے محروم ہو گیا ہوں ۔
آپ علیہ السلام نے فرمایا:تجھے تیرے گناہوں نے تجھے جکڑ رکھا ہے ۔
(گویا گناہوں کی وجہ سے انسان نماز شب پڑھنے سے محروم ہو جاتا ہے)

?کافی ج3 ص450
?بحار الانوار ج84 ص146
?علل الشرایع ج2 ص362
?تہذیب الاحکام ج2 ص122
?تفسير کنز الدقائق ج7 ص479

کردار سازی کونسل مجلس وحدت مسلمین پاکستان

وحدت نیوز(آرٹیکل)فقيل له: يا ابن رسول الله ومن القائم منكم أهل البيت؟ قال الرابع من ولدي ابن سيدة الإماء، يطهر الله به الأرض من كل جور، ويقدسها من كل ظلم، [وهو] الذي يشك الناس في ولادته، وهو صاحب الغيبة قبل خروجه، فإذا خرج أشرقت الأرض بنوره ، ووضع ميزان العدل بين الناس فلا يظلم أحد أحدا، وهو الذي تطوي له الأرض ولا يكون له ظل، وهو الذي ينادي مناد من السماء يسمعه جميع أهل الأرض بالدعاء إليه يقول: ألا إن حجة الله قدظهر عند بيت الله فاتبعوه، فإن الحق معه وفيه، وهو قول الله عز وجل: "إن نشأ ننزل عليهم من السماء آية فظلت أعناقهم لها خاضعين "

امام زمان عجل اللہ تعالیٰ فرجہ کے بارے میں ایک حدیث میں امام رضا علیہ السلام ارشاد فرماتے ہیں.
جب آپ سے کسی نے عرض کیا آپ اھلبیت ع میں سے قائم کون ہیں؟

آپ نے فرمایا: میرا چوتھا فرزند جو کنیزوں کے سردار کا بیٹا ہے جس کے ذریعے اللہ تعالیٰ زمین کو ہر قسم کے ظلم و ستم سے پاک کرے گا.(قائم) وہی ہے جس کے ولادت کے سلسلہ میں لوگ شکوک میں مبتلا ہونگے اور اس کے لیے خروج سے پہلے طویل غیبت ہوگی۔

جب وہ ظاہر ہوگا تو زمین اسکے نور سے روشن ہوگی. اور لوگوں کے درمیان عدالت قائم ہوگی پھر کوئی کسی پر ظلم نہیں کرے گا.اور اس کے لئے طی الأرض ہوگا اور اس کا سایہ نہیں ہوگا اور اسی کیلئے ایک منادی آسمان سے ندا دیتے ہوئے کہے گا اے زمین میں بسنے والے تمام افراد حجت خدا خانہ کعبہ کے پاس ظاہر ہوچکی ہے پس اس کی پیروی کریں کیونکہ حق اسی کے ساتھ ہے(اس ندا کو زمین میں بسنے والے سب سنیں گے)
اور یہ وہی ہے جسے اللہ نے اس آیت میں بیان فرمایا ہے کہ (اگر ہم چاہیں تو آسمان سے ان پر اپنی نشانی نازل کریں گے پھر ان کے گردنیں اس کے سامنے جھکیں گے)۔

?اکمال الدین و اتمام النعمة ص 400
سورہ شعراء 4

ترتیب:مرکزی کردار سازی کونسل مجلس وحدت مسلمین پاکستان

وحدت نیوز(گلگت )صوبائی سیکریٹریٹ گلگت میں مجلس وحدت مسلمین شعبہ خواتین کی سینئر رہنماؤں کا اہم اجلاس منعقد ہوا صوبائی ترجمان محترم غلام عباس محترمہ  سائرہ ابراہیم نے اجلاس کی صدارت کرتے ہوئے سابق وزیراعظم عمران خان پر ہونے والے حملے کے شدید الفاظ میں مذمت کرتے ہوئے کہا کے نہ کوئی وطن فروش ہے اور نہ کوئی غدار ہے آزادی مارچ کا مقصد صرف جائز حقوق ہے جو کے ہر شہری کا حق ہے۔ انہوں نے کہا کے پاکستان میں سیاسی معاشی استحکام کا حل صرف صاف شفاف الیکشن پر منحصر ہے مقتدر قوتوں کو چاہیے کے وہ الیکشن کے ذریعے فیصلہ کرنے دیں۔

 انہوں نے کہا کے ملک کو بحران سے نکالنے کا واحد حل صرف الیکشن اور نئے آرمی چیف کی تعیناتی ہے مزید کوئی حماقت کی گئی تو یہ پاکستان کو بربادی کی طرف لے جانے کی مترادف ہو گی۔ انہوں نے کہا پاکستانی عوام پر امن رہتے ہوئے احتجاج ریکارڈ کروا رہے ہیں جو کہ انکا قانونی حق ہے عوام خاندان در خاندان سیاسی نظام سے تنگ آچُکے ہیں۔

 انہوں نے کہا کے ملک کے اندر کا سارا سسٹم تباہی کے دہانے پر کھڑا ہے مہنگائی بے روزگاری اور تعلیم صحت سب کا نظام درہم برہم ہے انہوں نے کہا کے اب عوام کے صبر کا پیمانہ لبریز ہو چکا ہےاگر الیکشن کا انعقاد جلد نہ کیا گیا تو ملک بھر سمیت گلگت بلتستان میں بھی آزادی مارچ کا آغاز جلد کیا جائے گا اور ملک بھر کی طرح گلگت بلتستان میں بھی خواتین پرامن آزادی مارچ منعقد کریں گے۔